โครินธ์ เนอบ่า ต๊าบ่า 12:11 - ลีเทส่อพ๊าอาเซ เร๊อ เห่ขุทวาลู๊

¹¹ แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

Eastern Kayah Shadaw Dialect

¹¹ ꤠꤢꤧ꤭ ꤟꤢꤩꤙꤢꤩ꤬ ꤓꤢꤨ꤬ꤞꤢꤩꤚꤣꤧ ꤠꤢꤧ꤭ꤍ꤫ꤥ꤬ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤡ꤫ꤣ꤬ ꤡꤣꤧ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤒꤣ꤬ꤖꤚꤢꤩ꤬꤯ ꤗꤢ꤬ꤔꤢꤧꤚꤣꤧ꤬ ꤞꤤ꤭ ꤗꤢꤩ꤬ꤒꤣꤧ꤬ꤗꤝꤤ꤭ ꤠꤢꤧ꤭ ꤖꤢꤧ꤯ ꤞꤤ꤭ ꤒꤥ꤭ ꤓꤝꤢ꤭ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤒꤥ꤭ ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤠꤢꤧ꤭꤯ ꤟꤢꤨ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ, ꤠꤢꤧ꤭ ꤗꤢ꤬ ꤊꤣꤧ꤬ꤛꤢꤧ꤭ ꤥ꤬ꤜꤣꤥ꤬ꤊꤜꤢꤪ꤭ ꤒꤣ꤬ꤖꤚꤢꤩ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤠꤢꤧ꤭ ꤒ꤫ꤥ꤬ ꤜꤣꤧ꤬ꤛ꤫ꤢꤦ꤬ ꤜꤣꤔꤢꤧ ꤢ꤬ ꤓꤝꤢ꤭ ꤜꤢ꤭ꤋꤢꤧ꤭ ꤞꤢꤚꤢꤘꤢꤨ꤬ ꤗ꤫ꤢ꤬ꤟꤣꤧ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤔꤣꤧ꤬ꤒꤣꤧ꤬ꤟꤢꤩ꤬ ꤒꤣꤧ꤬ꤊꤤ꤬꤮ ꤒꤥ꤬꤯

โครินธ์ เนอบ่า ต๊าบ่า 12:11 ပူးပေါင်းရင်းမြစ်များ

โครินธ์ เนอบ่า ต๊าบ่า 11:5

ซี ดา เอ๊ เกอเร๊อ เหย่ซี เน๊อ, “เพรโด่แนพู๊ เต๊เห่ ซ๊าร๊าดุ” เนอเต๊เห่เนอ, อา แจ่ แถ่โลเล๊อแหน่ เร๊อ แว โต่.

โครินธ์ เนอบ่า ต๊าบ่า 11:1

แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

เอเฟซัส 3:8

เด๊อ จอแปแหร่ แกแย เออเต๊เห่ อาเกลเนอ, แว หม่า แกแย เด๊อ อาโตอาเบ่ เกอ เจ๊อ อู ตีกี๊โต่ เตเพร. ฮู๊เนอ เจ๊อ ตื๊อดื่อเรอ จอแปแหร่ เด๊อะตา แว เตบุ๊ยเตเตอเรอ เออ เร๊อ แว เก่ เบ่ แด๊โฉ่โล เป่ แกแยยิวพู๊ หม่าโต่ เต๊เห่ เร๊อ ครี๊ อา เตงูดุงูชอ เด๊อ แม๊ปูซิเง เบ๊ เจ๊อ อาหรี่อาแก โต่ เออเต๊เห่.

โครินธ์ เนอบ่า ต๊าบ่า 12:12

เบ๊อะแว โอ่เต่อเกอ เร๊อ ซี เบ๊อะเนอ, ซี แม๊เถอะ ตาเต ลอดื่อ เฮ๊อ เร๊อ แว หม่า เพรโด่แนพู๊ เต๊เห่ หม่าแหน่ เตเพร เฮ๊อ, เมเตเฮ๊เรอ เต เด๊อ แว เมโทเฮ๊อ เต๊เห่เนอ, แว แด่ทูซิปล่อ เม แหน่เจ๊อ, โท๊โต่ แว เด๊อะโล เป่ โทเฮ๊อ ซี เตม๊าเตแด เต๊เห่ เร๊อ เตโค๊ตีกลี๊ เต๊เห่ เฮ๊อ, เร๊อ แว เมโอ่โล เป่ โท เอ๊ลู เฮ๊อ ซี เตตาปา คย๊ายื๊อ เต๊เห่ เฮ๊อ.

โครินธ์ เนอบ่า ต๊าบ่า 12:6

หม่าแน๊เรอ แว เก่ ซิหยื่อ เฮ๊เบ่ถู่เซ๊ เกอเร๊อ เกอ แวเหน่ ปา เฮ๊เนอหม่า อาหนิ แพ๊, แว ทวา เร๊อ แกแย ตีมุย หม่าโต่, เมเตเฮ๊เรอ แว เฮ๊เบ่ถู่เซ๊ เกอเร๊อ แวโหง่ เออเต๊เห่ เนอหม่า อาจ๊ออาเต แพ๊. หม่าแน๊เรอ แซ่ฮู๊ แว เก่ เฮ๊เบ่ ถู่เซ๊ เกอเร๊อ แวเหน่ โต่ เนอ, แว ค๊อเกอเร๊อ แวเหน่. แว ซิหยื่อ นอเตเน อู บ๊า อู แม๊เถอะ แว เมเตเต๊เห่ เร๊อ บ๊า อู หนิโฮ แว เตอิซว๊าอี๊แส่ เต๊เห่ เนอแพ๊. แว ซิหยื่อ นอ เตเนดุเล๊อ อู เร๊อ บ๊า แว เมเนอ โต่.

