โครินธ์ เนอบ่า ต๊าบ่า 12:2 - ลีเทส่อพ๊าอาเซ เร๊อ เห่ขุทวาลู๊

² เด๊อ อาเหร่อเค เช๊อลุยหน่า เบ๊อะเนอ, อู เอ๊กา กี๊แถ่ แกแยเพ เด๊อ อา หยื่อเอ่ ครี๊ เตเพร เด๊อ ม๊อขุ โซโต่ โต๊โต่ โต๊โผ่. (อาเหน่กล่อ โอ่ป่าแถ่เต่อ เกอ แอ? หม่า อา โอ่ป่าแถ่เต่อ โต่ แอ เนอ, แว ซิเง โต่. ซิเง แพ๊ตื๊อ จอแปแหร่ เตเพร แพ๊.)

Eastern Kayah Shadaw Dialect

² ꤘꤣ ꤢ꤬ꤚ꤫ꤣꤧ꤬ꤋꤢꤩ꤭ ꤏꤣꤧꤜꤝꤤ꤭ꤔꤢ꤬ ꤢ꤬ꤋꤢꤩ꤭ꤔꤣꤧ꤬, ꤢꤨ꤭ ꤢꤩꤊꤢ꤬ ꤊꤣꤧ꤬ꤓꤢꤧ꤬ ꤊꤣꤧ꤬ꤛꤢꤧ꤭ꤖꤢꤩ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ ꤋꤚꤤ ꤒꤣ꤬ꤖꤚꤢꤩ꤬ ꤘꤣ ꤗꤢꤪꤋꤢꤨ꤬ ꤞꤥ꤭ꤒ꤫ꤥ꤬ ꤒꤣ꤬ꤒ꤫ꤥ꤬ ꤒꤣ꤬ꤖꤥ꤬꤯ (ꤢ꤬ꤔ꤫ꤢꤩ꤬ꤊꤜ꤫ꤢꤪ꤬ ꤥ꤬ꤕ꤫ꤢ꤬ꤓꤢꤧ꤬ꤒ꤫ꤣ꤬ ꤊꤣꤧ꤭ ꤟꤢꤧ꤭? ꤗꤢ꤬ ꤢ꤬ ꤥ꤬ꤕ꤫ꤢ꤬ꤓꤢꤧ꤬ꤒ꤫ꤣ꤬ ꤒꤥ꤬ ꤟꤢꤧ꤭? ꤔꤣꤧ꤬, ꤠꤢꤧ꤭ ꤞꤤꤑꤢꤩ꤭ ꤒꤥ꤬꤯ ꤞꤤꤑꤢꤩ꤭ ꤖꤢꤧꤒꤢꤦ ꤡꤢꤪꤗꤣꤧ꤬ꤚꤢꤧ꤬ ꤒꤣ꤬ꤖꤚꤢꤩ꤬ ꤖꤢꤧ꤯)

โครินธ์ เนอบ่า ต๊าบ่า 12:2 ပူးပေါင်းရင်းမြစ်များ

เพรโด่แนพู๊ เต๊เห่ 22:17

คูเปาโล เฮ๊ โป่ เน๊อ, “แว กาคยา คยาแซ๊ เด๊อ วีเยรูซาเล็ม เร๊อ เบ๊อะแว กุยจ๊อเบ เด๊อ เตหลู่แต โฮกู เบ๊อะเนอ, แว แม๊เถอะลว๊า เตเต๊อเจ่อ.

เตเด๊อะโลแถ่ 4:2

เออโตโพ๊เรอ จอแปแหร่ อา แหย่โยบูโพ๊ ปื่อหม่า โตโพ๊ ปื่อหม่า แว เร๊อ เด๊อ ม๊อขุ เนอ จ๊อแผ่ อา กู่แกล๊เท แถ่โล โอ่ เตเม เร๊อ อู โอ่แนโอ่ เด๊อ อาขุ เนอ เตเพร.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

โทเรอ เป เด๊อ อา โอ่เซอเพรปา เออเต๊เห่เนอ, แซ่ฮู๊ เป เก่ จว๊า แม๊เถอะฉื่อ เกอ เร๊อ แบ่เจ่ เด๊อ ม๊อเล ปาเนอเรอ, จอแปแหร่ เก่ จอแถ่ เต่อเกอ เป เร๊อ เหย่ซี เด๊อ อ๊อโหล่เกล ปา. โทปาเรอ เป เก่ จว๊า โอ่เต่อเกอ เร๊อ แบ่เจ่ ตูจูเพร ตาแลเคร๊ ปา.

