โครินธ์ เนอบ่า ต๊าบ่า 13:14 - ลีเทส่อพ๊าอาเซ เร๊อ เห่ขุทวาลู๊

¹⁴ เป แบ่เจ่ เหย่ซู่ครี๊ อาบุ๊ยอาเตอเรอ, เพ จอแปแหร่ อาเตโม เร๊อ แหย่โยบูโพ๊ แบ่เจ่ อา เตแบ๊ซว๊าแบ๊โค เออเนอ, อา เก่ โอ่ เกอ ดื่อ เร๊อ ซี ปว๋า เตเพร นี๋.

Eastern Kayah Shadaw Dialect

¹⁴ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭, ꤖꤢꤩ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤒꤢꤩ꤬ꤗꤥ꤬ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤢ꤬ ꤒꤢꤩ꤬ꤙꤢꤧꤞꤝꤢꤙꤢꤧꤜꤢ꤬ ꤣꤧ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤥ꤬ ꤊꤣꤧ꤭ ꤘꤢꤦ꤬ ꤔꤢꤧ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤤ꤮꤯

โครินธ์ เนอบ่า ต๊าบ่า 13:14 ပူးပေါင်းရင်းမြစ်များ

เอเฟซัส 2:22

เด๊อ ซี เร๊อ ครี๊ ทวาแถ่ เฮ๊อ ลู เตเต๊อเจ๋อโต อาขว่าอาคยา, ครี๊ แด่ปล๊อเต่อ เกอเฮ๊อ ซี เร๊อ ยูดาห์ ครี๊พู๊ เต๊เห่ เฮ๊อ. โทเรอ เด๊อ แหย่โยบูโพ๊แบ่เจ่ อา เตโพรเตอเรอ อาขว่าอาคยา, ซี เด๊อ อา ทวาเกอ แกแยยิวพู๊ หม่าโต่ เออเต๊เห่เนอ, อู ช๊อแถ่ เต่อเกอ เฮ๊อ ซี เร๊อ แกแยยิวพู๊ เด๊อ จอแปแหร่ อาหี่ เออเนอเฮ๊อ.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

โครินธ์ อาเหร่อเล๊อ ต๊าบ่า 16:23

แบ่เจ่ เหย่ซู่ อาบุ๊ยอาเตอเรอ เก่ โอ่ เกอดื่อ เร๊อ ซี นี๋.

ꤚꤥꤗꤢꤩ꤬ 16:20

งยาแต๋โต่ ปาหม่า เตเพรอาดือ อา จอแปแหร่ เออ เก่ นอหยี่ตาพรอ หมื่อแก โลเน๊มู๊แหม่รีแจ่ กู่กล๊อ เออโตโด เด๊อ ซี กู่ยาเล ปา. แบ่เจ่ เหย่ซู่ครี๊ อาบุ๊ยอาเตอเรอ เก่ โอ่เกอดื่อ เร๊อ เหย่ซี นี๋.

ꤛꤢꤨꤘꤢ꤬ 1:21

เบ๊อะซี โอ่ป่อแม๊ชือ แบ่เจ่ เหย่ซู่ครี๊ อา เตซิยอ เด๊อ อา เก่ เด๊อะ เป ซิปล่อเซอเพร ตูจูเพร เออเตเพร เก่ แฮ เบ๊อะเนอปาเนอ, โอ่หม่าโอ่กลอ แลแค เด๊อ จอแปแหร่ อาเตโม อากู นี๋.

ฟีลิปปี 2:1

ซี เตโอ่เซอเพร เด๊อ ครี๊ อากู เออเนอหม่า, อา หนิอ๊าหนิเหร่ ช๊าเหล่ ซี แอ? อาเตโม เออเนอหม่า อา เมโม ช๊าเหล่ ซี ซิปล่อ แอ? ซี แบ๊ซว๊าแบ๊โค เกอ ช๊าเหล่ แลแค เนอ แหย่โยบูโพ๊ แบ่เจ่ แอ? ครี๊ เออเตเพร เนอหม่า อา เมแร๊ เกอเร๊อ ซี, อา ซิยอ เกอเร๊อ ช๊าเหล่ ซี แอ?

