โครินธ์ เนอบ่า ต๊าบ่า 4:12 - ลีเทส่อพ๊าอาเซ เร๊อ เห่ขุทวาลู๊

¹² เด๊อ เป แด๊โฉ่โด่แน เป่ อู เตซิครือมีลา อาขว่าอาคยา, เป แม๊เถอะ โตโมโม เจ๊อเร๊อ อู เตเร เมเซอ เป. หม่าแน๊เรอ เด๊อ เป แม๊เถอะ ฮู๊เออ อาขว่าอาคยา, ซี พย๊าหนิ เตเซอเพร เฮ๊อ.

Eastern Kayah Shadaw Dialect

¹² ꤘꤣ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤕꤢꤩ꤬ ꤗꤢꤧꤓ꤫ꤣꤧ꤬ ꤒꤣꤧ꤬ꤗꤥ꤭ꤗꤥ꤭ ꤡꤣꤧꤔꤢꤧ ꤢꤨ꤭ ꤊ꤫ꤢꤦ꤬ꤚꤢꤩ꤭ ꤗꤢꤩ꤬ꤞꤣꤧ꤭ ꤕꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤟꤢꤨꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤞꤤ꤭ ꤔ꤫ꤤ꤬ꤙꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 4:12 ပူးပေါင်းရင်းမြစ်များ

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

ฟีลิปปี 2:30

เมเตเฮ๊เรอ, ซี ย๋อ เมจว่าเบ๊ แว โต่ อาขว่าอาคยา, แซ่ฮู๊ อา เก่ เมจว่า แว อาเงเนอ, เด๊อ ครี๊ อา เตเอ่เตแร อาเง เนอ, อา โอ่ผื่อ เจ๊อ เร๊อ เตเซอ เจ๊อ.

โครินธ์ เนอบ่า ต๊าบ่า 4:11

เป เตโอ่เซอเพร เออตือทือ แกแย เนอ, เป ย๋อ ครวา เหย่ซู่ คยา อาขว่าอาคยา, เป เบ่ แม๊เถอะเบ่ เน๊อ เตต๊อหร่อเซ๊ ซิอิเช เด๊อ อู เก่ เมเซอ เจ๊อ เป เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปเหน่กล่อ เด๊อ เตอเนอเค ปา อา เซอแจ่เออ อากูเนอ, เป เบ่ แม๊เถอะเบ่ ฮู๊เออ แพ๊.

โครินธ์ เนอบ่า ต๊าบ่า 4:13

ลีเทส่อพ๊ากู เฮ๊ เน๊อ, “แว หยื่อเอ่ จอแปแหร่, เร๊อ แว เก่ เฮ๊โฉ่โล เป่ อู ปา,” อา แซ่ฮู๊ เนอเฮ๊อ, เป หยื่อเอ่ จอแปแหร่ อาขว่าอาคยา, เป เก่ เฮ๊โฉ่โล เป่ เกออู เร๊อ ครี๊ อา เตซิครือมีลา อาหรี่อาแก ปา.