โครินธ์ เนอบ่า ต๊าบ่า 12:9 - ลีเทส่อพ๊าอาเซ เร๊อ เห่ขุทวาลู๊

⁹ หม่าแน๊เรอ อา เฮ๊ฉื่อ แว เน๊อ, “ล๋อ เน โหล่เบ่ เต เด๊อ แว โอ่ เต๊เห่ เร๊อ เน เตจาเตจือ เออเต๊เห่ อาเง เนอหม่า, ตื๊อแพ๊ แวบุ๊ยแวเตอเรอ เด๊อ อา เมจว่า เน เออเนอ แพ๊. เบ๊อะเน อ๊าเจ่เหร่เจ่ ฮู๊เนอ อาเค, แว เตโพร ฉว่าชอ เก่ โอ่โลแถ่ เด๊อ เนกู ปา.” ฮู๊เนอ อาขว่าอาคยา แซ่ฮู๊ อู เก่ แม๊เถอะ แฮเง ตื๊อดื่อ โป่ ครี๊ อา เตโพร ฉว่าชอ โอ่ เด๊อ แวกู เออเนอ, แว เก่ เฮ๊เบ่ ถู่เซ๊ เกอเร๊อ แว เตอ๊าเจ่เหร่เจ่ อาหรี่อาแก เออเต๊เห่ ปา. แว เก่ เฮ๊เบ่ ถู่เซ๊ เกอเร๊อ แวเหน่ ฮู๊เนอเรอ แว ซิครือซิลอ แพ๊.

Eastern Kayah Shadaw Dialect

⁹ ꤗꤢ꤬ꤔꤢꤧꤚꤣꤧ꤬ ꤢ꤬ ꤟꤢꤩꤏꤢꤦ꤬ ꤠꤢꤧ꤭ ꤔꤢꤧ, “ꤜꤢꤪ꤭ ꤔꤢꤧ꤬ ꤜ꤫ꤥ꤬ꤙꤢꤩ꤬ ꤒꤢꤩ꤬ ꤘꤣ ꤠꤢꤧ꤭ ꤥ꤬ ꤒꤣꤧ꤬ꤟꤢꤩ꤬ ꤔꤢꤧ ꤔꤢꤧ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤣꤧ꤬ꤗꤢ꤬ ꤒꤢꤦꤖꤢꤧ ꤠꤢꤧ꤭ꤙꤝꤤꤠꤢꤧ꤭ꤒꤣꤧ꤬ꤚꤣꤧ꤭ ꤘꤣ ꤢ꤬ ꤗꤢꤩ꤬ꤡꤝ꤫ꤢ꤬ ꤔꤢꤧ꤬ ꤣꤧ꤭ꤔꤣꤧ꤬ ꤖꤢꤧ꤯ ꤙꤣꤧ ꤔꤢꤧ꤬ ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤟꤢꤨꤔꤣꤧ꤬ ꤢ꤬ꤋꤢꤩ꤭, ꤠꤢꤧ꤭ ꤒꤢꤩ꤬ꤖꤚꤥ꤬ꤒꤢꤩ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤊ꤫ꤢꤦ꤬ ꤥ꤬ꤜꤥ꤭ꤓꤢꤧ꤬ ꤘꤣ ꤔꤢꤧ꤬ꤊꤢꤨ꤭ ꤕꤢ꤭꤯” ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤕ꤫ꤥ꤬ ꤋꤚꤤ ꤢ꤬ ꤒꤢꤩ꤬ꤖꤚꤥ꤬ꤖꤚꤢꤧ꤬ ꤏꤝꤢ꤬ꤏꤢꤪ꤭ ꤥ꤬ ꤘꤣ ꤠꤢꤧ꤭ꤊꤢꤨ꤭ ꤣꤧ꤭ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤠꤢꤧ꤭ ꤒꤢꤩ꤬ꤟꤢꤧ꤭ꤡ꤫ꤢꤩ꤬ꤚꤤ꤬ꤡ꤫ꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤕꤢ꤭꤯ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤢꤧ꤯

โครินธ์ เนอบ่า ต๊าบ่า 12:9 ပူးပေါင်းရင်းမြစ်များ

ฟีลิปปี 4:13

เหย่ซู่ครี๊ เด๊อ อา เด๊อะ แว เตอ๊าเตเหร่ เออเตเพร เมจว่า แว อาขว่าอาคยา, แว เมเบ๊ลอ เฮ๊อ เตปว๋า เต๊อเจ่อ เฮ๊อ.

โครินธ์ เนอบ่า ต๊าบ่า 12:10

ฮู๊เนอเรอ แว โอ่ เร๊อ เตอ๊าเจ่เหร่เจ่ เต๊เห่, แว แม๊เถอะ ป่อชิเต่อเบ่ เร๊อ เตจาเตจือ เต๊เห่, อู เป๊อเจ่ออิแช๊ แว เต๊เห่, อู เมจาเมจือ แว เต๊เห่, แว แม๊เถอะ ป่อชิเต่อเบ่ เร๊อ เตแป่เตเช ซี เต๊เห่, ล๋อ เต เด๊อ แว แม๊เถอะ ป่อชิเต่อเบ่ เออเต๊เห่ เนอหม่า ครี๊ อาเง แพ๊, หม่าแน๊เรอ แว ซิปล่อโอ่ ซิปล่อโม แพ๊ เมเตเฮ๊เรอ เบ๊อะแว อ๊าเจ่เหร่เจ่ เบ๊อะเนอ, ตื๊อหม่า แว อ๊าฉว่าเหร่ชอ แพ๊.

