โครินธ์ เนอบ่า ต๊าบ่า 11:20 - ลีเทส่อพ๊าอาเซ เร๊อ เห่ขุทวาลู๊

²⁰ แกแย เด๊อ อา นอทวา เด๊อ ซีหลู่ เนอเต๊เห่, เร๊อ อา อิลอแลโฮ เอ่หนิเร๊อ ซี เนอเต๊เห่, เร๊อ อา เอ่ตือโอตือ เกอเร๊อ ซีขุ เนอเต๊เห่เนอ, ซี ดา ซิปล่อทู เกอเร๊อ เกอ แลแค ดื่อ เฮ๊อเฮ๊อ. ซี นอแด่ แถ่โผ่แถ่ม๊อ เกอเร๊อ แลแค อาเหน่ เร๊อ ซี ปลวา เป๊อเจ่อ เกอเร๊อ แลแค เหย่ซี เร๊อ ซีเหน่เหน่.

Eastern Kayah Shadaw Dialect

²⁰ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤔꤢꤪ꤭ꤓꤝꤢ꤭ ꤚꤣꤧꤘꤢꤦ꤬ ꤞꤤ꤭ꤡ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤢꤩꤜꤢ꤬ꤜꤣꤧ꤬ꤟꤥ꤭ ꤢꤩ꤬ꤚꤣꤧꤘꤢꤦ꤬ ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬, ꤔꤢꤧ ꤢ꤬ ꤢꤩ꤬ꤒꤢꤦ꤭ꤥ꤭ꤒꤢꤦ꤭ ꤚꤣꤧꤘꤢꤦ꤬ ꤞꤤ꤭ꤋꤢꤨ꤬ ꤔꤣꤧ꤬ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤜꤢ꤭ ꤞꤤꤕꤜꤢꤪ꤬ꤓꤢꤨ꤭ ꤚꤣꤧꤘꤢꤦ꤬ ꤊꤣꤧ꤭ ꤜꤢ꤭ꤋꤢꤧ꤭ ꤘꤢꤦ꤬ ꤟꤣꤧꤟꤣꤧ꤯ ꤞꤤ꤭ ꤔꤢꤪ꤭ꤖꤛꤢ ꤓꤢꤧ꤬ꤗꤢꤪꤓꤢꤧ꤬ꤖꤥ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤚꤣꤧ꤬ ꤞꤤ꤭ ꤕꤜꤝꤢ꤭ ꤕꤣꤧ꤬ꤡ꤫ꤣꤧ꤬ ꤚꤣꤧꤘꤢꤦ꤬ ꤜꤢ꤭ꤋꤢꤧ꤭ ꤛꤢꤩ꤬ꤞꤤ꤭ ꤔꤢꤧ ꤞꤤ꤭ꤔ꤫ꤢꤩ꤬ꤔ꤫ꤢꤩ꤬꤯

โครินธ์ เนอบ่า ต๊าบ่า 11:20 ပူးပေါင်းရင်းမြစ်များ

ꤊꤢ꤬ꤜꤢ꤬ꤒꤤ 2:4

หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.

ꤊꤢ꤬ꤜꤢ꤬ꤒꤤ 5:1

แซ่ฮู๊ เป เก่ พย๊าหนิ เกอ เตปาลา เออ อาเงเนอ, เหย่ซู่ครี๊ เมแลเปล๊กา เฮ๊อ เป เด๊อ เป ทวา เตซว๊าเตแส่ อาหลู่เล๊ เออ อาเล เฮ๊อ. ฮู๊เนอเรอ โอ่หม่าโอ่กลอ แลแค เร๊อ ตีรี๊แม๊ กาคยา ทวา ปา แต่ แลแค หลู่เล๊ เออเนอ แต่เหม่ นี๋.