โครินธ์ เนอบ่า ต๊าบ่า 1:6

แซ่เน๊อ ซี เก่ พย๊าหนิ เตเมโม เมจว่า เร๊อ ซิปล่อเซอเพร ตูจูเพร อาเงเนอ, จอแปแหร่ นอข่าเบ่ เป เตแป่เตเช ฮู๊เออเนอ แพ๊. เร๊อ แซ่เน๊อ ซี เก่ พย๊าหนิเกอ เตเมโม เมจว่า อาเงเนอ, จอแปแหร่ เมโม เมจว่า เฮ๊อ เป. เป เตเมโม เมจว่า ซี เออเนอ, อา เด๊อะทวาแถ่ เฮ๊อ ซี เตแด่ทูซิปล่อ แซ่เฮ๊อเร๊อ เป ข่าเบ่ โทเฮ๊อ เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 3:22

คูเปาโล เบ่เบ่, คูอปอลโล เบ่เบ่, คูเปโตร เบ่เบ่, เห่ขุต๊าบ่า ลอ เจ๊อ เบ่เบ่, เตเซอ เร๊อ เตเซอเพร เบ่เบ่, ทือเค กู๊แหน่เค เออเบ่เบ่, ช๋า เนอปา ตือทือ เบ่เบ่, จอแปแหร่ เด๊อะตา ลอ เตเออเต๊เห่ เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

ꤜꤢꤨꤊꤢ꤬ 17:10

ซี เบ่เบ แซ่ฮู๊เนอ เฮ๊อ. เบ๊อะซี เมโทลอเฮ๊อ. ล๋อ เต เด๊อ อู นอ ซี เนอเต๊เห่ เบ๊อะเนอ, ซี โต เฮ๊ เน๊อ, ‘เป หม่า หลู่ เด๊อ อาโตอาเบ่ โต่ เต๊เห่ เร๊อ อา เมโทแก จ๊อจื้อ แพ๊ เตเม เด๊อ อา โตแลเบ่ เป เออเนอเต๊เห่ แพ๊.’”

โครินธ์ อาเหร่อเล๊อ ต๊าบ่า 13:2

แว เก่ พย๊าหนิ เจ๊อ เตแจ่เตลีแม เด๊อ แว เก่ แด๊โฉ่โด่แน แจ่ เป่ เจ๊อ อู เร๊อ จอแปแหร่ อาลาอาโหง่ เต๊เห่ เจ๊อ เบ่เบ่, แว เก่ ซิเง ลอหล่าตี๊กลิ เจ๊อ เต อาจ่ออาแย เต๊เห่ เน๊อ ล๋อ เตซิคว๊าซิเง เต๊เห่เนอ เจ๊อ เบ่เบ่, แว พย๊าหนิ เจ๊อ เตหยื่อ เด๊อ อา นอซ๊อซื๊อ จว๊าแกเบ๊ เจ๊อ โฉ่ เต๊เห่ เบ่เบ่, แว เก่ โมเร๊อ อู โต่ เฮ๊เนอ, แว หม่า แกแย โอ่เล๊อโอ่กลอ เตเพร แพ๊.

โครินธ์ เนอบ่า ต๊าบ่า 3:1

แว เฮ๊ ฮู๊เออ เร๊อ อา แซ่ เร๊อ แว เฮ๊เบ่ แถ่โล คยาแซ๊ แวเหน่ ฮู๊เนอ แอ? หม่า เป โหล่ พย๊าแฮหนิ เป ลีข่าเฮ๊โล เต๊เห่ เด๊อ อา เก่ เฮ๊โล เป่ ซี เร๊อ เป หม่า เพรโด่แนพู๊ เต๊เห่ หม่าแหน่ ฮู๊ อูโร เต๊เห่เห่ พย๊าแฮหนิ เนอ แอ? หม่าโต่เรอ เป โหล่ พย๊าจว๊าหนิ ลี ข่าเฮ๊โล เต๊เห่ เด๊อ ซี เก่ รา เป่ เป อาเงเนอ แอ?

โครินธ์ เนอบ่า ต๊าบ่า 5:13

อู เก่ เฮ๊ เป เร๊อ แกแย ตีมุย เก่เฮ๊เรอ, เหล่เฮ๊โอ่ เน๊อ โต่, ล๋อ เป เม เออเต๊เห่ เนอหม่า จอแปแหร่ อาเง แพ๊. อู เก่ เฮ๊ เป เร๊อ เป เมเต โต เก่เฮ๊เรอ, อา หม่าเฮ๊อ, เป เม ม๊า เป่ แหน่ เด๊อ อา เก่ หนิบุ๊ยหนิเตอเรอ เด๊อ ซีเงเนอ.

ꤊꤢ꤬ꤜꤢ꤬ꤒꤤ 6:3

แกแย เตเพรเพร เด๊อ อา เฮ๊ เกอเร๊อ อาเหน่ เน๊อ, แว หม่า แกแย เด๊อ อู โหล่ดุหนิเล๊อะ เตเพร อา เฮ๊ หม่าแน๊เรอ อา เก่ หม่า ฮู๊เนอ หม่าโต่ เฮ๊เนอหม่า อา แลโฮ แล เกอเร๊อดื่อ อาเหน่ แพ๊.