เอเฟซัส 3:16

จอแปแหร่ อา เตเด๊อะบุ๊ยเด๊อะเตอเรอ โอ่ปลูโอ่เผ่ เจ๊อ. ฮู๊เนอ อาขว่าอาคยา, แว กุยแถ่ อา เด๊อ อา เก่ นอ แหย่โยบูโพ๊แบ่เจ่ เก่ เด๊อะตา แฮเง เป่ ซี อาเตเด๊อะบุ๊ยเด๊อะเตอเรอฉว่าชอ เออ เร๊อ อา เก่ เมฉว่าเมชอแถ่ คยาแซ๊ ซี ซิปล่อ ปา.

โครินธ์ อาเหร่อเล๊อ ต๊าบ่า 10:13

ล๊อ เตอิลออี๊โหล่ เด๊อ เน แม๊เถอะ แฮเบ่น๊อ เต๊เห่ เนอหม่า อา แซ๊ แพ๊ เร๊อ แกแย เห่ขุพู๊ เด๊อ อาโร เต๊เห่ แม๊เถอะ ซิเต่อเบ่น๊อ เนอเต๊เห่ แพ๊. หม่าแน๊เรอ จอแปแหร่ เนอ อาจ๊อ เร๊อ อาโหง่, เมเตเฮ๊เรอ เตอิลออี๊โหล่ เด๊อ อาฉว่าอาชอ เด๊อ เน ข่าเบ๊ โต่ เต๊เห่เนอ, อา นอข่า เน โต่. เบ๊อะเตเมแม๊ แฮเบ่ เน เบ๊อะเนอ, แซ่ฮู๊ เน เก่ แด่ทูซิปล่อ เบ๊ อา, โท๊โต่ แซ่ฮู๊ เน เก่ เหล่แลเปล๊เบ๊ เน๊อ เตอิลออี๊โหล่ เออ อาเงเนอ, จอแปแหร่ เก่ โบ๊โม เป่ เน แกล๊ ปา.

ꤟꤤꤙꤚꤢꤨ 4:16

ฮู๊เนอเรอ, เป โหล่เบ่ เต เบ๊อะเกเต๋ เบ่เบ่เนอ, เป โต แฮโน ฮาฮา เด๊อ เป จอแปแหร่ เด๊อ อา ซิยอเร๊อ อู เออเตเพร อา เหล่โอ่แน อาเป๊เส่เง เนอ. เร๊อ เป เก่ พย๊าหนิ อา เตซิยอ ปา เร๊อ เป เก่ แม๊เถอะเบ่ อาบุ๊ยดุอาเตอเรอทู เด๊อ อา เก่ เมจว่า เป เออเนอ ปา.

โครินธ์ เนอบ่า ต๊าบ่า 12:5

แว เก่ เฮ๊เบ่ถู่เซ๊ เกอเร๊อ เตเมทวาแถ่ เฮ๊อ อาเหน่ เออเต๊เห่. หม่าแน๊เรอ แว เฮ๊เบ่ถู่เซ๊ เกอเร๊อ เน๊อ แวเหน่ โต่. แว เก่ เฮ๊เบ่ ถู่เซ๊หนิ แพ๊ตื๊อ แว เตอ๊าเจ่เหร่เจ่ เออเต๊เห่ แพ๊.

โครินธ์ อาเหร่อเล๊อ ต๊าบ่า 15:10

หม่าแน๊เรอ, เด๊อ แบ่เจ่ อาบุ๊ยอาเตอเรอ อาขว่าอาคยา, กู๊แหน่เรอ แว ทวาแถ่เฮ๊อ เพรโด่แนพู๊ เต๊เห่ เตเพรเฮ๊อ. เตบุ๊ยเตเตอเรอ เด๊อ จอแปแหร่ เด๊อะตา แว เออเนอ อา แกเด โต่. เมเตเฮ๊เรอ แว แอ๊จื๊อ จ่าเพรอจ่าหร่อ เม เล๊อ เจ๊อ เร๊อ เพรโด่แนพู๊ เต๊เห่ เด๊อ อาโร เต๊เห่ เจ๊อ. แว เมเบ๊ ฮู๊เออ เนอหม่า แวอ๊าแวเหร่ เร๊อดื่อ หม่าโต่. จอแปแหร่ อาบุ๊ยอาเตอเรอ เม เต่อเกอ เร๊อ แว อาขว่าอาคยา, แว เมเบ๊ ฮู๊เออ เนอแพ๊.

