โครินธ์ เนอบ่า ต๊าบ่า 11:26 - ลีเทส่อพ๊าอาเซ เร๊อ เห่ขุทวาลู๊26 เด๊อ แว จว๊า แกล๊ อาโพ่เอ๊ อากูเนอ แว แม๊เถอะ ป่อชิเต่อเบ่ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. แว แม๊เถอะ ป่อชิเต่อเบ่ น๊อ เทอดุ ตาตือบี๊ แวแกล๊, แว แม๊เถอะ ป่อชิเต่อเบ่ น๊อ เร๊อ เพรปื่อเผ่ พย๊าเพ่ อูเต เต๊เห่, แว แม๊เถอะ ป่อชิเต่อเบ่ น๊อ เร๊อ แวเมวเจอะ แกแยยิวพู๊ เร๊อดื่อ เต๊เห่ เร๊อ แกแยยิวพู๊ หม่าโต่ เต๊เห่ ซิเถ่ซิฮา แม๊ปูเมเซอ แว. เบ๊อะแว จว๊าโน เด๊อ วีดุวีทู อากู เบ่เบ่, เบ๊อะแว จว๊า เด๊อ แกแย โอ่ เตเพร่ว โต่ อาเหล่โอ่ เนอ เบ่เบ่, แว แม๊เถอะ ป่อชิเต่อเบ่ น๊อ เอ๊แหน่เจ๊อ เร๊อ เตต๊อหร่อเซ๊ ซิอิเช เต๊เห่. โท๊โต่ เด๊อ เทอดุซาวา อากู เบ่เบ่, แว แม๊เถอะ ป่อชิเต่อเบ่ เอ๊ลา เตต๊อหร่อเซ๊ ซิอิเช เต๊เห่. โป่แหว่ ครี๊พู๊ เด๊อ อา แลโฮ เต๊เห่ อา เตเมแป่เมเช เนอหม่า แว ป่อชิเต่อเบ่ เอ๊ลาลา. ล๋อ เตต๊อหร่อเซ๊ ซิอิเช เออเต๊เห่เนอ, แว แม๊เถอะเบ่ น๊อ ลอปลี เจ๊อ. အခန်းကိုကြည့်ပါ။Eastern Kayah Shadaw Dialect26 ꤘꤣ ꤠꤢꤧ꤭ ꤡꤝꤢ ꤊꤜꤢꤧ ꤢꤩꤖꤥ꤬ ꤢ꤬ꤊꤢꤨ꤭ꤔꤣꤧ꤬ ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤢꤩꤔꤢꤧ꤬ꤡꤣꤧ ꤔꤢꤧ ꤒꤢꤩ꤬ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤒꤣꤧ꤬ꤟꤢꤩ꤬꤯ ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪ ꤓꤣꤧ꤭ꤘꤢꤨ꤬ ꤒꤢ꤭ꤒꤢꤦ꤭ꤙꤤ ꤠꤢꤧ꤭ꤊꤜꤢꤧ, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪ ꤔꤢꤧ ꤖꤚꤢꤩ꤬ꤕ꤫ꤢꤦ꤬ꤖꤢꤩ꤬ꤛꤢꤩꤕꤜꤢꤩꤖꤢꤩ꤬ ꤢꤨ꤭ꤒꤢꤩ꤬ ꤒꤣꤧ꤬ꤟꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪ ꤔꤢꤧ ꤠꤢꤧ꤭ꤗꤤ꤭ꤡꤣ꤬ ꤛꤢꤨꤘꤢ꤬ꤖꤢꤨ ꤚꤣꤧꤘꤢꤦ꤬ ꤒꤣꤧ꤬ꤟꤢꤩ꤬ ꤔꤢꤧ ꤛꤢꤨꤘꤢ꤬ꤖꤢꤨ ꤗ꤫ꤢ꤬ꤒꤥ꤬ ꤒꤣꤧ꤬ꤟꤢꤩ꤬ ꤞꤤꤓꤢꤩ꤬ꤞꤤꤟꤢ꤭ ꤗꤢꤧꤕꤢꤨ꤭ꤗꤢꤩ꤬ꤞꤣꤧ꤭ ꤠꤢꤧ꤭꤯ ꤙꤣꤧ ꤠꤢꤧ꤭ ꤡꤝꤢꤔꤥ꤭ ꤘꤣ ꤠꤤ꤭ꤘꤢꤨ꤬ꤠꤤ꤭ꤓꤢꤨ꤭ ꤢ꤬ꤊꤢꤨ꤭ ꤙꤢꤩ꤬ꤙꤢꤩ꤬, ꤙꤣꤧ ꤠꤢꤧ꤭ ꤡꤝꤢ ꤘꤣ ꤊꤣꤧ꤬ꤛꤢꤧ꤭ ꤥ꤬ ꤒꤣ꤬ꤖꤚꤢꤩ꤬꤮ ꤒꤥ꤬ ꤢ꤬ꤜ꤫ꤢꤩ꤬ꤥ꤬ ꤔꤣꤧ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪ ꤢꤩꤔꤢꤧ꤬ꤡꤣꤧ ꤔꤢꤧ ꤒꤢꤩ꤬ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤒꤣꤧ꤬ꤟꤢꤩ꤬꤯ ꤓꤥ꤭ꤒꤥ꤬ ꤘꤣ ꤓꤣꤧ꤭ꤘꤢꤨ꤬ꤒꤣꤧ꤬ꤠꤢ꤬ ꤢ꤬ꤊꤢꤨ꤭ ꤙꤢꤩ꤬ꤙꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤔꤢꤪ ꤢꤩꤜꤥ꤬ ꤒꤢꤩ꤬ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤒꤣꤧ꤬ꤟꤢꤩ꤬꤯ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤘꤣ ꤢ꤬ ꤜꤣꤧ꤬ꤟꤥ꤭ ꤒꤣꤧ꤬ꤟꤢꤩ꤬ ꤢ꤬ ꤒꤢꤩ꤬ꤗꤢꤩ꤬ꤕ꤫ꤢꤧ꤬ꤗꤢꤩ꤬ꤏꤢꤩ꤭ ꤔꤣꤧ꤬ꤗꤢ꤬ ꤠꤢꤧ꤭ ꤕ꤫ꤢꤪ꤬ꤞꤤꤒꤣ꤬ꤙꤢꤩ꤬ ꤢꤩꤜꤥ꤬ ꤜꤥ꤬꤯ ꤜꤢꤪ꤭ ꤒꤢꤩ꤬ꤒꤣꤧ꤬ꤚꤢꤪ꤬ꤞꤢꤩ ꤞꤤꤤ꤬ꤏꤢꤩ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ꤙꤢꤩ꤬ ꤔꤢꤪ ꤜꤢꤪ꤭ꤕꤜꤤ꤭ ꤡꤣꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 11:26
35 ပူးပေါင်းရင်းမြစ်များ
หม่าแน๊เรอ แกแยยิวพู๊ เต๊เห่ ซิค๊าซิเถ่ เหย่ซี เร๊อ อา จว๊าเอ๊ปล๊อ แกแยจา แกแยมู๊แหม่ เด๊อ อา เลจว๊า เด๊อ เกล๊ กู เออเต๊เห่ เร๊อ อา นอ เมตอปลอตือซือ ลอ เจ๊อ อู ตีวี เจ๊อ. แซ่ฮู๊ เหย่ซี เก่ ปื่อจุ่ยตู๊หรู่ เถ่หนิ เร๊อ คูเปาโล เร๊อ คูสิลาส เด๊อ แกแย เบ๊หมู่ เออเต๊เห่ อา เป๊เส่เงเนอ, แกแยยิวพู๊ เออเต๊เห่ เร๊อ แกแย เบ๊หมู่ เออเต๊เห่ จว๊า โนเมโพร๊ คูยาโสน อาหี่ เร๊อ โนแม๊ปู คูเปาโล เร๊อ คูสิลาส.
