โครินธ์ เนอบ่า ต๊าบ่า 3:12 - ลีเทส่อพ๊าอาเซ เร๊อ เห่ขุทวาลู๊

¹² เป ซิเง ตาเต เฮ๊อ เร๊อ เตอ๊อแล อาเซเออ อา เก่ โอ่หม่าโอ่กลอ ตูจูเพร ปา อาขว่าอาคยา, เป เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เนอ เป เฮ๊ ฮาบื่อ เฮ๊อ.

Eastern Kayah Shadaw Dialect

¹² ꤕꤢꤩ꤬ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤟꤣꤧ ꤔꤢꤧ ꤒꤢꤩ꤬ꤣ꤭ꤜꤢꤧ꤬ ꤢ꤬ꤞꤢꤩ꤭ꤣꤧ꤭ ꤢ꤬ ꤊ꤫ꤢꤦ꤬ ꤥ꤬ꤊꤜꤢꤪ꤬ꤥ꤬ꤗꤢ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤕꤢ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤔꤣꤧ꤬ ꤕꤢꤩ꤬ ꤟꤢꤩ ꤟꤢ꤭ꤙꤢꤦ꤬ ꤟꤣꤧ꤯

โครินธ์ เนอบ่า ต๊าบ่า 3:12 ပူးပေါင်းရင်းမြစ်များ

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

ฟีลิปปี 1:20

แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

เพรโด่แนพู๊ เต๊เห่ 4:13

แกแยยิวพู๊ เด๊อ อา ทวาดุทวาเต เต๊เห่เนอ, อา แม๊เถอะ เร๊อ คูเปโตร เร๊อ คูยอห์น ซิปล่อคือเฮ๊บื่อ เร๊อ อา ซิเง เร๊อ เหย่ซี หม่า แกแย แจ่ลีแจ่ลา หม่าโต่ โท๊โต่ เหย่ซี หม่า แกแย แจ่ลีแจ่ลาโต่ เต๊เห่ อาขว่าอาคยา, อา คย๊ายื๊อ แลแค เจ๊อ. โท๊โต่ เหย่ซี ซิเง โป่ เร๊อ คูเปโตร เร๊อ คูยอห์น หม่า แกแย เด๊อ อา ครวาแบ๊ซว๊า เกอ เร๊อ เหย่ซู่ เต๊เห่.

ꤛꤥ꤭ꤟꤢ꤬ 16:29

เออโตโพ๊เรอ อา โคเจ่ เต๊เห่ เฮ๊ ลู เน๊อ, “กู๊แหน่ เร๊อ เน เฮ๊เบ่ ปา เร๊อ โหง่ค๊าโข่ โต่ เร๊อ อา โปลแร๊ลา.

ทิโมธี อาเหร่อเล๊อ ต๊าบ่า 3:13

เพรเมจว่าเต เออเต๊เห่ เด๊อ อา เมแร๊ เตเอ่เตแร เออเต๊เห่เนอ, อู เก่ แด่ดุแด่ทู เหย่ซี ปา. เร๊อ เบ๊อะเหย่ซี อิซว๊า เป่ อู เน๊อ อา เตหยื่อเตแหน่ แบ่เจ่ เหย่ซู่ครี๊ เออ เบ๊อะเนอปาเนอ, อา เก่ ซิปล่อคือเฮ๊บื่อ แฮ เร๊อ หยื่อเอ่แฮ เกอเร๊อ อาเหน่ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

โคโลสี 4:4

ฮู๊ แว โตเบ่ โด่แน เป่แหน่เฮ๊อ อู เนอ, แซ่ฮู๊ แว เก่ โด่แน โปลเพ๊แร๊ เป่ เด๊อ อู อาเง เนอเรอ, กุยจ๊อเบ เป่เกอ แลแค เด๊อ แวเง นี๋.

โครินธ์ เนอบ่า ต๊าบ่า 10:1

เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

โครินธ์ เนอบ่า ต๊าบ่า 4:13

ลีเทส่อพ๊ากู เฮ๊ เน๊อ, “แว หยื่อเอ่ จอแปแหร่, เร๊อ แว เก่ เฮ๊โฉ่โล เป่ อู ปา,” อา แซ่ฮู๊ เนอเฮ๊อ, เป หยื่อเอ่ จอแปแหร่ อาขว่าอาคยา, เป เก่ เฮ๊โฉ่โล เป่ เกออู เร๊อ ครี๊ อา เตซิครือมีลา อาหรี่อาแก ปา.

โครินธ์ อาเหร่อเล๊อ ต๊าบ่า 14:19

หม่าแน๊เรอ เด๊อ เพรหยื่อเอ่ตู๊หมู่ตอกล๊อ อากูเนอ, แว เฮ๊เบ่ เร๊อ โหง่โค๊ตีกลี๊ เออเต๊เห่ โต่ เมเตเฮ๊เรอ, พื๋อ เร๊อ แว เฮ๊เบ่ อู เร๊อ โหง่โค๊ตีกลี๊ เออ อามือ ตอซ๊อ เนอ, แว อิซว๊า แพ๊ อู เร๊อ โหง่ เด๊อ อู ซิเงแจ่ เออ แงมือ แพ๊ เนอ อาแร๊เล๊อ ปา เจ๊อ เด๊อ แวเง เจ๊อ.

