โครินธ์ เนอบ่า ต๊าบ่า 12:20 - ลีเทส่อพ๊าอาเซ เร๊อ เห่ขุทวาลู๊20 ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ. အခန်းကိုကြည့်ပါ။Eastern Kayah Shadaw Dialect20 ꤏꤢ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ꤊꤣꤧ꤭ ꤘꤣ ꤞꤤ꤭ ꤥ꤬ ꤋꤢꤩ꤭ꤕꤢ꤭ꤔꤣꤧ꤬, ꤕꤢ꤭ꤗꤢ꤬ ꤠꤢꤧ꤭ ꤟꤢꤧ꤭ ꤗꤢꤧꤓ꤫ꤣꤧ꤬ ꤘꤢꤦ꤬ꤟꤣꤧ ꤞꤤ꤭ ꤒꤢꤩ꤬ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤥꤘꤢꤦ꤬ ꤔꤢꤧ ꤟꤢꤨ ꤠꤢꤧ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭ ꤟꤣꤧ, ꤓꤥ꤭ꤚꤣꤧ꤬ ꤞꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤘꤢꤦ꤬ꤟꤣꤧ ꤠꤢꤧ꤭ ꤒꤢꤩ꤬ꤘꤢꤧ꤬ꤞꤢꤨ꤬ꤘꤢꤧ꤬ꤞꤢꤩ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤋꤥꤘꤢꤦ꤬ ꤟꤢꤨ ꤞꤤ꤭ ꤞꤤꤛ꤫ꤢꤦ꤬ ꤗꤢꤧꤓ꤫ꤣꤧ꤬ ꤠꤢꤧ꤭ ꤔꤣꤧ꤬ ꤕꤢ꤭ ꤟꤣꤧ, ꤠꤢꤧ꤭ ꤙꤢꤩ꤬ꤛꤢꤪ꤬ꤥ꤬ꤔꤢꤩ꤬ ꤟꤢꤨꤔꤣꤧ꤬꤯ ꤠꤢꤧ꤭ ꤙꤢꤩ꤬ꤛꤢꤪ꤬ ꤘꤢꤦ꤬ꤟꤣꤧ ꤔꤢꤧ ꤕꤢ꤭ꤗꤢ꤬ ꤠꤢꤧ꤭ ꤟꤢꤧ꤭ꤗꤢꤧꤓ꤫ꤣꤧ꤬ ꤞꤤ꤭ꤊꤛꤢꤞꤤ꤭ꤒꤣꤧ꤬ꤍꤢ꤭ ꤜꤢꤨ꤭, ꤞꤤ꤭ ꤞꤤꤋꤝꤢꤩꤋꤛꤢ꤭ꤜꤢꤨ꤭, ꤞꤤ꤭ ꤞꤤꤕꤜꤢꤪ꤬ꤘꤢꤨ꤬ ꤞꤥ꤬ꤓꤣꤧ꤭ꤓꤢꤨ꤭ ꤜꤢꤨ꤭, ꤞꤤ꤭ ꤥ꤬ꤋꤥꤜꤢꤨ꤭ ꤒꤣ꤬ꤗꤢꤨ꤬ ꤔꤢꤧ ꤒꤣ꤬ꤗꤢꤨ꤬, ꤕꤣꤧ꤬ꤡ꤫ꤣꤧ꤬ꤕꤣꤧ꤬ꤢ ꤢꤨ꤭, ꤘꤢꤧꤗꤣꤧ꤬ꤓ꤫ꤣꤧ꤬ꤛꤥ꤬ ꤢꤨ꤭, ꤖꤛꤢꤘꤢꤨ꤬ꤖꤛꤢꤓꤢꤧ꤬ꤜꤥ꤭ ꤔ꤫ꤢꤩ꤬, ꤗꤢꤩ꤬ꤞꤢꤨꤞꤢ ꤒꤣꤧ꤬ꤕꤜꤢꤪ꤬ꤜꤣꤧ꤬ꤛꤢꤪ꤬ ꤒꤢꤩ꤬, ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ ꤟꤣꤧ꤯ အခန်းကိုကြည့်ပါ။ |
แกแย เออเต๊เห่ เนอหม่า แกแย เด๊อ อา ตามวาเตเล ฉว่า เร๊อ อา แด่ ดื่อเง เตซื๊อ เด๊อ อูโร อาโอ่ ปว๋า โตโพ๊ เจ๊อ. เหย่ซี ครวาลือเม หนิเกอดื่อ อาเหน่กล่อ อา เตซิหยื่อซิลอ มู๊แหม่รีแจ่ เนอเต๊เห่ อาคยา แพ๊. เหย่ซี เฮ๊เบ่ ถู่เซ๊ เกอเร๊อ แลแค อาเหน่, โท๊โต่ แซ่ฮู๊ เหย่ซี เก่ พย๊าหนิ เต เด๊อ อา ซิหยื่อ เนอเต๊เห่ เนอ, อา เฮ๊เบ่ ถู่เซ๊หนิ แลแค อู.
