โครินธ์ เนอบ่า ต๊าบ่า 3:1 - ลีเทส่อพ๊าอาเซ เร๊อ เห่ขุทวาลู๊

¹ แว เฮ๊ ฮู๊เออ เร๊อ อา แซ่ เร๊อ แว เฮ๊เบ่ แถ่โล คยาแซ๊ แวเหน่ ฮู๊เนอ แอ? หม่า เป โหล่ พย๊าแฮหนิ เป ลีข่าเฮ๊โล เต๊เห่ เด๊อ อา เก่ เฮ๊โล เป่ ซี เร๊อ เป หม่า เพรโด่แนพู๊ เต๊เห่ หม่าแหน่ ฮู๊ อูโร เต๊เห่เห่ พย๊าแฮหนิ เนอ แอ? หม่าโต่เรอ เป โหล่ พย๊าจว๊าหนิ ลี ข่าเฮ๊โล เต๊เห่ เด๊อ ซี เก่ รา เป่ เป อาเงเนอ แอ?

Eastern Kayah Shadaw Dialect

¹ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤢ꤬ ꤡ꤫ꤣ꤬ ꤔꤢꤧ ꤠꤢꤧ꤭ ꤟꤢꤩꤙꤢꤩ꤬ ꤓꤢꤧ꤬ꤜꤥ꤭ ꤋꤛꤢ꤭ꤞꤢꤧ ꤠꤢꤧ꤭ꤔ꤫ꤢꤩ꤬ ꤟꤢꤨꤔꤣꤧ꤬ ꤟꤢꤧ꤭? ꤗꤢ꤬ ꤕꤢꤩ꤬ ꤜ꤫ꤥ꤬ ꤖꤛꤢꤟꤢꤧ꤭ꤔ꤫ꤤ꤬ ꤕꤢꤩ꤬ ꤜꤤ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤊ꤫ꤢꤦ꤬ ꤟꤢꤩꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤕꤢꤩ꤬ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤒꤣꤧ꤬ꤟꤢꤩ꤬ ꤗ꤫ꤢ꤬ꤔꤤꤔꤢꤧ꤬ ꤟꤢꤨ ꤢꤨ꤭ꤚꤥ꤬ ꤒꤣꤧ꤬ꤟꤢꤩ꤬ꤟꤢꤩ꤬ ꤖꤛꤢꤟꤢꤧ꤭ꤔ꤫ꤤ꤬ ꤔꤣꤧ꤬ ꤟꤢꤧ꤭? ꤗ꤫ꤢ꤬ꤒꤥ꤬ꤚꤣꤧ꤬ ꤕꤢꤩ꤬ ꤜ꤫ꤥ꤬ ꤖꤛꤢꤡꤝꤢꤔ꤫ꤤ꤬ ꤜꤤ꤬ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤞꤤ꤭ ꤊ꤫ꤢꤦ꤬ ꤚꤢ꤭ ꤕ꤫ꤢꤩ꤬ ꤕꤢꤩ꤬ ꤢ꤬ꤑꤢꤩ꤭ꤔꤣꤧ꤬ ꤟꤢꤧ꤭?

โครินธ์ เนอบ่า ต๊าบ่า 3:1 ပူးပေါင်းရင်းမြစ်များ

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ เนอบ่า ต๊าบ่า 10:12

เป โต๊โหร่ หม่าแหน่ ดื่อ เปเง หนิ. แกแย เด๊อ อา เตเน แถ่โล เกอเร๊อ แลแค อาเหน่ เน๊อ เหย่ซี หม่า อาแจ่อาลีแม เล๊อ อู เต๊เห่เนอ, เป เตรือดือ บื่อ เกอ เร๊อ เปเหน่ เร๊อ เหย่ซี โต่. เหย่ซี เตเพร เร๊อ เตเพร เตรือดือ เกอเร๊อ แลแค อาเหน่ อาขว่าอาคยา, เหย่ซี หม่า แกแย โอ่เล๊อโอ่กลอ หม่าแหน่ เจ๊อ เต๊เห่.

โครินธ์ เนอบ่า ต๊าบ่า 5:12

เตเน แต่ แลแค เร๊อ เป ซิหยื่อ เฮ๊เบ่ แถ่โผ่แถ่ม๊อ หนิ คยาแซ๊ เปเหน่ ฮู๊เนอ แต่เหม่. เป เฮ๊ ซี ฮู๊เนอ เมเตเฮ๊เรอ แซ่ฮู๊ ซี เก่ เฮ๊ กาคยาฉื่อ แจ่ เกอ แกแย เด๊อ อา เป๊อเจ่ออิแช๊ เป เนอเต๊เห่ อาเงเนอ, เป ซิหยื่อ นอซิเง ตาเต เกอ ซี เร๊อ เป เมแคร๋ อิเตเต ฮู๊เนอ แพ๊. แกแย เนอเต๊เห่ หม่า อา แด่ดุ แด่แถ่โล เกอเร๊อดื่อเง แพ๊ เตแจ่เตลีแม เด๊อ อา โอ่โล เด๊อ อากลอ เนอเต๊เห่ แพ๊, อา แด่ดุ เกออู เต เด๊อ อา โอ่ เด๊อ แกแย เตเพรเพร อา ซิปล่อกู เนอเต๊เห่ โต่.

เพรโด่แนพู๊ เต๊เห่ 18:27

เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.

