โครินธ์ เนอบ่า ต๊าบ่า 13:5 - ลีเทส่อพ๊าอาเซ เร๊อ เห่ขุทวาลู๊5 แซ่ฮู๊ ซี เก่ ซิเง เกอเร๊อ แลแค ซีเหน่ เร๊อ ซี จ๊อ เร๊อ ซี เตหยื่อ แอ? ซี จ๊อ โต่ แอ? เนอ, แด๊เฮอ แล เกอเร๊อ แลแค ซีเหน่ เนอ. ครี๊ โอ่เซอเพร เด๊อ ซีเหน่ลู เนอหม่า ซี ซิเง โต่ แอ? หม่าแน๊เรอ ซี เก่ แม๊เถอะ เร๊อ ซี จ๊อ เร๊อ ซี เตหยื่อ โต่ เฮ๊เรอ, เหย่ซู่ครี๊ โอ่เซอเพร เด๊อ ซีกู โต่. အခန်းကိုကြည့်ပါ။Eastern Kayah Shadaw Dialect5 ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤞꤤꤑꤢꤩ꤭ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤢꤧ ꤞꤤ꤭ ꤡꤢꤪ ꤔꤢꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤟꤢꤧ꤭? ꤞꤤ꤭ ꤡꤢꤪ ꤒꤥ꤬ ꤟꤢꤧ꤭? ꤔꤣꤧ꤬, ꤘꤣꤧꤟꤣꤧ꤭ ꤜꤢꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤞꤤ꤭ꤔ꤫ꤢꤩ꤬ ꤔꤣꤧ꤬꤯ ꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤔꤣꤧ꤬ꤗꤢ꤬ ꤞꤤ꤭ ꤞꤤꤑꤢꤩ꤭ ꤒꤥ꤬ ꤟꤢꤧ꤭? ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤊꤢꤩ꤬ ꤗꤢꤧꤓ꤫ꤣꤧ꤬ ꤔꤢꤧ ꤞꤤ꤭ ꤡꤢꤪ ꤔꤢꤧ ꤞꤤ꤭ ꤒꤢꤩ꤬ꤛ꤫ꤢꤦ꤬ ꤒꤥ꤬ ꤟꤢꤩꤚꤣꤧ꤬, ꤛꤢꤩ꤬ꤏꤛꤢꤨꤋꤚꤤ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤞꤤ꤭ꤊꤢꤨ꤭ ꤒꤥ꤬꤯ အခန်းကိုကြည့်ပါ။ |
โครินธ์ เนอบ่า ต๊าบ่า 13:5
50 ပူးပေါင်းရင်းမြစ်များ
แซ่ฮู๊ ซี ปว๋า เตเพร เก่ พย๊าหนิ เกอ แลแค จอแปแหร่ อาบุ๊ยอาเตออเรอ เออเนอเร๊อ, รอเร๊อ แลแค ซีเหน่ นี๋. นอทวาแถ่ แต่ แลแค ซีเหน่ ฮู๊ ส่อเหมาะ เด๊อ อู เอ่ อา เร๊อ อา มือเซอแจ่ อู เนอเต๊เห่ เตเพร่ว แต่เหม่ นี๋. แกแย เด๊อ อาแซ่เน๊อ ส่อเหมาะ เด๊อ อา เม มือเซอแจ่ อู เออเต๊เห่เนอ, อา เก่ แด๊แถ่ เด๊อ ซีเกล เร๊อ อา เก่ เมแป่เมเช โหร่เอ๊ อู เน๊อ อา เตมือเซอ เออเนอ ปา.
เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.
อู แกล่ ดี๊เจ ลู เนอหม่า, อู แกล่ปลูแกล่เผ่ เจ๊อ หม่าแน๊เรอ อา แกล่ เป่ ลอ อู เนอหม่า อา โอ่ แพ๊ เตเพร แพ๊, เร๊อ อู เด๊อะ เตแกล่ หนิคว๊าเก่ ตื๊อ อา เตเพร แพ๊ เนอหม่า ซี ซิเงดื่อ เฮ๊อ! ช๋า โหน่ปา, แซ่ฮู๊ ซี เก่ พย๊าหนิ เกออู เตบุ๊ยเตเตอเรอ เด๊อ จอแปแหร่ อา โอ่ เนอ เร๊อ ซี โต แอ๊จื๊อแอ๊เหร่, จ่าเพรอ ครวาเกอ แลแค จอแปแหร่ อาคยา แซ่เร๊อ แกแย แกล่ดี๊เจ เด๊อ อา ซิหยื่อ แกล่ เป่ อู เร๊อ อา ซิหยื่อ พย๊าหนิ เตแกล่ หนิคว๊าเก่ เออเนอ เต๊เห่ จ่าเพรอ แกล่ เนอ.
