โครินธ์ เนอบ่า ต๊าบ่า 12:7 - ลีเทส่อพ๊าอาเซ เร๊อ เห่ขุทวาลู๊

⁷ แซ่ฮู๊ แว เก่ เฮ๊เบ่ ถู่เซ๊ เกอเร๊อ แต่ แวเหน่ เร๊อ แว แม๊เถอะ เตแร๊ เด๊อ ม๊อขุ เนอเต๊เห่ แต่เหม่เนอ, จอแปแหร่ เด๊อะ เฮ๊อ แว เด๊อ แว เก่ ข่าเบ่ เตจาเตจือ เต๊อเจ่อ เด๊อ อา แซ๊ เร๊อ ส่อแซ๊ กีแซ๊ โอ่แต่ เด๊อ แว พ๊าเลเนอ. โลเน๊มู๊แหม่รีแจ่ กู่กล๊อ นอแฮ อา เตเน่วพู๊ โตโด เด๊อ อา เก่ แฮ เมจาเมจือ แว เร๊อ เตจาเตจือ เออเต๊อเจ่อ เฮ๊อ. เด๊อ เตแป่เตเช เออ อาขว่าอาคยาเร๊อ แว แด่แถ่โลแจ่ ปา แวเหน่ โต่ เฮ๊อ.

Eastern Kayah Shadaw Dialect

⁷ ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤒ꤫ꤢꤧ꤬ ꤠꤢꤧ꤭ꤔ꤫ꤢꤩ꤬ ꤔꤢꤧ ꤠꤢꤧ꤭ ꤗꤢꤧꤓ꤫ꤣꤧ꤬ ꤒꤢꤩ꤬ꤚꤢꤧ ꤘꤣ ꤗꤢꤪꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤒ꤫ꤢꤧ꤬ꤗꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤘꤣꤧ ꤟꤣꤧ ꤠꤢꤧ꤭ ꤘꤣ ꤠꤢꤧ꤭ ꤊ꤫ꤢꤦ꤬ ꤋꤢꤧꤙꤢꤩ꤬ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤒꤣ꤬ꤡꤣ꤬ ꤘꤣ ꤢ꤬ ꤡ꤫ꤣ꤬ ꤔꤢꤧ ꤞꤢꤪ꤬ꤏꤢꤧ ꤊꤤ꤭ꤏꤢꤧ ꤒꤣꤧ꤬ꤋꤥ꤬ ꤥ꤬ꤒ꤫ꤢꤧ꤬ ꤘꤣ ꤠꤢꤧ꤭ ꤖꤢꤜꤢꤩ꤭ꤔꤣꤧ꤬꤯ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤢꤪ꤭ꤟꤢꤧ꤭ ꤢ꤬ ꤒꤣꤧ꤬ꤔꤢꤩꤖꤢꤨ ꤒꤣ꤬ꤘꤥ꤭ ꤘꤣ ꤢ꤬ ꤊ꤫ꤢꤦ꤬ ꤟꤢꤧ꤭ ꤗꤢꤩ꤬ꤡꤢ꤭ꤗꤢꤩ꤬ꤡꤢꤦ꤬ ꤠꤢꤧ꤭ ꤔꤢꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤣꤧ꤭ꤒꤣ꤬ꤡꤣ꤬ ꤟꤣꤧ꤯ ꤘꤣ ꤒꤢꤩ꤬ꤕ꤫ꤢꤧ꤬ꤒꤢꤩ꤬ꤏꤢꤩ꤭ ꤣꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ꤚꤣꤧ꤬ ꤠꤢꤧ꤭ ꤖꤛꤢꤓꤢꤧ꤬ꤜꤥ꤭ꤡ꤫ꤢꤧ꤬ ꤕꤢ꤬ ꤠꤢꤧ꤭ꤔ꤫ꤢꤩ꤬ ꤒꤥ꤬ ꤟꤣꤧ꤯

โครินธ์ เนอบ่า ต๊าบ่า 12:7 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 4:13

เบ๊อะแว โอ่เต่อเกอ เร๊อ ซี เร๊อ แว แด๊โฉ่โด่แน เป่เร๊อ ซี เน๊อ เตซิครือมีลา อาเหร่อเล๊อ โตโพ๊เนอหม่า แว ล๋อ ชุ๊ย เนอหม่า ซี ซิเง ลอดื่อ เฮ๊อ.

โครินธ์ อาเหร่อเล๊อ ต๊าบ่า 5:5

แซ่ฮู๊ อู เก่ เมปย๊าแก แกแย เออเตเพร อา สุ่ยเทอพ๊าหย่า อา เตซิหยื่อซิลอ อาเงเนอ, ซี เบ่ เด๊อะตาแก แกแย เออเตเพร เด๊อ โลเน๊มู๊แหม่รีแจ่ กู่กล๊อ อา กู๊ยากู. แซ่ฮู๊ แกแย เออเตเพร อา ซิปล่อเซอเพร เก่ พย๊าหนิ เตเมแลเปล๊กา ช๋า แบ่เจ่ อา ม๊อเนอ ปา อาเงเนอ, ซี เบ่ เม ฮู๊เนอ. เมเตเฮ๊เรอ ซี พย๊าหนิเฮ๊อ แบ่เจ่ อา เตอเรอฉว่าชอ เร๊อ อา เตโพรเตเตอเรอ เฮ๊อ อาขว่าอาคยา เม แลแค ฮู๊เนอ.

