โครินธ์ เนอบ่า ต๊าบ่า 13:4 - ลีเทส่อพ๊าอาเซ เร๊อ เห่ขุทวาลู๊

⁴ เด๊อ เตอ๊าเจ่เหร่เจ่ อาขว่าอาคยา, ครี๊ ข่าเซอ อาซิปล่อ เด๊อ อี๊ถื่อดีเต่ อาลู. หม่าแน๊เรอ กู๊แหน่เออ เด๊อ จอแปแหร่ อา เตโพร ฉว่าชอ อาขว่าอาคยา, อา เซอเพร เฮ๊อ. ฮู๊เนอเฮ๊อ เป หม่า เป อ๊าเจ่เหร่เจ่ แซ่เกอดื่อ ฮู๊เนอ หม่าแน๊เรอ เบ๊อะเป เก่ เฮ๊ เฮ๊อ ซี ปา เบ๊อะเนอ, เป เก่ เด๊อะโล เป่ ซี เร๊อ จอแปแหร่ อา เตโพร ฉว่าชอ ปา, เมเตเฮ๊เรอ เป ย๋อ ทวา เฮ๊อ เตเต๊อเจ๋อ แพ๊ เร๊อ ครี๊ เด๊อ เป เตโอ่เซอเพรกู เฮ๊อ อาขว่าอาคยา, เป เก่ เมฮู๊เนอ ปา.

Eastern Kayah Shadaw Dialect

⁴ ꤘꤣ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤋꤚꤤ ꤋꤢꤧꤞꤣꤧ꤭ ꤢ꤬ꤔ꤫ꤢꤩ꤬ ꤘꤣ ꤟꤤ꤬ꤓꤢꤦ꤬ꤘꤤꤊꤢꤩ꤬ ꤢ꤬ꤜꤥ꤬꤯ ꤗꤢ꤬ꤔꤢꤧꤚꤣꤧ꤬ ꤊꤢꤨꤔ꤫ꤢꤧ꤬ꤣꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤢ꤬ ꤞꤣꤧ꤭ꤖꤚꤢꤩ꤬ ꤟꤣꤧ꤯ ꤟꤢꤨꤔꤣꤧ꤬ꤟꤣꤧ ꤕꤢꤩ꤬ ꤗꤢ꤬ ꤕꤢꤩ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤞꤢꤧꤊꤣꤧ꤭ꤘꤢꤦ꤬ ꤟꤢꤨꤔꤣꤧ꤬ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤕꤢꤩ꤬ ꤊ꤫ꤢꤦ꤬ ꤟꤢꤩ ꤟꤣꤧ ꤞꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤊ꤫ꤢꤦ꤬ ꤘꤣꤧꤜꤥ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤕꤢ꤭, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤕꤢꤩ꤬ ꤜꤢ꤭ ꤓꤝꤢ꤭ ꤟꤣꤧ ꤒꤢꤩ꤬ꤒꤣ꤬ꤡꤣ꤬ꤡꤢꤦ꤭ ꤔꤢꤧ ꤋꤚꤤ ꤘꤣ ꤕꤢꤩ꤬ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ꤊꤢꤨ꤭ ꤟꤣꤧ ꤢ꤬ꤋꤝꤢ꤬ꤢ꤬ꤋꤛꤢ꤭, ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤟꤢꤨꤔꤣꤧ꤬ ꤕꤢ꤭꤯

โครินธ์ เนอบ่า ต๊าบ่า 13:4 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

ꤚꤥꤗꤢꤩ꤬ 6:4

ฮู๊เนอ อาขว่าอาคยา เบ๊อะเป เจเทอ เบ๊อะเนอ, อา แซ่เฮ๊อ เร๊อ เป เซอ เต่อเกอ เฮ๊อ เร๊อ ครี๊ เฮ๊อ, เร๊อ อู โล๊ ตาเต่อเกอ เฮ๊อ เป เร๊อ ครี๊ เด๊อ โลกู เฮ๊อ. เด๊อ เปเพ จอแปแหร่ อา เตเตอเรอดุทู โพร อาขว่าอาคยา, ฮู๊ อา เมเซอเพร กาคยา คยาแซ๊ ครี๊ เด๊อ เตเซอ อากูเนอ, อา เก่ เด๊อะ โอ่เซอเพร เกอ เป เออเต๊เห่ เร๊อ เตเซอเพร อาเซ ปา.

