เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.
โครินธ์ เนอบ่า ต๊าบ่า 3:18 - ลีเทส่อพ๊าอาเซ เร๊อ เห่ขุทวาลู๊18 กู๊แหน่เออ เต เด๊อ อา โฮ๊ ตาตือ บี๊ ล๋อ เป เด๊อ อา หยื่อเอ่ เหย่ซู่ เออเต๊เห่ อาเป๊เส่ เนอ อา โอ่ ปา เตอเจ๋อ โต่. ฮู๊เนอเรอ, กู๊แหน่เออ เป แม๊เถอะ แฮเง ลา เฮ๊อ แบ่เจ่ อา เตลีเตตาเค เร๊อ เป ทวาแถ่ แซ่เฮ๊อเร๊อ หม่าโด่ เด๊อ อา ลีช๊าเตเค กาคยา แบ่เจ่ อา เตลีเตเค เต๊เห่เนอ เฮ๊อ. เป แม๊เถอะ แฮเง ลา เฮ๊อ แบ่เจ่ อาลีเตเค, เร๊อ แหย่โยบูโพ๊ แบ่เจ่ เม เป่ เฮ๊อ เป เด๊อ เป เก่ แซ่แฮ เร๊อ แซ่แฮ, แซ่เฮ๊อ เร๊อ เป แบ่เจ่ เด๊อ อา เตอเรอดุทู เออเตเพรเนอ เฮ๊อ. အခန်းကိုကြည့်ပါ။Eastern Kayah Shadaw Dialect18 ꤊꤢꤨꤔ꤫ꤢꤧ꤬ꤣꤧ꤭ ꤒꤢꤩ꤬ ꤘꤣ ꤢ꤬ ꤟꤥ ꤒꤢ꤭ꤒꤢꤦ꤭ ꤙꤤ ꤜꤢꤪ꤭ ꤕꤢꤩ꤬ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤛꤢꤩ꤬ꤏꤛꤢꤨ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤕꤣꤧꤞꤢꤩ꤬ ꤔꤣꤧ꤬ ꤢ꤬ ꤥ꤬ ꤕꤢ꤬ ꤒꤣ꤬ꤡꤣ꤬꤮ ꤒꤥ꤬꤯ ꤟꤢꤨꤔꤣꤧ꤬ꤚꤣꤧ꤬, ꤊꤢꤨꤔ꤫ꤢꤧ꤬ꤣꤧ꤭ ꤕꤢꤩ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤑꤢꤩ꤭ ꤜꤥ꤬ ꤟꤣꤧ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤚꤣꤧ꤬ ꤕꤢꤩ꤬ ꤓꤝꤢ꤭ꤓꤢꤧ꤬ ꤞꤢꤧꤟꤣꤧꤔꤢꤧ ꤗꤢ꤭ꤘꤥ꤬ ꤘꤣ ꤢ꤬ ꤜꤤ꤭ꤏꤢꤒꤣꤧ꤬ꤋꤢꤩ꤭ ꤊꤢ꤬ꤋꤛꤢ꤭ ꤙꤢꤧ꤬ꤡꤢꤩ꤬ ꤢ꤬ ꤒꤢꤩ꤬ꤜꤤ꤭ꤒꤢꤩ꤬ꤒꤣꤧ꤬ꤋꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤟꤣꤧ꤯ ꤕꤢꤩ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤑꤢꤩ꤭ ꤜꤥ꤬ ꤟꤣꤧ ꤙꤢꤧ꤬ꤡꤢꤩ꤬ ꤢ꤬ꤜꤤ꤭ꤢ꤬ꤒꤣꤧ꤬ꤋꤢꤩ꤭, ꤚꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤗꤢꤩ꤬ ꤕ꤫ꤢꤩ꤬ ꤟꤣꤧ ꤕꤢꤩ꤬ ꤘꤣ ꤕꤢꤩ꤬ ꤊ꤫ꤢꤦ꤬ ꤞꤢꤧꤟꤢꤧ꤭ ꤔꤢꤧ ꤞꤢꤧꤟꤢꤧ꤭, ꤞꤢꤧꤟꤣꤧ ꤔꤢꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤘꤣ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬ ꤟꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 3:18
24 ပူးပေါင်းရင်းမြစ်များ
โอ่เซอเพร แม๊บือเกอ เต ฮู๊ แกแย เด๊อ อา ซิเง เกออู จอแปแหร่ โต่ เนอเต๊เห่ อาเหล่โกล โอ่เซอเพร เนอแต่เหม่ นี๋. แซ่ฮู๊ ซี เก่ โอ่เซอเพร โค๊ดื่อ เร๊อ เหย่ ซีเนอ เร๊อ, นอถู่แหล่ เต๊เปล่เซ โค๊แก ซี เหล่เตเน เต๊เห่เนอ เร๊อ จอแปแหร่ เนอ นี๋. ซี เก่ เมฮู๊เนอ ตื๊อหม่า ซี ซิเงแฮเบ๊ แพ๊ เต เด๊อ จอแปแหร่ ซิหยื่อ นอเม ซีเนอ เต๊เห่ แพ๊. ตื๊อเรอ ซี เก่ ซิเงแฮ เตแร๊, เตเมโม จอแปแหร่ อาซิปล่อ, เร๊อ เตซิเง เล๊อบาแฮ จอแปแหร่ อา เตซิหยื่อ เต๊เห่ ปา แพ๊.
โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.
แซ่ฮู๊เนอเฮ๊อ เต เด๊อ เป ซิเง กู๊แหน่เออ เต๊เห่ เนอหม่า อา แซ่แพ๊ เร๊อ เป แม๊ มาโด่ เด๊อ อา โล อ๊อโหร่ เต๊เบ่ เนอ แพ๊. หม่าแน๊เรอ เด๊อ คยา ปาเนอ ม๊อเนอม๊อเซ เด๊อ เป เก่ แม๊เถอะ ตาฉื่อ เจ๊อ จอแปแหร่ เร๊อ เปเหน่ ปา เนอ, อา เก่ แฮโต่ ปา, เร๊อ เป เก่ ซิเงโปล ลอ ปว๋า เต๊อเจ่อ เจ๊อ ปา. กู๊แหน่เรอ เป ซิเงโปล ลอ แต่ล๋าย จอแปแหร่ โต่ หม่าแน๊เรอ เบ๊อะเนอเค ปา เนอ, เป เก่ ซิเง ตาเต ลอ ฮู๊ จอแปแหร่ ซิเง ตาเต ลอ เป เนอ ปา.
เมเตเฮ๊เรอ, แกแย เด๊อ อา เตเร หยื่อเอ่ จอแปแหร่ เต๊เห่เนอ, อา ซิเง หนื่ออื่อ เร๊อดื่อเฮ๊อ. โท๊โต่ อา แด่แลหนื่ออื่อ โทดื่อเฮ๊อ อาซิปล่อ มู๋ หนู่เค เร๊อ อา เก่ นอทวาแถ่ แซ่เกอ เหย่ซี เร๊อ อาพู๊คู เออเนอ ปา. ฮู๊เนอเรอ อาพู๊คูเออ ทวาแถ่เฮ๊อ พู๊แหว่เพร่ว เตเพร เด๊อ อาโป่แหว่ โอ่โหร่โอ่เอ๊ เออเต๊เห่ อาเกล เฮ๊อ.
แกแย เด๊อ อู เอ๊ อา เร๊อ เตลาเตโหง่ เออเตเพรเนอ, อา แฮทวา ฮู๊ แกแย เนอ เร๊อ อา แฮ โอ่เซอเพร เฮ๊อ เด๊อ เปเกล. เป แม๊เถอะเฮ๊อ อา เตเตอเรอดุ เตอเรอทู. จอแปแหร่ อาพู๊คู ย๊อโอ่ตื้อ เตเพรแพ๊ อาขว่าอาคยา, อา พย๊าหนิ ลอปลี เจ๊อ เตเตอเรอดุ เตอเรอทู เออ เด๊อ อาเพโอ่ เจ๊อ. อา หม่า แกแย เด๊อ อา เล๊อบา เร๊อ เตบุ๊ยเตเตอเรอ เร๊อ เตหมะเตจ๊อ เตเพร.
เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.
แว โคแบ๊ซว๊าโม ซี๋, กู๊แหน่เออ เป ทวา เฮ๊อ จอแปแหร่ อาพู๊ เต๊เห่ เฮ๊อ หม่าแน๊เรอ เป เก่ ทวาแถ่ แกแย ฮู๊เต ปา เต๊อเจ่อเต เนอ, อู เด๊อซิเง โอ่หนื่ออื่อแต่ล๋ายเป เตอเจ๋อ โต่. หม่าแน๊เรอ, เตเออเนอ เป ซิเง โทเฮ๊อ เนอ, ช๋า แบ่เจ่ เหย่ซู่ครี๊ แฮเด๊อะโอ่โลแถ่ เบ๊อะเนอ ปาเนอ, เป เก่ แซ่เน๊อ อา ปา, เมเตเฮ๊เรอ เป เก่ แม๊เถอะ หม่า เจ๊อ อา ฮู๊ อา หม่าแหน่ เนอ ปา.
ကြော်ငြာတွေ