ꤊꤢ꤬ꤜꤢ꤬ꤒꤤ 5:22

หม่าแน๊เรอ แหย่โยบูโพ๊ แบ่เจ่ เนอหม่า อา เด๊อะ โอ่แถ่ เตโม, เตซิครือซิลอ, อาเพรอาดือ, เตแด่ทูซิปล่อ, เตซิยอกล่าเบ่, เตตว่าเตแร๊, เตจูลาพย๊าโหง่,

โครินธ์ เนอบ่า ต๊าบ่า 8:9

เป แบ่เจ่ เหย่ซู่ครี๊ เออเนอ อาบุ๊ยดุอาเตอเรอทู เจ๊อ บ๋า เตเนอ, ซี ซิเงดื่อ เฮ๊อ. อา โอ่ เด๊อ ม๊อขุ เบ๊อะเนอ, อา ดุแหย่แถ่เซ แหน่เจ๊อ หม่าแน๊เรอ เบ๊อะอา แฮ กลว่าอาเหน่ ฮู๊ แกแย เห่ขุพู๊ เตเพร เบ๊อะเนอ, อา เบ่แฮ ทวา เจ๊อ แกแย โซพ๊าโซแรพู๊ เตเพร เด๊อ เปเง เจ๊อ. แซ่ฮู๊ ซี เก่ ดุแหย่แถ่เซ เกออู อาเงเนอเรอ, อา เบ่แฮ ทวา เจ๊อ แกแย โซพ๊าโซแรพู๊ เตเพร ฮู๊เนอ เจ๊อ.

โครินธ์ อาเหร่อเล๊อ ต๊าบ่า 6:19

ซี เหน่กล่อ เออเนอหมา แหย่โยบูโพ๊ แบ่เจ่ เด๊อ จอแปแหร่ เด๊อะแล เป่ ซี เออเตเพร อาเหล่โอ่ อา เตหลู่เเตโฮ เนอหม่า ซี ซิเง โต่ แอ? เมเตเฮ๊เรอ จอแปแหร่ พรี งูดุ โทเฮ๊อ ซี อาขว่าอาคยา, ซี เหน่กล่อ เออเนอ ซี เตเร๊อดื่อ หม่า ปา โต่ เฮ๊อ. อา ทวาแถ่ เฮ๊อ จอแปแหร่ อาเต เฮ๊อ. ฮู๊เนอเรอ นอเอ่ แลแค ซี เหน่กล่อ เออเนอ เด๊อ จอแปแหร่ อาลีอาเตเค อาเงเนอ นี๋.

ꤚꤥꤗꤢꤩ꤬ 8:9

หม่าแน๊เรอ, ซีเนอ, พ๊าหย่า อา เตซิหยื่อซิลอ มู๊แหม่ เป๊อหนิเกอ ซี โต่. จอแปแหร่ อา แหย่โยบูโพ๊ เก่ โอ่เซอเพร เด๊อ ซีเหน่ลู เฮ๊เรอ, อา แหย่โยบูโพ๊ แบ่เจ่ เออเนอ เก่ เป๊อหนิ ซี ปา. อูเปเป๋ เบ่เบ่, เด๊อ อา พย๊าหนิ เกออู ครี๊ อา แหย่โยบูโพ๊ โต่ เต๊เห่เนอ อา ทวา ครี๊ อาเต หม่าโต่.

ꤛꤥ꤭ꤟꤢ꤬ 7:38

อูเปเป๋ เบ่เบ่, เด๊อ อา หยื่อเอ่ แวเนอ, ฮู๊ ลีเทส่อพ๊ากู เฮ๊ เนอ, เทอ เด๊อ อา เด๊อะอู ซิปล่อเซอเพร อาเทอแล เออเนอ, อา เก่ ทุ๊ยเถ่ เด๊อ ลูกู ปา.”

ꤛꤥ꤭ꤟꤢ꤬ 4:14

หม่าแน๊เรอ แกแย เด๊อ อา เก่ โอเทอ เด๊อ แว เด๊อะโอ อา ปา เออเนอ, อา ซิโอ ปา เทอ โตโพ๋ โต่. เทอ เด๊อ แว เก่ เด๊อะโอ อา ปา เออเนอ, อา เก่ ทวาแถ่ เทอเถ่ขุ เด๊อ ลูกู ปา. เร๊อ อา เก่ เด๊อะ ลู ซิปล่อเซอเพร ตูจูเพร ตาแลเคร๊ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

แซ่ฮู๊ ซี เก่ แบ๊ซว๊าแบ๊โค เต่อเกอ เร๊อ เป อาเงเนอ, เป แด๊โฉ่ เป่เกอ ซี เต เด๊อ เป แม๊เถอะ โทเฮ๊อ เร๊อ เป หนิโฮเบ่ โทเฮ๊อ เนอเต๊เห่ เฮ๊อ. เป เตแบ๊ซว๊าแบ๊โค คยาลู เออเนอหมา, เป แบ๊ซว๊า เปเหน่ เร๊อ เพ จอแปแหร่ เร๊อ อาพู๊คู เหย่ซู่ครี๊.