ꤟꤤꤙꤚꤢꤨ 5:7

เบ๊อะเหย่ซู่ โอ่เซอเพร เบ๊อะเห่ขุเออ เบ๊อะเนอ, อา กุยจ๊อเบ แถ่ ซิปล่อชีเมลอ จอแปแหร่ เด๊อ อา เมแลเปล๊แจ่ ลู เด๊อ เตเซอเออ เตเพร, เร๊อ อา เอ๊โทแถ่ เป๊เส่เทอ ตา เจ๊อ. อา แด่หยว่า อาซิปล่อ เร๊อ อา ซิปล่อฉว่า หนิดา จอแปแหร่ โหง่ อาขว่าอาคยา, จอแปแหร่ หนิดา ลู เตกุยจ๊อเบ.

โครินธ์ อาเหร่อเล๊อ ต๊าบ่า 15:43

เบ๊อะแกแย เตเพร โอ่เซอเพร ปา เบ๊อะเนอ, อาเหน่กล่อ พ๊าหย่าเออ อา เด๊อะทวาแถ่ ลู เตซิปล่อปย๊า เร๊อ เตอ๊าเจ่เหร่เจ่ เต๊เห่ แพ๊. หม่าแน๊เรอ ช๋า อา เซอ ก๊อถ่อกาคยา ปา เตอเนอเนอ, อาเหน่กล่อ พ๊าหย่าเออ อา เก่ เล๊อบา เร๊อ เตลีเตตาเค เร๊อ เตเตอเรอฉว่าชอ ปา.

โครินธ์ อาเหร่อเล๊อ ต๊าบ่า 2:3

เบ๊อะแว แฮ เกอ เด๊อ ซี โอ่ เบ๊อะเนอ โตโพ๊ เบ๊อะเนอ, แว ซิเง เกอเร๊อ แว เตอ๊าเจ่เหร่เจ่ เร๊อ แว ซิอิเช แตแนตากยา เจ๊อ.

ฟีลิปปี 3:10

ล๋อ เต เด๊อ แว ซิหยื่อ ซิเง เต๊เห่ เนอหม่า หม่า แพ๊ตื๊อ ครี๊ เร๊อ อาเตเซอ ก๊อถ่อเซอเพร กาคยา อา เตโพรเตเตอเรอ เออเนอ แพ๊. เร๊อ แว ซิหยื่อ ข่าจาข่าจือ เต่อเกอเร๊อ อา, เร๊อ แว ซิหยื่อ ทวาแถ่ แซ่เกอ เร๊อ อา ข่าเซอ อาเหน่ เออเนอ แพ๊.

ꤚꤥꤗꤢꤩ꤬ 14:9

เด๊อ เตหรี่เตแก เออเต๊เห่ อาขว่าอาคยา, แซ่ฮู๊ ครี๊ เก่ ทวาแถ่ แกแย เซอเพร เต๊เห่ เร๊อ แกแย เซอ เต๊เห่ อา แบ่เจ่ เร๊อ, อา เซอ โทเรอ อา ก๊อถ่อเซอเพร กาคยา คยาแซ๊ เฮ๊อ เด๊อ เตเซอ เฮ๊อ.

ꤛꤥ꤭ꤟꤢ꤬ 10:18

แว เก่ นอเมเซอ อู เร๊อ แวเหน่ โต่ เฮ๊เนอ, อู เมเซอ แจ่ แว เตเพร่ว โต่. แว เด๊อะแลแก แว ซิปล่อ เออเนอหม่า, อู นอตื๊อดื่อ แว เตเพร่ว โต่, แว ซิปล่อ เร๊อ แว ซิปล่อ เด๊อะแล เกอเร๊อดื่อ แพ๊. แว โอ่ เร๊อ แว โพร เตอเรอฉว่าชอ เด๊อ แว ซิหยื่อ เด๊อะแลแก แวซิปล่อ หม่า อา หนิหนิ, แว ซิหยื่อ พย๊าดว้าคยา อา หม่า อา หนิหนิ แพ๊. แวเพ เมแฮหนิ แวโหง่ เร๊อ แว เบ่เม ฮู๊เออ,” อา เฮ๊ เป่ เหย่ซี ฮู๊เนอ.

