โครินธ์ เนอบ่า ต๊าบ่า 2:11 - ลีเทส่อพ๊าอาเซ เร๊อ เห่ขุทวาลู๊

¹¹ แซ่ฮู๊ โลเน๊มู๊แหม่รีแจ่ กู่กล๊อ เก่ เมเป่แก แต่ เป แต่เหม่เนอ, เป เบ่ ปลวาแก อู เตซื๊อ ฮู๊เนอ. เมเตเฮ๊เรอ โลเน๊มู๊แหม่รีแจ่ กู่กล๊อ อา เตเตเนหนื่ออื่อ เต๊เห่เนอ เป ซิเง ลอปลี ดื่อ เฮ๊อ.

Eastern Kayah Shadaw Dialect

¹¹ ꤞꤢꤧꤟꤢꤨ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤊ꤫ꤢꤦ꤬ ꤗꤢꤩ꤬ꤕ꤫ꤢꤩ꤬ꤊꤢꤧ꤭ ꤒ꤫ꤢꤧ꤬ ꤕꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤕꤢꤩ꤬ ꤙꤢꤩ꤬ ꤕꤜꤝꤢ꤭ꤊꤢꤧ꤭ ꤢꤨ꤭ ꤒꤢꤩ꤬ꤞꤢꤦ ꤟꤢꤨꤔꤣꤧ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤢ꤬ ꤒꤢꤩ꤬ꤒꤣꤧ꤬ꤔꤢꤩ꤬ꤥ꤬ꤔꤢꤩ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤕꤢꤩ꤬ ꤞꤤꤑꤢꤩ꤭ ꤜꤢꤪ꤭ꤕꤜꤤ꤭ ꤘꤢꤦ꤬ ꤟꤣꤧ꤯

โครินธ์ เนอบ่า ต๊าบ่า 2:11 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

โครินธ์ เนอบ่า ต๊าบ่า 11:3

ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.

ꤜꤢꤨꤊꤢ꤬ 22:31

“คูซีโมน, คูซีโมน, หนิดา! โลเน๊ กู่กล๊อ จว๊ากูยตื๊อดื่อ เจ๊อ เร๊อ จอแปแหร่ เร๊อ อา เก่ ปลวาเฮ๊อ โลเน๊ กู่กล๊อ อา เมแม๊ ลอ ซี ปว๋า เพร เฮ๊อ. เร๊อ อา เก่ เมแม๊ ซี ฮู๊ เพรเมเอ่เพร๊พู๊ เตเล๊เช๊ เกอเร๊อ อาโบ๊ เนอ ปา.

โครินธ์ เนอบ่า ต๊าบ่า 4:4

โลเน๊มู๊แหม่รีแจ่ กู่กล๊อ เด๊อ อา เป๊อหนิ เห่ขุ เออโตโดเนอ, อา เมคี๊ เมตาปาแก เหย่ซี เป๊เส่ อาขว่าอาคยา, เหย่ซี แม๊เถอะ เกออู เตซิครือมีลา อาเตลี เออเนอ โต่. แซ่ฮู๊ แกแย เห่ขุพู๊ เต๊เห่ เก่ ซิเงโปล แต่ ครี๊ อา เตซิครือมีลา เด๊อ อา เฮ๊โฉ่โล เป่ อู เร๊อ ครี๊ อา เตลีเตเตเค อาหรี่อาแก เออ แต่เหม่ เนอ, อา เมตาปา ตอครอแก เหย่ซี ฮู๊เนอ เฮ๊อ. เพร เด๊อ อา เด๊อะโล ตาเต เป เร๊อ จอแปแหร่ หม่า ครี๊ เฮ๊อ.

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

โครินธ์ เนอบ่า ต๊าบ่า 11:14

เหย่ซี เมฮู๊เนอ เร๊อ แว คย๊ายื๊อ เน๊อ เตอเจ๋อ โต่ โลเน๊มู๊แหม่รีแจ่ กู่กล๊อ กลว่าแลโฮ เจ๊อ อาเหน่ ฮู๊ ม๊อขุเตเน่วพู๊ เด๊อ อา เตเค เต๊เห่เนอ หม๋า อา เมแจ่ แพ๊.

โครินธ์ อาเหร่อเล๊อ ต๊าบ่า 7:5

เม เร๊อ เว อา เตซิหยื่อซิลอ เตเพร เร๊อ เตเพร เนอ, เบ่ โย เกอเร๊อ ลู โต่. หม่าแน๊เรอ เบ๊อะซี ซิหยื่อ กุยจ๊อเบ โส่ครื๊อโส่เคร ตื๊อดื่อ เบ๊อะเนอ, ซี เก่ ซิปล่อโต ลู เด๊อ ซี เก่ โอ่เมอ ตาพา โค๊ งยาลา ลู โต่ เก่เฮ๊เนอหม่า อาหนิ แพ๊. หม่าแน๊เรอ ซี กุยจ๊อเบ โทเนอ, ซี เบ่ โอ่เมอเต่อ คยาลู, เมเตเฮ๊เรอ เก่ ซี ค๊อเป่ เร๊อ ซี ซิปล่อ โต่ เฮ๊เนอ, โลเน๊มู๊แหม่รีแจ่ กู่กล๊อ เก่ อิลออี๊โหล่ หนิ ซี ปา.

ทิโมธี เนอบ่า ต๊าบ่า 2:25

เบ๊อะอา อิซว๊า แร๊ กาคยา แกแย เด๊อ อา เท๊ฉื่อ อา เต๊เห่ เบ๊อะเนอ, อา โต เฮ๊เบ่ ซิโดซิ งา อู. แตแร๋ หม่า, จอแปแหร่ เก่ เด๊อะหนิ เป่ เหย่ซี ค๊าขิ แร๊ เด๊อ อา เก่ ถู่แหล่ เต๊เปล่ อาซิปล่อปา เร๊อ อา เก่ ซิเง แถ่คยา เตหมะเตจ๊อ ปา.

ꤛꤥ꤭ꤟꤢ꤬ 13:2

เบ๊อะเนอเค แบ่เจ่ เหย่ซู่ เร๊อ อา โคเจ่ เต๊เห่ เอ่ แลแค ปา ดี เหมาะเฮ๊. เร๊อ คูซีโมน อิสคาริโอท อาพู๊คูยูดาห์อิสคาริโอท เออเตเพรเนอ, แซ่ฮู๊ อา เก่ อิเชตาแก แบ่เจ่ เหย่ซู่ อาเงเนอ, โลเน๊มู๊แหม่รีแจ่ กู่กล๊อ ซาตาน เฮ๊เบ่โน โทเฮ๊อ อาโหง่ เด๊อ ลู ซิปล่อกู เฮ๊อ.

เตเด๊อะโลแถ่ 2:24

หม่าแน๊เรอ ซี วีธิยาทิรา เพรหยื่อเอ่เออ ตู๊หมู่ตอกล๊อ เด๊อ อา โอ่แก เออเต๊เห่เนอ, ซี ครวาเม เกออู เพรเหมาะ เยเซเบล อา เตอิซว๊าอี๊แส่ มู๊แหม่รีแจ่ เด๊อ อู เอ๊ เร๊อ โลเน๊มู๊แหม่รีแจ่ กู่กล๊อ อาเต ด๊อโอ๊ด๊อบี๊ อาดุอาแย เออเต๊เห่ โต่. แว แด่แถ่ปา เร๊อ เตวี๊เตแย๊ เด๊อ ซีลู เตอเจ๋อ โต่.

เพรโด่แนพู๊ เต๊เห่ 1:25

โท๊โต่ แกแย เด๊อ เน นว๊าแถ่ โทเฮ๊อ อา เออเตเพร แซ่ฮู๊ อา เก่ พย๊าหนิ เพรโด่แนพู๊ เต๊เห่ คูยูดาส เด๊อ อา วี๊แก แก อา เหล่เอ่เหล่แร เออเตเพร อากู๊เหล่ เนอ, เด๊อะโลแถ่ เป่ เป กู๊แหน่. คูยูดาส หม่า อา เซอเฮ๊อ เร๊อ อา จว๊า ดื่อเฮ๊อ แกล๊ เด๊อ อา โตเบ่ จว๊า เร๊อ ลู เนอเฮ๊อ.”

เตเด๊อะโลแถ่ 13:8

ล๋อ แกแย เด๊อ อา โอ่ เด๊อ เห่ขุเออ ปว๋า เตเพร เนอ, อา เก่ จ๊อบู่จ๊อเบแถ่ ลอ ลู ปา. เป๊อะแถ่ เด๊อ อู แบ๊แลลู่ เห่ขุ อาเคปา, แกแย เด๊อ อา โอ่เซอเพร เด๊อ เห่ขุ เออเต๊เห่ เร๊อ อู ราโอ่เต่อเกอ ลา เหย่ซีมุย เด๊อ ซิหมิพู๊ เนอโตโด อา ลีเซอเพร อากู ล๋ายโต่ เต๊เห่เนอ, อา เก่ จ๊อบู่จ๊อเบแถ่ ลอ แลแค เตมีเตแหม่ เออโตโด. ซิหมิพู๊ เนอโตโด หม่า หม่าเฮ๊อ อู เมเซอ อาเนอ เตเพร เฮ๊อ.