เหย่ซี เฮ๊เบ่ แถ่ม๊อแถ่โผ่ แลแค อา โหง่ เด๊อ อาบุ๊ยเตอเรอ โอ่โต่ เต๊เห่. เหย่ซี จว๊า อิซว๊า อู เร๊อ อู เก่ เมเตตาเร เด๊อ สุ่ยเทอพ๊าหย่า อา เตซิหยื่อ ปาต๊า เต๊เห่. เหย่ซี อี๊หล่า จว๊า ตาพาแก อู เร๊อ แกล๊โตแกล๊เบ่ เต๊เห่. แกแย เด๊อ เหย่ซี อี๊หล่า เต๊เห่เนอ, อา ตื๊อ โอ่โก๊เซ ปาแพ๊ เร๊อ อา เตซื๊อ ฮู๊ เหย่ซี เนอเต๊เห่ เมเนอ แพ๊.
เด๊อ ซี เตก๊อถ่อโอ่แน เม แลแค ฮู๊เนอ อาขว่าอาคยา, แว เก่ แฮ โอ่เล เกอ ซี เออโต๊โผ่ ปาเนอ, ปาหม่า แว แม๊เถอะเบ่ ดื่อ เฮ๊อ เน๊อ เตซิเตเร เด๊อ จอแปแหร่ อา เป๊เส่เง ปา เฮ๊อ แว เตเน ซิอิเช ฮู๊เนอ. เมเตเฮ๊เรอ, เด๊อ อาเหร่อเคเนอ หม่า แกแย เด๊อ อา จว๊าซื๊อ เพรเหมาะเพรคู เต๊เห่, เตเน ปาต๊าเปอเตอ เต๊เห่ เร๊อ อา จว๊าซื๊อ อูพู๊อูเม เต๊เห่เนอ, อา ถู่แหล่แต๊แกละ ล๋าย อาซิปล่อ โต่. ฮู๊เนอเรอ เด๊อ แกแย เออเต๊เห่ อาขว่าอาคยา, แว เก่ โหง่ซื๊อโหง่เบ่ เจ๊อ เด๊อ เหย่ซีเง ปา เจ๊อกอ แว เบ่รอ ฮู๊เนอ.
เบ๊อะแว แฮ โอ่เล เกอ ซี เนอโพ๊โตโพ๊ เบ๊อะเนอ, แว เด๊อะรอ หนื่ออื่อ โทเฮ๊อ แกแย เด๊อ อา เมซื๊อเต เด๊อ อาเหร่อ เนอเต๊เห่ เร๊อ ล๋อ แกแย เด๊อ อาโร เนอเต๊เห่ เฮ๊อ. กู๊แหน่เรอ แว โอ่ตาพายา เน๊อ ซี เร๊อ แว เด๊อะรอ คยาแซ๊ ซี. เร๊อ ช๋า แว แฮ คยาแซ๊ เออโต๊โผ่ ปาเนอ แว ซิโลซิยอ เกอเร๊อ ปาแหน่ เร๊อ ซี เตเพร่ว โต่ เฮ๊อ.
ช๋า แว แฮ เกอ คยาแซ๊ ซี ปา เบ๊อะเนอ, แซ่ฮู๊ แว เก่ เฮ๊เบ่ฉว่าเฮ๊เบ่ชอ แต่ ซี แต่เหม่ เนอเรอ, แว กุยซิยอ ตื๊อดื่อ ซิปล่อ เจ๊อ ซี เร๊อ ถู่แหล่ เต๊เปล่แก ลอ ซี เตแด่ ซี ซิปล่อสู่เทอ เนอเต๊เห่ นี๋. เด๊อ ซีเกล เต๊เห่เห่เนอ อา เฮ๊ แลแค เป เน๊อ เป ครวาลือ แพ๊ แกแย เห่ขุพู๊ อาเหล่โกล ซิหยื่อ เนอเต๊เห่ แพ๊. แกแย เด๊อ อา เฮ๊ เป ฮู๊เนอ เต๊เห่เนอ, แว เก่ เฮ๊เบ่ชอ เกอเด๊อะ เจ๊อ เหย่ซี ปา เก่.
แว โป่แหว่ ซี๋, เฮ๊มู๊แหม่ เกอเร๊อ แต่ ลู เตเพร เร๊อ เตเพร แต่เหม่ นี๋. อูเปเป๋ เบ่เบ่ เด๊อ อา เฮ๊มู๊แหม่ แกแย เด๊อ อา หยื่อเอ่ ครี๊ เตเพรเพร หม่าโต่เรอ อา แด่ เตซื๊อ แกแย เด๊อ อา หยื่อเอ่ ครี๊ เตเพรเพร เฮ๊เนอหม่า หม่าเฮ๊อ อา เฮ๊เบ่ มู๊แหม่รีแจ่ เฮ๊อ เตซว๊าเตแส่ เร๊อ อา แด่ เตซื๊อ เฮ๊อ เตซว๊าเตแส่ เออเนอ เฮ๊อ. ซี เก่ แด่ เตซื๊อ เตซว๊าเตแส่ เออเนอ เฮ๊เรอ, ซี หม่า แกแย เด๊อ อา จูเอ่ เตซว๊าเตแส่ หม่าโต่. หม่าแพ๊ แกแย เด๊อ อา แด่ เตซื๊อ เตซว๊าเตแส่ แพ๊.