ꤚꤥꤗꤢꤩ꤬ 1:4

เด๊อ แหย่โยบูโพ๊ แบ่เจ่ อาขว่าอาคยา, เร๊อ เบ๊อะจอแปแหร่ เมเซอเพร กาคยา เป แบ่เจ่ เหย่ซู่ครี๊ เด๊อ เตเซอ เร๊อ อา เตโพรเตเตอเรอ เบ๊อะเนอ, อา เด๊อะโล เฮ๊อ ลู เร๊อ อา หม่า จอแปแหร่ อาพู๊คู เตเพร หม่าแหน่ เฮ๊อ.

เพรโด่แนพู๊ เต๊เห่ 2:36

“ฮู๊เนอ อาขว่าอาคยา, อิสราเอล อากลุยอาแล ล๋อ ปลี ซี๋, ซี เบ่ ซิเง ตาเต เร๊อ เหย่ซู่ เด๊อ ซี มือเซอ แถ่ อา เด๊อ อี๊ถื่อดีเต่ลู เออเตเพรเนอ, จอแปแหร่ เด๊อะทวาแถ่ เฮ๊อ ลู เร๊อ อา หม่า แบ่เจ่ หม่า อาหม่าหม่า, ครี๊ หม่า อาหม่าหม่า เฮ๊อ,” คูเปโตร เฮ๊ ฮู๊เนอ.

เปโตร อาเหร่อเล๊อ ต๊าบ่า 3:22

เหย่ซู่ครี๊ กา กี๊แถ่เฮ๊อ เด๊อ ม๊อขุ เร๊อ อา กา โอ่แนโอ่ เด๊อ จอแปแหร่ อากู๊ขุ จ๊อทว๊า ตากยา เฮ๊อ. เร๊อ อา เป๊อตี๊หรี่ ลอ เตเน่วพู๊ เต๊เห่ เร๊อ เตเตอเรอฉว่าชอ เต๊เห่, เร๊อ เตโพรเตเตอเรอ เต๊เห่ เฮ๊อ.

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

เพรโด่แนพู๊ เต๊เห่ 3:16

ซี แม๊เถอะซิเงเฮ๊อ เร๊อ แกแย กู๊โด่ด๊าตือรือ เออเตเพร เนอหม่า หม่าเด๊อ อา หยื่อเอ่ เหย่ซู่ อามุย อาขว่าอาคยาเร๊อ, อา แร๊กาคยา แพ๊. เป ซิเง เน๊อ เออเนอหมา หม่า เด๊อ อา หยื่อเอ่ เหย่ซู่ อาขว่าอาคยา, เหย่ซู่ เมแร๊ ลอหล่าตี๊กลิ ลอ เจ๊อ ลู ฮู๊ ซี ล๋อ ปลี แม๊เถอะ ลอดื่อเฮ๊อ กู๊แหน่ เออเนอเฮ๊อ.

โครินธ์ อาเหร่อเล๊อ ต๊าบ่า 1:25

เมเตเฮ๊เรอ, เบ๊อะเป แด๊โฉ่โด่แน เป่ อู ครี๊ อาเตเซอ อาหรี่อาแก เบ๊อะเนอ, เต๊เห่เห่เรอ อา เฮ๊ แลแค เน๊อ จอแปแหร่ เมเต เออเนอ, อา โอ่เล๊อโอ่กลอ ลอ เฮ๊อ, อา เตเนซื๊อ แลแค ฮู๊เนอ. จอแปแหร่ เมเต เออเนอ, อาแจ่อาลีแม เล๊อ ปา เจ๊อ เน๊อ แกแยเห่ขุพู๊ เด๊อ อา เตแจ่เตลีแม ดุเล๊อ อู เตเพร ปา เจ๊อ. จอแปแหร่ อา เตอ๊าเจ่เหร่เจ่ เออเนอ, อา อ๊าฉว่าเหร่ชอ เล๊อ ปา เจ๊อ เน๊อ แกแย เห่ขุพู๊ เด๊อ อา อ๊าฉว่าเหร่ชอ เล๊อ อู เตเพร ปา เจ๊อ.

โครินธ์ อาเหร่อเล๊อ ต๊าบ่า 6:14

จอแปแหร่ เด๊อ อา เมเซอเพร กาคยา แบ่เจ่ เด๊อ เตเซอ เออเตเพรเนอ, อา เก่ เมเซอเพร กาคยา เกอ เป เด๊อ เตเซอ เร๊อ อา เตโพรเตเตอเรอ ฉว่าชอ เออเนอ ปา.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.