โครินธ์ เนอบ่า ต๊าบ่า 4:16 - ลีเทส่อพ๊าอาเซ เร๊อ เห่ขุทวาลู๊

¹⁶ เด๊อ เออเต๊เห่ อาขว่าอาคยาเร๊อ เป ซิปล่อปย๊า ตีกี๋ โต่. เปเหน่กล่อ อาอ๊าอาเหร่ โตโพ๊ตี๊กิ, โตโพ๊ตี๊กิ อา อ๊าเจ่เหร่เจ่ แฮ หม่าแน๊เรอ เป ซิปล่อ เออเนอ, เตอเนอ เร๊อ เตอเนอ อา อ๊าฉว่าอ๊าชอแถ่ แพ๊.

Eastern Kayah Shadaw Dialect

¹⁶ ꤘꤣ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ꤕꤛꤢ ꤒꤣꤧ꤬ꤊꤤ꤬꤮ ꤒꤥ꤬꤯ ꤕꤢꤩ꤬ꤔ꤫ꤢꤩ꤬ꤊꤜ꤫ꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤒꤣ꤬ꤖꤥꤒꤣ꤬ꤊꤤ꤬, ꤒꤣ꤬ꤖꤥꤒꤣ꤬ꤊꤤ꤬ ꤢ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤟꤢꤧ꤭ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤞꤤꤕꤜꤢꤪ꤬ ꤣꤧ꤭ꤔꤣꤧ꤬, ꤒꤣ꤬ꤔꤣꤧ꤭ ꤔꤢꤧ ꤒꤣ꤬ꤔꤣꤧ꤭ ꤢ꤬ ꤟꤢꤧ꤭ꤏꤝꤢ꤬ꤟꤢꤧ꤭ꤏꤢꤪ꤭ꤓꤢꤧ꤬ ꤖꤢꤧ꤯

โครินธ์ เนอบ่า ต๊าบ่า 4:16 ပူးပေါင်းရင်းမြစ်များ

โคโลสี 3:10

เร๊อ ซี กือแซ๊แถ่เฮ๊อ เตโอ่เซอเพร อาเซ เด๊อ จอแปแหร่ แบ๊เต๊เปล่เซ เออเนอ เฮ๊อ. แซ่ฮู๊ ซี เก่ ซิเง ตาเตแร๊ อาเงเนอ, จอแปแหร่ เมทวาแถ่ แซ่แฮ เฮ๊อ ซี เน๊อ อาเหน่ เฮ๊อ.

ꤚꤥꤗꤢꤩ꤬ 12:2

โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.

โครินธ์ เนอบ่า ต๊าบ่า 4:1

ฮู๊เนอเรอ เป ซิปล่อปย๊า โต่, เมเตเฮ๊เรอ เด๊อ จอแปแหร่ อาบุ๊ยอาเตอเรอ อาขว่าอาคยา, อา เด๊อะตา เป เตเม เด๊อ เป เก่ แด๊โฉ่โด่แน เป่ อู เร๊อ เตอ๊อแล อาเซ เออเนอ เฮ๊อ.

เอเฟซัส 3:16

จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

ꤚꤥꤗꤢꤩ꤬ 7:22

เด๊อ แว ซิปล่อกู เนอ แว โม แหน่เจ๊อ จอแปแหร่ อา เตซว๊าเตแส่ เจ๊อ.

ꤒꤤꤒꤢꤨ 3:5

เตเด๊อ อา เมแลเปล๊กา เป เออเนอหมา หม่าเด๊อ เป แหน่แบ่เจ่ เร๊อดื่อ เม อาจ๊ออาเต อาคยา เนอ หม่าโต่, หม่าเด๊อ อา ซิยอ เร๊อดื่อ เป ขว่าคยา อา เมแลเปล๊กา เป แพ๊. เด๊อ แหย่โยบูโพ๊ แบ่เจ่ อา เตโพรเตเตอเรอ อาขว่าอาคยาเร๊อ, อา ซู๊ปลีแก เป, โทเรอ อา เด๊อ เป เตโอ่เป๊เจ่แล อาเซ เร๊อ เตโอ่เซอเพร อาเซ เต๊เห่.

เปโตร อาเหร่อเล๊อ ต๊าบ่า 3:4

หม่าแน๊เรอ, ทวา แลแค แกแย เด๊อ อา ตี๊หรี่ตว่าแร๊ อาซิปล่อ ฮ๊อกู เนอเต๊เห่ นี๋. ซี โตเบ่ ซิปล่อ ซิโดซิงา, ซี โตเบ่ ซิปล่อ ตู๊จู่เตอเจ๊อ. เตตว่าเตแร๊ ฮู๊เออ เต๊เห่เนอ, อา โอ่ข่างยา เร๊อ จอแปแหร่ แด่ งูดุงูชอ แหน่เจ๊อ อาเจ๊อ.

เอเฟซัส 4:23

อู อิซว๊า โทเฮ๊อ ซีเน๊อ นอ แหย่โย บูโพ๊แบ่เจ่ เมเซแถ่ เต๊เปล่ ซี ซิปล่อ อาเตเตเน เนอเต๊เห่.

โครินธ์ อาเหร่อเล๊อ ต๊าบ่า 15:58

ฮู๊เนอเรอ, แว โคแบ๊ซว๊า ซี, กู๊แหน่เรอ ก๊อถ่อ แตแนแร๊ แลแค เร๊อ โอ่หม่าโอ่กลอ แลแค เด๊อ ซี เตหยื่อ อากูเนอ นี๋. เม ฉว่าฉว่า แลแค จอแปแหร่ อาเตเม ปว๋า โตโพ๊ นี๋, เมเตเฮ๊เรอ ซี เม แบ่เจ่ อาเตเม เนอ อา แกเด เด๊อ ซีเง โต่.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

ꤜꤢꤨꤊꤢ꤬ 11:3

เด๊อะเป่ เป เหล่เอ่เหล่โอ เด๊อ เป โหล่เบ่อา เตอเนอ เร๊อ เตอเนอ อาเง เออเนอ เต๊เห่ นี๋.

เปโตร อาเหร่อเล๊อ ต๊าบ่า 4:14

เก่ ซี ข่าเบ่ เตเป๊อเจ่ออิแช๊ เด๊อ ซี ครวาเกอ ครี๊ อาคยา เก่เฮ๊เรอ ซี พย๊าหนิ เตเด๊อะบุ๊ยเด๊อะเตอเรอ, เมเตเฮ๊เรอ จอแปแหร่ อา แหย่โยบูโพ๊ เด๊อ เตอเรอดุเตอเรอทู เออเนอ, อา โอ่เต่อเกอ เร๊อ ซี เฮ๊อ.