โครินธ์ อาเหร่อเล๊อ ต๊าบ่า 3:16

ซี หม่า จอแปแหร่ อา เตหลู่เเตโฮ เร๊อ แหย่โยบูโพ๊ แบ่เจ่ เด๊อ อา โอ่ เด๊อ จอแปแหร่ อา โอ่ เออเตเพร แฮ โน โอ่เซอเพร เด๊อ ซีเหน่ลู เนอหม่า ซี ซิเง แหน่ โต่ แอ?

เอเฟซัส 6:23

เพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ โป่แหว่ ครี๊พู๊ เต๊เห่ เร๊อ อาเพรอาดือ, เตโมหนิเกอ ลู เตเพร เร๊อ เตเพร, เร๊อ เตหยื่อเอ่ ครี๊ เออเต๊เห่ นี๋.

ꤚꤥꤗꤢꤩ꤬ 16:23

คูกายอัส เฮ๊โมเฮ๊แร๊ จว๊าหนิ ซี. อา เอ๊โมฉื่อแร๊ ตื๊อดื่อ แว เด๊อ อาหี่ หม่าโต่, อา เอ๊โมฉื่อหนิ ลอดื่อ เพรหยื่อเอ่เต ตู๊หมู่ตอกล๊อ ล๋อ ปลี เจ๊อ. อา แม๊ เอ๊ฉื่อโมแร๊ แหน่เจ๊อ ซิเผระซิแหม่ เจ๊อ. เพรปื่อรือ ชีดอ คูเอรัสทัส เออ เร๊อ เป โป่แหว่ คูควารทัส ซูแฮ เป่เกอ ซี อาเตเฮ๊โมเฮ๊แร๊ เต๊เห่เห่.

ꤚꤥꤗꤢꤩ꤬ 8:39

เต โอ่ เด๊อ ม๊อเล เต๊เห่ เบ่เบ่, อา โอ่ เด๊อ เห่ขุ ต๊าบ่าเออ อาเล เต๊เห่เนอ เบ่เบ่, เตแบ๊แล เด๊อ อาโร เต๊เห่ เบ่เบ่, เด๊อ เป แบ่เจ่ เหย่ซู่ครี๊ เมโท เป่เฮ๊อ เต เด๊อ เปเง อาขว่าอาคยา, ล๋อ เต เออเต๊เห่เนอ, อา ท๊อเปแกแจ่ เป เร๊อ จอแปแหร่ อาเตโม โต่.

ꤚꤥꤗꤢꤩ꤬ 1:7

โคแบ๊ซว๊าโม เด๊อ อา โอ่ เด๊อ วีโรม อากู ซี, จอแปแหร่ โม เกอเร๊อ ซี, โท๊โต่ อา เอ๊ เฮ๊อ ซี เด๊อ ซี เก่ ทวาแถ่ อาแกแย เร๊อดื่อ เฮ๊อ. แว ราจว๊า เป่ลอ ซี ลีเออต๊าบ่า. เปเพ จอแปแหร่ เร๊อ เป แบ่เจ่ เหย่ซู่ครี๊ เก่ เด๊อะดื่อ ซี เตบุ๊ยเตเตอเรอ เร๊อ เตตู๊จุเตอเจ๊อ นี๋.

ꤛꤥ꤭ꤟꤢ꤬ 4:10

เหย่ซู่ เฮ๊ฉื่อ ลู เน๊อ, “เน เก่ ซิเงบย่า จอแปแหร่ อา เตเด๊อะครา เชหยู่ โทเรอ เพร เด๊อ อา กุยโอ เนเทอ เออเตเพร หม่า อูเป เนอ เน เก่ ซิเง โป่บย่า เฮ๊หม่า, เน เก่ กุยโอ แว เทอ ปา เร๊อ แว เก่ เด๊อะโอ เน เทอ เด๊อ อา เด๊อะ อู ซิปล่อเซอเพร เออเนอ ปา.”

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:16

เตโมเนอ เป ซิเงแจ่ อา ฮู๊เต เฮ๊เรอ, เหย่ซู่ครี๊ เด๊อะแลแก อา ซิปล่อเซอเพร เด๊อ เปเง, เร๊อ เป โตเบ่ เด๊อะแลแก เกอ เป ซิปล่อเซอเพร เด๊อ เป โป่แหว่ ครี๊พู๊ เต๊เห่ อาเง.

