โครินธ์ เนอบ่า ต๊าบ่า 3:8 - ลีเทส่อพ๊าอาเซ เร๊อ เห่ขุทวาลู๊

⁸ เตซว๊าเตแส่ เออ อา เก่ แฮ เจ๊อ เร๊อ อา เตลีเตเค ฉว่าชอ บ๊าเออ เจ๊อ เก่เฮ๊เรอ เตอ๊อแล อาเซ เออเนอ อา เก่ ลีเตเค ฉว่าชอเล๊อ แหน่ เฮ๊อ เร๊อ เตซว๊าเตแส่ เออเนอ เฮ๊อ. เตอ๊อแล อาเซ เออเนอ อา เด๊อะเฮ๊อ เป แหย่โยบูโพ๊ แบ่เจ่ เด๊อ อา เด๊อะ เป เตเซอเพร เออเนอ เตเพร เฮ๊อ.

Eastern Kayah Shadaw Dialect

⁸ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ ꤢ꤬ ꤊꤢꤩ꤬ ꤟꤢꤧ꤭ ꤡꤣꤧ ꤔꤢꤧ ꤢ꤬ ꤒꤢꤩ꤬ꤜꤤ꤭ꤒꤣꤧ꤬ꤋꤢꤩ꤭ ꤏꤝꤢ꤬ꤏꤢꤪ꤭ ꤙꤢꤣꤧ꤭ ꤡꤣꤧ ꤊꤢꤩ꤬ꤟꤢꤩꤚꤣꤧ꤬ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤢ꤬ ꤊ꤫ꤢꤦ꤬ ꤜꤤ꤭ꤒꤣꤧ꤬ꤋꤢꤩ꤭ ꤏꤝꤢ꤬ꤏꤢꤪ꤭ꤜꤣ ꤔꤢꤧ꤭ ꤟꤣꤧ ꤔꤢꤧ ꤒꤢꤩ꤬ꤞꤝꤢꤒꤢꤩ꤬ꤞꤢꤧ꤬ ꤣꤧ꤭ꤔꤣꤧ꤬ ꤟꤣꤧ꤯ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ ꤣꤧ꤭ꤔꤣꤧ꤬ ꤢ꤬ ꤘꤣꤧꤟꤣꤧ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤘꤣ ꤢ꤬ ꤘꤣꤧ ꤕꤢꤩ꤬ ꤒꤢꤩ꤬ꤞꤣꤧ꤭ꤖꤚꤢꤩ꤬ ꤣꤧ꤭ꤔꤣꤧ꤬ ꤒꤣ꤬ꤖꤚꤢꤩ꤬ ꤟꤣꤧ꤯

โครินธ์ เนอบ่า ต๊าบ่า 3:8 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 3:16

ซี หม่า จอแปแหร่ อา เตหลู่เเตโฮ เร๊อ แหย่โยบูโพ๊ แบ่เจ่ เด๊อ อา โอ่ เด๊อ จอแปแหร่ อา โอ่ เออเตเพร แฮ โน โอ่เซอเพร เด๊อ ซีเหน่ลู เนอหม่า ซี ซิเง แหน่ โต่ แอ?

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

ꤊꤢ꤬ꤜꤢ꤬ꤒꤤ 3:14

แซ่ฮู๊ แกแยยิวพู๊ หม่าโต่ เต๊เห่ เก่ พย๊าหนิ เกอดื่อ เตบุ๊ยเตเตอเรอ เนอเรอ, เหย่ซู่ครี๊ แฮอิถ่ากา โท ลอ เป่ เฮ๊อ เป เฮ๊อ. เตเด๊อะบุ๊ยเด๊อะเตอเรอ เออเนอ, อา แซ่เฮ๊อ เน๊อ จอแปแหร่ อ๊อแลแก เพ อับราฮัม มู๋ หนู่เค เนอ เฮ๊อ. โท๊โต่ จอแปแหร่ อ๊อแล โทเฮ๊อ เน๊อ อา เก่ เด๊อะตา เป แหย่โยบูโพ๊ แบ่เจ่ ปา. แซ่ฮู๊ แกแย เด๊อ อา หยื่อเอ่ เหย่ซู่ เต๊เห่ เก่ พย๊าหนิ แหย่โยบูโพ๊ แบ่เจ่ ปาเนอเรอ, เหย่ซู่ แฮ อี๊ถ่า เป แพ๊.

เปโตร อาเหร่อเล๊อ ต๊าบ่า 1:2

เพ จอแปแหร่ นว๊าแถ่ หนิ ซี ฮู๊ อา เตเตเนหนื่ออื่อ เร๊อดื่อเนอ เร๊อ จอแปแหร่ อา แหย่โยบูโพ๊ เมบูโพ๊แถ่ ซี, แซ่ฮู๊ ซี เก่ หนิดา เหย่ซู่ครี๊ อาโหง่ เร๊อ เด๊อ อาสุ่ย อาขว่าอาคยา, อา เก่ เมโพ๊เมปลี เป่ ซี. เตบุ๊ยเตเตอเรอ เร๊อ เตเพรอาดือ เก่ โอ่เล๊อะโอ่บา ดื่อ เร๊อ ซี นี๋.