โครินธ์ อาเหร่อเล๊อ ต๊าบ่า 2:5

ฮู๊เนอเรอ, ซี เตหยื่อเตแหน่ เออเต๊เห่เนอ, อา ซิเลเกอเร๊อ เด๊อ แกแย เห่ขุพู๊ อา เตแจ่เตลีแม เต๊เห่ อาลู เนอ หม่าโต่. อา ซิเลเกอเร๊อ เด๊อ จอแปแหร่ อา เตโพรเตเตอเรอ ฉว่าชอ เออ อาลู เฮ๊อ.

โคโลสี 1:11

แซ่ฮู๊ ซี เก่ ซิครือซิลอ ข่าจาข่าจือเบ๊ แด่ทูซิปล่อเบ๊ เตแป่เตเช เออเนอ เร๊อ, เป กุยจ๊อเบ เร๊อ ล๋อ จอแปแหร่ อา เตโพรเตเตอเรอ ฉว่าชอ เต๊เห่ เก่ เด๊อะอ๊าเด๊อะเหร่ ลอ ดื่อ ซี ซิปล่อ.

ꤜꤢꤨꤊꤢ꤬ 21:15

เมเตเฮ๊เรอ, เตเฮ๊เบ่แจ่ เฮ๊เบ่โปล เร๊อ เตลีแมลีเพ๊ เด๊อ แกแย ซิเถ่ ซีเต๊เห่ เก่ เฮ๊ กาคยาฉื่อ แจ่ ปา เจ๊อ ซี เตเพร่ว โต่ เต๊เห่เนอ, แว เก่ เด๊อะดื่อ ซี ปา.

โครินธ์ เนอบ่า ต๊าบ่า 11:30

แวเก่ โต เฮ๊เบ่ถู่เซ๊ เฮ๊เรอ แว เก่ เฮ๊เบ่ถู่เซ๊ แพ๊ตื๊อ เต เด๊อ อา เด๊อะโล แว เตอ๊าเจ่เหร่เจ่ เต๊เห่ อาหรี่อาแก แพ๊.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.

ꤟꤤꤙꤚꤢꤨ 11:34

เหย่ซี เมปีเบ๊ แลแค หมิแก โรโซดุ เต๊เห่. เหย่ซี แลเปล๊เบ๊ แลแค เร๊อ อู ชือเซอ เหย่ซี เร๊อ อิโท๊เน๊โก๊ เต๊เห่. เหย่ซี อ๊าเจ่เหร่เจ่ แพ๊ หม่าแน๊เรอ เหย่ซี ทวาแถ่ แกแย เด๊อ อาฉว่าอาชอ แหน่เจ๊อ เต๊เห่. เหย่ซี พย๊าหนิ เตเตอเรอฉว่าชอ เด๊อ เตช๊าเตปา อาเง เร๊อ อา เมเป่แก เทอโร เก่กลอพู๊ เด๊อ อา ซิเถ่ซิฮา เหย่ซี เต๊เห่.

มัทธิว 28:20

โทเรอ อิซว๊าอี๊แส่ แลแค เหย่ซี เน๊อ อา เก่ จูเอ่ ครวาเม ลอฮู๊ แว เฮ๊ แก ซีโหง่ เนอเต๊เห่ นี๋. แว เก่ โอ่เต่อเกอ เร๊อ ซี ปว๊า โพ๊ เจ๊อ ปา, โต่ เจ๊อ เด๊อ เห่ขุ ตื๊อดื่อแก เจ๊อปา เบ่เบ่, แว เก่ โอ่ เกอ เร๊อ ดื่อซีปา.”

มัทธิว 28:18

เร๊อ แบ่เจ่ เหย่ซู่ แฮ เด๊อ เหย่ซี โอ่ เร๊อ อา เฮ๊ เหย่ซี เน๊อ, “เตอเรอฉว่าชอ เด๊อ ม๊อขุ เบ่เบ่, เด๊อ เห่ขุเออเนอ เบ่เบ่, อู เด๊อะ ลอเฮ๊อ เน๊อ แว เฮ๊อ.

โครินธ์ เนอบ่า ต๊าบ่า 12:15

แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต?

โครินธ์ อาเหร่อเล๊อ ต๊าบ่า 2:3

เบ๊อะแว แฮ เกอ เด๊อ ซี โอ่ เบ๊อะเนอ โตโพ๊ เบ๊อะเนอ, แว ซิเง เกอเร๊อ แว เตอ๊าเจ่เหร่เจ่ เร๊อ แว ซิอิเช แตแนตากยา เจ๊อ.

โครินธ์ เนอบ่า ต๊าบ่า 12:1

เตเฮ๊เบ่ถู่เซ๊ เออเนอ อา หนิบุ๊ยหนิเตอเรอ เด๊อ อูเง เตเพร่ว โต่ หม่าแน๊เรอ แว โตเบ่ เฮ๊เบ่ถู่เซ๊ แพ๊. หม่าแน๊เรอ กู๊แหน่เออ แว เก่ เฮ๊โฉ่โล เป่ ซี เร๊อ แบ่เจ่ เด๊อะแม๊เถอะลว๊า หนื่ออื่อ แว เต๊เห่ เร๊อ อา เด๊อะโล เป่ แว เตเต๊เห่ อาหรี่อาแก.