เพรโด่แนพู๊ เต๊เห่ 14:3

เพรโด่แนพู๊ เต๊เห่ เออซิเนอ โอ่ งยา กู๊ลา เบ๊อะเนอ. เร๊อ เหย่ซี ซิเลแถ่หนิ แบ่เจ่ เหย่ซู่ เด๊อ อา เก่ เมจว่า เหย่ซี อาขว่าอาคยา, อา แด๊โฉ่โด่แน คือฮา บื่อ เป่ เจ๊อ อู. แบ่เจ่ เด๊อะ เหย่ซี เตเมแจ่ เตตาปา คย๊ายื๊อ ซีเต๊เห่ เร๊อ อาเมวโค๊ตีกลี๊ อา เตม๊าเตแด เออเต๊เห่ เนอหมา หม่าเฮ๊อ แบ่เจ่ ข่า เฮ๊ โล เน๊อ เตบุ๊ยเตเตอเรอ อาหรี่อาแก เด๊อ เพรโด่แนพู๊ เต๊เห่ แด๊โฉ่ เป่ อู เต๊เห่ เนอหม่า อา หม่าแหน่เฮ๊อ เนอแพ๊.

เพรโด่แนพู๊ เต๊เห่ 9:29

อา โด่แนโปล กาคยาแฮเง ฉื่อ เร๊อ แกแยยิวพู๊ เด๊อ อา เฮ๊เบ่ กรีกโหง่ เต๊เห่ ตื๊อดื่อเรอ เหย่ซี แอ๊จื๊อ แม๊ปู แกล๊ เด๊อ อา เก่ เมเซอ ลู.

เพรโด่แนพู๊ เต๊เห่ 9:27

เออโตโพ๊เรอ คูบารนาบัส เมจว่า ลู เร๊อ อา เอ๊จว๊า ลู เด๊อ เพรโด่แนพู๊ เต๊เห่ อา โอ่. เร๊อ อา แด๊โฉ่โล ซิเง เป่ เหย่ซี เร๊อ คูเซาโล แม๊เถอะเฮ๊อ แบ่เจ่ เหย่ซู่ เบ๊อะอา จว๊า เด๊อ วีดามัสกัส เบ๊อะเนอ, โทเรอ แบ่เจ่ แด๊โฉ่โล เป่ โทเฮ๊อ ลู เร๊อ อา อาหรี่อาแก เต๊เห่. โท๊โต่ คูบารนาบัส แด๊โฉ่โล เป่ โป่ เหย่ซี เร๊อ คูเซาโล แด๊โฉ่โด่แน บื่อคือฮา เป่ เจ๊อ วีดามัสกัสพู๊ เต๊เห่ เร๊อ เหย่ซู่ อาหรี่อาแก.

ꤛꤥ꤭ꤟꤢ꤬ 16:25

“แว เฮ๊เบ่ เป่ ซี เตเออเต๊เห่ เร๊อ โหง่ค๊าโข่ เต๊เห่. หม่าแน๊เรอ เบ๊อะเด๊อ แว โหล่ เฮ๊เบ่ ปา เร๊อ โหง่ค๊าโข่ โต่ เนอ, อา เก่ แฮโต่ ปา. แว เก่ เฮ๊โล๊ลี เป่ลอ ซี เร๊อ แวเพ อาหรี่อาแก ปา.

ꤛꤥ꤭ꤟꤢ꤬ 10:24

แกแยยิวพู๊ เต๊เห่ แฮ โอ่ปลู ตาวาลอ ลู เร๊อ อา เฮ๊ ลู เน๊อ, “เน หม่า อูเป เนอ เน เฮ๊โฉ่โลเป่ เป่ เป โตโพ๊ โต่, เน นอโอ่ป่อ แม๊ชือ งยาโป่ ปา เจ๊อ เป บ๋า เต ปา เจ๊อ? เน เก่ หม่าแหน่ ครี๊ เฮ๊เรอ แด๊โฉ่โล เป่ เป,” อา เฮ๊ ลู ฮู๊เนอ.

โครินธ์ เนอบ่า ต๊าบ่า 3:11

เตซว๊าเตแส่ อาตว่าอาแร๊ แหน่เจ๊อ หม่าแน๊เรอ อา ลีตื๊อดื่อ ปา โต่, อา ลี โอ่เหม่แก แพ๊. หม่าแน๊เรอ เตอ๊อแล อาเซ เด๊อ อา โอ่หม่าโอ่กลอ ตูจูเพร เออ, อา เก่ โอ่ เร๊อ อา เตลีเตตาเค ฉว่าชอ เด๊อ อาดุเล๊อ เจ๊อแหน่ เฮ๊อ เร๊อ เตซว๊าเตแส่ เออเนอ เฮ๊อ.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

ฟีเลโมน 1:8

เด๊อ เตเออ อาขว่าอาคยา, แว ซิหยื่อ กุย เร๊อ เตเมจว่า เต๊อเจ่อ. ครี๊ เด๊อะ เจ๊อ แว เตเตอเรอฉว่าชอ เด๊อ แว เก่ เบ่ เฮ๊เบ่บื่อ เฮ๊เบ่ฮา เจ๊อ แวโหง่ เร๊อ แว เบ่ นอเม เน เต เด๊อ อาแร๊ ฮู๊ เน โตเบ่ เมเนอ เจ๊อ ตื๊อดื่อเรอ,