เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.
โครินธ์ เนอบ่า ต๊าบ่า 2:17 - ลีเทส่อพ๊าอาเซ เร๊อ เห่ขุทวาลู๊17 แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ. အခန်းကိုကြည့်ပါ။Eastern Kayah Shadaw Dialect17 ꤊꤣꤧ꤬ꤛꤢꤧ꤭ ꤗꤢꤩ꤬ ꤜꤢ꤭ꤋꤢꤧ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤢꤩ꤬ ꤚꤣꤧ꤬ ꤢ꤬ ꤤ꤬ꤞꤝꤢꤤ꤬ꤞꤢꤧ꤬ ꤕ꤫ꤢꤩ꤬ ꤢꤨ꤭ ꤔꤣꤧ꤬ ꤢ꤬ ꤥ꤬ ꤢꤩꤜꤥ꤬ ꤒꤣꤧ꤬ꤘꤢꤦꤚꤣꤧ꤬ ꤕꤢꤩ꤬ ꤗꤢꤧꤙꤢꤦ꤭ ꤗꤢꤩ꤬ꤊꤣꤧ꤭ ꤟꤢꤨ ꤛꤢꤩ꤬ꤞꤤ꤭ ꤗꤢꤩ꤬ꤔꤣꤧ꤬ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤢꤧꤟꤢꤨ ꤛꤢꤩ꤬ꤞꤤ꤭ ꤊ꤫ꤢꤦ꤬ ꤔ꤫ꤤ꤬ꤙꤢꤩ꤬ ꤜꤢ꤭ꤋꤢꤧ꤭ ꤚꤢꤦ꤭ ꤚꤣꤧ꤬ ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤜꤢ꤭ꤢ꤬ꤍ꤫ꤥ꤬ ꤖꤢꤧ꤯ ꤗꤢ꤬ꤔꤢꤧꤚꤣꤧ꤬ ꤕꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤔꤢꤪ꤭ꤡꤝꤢ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭, ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤣꤧ꤭ꤔꤣꤧ꤬ ꤡꤢꤪꤗꤣꤧ꤬ꤚꤢꤧ꤬ ꤗꤢꤧꤓ꤫ꤣꤧ꤬, ꤕꤢꤩ꤬ ꤓꤝꤢ꤭ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤟꤣꤧ ꤚꤣꤧ꤬ ꤕꤢꤩ꤬ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤘꤣ ꤢ꤬ ꤞꤤꤕꤜꤢꤪ꤬ꤡꤢꤪꤡꤢꤦ ꤒꤣꤧ꤬ꤟꤢꤩ꤬ ꤟꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 2:17
30 ပူးပေါင်းရင်းမြစ်များ
หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.
“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.
เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.
ฮู๊เนอเรอ เป เอ่โอ โหร่ลู เตจว๊าตาลว๊าป่วย เออเนอ โป๋. ค๊อมู เด๊อ อา โอ่ซีแล๊ เต่อ เร๊อ โฮหมื่อกลุยโต๊โผ่ เออเนอ, เป โตเบ่ เอ่ อา โต่. โฮหมื่อโชโดกลุยโต๊โผ่ เออเนอ, อา เม ดุแถ่ เอ๊แถ่ เตซื๊อ เร๊อ เตมู๊แหม่รีแจ่ เต๊เห่ แพ๊. เป เก่ เอ่โอ โหร่ลู ค๊อมู เด๊อ โฮหมื่อกลุยโต๊โผ่ โอ่เต่อซีแล๊ โต่ เออเนอ, เร๊อ ค๊อมู เด๊อ อาโพ๊อาแปละ เออเนอ เร๊อ เตหมะเตจ๊อ เออเนอ เต๊เห่ โป๋!
แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.
อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
เป อิซว๊า เป่ อู จอแปแหร่ อาลาอาโหง่ เด๊อ อาจ๊ออาเต เต๊เห่, เร๊อ จอแปแหร่ อา เตโพร อาฉว่าอาชอ เออ เมจว่า เป. ฮู๊เนอ อาขว่าอาคยา เป เออเต๊เห่เนอ จอแปแหร่ เด๊อะโลโปล เจ๊อ เฮ๊อ เร๊อ เป ทวา อาหลู่เล๊ เต๊เห่ เฮ๊อ. เป โอ่ เน๊อ เหล่แตแด ตาตือ เออเนอ เร๊อ เป่แน๊ หม่าเฮ๊อ เตจ๊อเตเต เด๊อ จอแปแหร่ เด๊อะ เป เออเต๊เห่, เร๊อ อา แซ่เฮ๊อ เร๊อ เกลอฮู๊ เตเพร นอเอ่ เกอเร๊อ อา โจ๊โกโจ๊เบ เด๊อ อา เก่ ช๊าเต อาเง เออเนอ เฮ๊อ.
เป เฮ๊เบ่ แพ๊ ฮู๊ อาโต จอแปแหร่ อาซิปล่อ เนอแพ๊, เมเตเฮ๊เรอ เป แม๊เถอะ เบ่น๊อ โทเฮ๊อ เตจาเตจือ เร๊อ เป ซิปล่อ ปย๊าเป่ โต่ อาขว่าอาคยา, อา หยื่อเอ่ ซิเลหนิ เป เร๊อ อา เด๊อะตาเฮ๊อ เตซิครือมีลา เออ เด๊อ เป กู๊ยากู เฮ๊อ. เป เฮ๊ ฮู๊ อาโต แกแย ซิปล่อ เนอหม่าโต่. เป เฮ๊ ฮู๊ อาโต จอแปแหร่ เด๊อ อา เจแม๊ เป ซิปล่อเออ เตเพร อา เตซิหยื่อ เนอแพ๊.
อูเปเป๋ เบ่เบ่, อา เก่ แด๊โฉ่โด่แน เป่ อู เฮ๊เนอ, อา เบ่ แด๊โฉ่โด่แน เป่ อู ฮู๊ จอแปแหร่ เฮ๊เบ่ อู เร๊อ อา นอแด๊โฉ่โด่แน แฮเง เร๊อ เนเนอ. เร๊อ อู เปเป๋ เบ่เบ่ เด๊อ อา เก่ เมหลู่เล๊ เตเม เฮ๊เนอ, อา โตเบ่ เม เร๊อ อ๊าเหร่ เด๊อ จอแปแหร่ เด๊อะตา ลู เนอเต๊เห่. เก่ เมฮู๊เนอ เฮ๊เรอ, เด๊อ เหย่ซู่ครี๊ อาขว่าอาคยา, อู เก่ ถู่เซ๊แถ่ จอแปแหร่ เร๊อ ล๋อ เต เด๊อ ซี เม เออเต๊เห่ อาขว่าอาคยา ปา. จอแปแหร่ เก่ พย๊า หนิดื่อ เตเตอเรอดุ เตอเรอทู เร๊อ เตโพรเตเตอเรอ ตูจูเพร แตแลเคร๊ นี๋. อาเมน.
ကြော်ငြာတွေ