เห่ขุทวาลู่ 32:31

เบ๊อะ เพยาโคบ เถ่จว๊าแก เน๊อ เหล่โอ่ เบ๊อะ เปนีเอล เบ๊อะเนอ, ต๊อเหมาะ แถ่ เฮ๊อ. อาแข่ ลูเต๊เปล่ แก อาขว่าอาคยา, อา จว๊า แข่ด๊า เกอเร๊อ แก.

ทิโมธี อาเหร่อเล๊อ ต๊าบ่า 3:6

แซ่ฮู๊ อา เก่ แด่แถ่โล แต่ อาซิปล่อ แต่เหม่, โทเรอ แซ่ฮู๊ จอแปแหร่ เก่ เมจากาคยา แต่ อา แซ่เน๊อ อา เมจากาคยา โลเน๊มู๊แหม่รีแจ่ กู่กล๊อ เนอแต่เหม่ เนอเรอ, อา เบ่ ทวาหนิ แกแย เด๊อ อา หยื่อเอ่เซ ตื่อป่าแพ๊ เนอโต่.

เห่ขุทวาลู่ 32:25

เบ๊อะ แกแย เนอเตเพร ซิเง เฮ๊อ เน๊อ อา เมเป่ ปา เพยาโคบ โต่ เบ๊อะเนอ, อา ปลู๊เร เพยาโคบ อาแข่หน่อ. เร๊อ เบ๊อะ เหย่ซี เบ๊ตอปลอเต๊เปล่ ลู เบ๊อะเนอ, เพยาโคบ อาแข่หน่อ ลูเต๊เปล่ แก.

โครินธ์ เนอบ่า ต๊าบ่า 11:20

แกแย เด๊อ อา นอทวา เด๊อ ซีหลู่ เนอเต๊เห่, เร๊อ อา อิลอแลโฮ เอ่หนิเร๊อ ซี เนอเต๊เห่, เร๊อ อา เอ่ตือโอตือ เกอเร๊อ ซีขุ เนอเต๊เห่เนอ, ซี ดา ซิปล่อทู เกอเร๊อ เกอ แลแค ดื่อ เฮ๊อเฮ๊อ. ซี นอแด่ แถ่โผ่แถ่ม๊อ เกอเร๊อ แลแค อาเหน่ เร๊อ ซี ปลวา เป๊อเจ่อ เกอเร๊อ แลแค เหย่ซี เร๊อ ซีเหน่เหน่.

โครินธ์ อาเหร่อเล๊อ ต๊าบ่า 4:11

โต่กู๊แหน่เรอ เป โอ่วีโอ่กอ, เป โอ่วีโอเทอ, เปกือเปแซ๊ ดื่อเง แพ๊ เห่อจาเย เห่อจาหมื่อ แพ๊. เป ข่าเบ่ ดื่อ เปเง อูมืออูปอ เป. เปโซโดหี่ โชโดเพร๊ ดื่อ เปเง แพ๊.

โครินธ์ เนอบ่า ต๊าบ่า 10:5

เป เมตาพรอแก ลอ ล๋อ เตแด่ดุแด่แถ่โล เหน่ เด๊อ อา เมดู๊แด ตาตือฉื่อ เตซิเง จอแปแหร่ เนอเต๊เห่. ล๋อ แกแย อา เตเตเน เต๊เห่เนอ เป ปื่อด๊อโอ่ ลอ อา เร๊อ เป นอ จูเอ่ หนิดา อา เร๊อ ครี๊ อาโหง่.

ꤜꤢꤨꤊꤢ꤬ 13:16

กู๊แหน่เรอ เพอับราฮัม อากลุยแล เพรเหมาะ เด๊อ โลเน๊ กู่กล๊อ นอจอกลอหม่า โลเน๊ เร๊อ เพรเหมาะ เออเตเพรเนอ, อา โอ่งยา เจ๊อเฮ๊อ อาหน่า เช๊อลุยซว๊า เนอ อา โอ่เบ๊อะเออ เตเพร. เร๊อ ฉิโล๊ แลเปล๊แก เป่ อา เร๊อ โลเน๊ กู่กล๊อ จอกลอหม่า ลู เออ เบ๊อะแกแยยิวพู๊ อา ม๊อเนอโด่ เออเนอหมา, อา โต แหน่โต่ แฮ?”

มัทธิว 26:67

โทเรอ เหย่ซี ถู่ปล๊า ลูเป๊เส่, มือลู, ปลู๊ ลู, เต๊เห่เห่ เร๊อ อา แปล่ ลู.

มัทธิว 4:10

โทเรอ เหย่ซู่ เฮ๊ ลู เน๊อ, “โลเน๊มู๊แหม่ กู่กล๋อ! จว๊า ตาพายาแก ลีเทส่อพ๊า เฮ๊ เน๊อ, ‘จ๊อเบแถ่ ตื้อแพ๊ เน แบ่เจ่ จอแปแหร่ เร๊อ เมแพ๊ตื้อ อาเตเม แพ๊ นี๋,’” อา เฮ๊ ฮู๊เนอ.

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

โครินธ์ เนอบ่า ต๊าบ่า 12:1

เตเฮ๊เบ่ถู่เซ๊ เออเนอ อา หนิบุ๊ยหนิเตอเรอ เด๊อ อูเง เตเพร่ว โต่ หม่าแน๊เรอ แว โตเบ่ เฮ๊เบ่ถู่เซ๊ แพ๊. หม่าแน๊เรอ กู๊แหน่เออ แว เก่ เฮ๊โฉ่โล เป่ ซี เร๊อ แบ่เจ่ เด๊อะแม๊เถอะลว๊า หนื่ออื่อ แว เต๊เห่ เร๊อ อา เด๊อะโล เป่ แว เตเต๊เห่ อาหรี่อาแก.