เอเฟซัส 5:9

เมเตเฮ๊เรอ, เตลี อา เตเส่เตโพ เต๊เห่ เนอหม่า หม่าเฮ๊อ ล๋อ เตตว่าเตแร๊, อาจ๊ออาเต เร๊อ ซิปล่อ จ๊อจื้อ เออเต๊เห่ เนอเฮ๊อ.

เอเฟซัส 2:18

เด๊อ ครี๊ เม เป่ โทเฮ๊อ เด๊อ เปเง เร๊อ แหย่โยบูโพ๊แบ่เจ่ เตเพร่ว แพ๊ เมจว่า เป แฮเง เป อาขว่าอาคยา, ล๋อ เป แกแยยิวพู๊ เต๊เห่ เบ่เบ่, แกแยยิวพู๊ หม่าโต่ เต๊เห่ เบ่เบ่, เป แฮโนหนิ เฮ๊อ เด๊อ จอแปแหร่ อาเป๊เส่เง เฮ๊อ.

โครินธ์ อาเหร่อเล๊อ ต๊าบ่า 14:16

เฮ๊โก๊หลื่อ, เน เก่ เฮ๊บุ๊ยเฮ๊เตอเรอ ถู่เซ๊แถ่ ตื๊อแพ๊ จอแปแหร่ เร๊อ โหง่โค๊ตีกลี๊ เออ เก่เฮ๊เรอ, แกแย เด๊อ อา แฮจ๊อเบ เกอ เน เออเต๊เห่ อาเกล เตเพรเพร ย๋อ ซิเง เกอ เนโหง่ โต่ อาขว่าอาคยา, อา ครวา เฮ๊บุ๊ยเฮ๊เตอเรอแถ่ แจ่ เกอ เน จอแปแหร่ โต่.

โครินธ์ อาเหร่อเล๊อ ต๊าบ่า 12:13

ฮู๊เนอเฮ๊อ, เด๊อ เปเกล เนอ, เต๊เห่เห่ หม่า แกแยยิวพู๊, เต๊เห่เห่ หม่า แกแยยิวพู๊ หม่าโต่, เต๊เห่เห่ หม่า หลู่, เต๊เห่เห่ หม่า เพร ป่าลาพู๊. หม่าแน๊เรอ เด๊อ แหย่โยบูโพ๊ แบ่เจ่ เออเตเพรเพร๋ จือแพ๊ ลู อาขว่าอาคยา, เป เจ โหร่ ลอปลี ลู เทอ เด๊อ ครี๊ อาเหน่กล่อ เตเพร่ว อากู แพ๊. เป พย๊าหนิ แซ่ ลอลู แหย่โยบูโพ๊ แบ่เจ่ เตเพรเพร่ว แพ๊.

ꤚꤥꤗꤢꤩ꤬ 16:27

เร๊อ จอแปแหร่ เด๊อ อา เมเตแจ่ ตื๊อแพ๊. อา เออเตเพรเนอ, เด๊อ เหย่ซู่ ครี๊ อาขว่าอาคยา, อู เก่ เมลีเมเตเค แถ่ แฮเง อา ตูจูเพรเง นี๋. อาเมน.

มัทธิว 6:13

นอจว๊าโน แต่ เป เด๊อ เตอิลออี๊โหล่ อาเกล เนอ แต่เหม่ นี๋. หม่าแน๊เรอ เมแลเปล๊กา เร๊อเป เด๊อ โลเน๊มู๊แหม่ กู่กล๊อ อา กู๊ยากู เออเนอ นี๋. (เมเตเฮ๊เรอ เทอเก่ เบ่เบ่, เตโพรเตเตอ เรอ เบ่เบ่, เตเตอเรอดุ เตอเรอทู เบ่เบ่ หม่าดื่อเฮ๊อ เนเต ตูจูเพร ตาแลเคร๊ เฮ๊อ. อาเมน.)’

เพรโด่แนพู๊ เต๊เห่ 15:11

จว๊าเม แลแคเตฮู๊เนอ แต่เหม่, เด๊อ แบ่เจ่ เหย่ซู่ อาบุ๊ยอาเตอเรอ อาขว่าอาคยา, เป พย๊าหนิ เตเมแลเปล๊กา แพ๊ เป หยื่อเอ่ ฮู๊เนอ. เหย่ซี๋ หม่า อา พย๊าหนิ แซ่เกอดื่อ เตเมแลเปล๊กา ฮู๊ เป พย๊าหนิ เนอเนอ แพ๊,” คูเปโตร เฮ๊ เหย่ซี ฮู๊เนอ.