แซ่ฮู๊ โหมะเผระ เพรคู เต๊เห่ เก่ แอ๊ แซแรฉ่าเผระ เกอ แลแค อาเหน่, แซ่ฮู๊ อู เก่ แด่ดุหยื่อแหน่ เกอ เหย่ซี, เร๊อ แซ่ฮู๊ เหย่ซี เก่ ค๊อเบ๊ เร๊อ แลแค อาซิปล่อ เนอเรอ, อิซว๊าอี๊แส่ แลแค เหย่ซี นี๋. เหย่ซี โตเบ่ โอะ เร๊อ อา เบหยื่อเบแหน่ เด๊อ อาฉว่าอาชอ, เหย่ซี โตเบ่ เล๊อบา เร๊อ เตโมหนี่เร๊ออู, เหย่ซี โตเบ่ ข่าจาข่าจือ แด่ทูซิปล่อเบ๊ แลแค.
โท๊โต่ เด๊อ ซี เตหยื่อเตแหน่ อาขว่าอาคยาเร๊อ, แซ่ฮู๊ ครี๊ เก่ แฮ โอ่หม่าโอ่กลอ เด๊อ ซี ซิปล่อกู อาเงเนอเรอ, แว กุยจ๊อเบ เป่ เด๊อ ซีเง. แว กุยจ๊อเบ เร๊อ ซี เก่ โมแฮ เร๊อ โมแฮ หนิ จอแปแหร่, โทเรอ ซี เก่ โมแฮ เร๊อ โมแฮ เกอเร๊อ ลู เตเพร เร๊อ เตเพร. ซี เก่ เมฮู๊เนอ เฮ๊เรอ ฮู๊ ส่อหรุ่ย ช๊าตาแยแย เนอ, ซี เตโม เก่ จว๊าแยเกอ ฮู๊เนอ ปา. โทเรอ ฮู๊ อู แบ๊แล กลอหม่าแร๊ หี่ เตเม อาแก่ช๊าเนอ, ซี เตโม เก่ กลอหม่าแร๊ แซ่เกอดื่อ ฮู๊เนอ ปา.
แกแย เด๊อ อา ซิปล่อก่า เด๊อ จอแปแหร่ อาขุ ซี๋, ซี แบ๊ซว๊า เน๊อ เห่ขุ อา เตมู๊แหม่รีแจ่ เต๊เห่ เนอหม่า ซี ทวาแถ่เฮ๊อ เพร เด๊อ อา ซิเถ่ จอแปแหร่ เต๊เห่เฮ๊อ เนอหม่า ซี ซิเง โต่ แอ? แกแย เด๊อ อา ซิหยื่อ ทวาแถ่ เห่ขุ อา เตมู๊แหม่รีแจ่ เออเต๊เห่ อา โคแบ๊ซว๊า เตเพรเพรเนอ อา เม ซิเถ่ซิฮา เฮ๊อ อาเหน่ เน๊อ จอแปแหร่ เฮ๊อ.
จอแปแหร่ ซิปล่อโอ่ เด๊อ อา เก่ เบ่ แด่โลแถ่ เป่ อาแกแย เต๊เห่ เน๊อ อา เตแด่โอ๊แด่บี๊ เออเต๊อเจ่อ. อา เตแด่โอ๊แด่บี๊ เออเนอหมา แกแยยิวพู๊ หม่าโต่ เต๊เห่ อาเง เนอหม่า อาหม่าหม่า. เตแด่โอ๊แด่บี๊ เออเนอหมา อา งูดุงูชอ, อาเตอเรอดุเตอเรอทู แหน่เจ๊อ. เตแด่โอ๊แด่บี๊ เออเนอหมา หม่าเฮ๊อ ครี๊ เด๊อ อา โอ่ เด๊อ ซีเหน่ลู เออเนอเฮ๊อ, เร๊อ อาโหง่แลช๊า หม่า หม่าเฮ๊อ ซี เก่ พย๊าหนิ เกอดื่อ จอแปแหร่ อาเตอเรอดุเตอเรอทู ปา, เออเนอเฮ๊อ.
แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.
จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”
ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.
แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.
ကြော်ငြာတွေ