ꤊꤢ꤬ꤜꤢ꤬ꤒꤤ 4:9

หม่าแน๊เรอ กู๊แหน่เออ ซี ซิเงเฮ๊อ จอแปแหร่ เฮ๊อ. แว เก่ เฮ๊ หม่าแหน่ เจ๊อ ซี เร๊อ จอแปแหร่ ซิเงเฮ๊อ ซี เฮ๊อ. หม่าเมเตเรอ ซี ซิหยื่อ ฉิกย๊าคยา ปา เด๊อ เห่ขุเน๊ขุ อา เตซว๊าเตแส่ เต๊เห่ เร๊อ อาเหล่โกล เหล่แบ่ เต๊เห่ เด๊อ อา อ๊าเจ่ เหร่เจ่ เร๊อ อาบุ๊ยอาเตอเรอ โอ่โต่ เออเต๊เห่ อาเล เนอ เมเต? หม่า ซี ซิหยื่อ ทวาแถ่ คยาแซ๊ เหย่ซี อาหลู่เล๊ แอ?

ꤊꤢ꤬ꤜꤢ꤬ꤒꤤ 4:3

เป เออเต๊เห่ เนอหม่า อาแซ่เน๊อ เนอเฮ๊อ. เบ๊อะครี๊ แฮ แต่ล๋ายโต่ เบ๊อะเนอ, เป ทวา เห่ขุเน๊ขุ อา เตซว๊าเตแส่ เร๊อ อา เหล่โกลเหล่แบ่ เต๊เห่ อาหลู่เล๊.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

ꤜꤢꤨꤊꤢ꤬ 6:29

แกแย เตเพรเพร เก่ แปล่ เน กู๊หลิเล เก่เฮ๊เรอ เด๊อ แปล่ โป่ อา เด๊อ อา โอ่แก เนอตากยา นี๋. แกแย เตเพรเพร เก่ พย๊าเผ่ เน จากลอ เก่เฮ๊เรอ, นอพย๊าจว๊าหนิ โป่ อา เร๊อ เนจา เด๊อ อากู เนอตือปือ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ฟีลิปปี 3:19

เหย่ซี อาแกล๊ เออเนอ อา เก่ ตื๊อดื่อแก เบ๊อะเตปย๊าเตหลู่ หม่าดื่อเฮ๊อ ง่าหร่ากู เนอ ปา. เหย่ซี แบ่เจ่ หม่า อาเหน่กล่อ อา เตซิหยื่อซิลอ เออเนอ เต๊เห่ เฮ๊อ. เตเด๊อ เหย่ซี โต ซิเตเร เกอเร๊อ เจ๊อ เนอเต๊เห่ เร๊อ อา พย๊าแถ่โล เกอเร๊อ แลแค ปา เจ๊อ อาเหน่. โท๊โต่ เหย่ซี เตเน โชชื่อ แพ๊ เต เด๊อ แกแยเห่ขุพู๊ เตเนดุ เร๊อเนอเต๊เห่ แพ๊.

ꤊꤢ꤬ꤜꤢ꤬ꤒꤤ 6:12

แกแย เด๊อ อา นอตือดื๊อ ซี เนอ เบ่ ดื๊อตีลี๊พ๊า เนอเต๊เห่หม่า อา ซิหยื่อ นอถู่เซ๊หนิ อู เร๊อ อาเหน่ แพ๊. เมเตเฮ๊เรอ แกแย เนอเต๊เห่หม่า อา เก่ แด๊โฉ่โด่แน ตื๊อแพ๊ ครี๊ อาเตเซอ เด๊อ อี๊ถื่อดีเต่ลู แพ๊ เก่เฮ๊เรอ อา ซิอิเช อู เมจาเมจือ ลูเนอ.

ꤊꤢ꤬ꤜꤢ꤬ꤒꤤ 5:10

หม่าแน๊เรอ เด๊อ เป ทวาแถ่เฮ๊อ เตเตอเจ๋อ โต เร๊อ แบ่เจ่ เฮ๊อ อาขว่าอาคยา, แว หยื่อเอ่ เร๊อ ซี เตแม๊เถอะ เออเนอหมา อา ลูจว๊าโค๊ เร๊อ แว โต่. อูเป๊ เบ่เบ่ เด๊อ อา เมดู๊แด ซี เตเพรเพรเนอ, จอแปแหร่ เก่ เมจากาคยา ดื่อ ลู ปา.