โครินธ์ เนอบ่า ต๊าบ่า 11:11

แว เฮ๊ ฮู๊เออเรอ แว โม ซี โต่ ฮู๊เนอ แอ? แว โม ซี เนอหม่า จอแปแหร่ ซิเง.

เตเด๊อะโลแถ่ 12:5

เออโตโพ๊เรอ เพรเหมาะ เออเตเพร พู๊โอ่ เกอเร๊อ เฮ๊อ อา พู๊เพรคู เตเพร เด๊อ อา เก่ เป๊อเทอเก่ ปว๊าเต๊เก่ เร๊อ อิปอ ต่อเท๊ เนอโตโบ ปา. เร๊อ เป๊เจ่พู๊ เออเตเพรเนอ อู พย๊าจว๊า ตาพาแก ลู เร๊อ อู จอแถ่แก ลู เด๊อ จอแปแหร่ อาโอ่ เร๊อ อา พย๊าแถ่แก ลู เด๊อ จอแปแหร่ อา กู่แกล๊เท แถ่โล อาเหล่โอ่ เนอ.

ꤟꤤꤙꤚꤢꤨ 9:24

เมเตเฮ๊เรอ เหล่สื่อดุ บูโพ๊ เด๊อ อู เม เร๊อ แกแย กู๊ขุ เร๊อ อู แม๊บือ เมเกอ แพ๊ อาโหมะกล่อ หม่าแหน่ เออเตเม อากู เนอ, ครี๊ จว๊าโน เบ๊อะเนอ หม่าโต่. อา จว๊าโน เร๊อดื่อ เด๊อ ม๊อขุ เร๊อ กู๊แหน่เออ อา กุยซิยอ เป่ เป เด๊อ จอแปแหร่ อาเป๊เส่เง.

เอเฟซัส 4:10

แกแย เด๊อ อา แฮแล โทเฮ๊อ เด๊อ เห่ขุ เออเตเพรเนอ, เตเพรเพร่ว แพ๊ ลู เร๊อ อา กา กี๊แถ่ เด๊อ เหล่โอ่แถ่โล เล๊อ เร๊อ ม๊อขุ เต๊เห่ เนอเตเพร เฮ๊อ. เด๊อ ม๊อขุ เบ่เบ่, เด๊อ ม๊อเล เบ่เบ่, เด๊อ เห่ขุ เหล่โอ่ เบ๊อะโต๊โผ่ เบ่เบ่, แซ่ฮู๊ อา เก่ โอ่ลอ เหล่โอ่ ปว๋า โต๊โผ่เนอ เรอ, อา กา กี๊แถ่ เด๊อ ม๊อขุ แพ๊.

ꤊꤢ꤬ꤜꤢ꤬ꤒꤤ 5:6

เมเตเฮ๊เรอ เบ๊อะซี ทวาแถ่เฮ๊อ เตเตอเจ๋อโต เร๊อ เหย่ซู่ครี๊ เบ๊อะเนอ, เตดื๊อตีลี๊พ๊า เบ่เบ่, เตดื๊อตีลี๊พ๊า โต่ เบ่เบ่, อา ทวาบุ๊ยทวาเตอเรอ เน๊อ เตอเจ๋อ โต่. เต เด๊อ อา ทวาบุ๊ยทวาเตอเรอ เล๊ออูโค เนอหม่า, เตหยื่อเตแหน่ เด๊อ อา เด๊อะโล เตโม จอแปแหร่ เร๊อ อูโร เออเนอ แพ๊.