เธสะโลนิกา เนอบ่า ต๊าบ่า 2:13

โป่แหว่ ซี๋, ซี หม่า แกแย เด๊อ แบ่เจ่ โมหนิเร๊อ ซีเต๊เห่ เร๊อ เป เบ่ เฮ๊บุ๊ยเฮ๊เตอเรอ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ แซ่ฮู๊ ซี เก่ พย๊าหนิ เกอ เตเมแลเปล๊กา อาเงเนอ, จอแปแหร่ นว๊าแถ่ หนื่ออื่อ โทเฮ๊อ ซี เด๊อ กูลู่เค ปาเนอ เจ๊อ เฮ๊อ. เด๊อ แหย่โยบูโพ๊ แบ่เจ่ เมบูโพ๊ เฮ๊อ ซี เร๊อ ซี หยื่อเอ่ เตหมะเตจ๊อ อาขว่าอาคยา, จอแปแหร่ เมแลเปล๊กา ซี เฮ๊อ.

ꤛꤥ꤭ꤟꤢ꤬ 1:17

จอแปแหร่ เด๊อะตา เตซว๊าเตแส่ เร๊อ คูโมเสส เร๊อ คูโมเสส เด๊อะตา แฮเง เน๊อ เป, ตื๊อดื่อเร๊อ เหย่ซู่ครี๊ หม่า หม่าเฮ๊อ แกแย เด๊อ อา เด๊อะตา เป่ เป เตบุ๊ยเตเตอเรอ เร๊อ เตหมะเตจ๊อ.

ꤊꤢ꤬ꤜꤢ꤬ꤒꤤ 5:5

หม่าแน๊เรอ เด๊อ แหย่โยบูโพ๊ แบ่เจ่ อาขว่าอาคยาเร๊อ, เป หยื่อเอ่เกอเร๊อ เปเหน่ เร๊อ จอแปแหร่ เก่ แด่จ๊อแด่เต เป, เมเตเฮ๊เรอ เป หยื่อเอ่หนิ เหย่ซู่ครี๊. เป โอ่ป่อแม๊ชือ หม่าแหน่ เจ๊อ เตเออเนอ เฮ๊อ.

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ เนอบ่า ต๊าบ่า 3:17

แบ่เจ่ เด๊อ แว รา อาหรี่อาแก เออเตเพร เนอหม่า แหย่โยบูโพ๊ แบ่เจ่ เฮ๊อ. ล๋อ แกแย เด๊อ อา พย๊าหนิเฮ๊อ แหย่โยบูโพ๊ แบ่เจ่ เต๊เห่เนอ, แหย่โยบูโพ๊ ปลวาเถ่ปาลา จว๊า ลา ลู เฮ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

ꤛꤥ꤭ꤟꤢ꤬ 7:39

เทอ เด๊อ อาเด๊อะ อู ซิปล่อเซอเพร เด๊อ แบ่เจ่ เหย่ซู่ เฮ๊ เออเนอหมา หม่า แหย่โยบูโพ๊แบ่เจ่ แพ๊. อูเปเป๋ เบ่เบ่ เด๊อ อา หยื่อเอ่ ลู เต๊เห่เนอ, อา เก่ พย๊าหนิ ปา. แบ่เจ่ เหย่ซู่ พย๊าหนิ แล๋ เตเตอเรอดุ เตอเรอทู โต่, เมเตเฮ๊เรอ อา เซอ ก๊อถ่อกาคยา เร๊อ อา กา กี๊แถ่ เด๊อ ม๊อขุ ล๋ายโต่. ฮู๊เนอเร๊อ จอแปแหร่ อา แหย่โยบูโพ๊ แฮโนโอ่ เด๊อ เหย่ซี ซิปล่อกู เตเพร่ว ล๋ายโต่.

โครินธ์ เนอบ่า ต๊าบ่า 3:7

เด๊อ เนอเค เบ๊อะจอแปแหร่ รา เตซว๊าเตแส่ เออเต๊เห่ เด๊อ หล่อบ่าลู เร๊อ อา เด๊อะตา เร๊อ คูโมเสส เบ๊อะเนอ, จอแปแหร่ อา เตโพร เออเนอ อา ลีเตเค แถ่โล. เร๊อ เตลีเตเค ตา เด๊อ คูโมเสส อาเป๊เส่ลู เออเนอ, อา เตเคชอ เป่ แหน่เจ๊อ เด๊อ อิสราเอลพู๊ เต๊เห่ อาเง อาขว่าอาคยา เหย่ซี แม๊บื่อ เจ๊อ ลูเป๊เส่ โต่. หม่าแน๊เรอ เตเตเค เออเนอ อา ลีตื๊อดื่อ โต่, อา โอ่เหม่ คยา แพ๊.

โครินธ์ เนอบ่า ต๊าบ่า 3:9

เตอ๊อแล อาเลอ เด๊อ อา พย๊าแฮ แพ๊ เตเซอ เออเนอ, อา เก่ โอ่ เร๊อ อาลีอาเตเค ฉว่าชอ เก่เฮ๊เรอ, เตอ๊อแล อาเซ เด๊อ อา เมจ๊อเมเต เฮ๊อ เป เด๊อ จอแปแหร่ อาเป๊เส่เง เออเนอ, อา เตลีเตตาเค ฉว่าชอ เก่ ดุเล๊อ เจ๊อแหน่ เฮ๊อ เร๊อ เนอ เฮ๊อ.