โครินธ์ อาเหร่อเล๊อ ต๊าบ่า 16:3

ช๋า แว แฮโต่ ปา เนอ, ซี โตเบ่ นว๊าแถ่ แกแย เต๊เห่ เด๊อ อา เก่ เบ่ จว๊าซู เป่ อู รือ เด๊อ วีเยรูซาเล็ม ปา. เร๊อ แซ่ฮู๊ แกแย เด๊อ อา เก่ พย๊าฉื่อ รือเออ ปา เต๊เห่ เก่ ซิเง เร๊อ อู เด๊อ รือ เออเนอ เร๊อ เตหรี่เตแก อิเต อาเงเนอ, แว เก่ ราจว๊าหนิ เป่ เพรพย๊าฉื่อ รือ เนอเต๊เห่ ลี ต๊าบ่า ปา, เร๊อ แว นอพย๊าจว๊าหนิ เร๊อ เหย่ซี ปา.

โครินธ์ เนอบ่า ต๊าบ่า 12:19

ล๋อ เป รา เป่ ซี เออเต๊เห่ เนอหม่า, ซี เตเน แลแค เร๊อ เป เฮ๊เบ่ เตเกบี๊ เกอเร๊อ ลอ เปเหน่ ฮู๊เนอ เก่. ฮู๊เนอ หม่าโต่, เป เฮ๊เบ่แพ๊ ฮู๊ ครี๊ นอเฮ๊เบ่ เป เนอ แพ๊ เนอหม่า จอแปแหร่ แม๊เถอะ ซิเงดื่อ เฮ๊อ. โคแบ๊ซว๊าโม ซี๋, ล๋อ เป เมเต เออเต๊เห่ เนอหม่า เป เม เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ เนอบ่า ต๊าบ่า 10:8

เตอเรอฉว่าชอ เด๊อ แบ่เจ่ เด๊อะ แว เออเนอ, อา แซ่ เร๊อ แว เฮ๊เบ่ ถู่เซ๊ ซื๊อลือ เจ๊อ แวเหน่ ตีกี๊ แอ? หม่าแน๊เรอ แว ซิเตเรเน๊อโต่. เตเตอเรอฉว่าชอ เออเนอ, อา เก่ เม ดุแถ่ทูแถ่ ซี อาเง แพ๊, อา เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 2:17

แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.

โครินธ์ อาเหร่อเล๊อ ต๊าบ่า 10:33

เมเกอ แลแค ฮู๊ แว เม เนอ. แซ่ฮู๊ อู เก่ พย๊าหนิ เตเมแลเปล๊กา อาเงเนอ, แว เม อิเตเต๋ เบ่เบ่, แว แอ๊จื๊อ ลือเมโต เป่ อู ซิปล่อ อา เตซิหยื่อ เต๊เห่. แว เตเน เม แพ๊ เต เด๊อ แว ซิหยื่อ เม เนอเต๊เห่ เร๊อ เต เด๊อ อาแร๊ เด๊อ แว เตเพร อาเง เร๊อดื่อ เนอเต๊เห่ หม่าโต่. แว แม๊ปู เม เป่ เต เด๊อ อาแร๊ เด๊อ แกแย ปว๋า เตเพร อาเง เนอเต๊เห่ แพ๊.

โครินธ์ อาเหร่อเล๊อ ต๊าบ่า 4:15

ซ๊าร๊า เด๊อ อา อิซว๊าอี๊แส่ ซี เนอ อา โอ่ เจ๊อ อาเพร ตอซ๊อ หม่าแน๊เรอ ซีเพ หม่า อา โอ่ แพ๊ เตเพรเพร่ว แพ๊. เบ๊อะแว แด๊โฉ่โด่แน เป่ ซี เตซิครือมีลา เร๊อ ซี หยื่อเอ่แฮ เฮ๊อ ครี๊ เบ๊อะเนอ, แว ทวาเฮ๊อ ซีเพ เฮ๊อ.

โครินธ์ อาเหร่อเล๊อ ต๊าบ่า 3:10

แว เกอลาติเร๊อ อาแซ่เน๊อ เพรอิช๊อแถ่ หี่ เด๊อ อาแจ่ อาลีแม เตเพร เนอ. เมเตเฮ๊เรอ, จอแปแหร่ เด๊อะ ครา แว เชหยู่ เร๊อ แว เด๊ แล อี๊ถื่อแกเด แก่ช๊า เน๊อ หล่อ เต๊เห่. เร๊อ แกแย เด๊อ อาโร เต๊เห่เห่เนอ, อา แฮ ช๊อแถ่ แฮเง เกอลาติ อี๊ถื่อแกเด แก่ช๊า เด๊อ แว เด๊อะแล โทเฮ๊อ เน๊อ หล่อเออ เนอ อาลู. หม่าแน๊เรอ, เหย่ซี โตเบ่ ช๊อแถ่ ฮู๊เต เนอ, อา เบ่ เม ตาเต แลแค.

ꤚꤥꤗꤢꤩ꤬ 16:1

แว เก่ แด๊โฉ่โล เป่ ซี เร๊อ เป โป่เพรเหมาะ เหมาะเฟบี อาหรี่อาแก. อา หม่า วีเคนเครีย เพรหยื่อเอ่ตู๊หมู่ตอกล๊อ กู่กล๊อ เตเพร.

โครินธ์ เนอบ่า ต๊าบ่า 10:18

เมเตเฮ๊เนอ, แกแย เด๊อ อา ถู่เซ๊ เกอเร๊อดื่อ อาเหน่ เต๊เห่เนอ, แบ่เจ่ ซิปล่อโอ่ ลู โต่, แบ่เจ่ ซิปล่อโอ่ แพ๊ตื๊อ แกแย เด๊อ แบ่เจ่ ถู่เซ๊ เกอเร๊อดื่อ ลู เร๊อ อาเหน่ เนอเต๊เห่ แพ๊.