ꤊꤢ꤬ꤜꤢ꤬ꤒꤤ 1:22

เบ๊อะเนออาเค, เพรหยื่อเอ่เออ ตู๊หมู่ตอกล๊อ เด๊อ ยูดาห์ เก่กู เนอเต๊เห่ ซิเงแต่ล๋าย แว โต่.

โครินธ์ เนอบ่า ต๊าบ่า 5:17

แกแย เตเพรเพร เด๊อ อา ทวาแถ่ เฮ๊อ เต๊อเจ๋อ แพ๊ เน๊อ ครี๊ เนอ, อา ทวาแถ่ เฮ๊อ แกแย เตเพร เด๊อ จอแปแหร่ แบ๊แล เต๊เปล่ เซ ลู เฮ๊อ. อา วีแก แก อา เตโอ่เซอเพร อาเลอ เต๊เห่ เร๊อ อา โอ่เซอเพร เต๊เปล่แก เด๊อ อาเซ เฮ๊อ.

ꤚꤥꤗꤢꤩ꤬ 16:7

ซู จว๊า หนิเป่ เกอ แว เตเฮ๊โมเฮ๊แร๊ เด๊อ คูอันโดรนิคัส เร๊อ หม่อยูเนีย นี๋. เหย่ซี หม่า แกแยยิวพู๊ แซ่เน๊อ แว เออเนอ แพ๊. อู ด๊อตา โหร่เกอ เหย่ซี เร๊อ แว เด๊อ ทอกู หนิ. เหย่ซี หม่า เพรโด่แนพู๊ เต๊เห่ เด๊อ อู แด่ดุหยื่อแหน่ แหน่เจ๊อ เต๊เห่. เหย่ซี ครวาเหร่อเล๊อ ครี๊ อาคยา เร๊อ แว หนิ.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

เพรโด่แนพู๊ เต๊เห่ 14:6

เบ๊อะเพรโด่แนพู๊ เต๊เห่ ซิเงเฮ๊อ เร๊อ อู เตเน เครเมมู๊แหม่ เฮ๊อ เหย่ซี เบ๊อะเนอ, เหย่ซี เถ่แกล่ จว๊าแก เด๊อ วีลิสตรา เน๊อ วีเตอร์บี เด๊อ อา โอ่ เด๊อ ลิคาโอเนียเก่ อา เตเป๊ออาเล เนอเต๊เห่, เร๊อ เหล่โอ่ โอ่ตี๊วี๊ตาวา เบ๊อะเนอเต๊เห่.

ꤛꤥ꤭ꤟꤢ꤬ 6:56

แกแย เด๊อ อา เอ่ แวหย่า โอ แวสุ่ย เตเพรเพร เนอ, อา โอ่เซอเพร เด๊อ แวกู, เร๊อ แว โอ่เซอเพร เด๊อ ลูกู เฮ๊อ.

ꤜꤢꤨꤊꤢ꤬ 24:51

เบ๊อะอา เด๊อะบุ๊ยเด๊อะเตอเรอ ปาแพ๊ เหย่ซี เบ๊อะเนอ, อู จอกากี๊แถ่ ตาพาแก ลู เด๊อ ม๊อขุ เร๊อ อา แด่โอ่แก แก อา โคเจ่ เต๊เห่.

เตเด๊อะโลแถ่ 1:10

เบ๊อะแบ่เจ่ อาม๊อเนอ เตอเนอเนอ จอแปแหร่ อา แหย่โยบูโพ๊ โอ่ป่อหม่าหนิ แว เร๊อ แว หนิโฮ โหง่พราแถ่ฉว่า เร๊อ พราแถ่ชอ เด๊อ แวคยา เร๊อ อา แซ่เจ๊อเร๊อ กวา พราแถ่ เนอ เจ๊อ.