ꤊꤢ꤬ꤜꤢ꤬ꤒꤤ 4:25

ฮู๊เนอเฮ๊อ, โหมะฮาการ์ เออเนอ อา แซ่เฮ๊อ เน๊อ โฉ่ซีนาย เด๊อ อาระเบียเก่ เบ๋อ จอแปแหร่ เด๊อะตา อู เตซว๊าเตแส่โฉ่เนอเตเม เฮ๊อ. โหมะฮาการ์ เร๊อ อาพู๊ เต๊เห่เนอ อา ทวา หลู่เล๊ แซ่เฮ๊อเร๊อ เยรูซาเล็มพู๊ เด๊อ อา ทวา เตซว๊าเตแส่ อาหลู่เล๊ เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 4:11

โต่กู๊แหน่เรอ เป โอ่วีโอ่กอ, เป โอ่วีโอเทอ, เปกือเปแซ๊ ดื่อเง แพ๊ เห่อจาเย เห่อจาหมื่อ แพ๊. เป ข่าเบ่ ดื่อ เปเง อูมืออูปอ เป. เปโซโดหี่ โชโดเพร๊ ดื่อ เปเง แพ๊.

ꤗꤢ꤬ꤊꤢꤨ 12:40

อาแซ่ฮู๊ เหย่ซี เก่ พย๊าเผ่หนิ เพรเหมาะโอ่แคร๊ เต๊เห่ อาหี่เนอเรอ, เหย่ซี อิลออี๊โหล่ อู, โท๊โต่ แซ่ฮู๊ อู เก่ หนิดา หนิ เร๊อ อูเก่ แม๊เถอะ ปา แต่ เหย่ ซี เตซื๊อ แต่เหม่ อาเงเนอ, อา กุยจ๊อเบ งยางยา เป อู. เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตา จาเหย่ซีปา.”

โครินธ์ เนอบ่า ต๊าบ่า 10:5

เป เมตาพรอแก ลอ ล๋อ เตแด่ดุแด่แถ่โล เหน่ เด๊อ อา เมดู๊แด ตาตือฉื่อ เตซิเง จอแปแหร่ เนอเต๊เห่. ล๋อ แกแย อา เตเตเน เต๊เห่เนอ เป ปื่อด๊อโอ่ ลอ อา เร๊อ เป นอ จูเอ่ หนิดา อา เร๊อ ครี๊ อาโหง่.

โครินธ์ เนอบ่า ต๊าบ่า 11:3

ฮู๊ โลเน๊มู๊แหม่รีแจ่ กู่กล๊อ กลว่าอาเหน่ แซ่เร๊อ หรู่ เร๊อ อา แฮ อิลอแลโฮ โหมะเอวา เนอ, แว เบ่รอ หนื่ออื่อ เร๊อ ปาหม่า อู แฮ อิลอแลโฮ เกอดื่อ เฮ๊อ ซี ฮู๊เนอ ปา เฮ๊อ. โท๊โต่ ปาหม่า อู แฮ เมปย๊าเมหลู่ ลอดื่อเฮ๊อ ซี ซิปล่อ อา เตเตเน เต๊เห่ เร๊อ ซี วีแกดื่อ เฮ๊อ ซี เตซิหยื่อ โมเร๊อ ลอซิปล่อสู่เทอ ครี๊ เร๊อ ซี เตซิหยื่อโม จ๊อจื้อ ครี๊ เออเนอ ปา เฮ๊อ แว เบ่รอ แหน่เจ๊อ เด๊อ ซิเง ฮู๊เนอ.

โครินธ์ เนอบ่า ต๊าบ่า 12:16

ฮู๊เนอเรอ แว เมกู่เมแก ซี โต่ เนอหม่า ซี เกล๊ ซิเงแหน่ แพ๊. หม่าแน๊เรอ แกแย เต๊เห่เห่ เฮ๊ แลแค แว เร๊อ แว แฮ อิลออี๊โหล่ ซี, แว แฮ แลโฮแลแฮ เอ่ ซีรือ, อา เฮ๊ แลแค ฮู๊เนอ.