เป ย๋อ โม เกอเร๊อ แหน่เจ๊อ ซี, โทเรอ ซี ทวา เป โคแบ๊ซว๊า เด๊อ อา โมแหน่เจ๊อ เป เต๊เห่ อาขว่าอาคยา, เป ตี๊หรี่แตแร หนื่ออื่อ เปเหน่ เด๊อ เป เก่ แด๊โฉ่ ซิเง ตื๋อ เป่แพ๊ ซี เร๊อ จอแปแหร่ อา เตซิครือมีลา เออ อาหรี่อาแก เนอหม่าโต่. เป โอ่ ตี๊หรี่แตแร หนื่ออื่อ โป่ เจ๊อ เปเหน่ เร๊อ เป เก่ โอ่เต่อเกอ เร๊อ ซี เร๊อ, พย๊าจว่าเมจว่า เกอโป่ เจ๊อ ซี.
โครินธ์ เนอบ่า ต๊าบ่า 12:15 - ลีเทส่อพ๊าอาเซ เร๊อ เห่ขุทวาลู๊15 แวลอแวแก แวรือแวเท, แวอ๊าแวเหร่, เตปว๋า เต๊อเจ่อ เด๊อ ซีเง เนอ, แว ซิครือซิลอ แพ๊. แว โม เจ๊อ ซี บ๊าเออ เจ๊อ หม่าแน๊เรอ ซี เตโม แว เนอ อา แซ่ เร๊อ อาปีตี๊ กาแล โต่บย่า ฮู๊เต? အခန်းကိုကြည့်ပါ။Eastern Kayah Shadaw Dialect15 ꤠꤢꤧ꤭ꤜꤢꤪ꤭ꤠꤢꤧ꤭ꤊꤢꤧ꤭ ꤠꤢꤧ꤭ꤚꤢꤦ꤭ꤠꤢꤧ꤭ꤓꤢꤩ꤭, ꤠꤢꤧ꤭ꤟꤢꤧ꤭ꤠꤢꤧ꤭ꤚꤢꤩ꤬, ꤒꤢꤩ꤬ꤕꤝꤢ꤭꤮ ꤒꤣ꤬ꤡꤣ꤬ ꤘꤣ ꤞꤤ꤭ꤑꤢꤩ꤭ ꤔꤣꤧ꤬, ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤢꤧ꤯ ꤠꤢꤧ꤭ ꤗꤥ꤬ ꤡꤣꤧ ꤞꤤ꤭ ꤙꤢꤣꤧ꤭ ꤡꤣꤧ ꤒꤣꤧ꤬ꤘꤢꤦꤚꤣꤧ꤬ ꤞꤤ꤭ ꤒꤢꤩ꤬ꤗꤥ꤬ ꤠꤢꤧ꤭ ꤔꤣꤧ꤬ ꤢ꤬ ꤡ꤫ꤣ꤬ ꤔꤢꤧ ꤢ꤬ꤕꤣꤧ꤬ꤒꤤ ꤊꤣꤧ꤬ꤜꤢꤧ꤬ ꤒ꤫ꤥ꤬ꤙꤛꤢ꤬ ꤟꤢꤨꤒꤢꤩ꤭? အခန်းကိုကြည့်ပါ။ |
โครินธ์ เนอบ่า ต๊าบ่า 12:15
22 ပူးပေါင်းရင်းမြစ်များ
เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.
แซ่เน๊อ ซี เก่ พย๊าหนิ เตเมโม เมจว่า เร๊อ ซิปล่อเซอเพร ตูจูเพร อาเงเนอ, จอแปแหร่ นอข่าเบ่ เป เตแป่เตเช ฮู๊เออเนอ แพ๊. เร๊อ แซ่เน๊อ ซี เก่ พย๊าหนิเกอ เตเมโม เมจว่า อาเงเนอ, จอแปแหร่ เมโม เมจว่า เฮ๊อ เป. เป เตเมโม เมจว่า ซี เออเนอ, อา เด๊อะทวาแถ่ เฮ๊อ ซี เตแด่ทูซิปล่อ แซ่เฮ๊อเร๊อ เป ข่าเบ่ โทเฮ๊อ เนอเต๊เห่ เฮ๊อ.
แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.
ฮู๊เนอเรอ, พื๋อ เร๊อ แว เตเร แฮ เด๊อ ซี โอ่ เนอ, แว ราจว๊า เหร่อ เป่แก เฮ๊อ ซี ลี เด๊อ อาเหร่อเค เนอต๊าบ่า เฮ๊อ เน๋อ. เบ๊อะเนอเค แว เก่ แฮ โอ่เล เกอ ซี เฮ๊เนอ, แว ซิเง เร๊อ ซี เก่ เมซิเปล ซิหย่อแหน่ แว แพ๊. หม่าแน๊เรอ ซี หม่า แกแย เต๊เห่ เด๊อ อา โตเบ่ เมซิครือ แหน่เจ๊อ แว เต๊เห่. แว ซิเง เร๊อ เบ๊อะแว ซิครือซิลอ เบ๊อะเนอ, ซี เกล๋ ซิครือ เกอแหน่ ปา แพ๊.
หนิดา แลแค ซี เตจ๊อบู่จ๊อเบ อา ทวาดุทวาเต เต๊เห่ อาโหง่ เร๊อ ครวาเมเกอ ฮู๊ เหย่ซี เฮ๊ตา เนอ นี๋. เหย่ซี โอ่ป่อ แม๊ตู่หนิ ซี ซิปล่อเซอเพร เร๊อ เต เด๊อ เหย่ซี เม เต๊เห่เนอ, อา เบ่ เฮ๊โล กาคยา คยาแซ๊ จอแปแหร่ ปา. ซี เก่ หนิดา โต่ เฮ๊เร๊อ อา เก่ เม เน๊อ เตซิเปลซิหย่อ ปา. เร๊อ อา ทวาบุ๊ยทวาเตอเรอ เด๊อ ซีเง เตอเจ๋อ โต่.
หม่าแน๊เรอ อา เฮ๊ฉื่อ แว เน๊อ, “ล๋อ เน โหล่เบ่ เต เด๊อ แว โอ่ เต๊เห่ เร๊อ เน เตจาเตจือ เออเต๊เห่ อาเง เนอหม่า, ตื๊อแพ๊ แวบุ๊ยแวเตอเรอ เด๊อ อา เมจว่า เน เออเนอ แพ๊. เบ๊อะเน อ๊าเจ่เหร่เจ่ ฮู๊เนอ อาเค, แว เตโพร ฉว่าชอ เก่ โอ่โลแถ่ เด๊อ เนกู ปา.” ฮู๊เนอ อาขว่าอาคยา แซ่ฮู๊ อู เก่ แม๊เถอะ แฮเง ตื๊อดื่อ โป่ ครี๊ อา เตโพร ฉว่าชอ โอ่ เด๊อ แวกู เออเนอ, แว เก่ เฮ๊เบ่ ถู่เซ๊ เกอเร๊อ แว เตอ๊าเจ่เหร่เจ่ อาหรี่อาแก เออเต๊เห่ ปา. แว เก่ เฮ๊เบ่ ถู่เซ๊ เกอเร๊อ แวเหน่ ฮู๊เนอเรอ แว ซิครือซิลอ แพ๊.
เมเตเฮ๊เรอ, เด๊อ แว โป่แหว่ แกแยยิวพู๊, หม่าเฮ๊อ แวเมวเจอะ เร๊อดื่อ, แวสุ่ยแวเทอ เร๊อดื่อ เออเต๊เห่ อาเงเนอ, จอแปแหร่ เก่ อิชอ ฮามู๊แหม่แก เด๊อ แวเออ หม่า อาหนิ แพ๊. โท๊โต่ จอแปแหร่ เก่ ปาตือ แว เร๊อ ครี๊ เร๊อ เหย่ซี เก่ หนิ เตเมแลเปล๊กา ปา เก่เฮ๊เรอ อา ปาตือแก แว หม่า อาหนิ แพ๊. แว ซิหยื่อ ข่าเป่ แหน่เจ๊อ เด๊อ เหย่ซีเง เจ๊อ.
ကြော်ငြာတွေ