โครินธ์ เนอบ่า ต๊าบ่า 13:5

แซ่ฮู๊ ซี เก่ ซิเง เกอเร๊อ แลแค ซีเหน่ เร๊อ ซี จ๊อ เร๊อ ซี เตหยื่อ แอ? ซี จ๊อ โต่ แอ? เนอ, แด๊เฮอ แล เกอเร๊อ แลแค ซีเหน่ เนอ. ครี๊ โอ่เซอเพร เด๊อ ซีเหน่ลู เนอหม่า ซี ซิเง โต่ แอ? หม่าแน๊เรอ ซี เก่ แม๊เถอะ เร๊อ ซี จ๊อ เร๊อ ซี เตหยื่อ โต่ เฮ๊เรอ, เหย่ซู่ครี๊ โอ่เซอเพร เด๊อ ซีกู โต่.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

โครินธ์ อาเหร่อเล๊อ ต๊าบ่า 1:30

จอแปแหร่ เมทวาแถ่ โต่เฮ๊อ ซี เน๊อ เหย่ซู่ครี๊ เตอเจ๋อ โต เฮ๊อ. อา เมทวา เป่ เฮ๊อ ซี เต๊อะเจ้อ แพ๊ เน๊อ ครี๊ เออเนอ, อา เก่ ทวาแถ่ เฮ๊อ เป เตลีแมลีเพ๊ เฮ๊อ. เด๊อ ครี๊ อาขว่าอาคยาเร๊อ, จอแปแหร่ แด่ เฮ๊อ เป ฮู๊ แกแยจ๊อแกแยเต เต๊เห่เนอ เฮ๊อ. โท๊โต่ เป ทวาแถ่ เฮ๊อ จอแปแหร่ อาแกแย บูโพ๊ เร๊อ ครี๊ ปลวาเถ่ ปาลา เฮ๊อ เป เน๊อ เตซื๊อ เฮ๊อ.

ꤚꤥꤗꤢꤩ꤬ 16:3

แว ซูจว๊า หนิเกอ แว เตเฮ๊โมเฮ๊แร๊ เออ เด๊อ เพอาควิลลา เร๊อ อาเม โหมะปริสสิลลา อา โอ่. เหย่ซี หม่า อา เมเต่อเกอ เต เร๊อ แว เด๊อ เหย่ซู่ครี๊ อาเง.

ꤚꤥꤗꤢꤩ꤬ 16:9

แว ซูจว๊าหนิ แว เตเฮ๊โมเฮ๊แร๊ เด๊อ คูอูรบานัส เด๊อ อา เม โหร่เกอ ครี๊ อา เตเอ่เตแร เร๊อ แว เออเนอ เตเพร เร๊อ แว โคแบ๊ซว๊าโม คูสทาคิส อา โอ่.

ꤚꤥꤗꤢꤩ꤬ 16:10

ซูจว๊าหนิ เป่เกอ แว เตเฮ๊โมเฮ๊แร๊ เด๊อ คูอาเป็ลเลส อา โอ่ เนอ นี๋. อา หม่าเพรแรเต เด๊อ อา ป่อเต่อ แม๊เถอะเบ่ น๊อ โทเฮ๊อ เตเมจาเมจือ เต๊เห่ เร๊อ อา ซิปล่อปย๊า เกออู โต่ เตเพร ขว่าคยา, แกแย เด๊อ เหล่ซิเลหนิ แหน่เจ๊อ อา เตเพรเจ๊อ. ซูจว๊าหนิ เป่เกอ แว เตเฮ๊โมเฮ๊แร๊ เออเนอ เด๊อ คูอาริสโทบูลูส เร๊อ อา หี่ด๊อหี่แพพู๊ เนอเต๊เห่ อา โอ่ นี๋.

ꤟꤤꤙꤚꤢꤨ 4:14

ฮู๊เนอเรอ, เป ปื่อหม่าปื่อกลอ แร๊ แลแค เป เตหยื่อเตแหน่ เด๊อ เป อ๊อแล โทเร๊อเฮ๊อ เออเนอ โป๋, เมเตเฮ๊เรอ, เป โอ่ เกอเร๊อ เน๊อ เป เพรหลู่แต กู่กล๊อดุเล๊อ เออเตเพร, เร๊อ อา จว๊าโน เป่เฮ๊อ เด๊อ เปเง เด๊อ ม๊อขุ เฮ๊อ. อา หม่า จอแปแหร่ อา พู๊เพรคู เหย่ซู่ เออเนอเฮ๊อ.