หม่าแน๊เรอ แซ่ฮู๊ อู เก่ เมจาเมจือ คูเปาโล เร๊อ คูบารนาบัส เออเนอเร๊อ แกแยยิวพู๊ ซี เต๊เห่เนอ, อา นอฉว่า เฮ๊ชอ เพรเหมาะ เด๊อ อา จ๊อเบ จอแปแหร่ เร๊อ อา ทวา กู่กล๊อ เต๊เห่, เน๊อ เพรคู เด๊อ อา ทวา กู่กล๊อ เด๊อ วีกู เนอเต๊เห่, เร๊อ อา จว๊า เฮ๊ แฉ่ครวา โป่ ลอเหย่ซี. เร๊อ เหย่ซี เหว่เถ่แก คูเปาโล เร๊อ คูบารนาบัส เด๊อ เหย่ซี เก่กู.
หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.
เบ๊อะวีเอเฟซัส อากู เออเนอ, แว ข่าเบ่ แหน่เจ๊อ เตจาเตจือ เจ๊อ, เมเตเฮ๊เรอ แกแย เด๊อ อา ซิเถ่ซิฮา แว เต๊เห่เนอ อา ซิหยื่อ เอ่ แวหย่า เนอหม่า อา แซ่เจ๊อเร๊อ เตมีเตแหม่ เต๊เห่เนอ เจ๊อ. ฮู๊เนอเรอ, แว เก่ หยื่อเอ่ เร๊อ แกแย เซอโท เต๊เห่ เก่ เซอเพร กาคยา ปาโต่ เก่เฮ๊เรอ, แว จว๊า แด่ทูซิปล่อ, ข่าจาข่าจือ เกอเต๋ เออ เมเต? เก่ อู เซอ ก๊อถ่อกาคยา ปา โต่ เก่เฮ๊เรอ, อาแร๊เล๊อ หม่า เป เก่ เมโมเมพุย เปเหน่ เร๊อ เป เก่ เฮ๊ เกอ ฮู๊ อู เฮ๊โอ่ โหง่ ตือมือ เนอ, “ช๊าป่าโรปา หม่า เป เซอ เฮ๊อ ปา แอ๋, เร๊อ เปเอ่เปโอ โป๋, เมโมเมพุย เกอ เร๊อ แลแค เปเหน่ โป๋.” โหง่ โด่แน โอ่ ฮู๊เนอ.
โทเรอ แกแยยิวพู๊ เต๊เห่เนอ, อา โอ่ เด๊อ วีอันทิโอก เร๊อ เด๊อ วีอิโคเนยูม เร๊อ อา แฮ. แซ่ฮู๊ แกแย เบ๊หมู่ เออเต๊เห่ เก่ ซิโตโคแก คูเปาโล เร๊อ คูบารนาบัส, เร๊อ อา เก่ ซิปล่อ โอ่เกอ เหย่ซี ตากยา อาเงเนอ, อา จว๊าอิลอ แกแย เบ๊หมู่ เต๊เห่. โทเรอ เหย่ซี ต่าโทเฮ๊อ คูเปาโล เร๊อ หล่อ เร๊อ อา เตเน แลแค เน๊อ อา เซอเฮ๊อ เร๊อ เหย่ซี จุ่ยเถ่ วีแก แก ลู เด๊อ วีกลอ.
หม่าอูเป เตเพร ท๊อเปแกแจ่ เหย่ซู่ครี๊ อาเตโม เป เออเนอ เป? เบ๊อะเป ข่าเบ่ เจ๊อ เตแป่เตเช เบ๊อะเนอ เบ่เบ่, เตจาเตจือ เบ๊อะเนอ เนอเบ่เบ่, อู เมจาเมจือ เป เบ๊อะเนอ เบ่เบ่, เตโอ่วีโอ่กอ เบ่เบ่, โอ่แหร่กือ โอ่แหร่แซ๊ เบ่เบ่, เตต๊อหร่อเซ๊ ซิอิเช เบ๊อะเนอ เบ่เบ่, อู เมเซอ เมเหม่ เจ๊อ เป เบ๊อะเนอ เนอเบ่เบ่, อู ท๊อเปแกแจ่ เป เร๊อ เหย่ซู่ครี๊ อาเตโม เป เออเนอ เตเพร่ว โต่.
ကြော်ငြာတွေ