เน เม เตเออเนอ แว ซิเง, เน เม แลแด๊แลดา เจ๊อ เนเหน่ เนอหม๋า แว ซิเงเง, โทเรอ เน แด่ทูซิปล่อเบ๊ เตจาเตจือ เต๊เห่ เนอหม๋า แว ซิเงเง. เน โอ่เต่อแจ่เกอ เร๊อ แกแย เม เตมู๊แหม่รีแจ่ เต๊เห่ โต่ เนอหม๋า แว ซิเงเง. โทเรอ แกแย เด๊อ อา เฮ๊ แล เกอเร๊อ อาเหน่ เน๊อ เพรโด่แนพู๊ เต๊เห่ เร๊อ เน เจแม๊ เหย่ซี เร๊อ เน แม๊เถอะ เร๊อ เหย่ซี หม่า เพรโด่แน หม่าโต่, หม่าแพ๊ เพรเฮ๊เบ่ แลโฮแลแฮ เต๊เห่ แพ๊ เนอหม๋า แว ซิเงเง.
โครินธ์ เนอบ่า ต๊าบ่า 11:13 - ลีเทส่อพ๊าอาเซ เร๊อ เห่ขุทวาลู๊13 เหย่ซี เนอเต๊เห่ หม่า เพรโด่แนพู๊ เต๊เห่ อา หม่าแหน่ หม่าโต่. เหย่ซี หม่า เพรโด่แนพู๊ เต๊เห่ เด๊อ อา แลโฮ เต๊เห่ แพ๊. เหย่ซี จว๊า เฮ๊แลโฮ เป่ อู เร๊อ อาเตเม เต๊เห่ เร๊อ อา จะเม แลแค อาเหน่ ฮู๊ ครี๊ อา เพรโด่แนพู๊ เต๊เห่ หม่าแหน่ เต๊เห่เนอ แพ๊. အခန်းကိုကြည့်ပါ။Eastern Kayah Shadaw Dialect13 ꤛꤢꤩ꤬ꤞꤤ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤢ꤬ ꤗ꤫ꤢ꤬ꤔꤤꤔꤢꤧ꤬ ꤗ꤫ꤢ꤬ꤒꤥ꤬꤯ ꤛꤢꤩ꤬ꤞꤤ꤭ ꤗꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤘꤣ ꤢ꤬ ꤜꤣꤧ꤬ꤟꤥ꤭ ꤒꤣꤧ꤬ꤟꤢꤩ꤬ ꤖꤢꤧ꤯ ꤛꤢꤩ꤬ꤞꤤ꤭ ꤡꤝꤢ ꤟꤢꤩꤜꤣꤧ꤬ꤟꤥ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ꤒꤢꤩ꤬ꤗꤢꤩ꤬ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤊꤜꤝꤢꤗꤢꤩ꤬ ꤜꤢ꤭ꤋꤢꤧ꤭ ꤢ꤬ꤔ꤫ꤢꤩ꤬ ꤟꤢꤨ ꤋꤚꤤ ꤢ꤬ ꤖꤚꤢꤩ꤬ꤘꤥ꤬ꤔꤢꤧ꤭ꤖꤢꤨ ꤗ꤫ꤢ꤬ꤔꤤꤔꤢꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬ ꤖꤢꤧ꤯ အခန်းကိုကြည့်ပါ။ |
โครินธ์ เนอบ่า ต๊าบ่า 11:13
36 ပူးပေါင်းရင်းမြစ်များ
แว โคแบ๊ซว๊าโม ซี๋, ล๋อ แกแย เด๊อ อา เฮ๊ เน๊อ เป โอ่ เร๊อ แหย่โยบูโพ๊ แบ่เจ่ เฮ๊อ เต๊เห่เนอ, หยื่อเอ่ บูบย่า แลแค แต่เหม่. แซ่ฮู๊ ซี เก่ ซิเง เร๊อ ซิปล่อเออ เนอหม่า อา แฮ หม่าแหน่ เด๊อ จอแปแหร่ อา โอ่ แอ, หม่า อา แอ หม่าโต่ แอ เนอ เจแม๊ เหร่อ แลแค เหย่ซี นี๋, เมเตเฮ๊เรอ เด๊อ เห่ขุเออเนอ, เพรโพร อาก่าอาแปล โอ่โลแถ่ เอ๊ลู เฮ๊อ.
หม่าแน๊เรอ คูติตัส เออเนอ แกแย เต๊เห่เห่ ซิหยื่อ นอดื๊อตีลี๊ ลูพ๊า. เหย่ซี เนอเต๊เห่ หม่า แกแย เด๊อ อา ครวาแลโฮ อาเหน่ ฮู๊ โป่แหว่ เนอเต๊เห่ แพ๊. แซ่ฮู๊ เหย่ซี เก่ โนแม๊ปู ทื๊อโห่หนิ เป โทเฮ๊อ เตปาลา เด๊อ เหย่ซู่ครี๊ อากู เออเนอเร๊อ เหย่ซี แฮโนโห่ เด๊อ เปเกล แพ๊. เร๊อ เหย่ซี ซิหยื่อ นอทวาแถ่ เป เร๊อ แกแยยิวพู๊ เต๊เห่ อา เตซว๊าเตแส่ อาหลู่เล๊ แพ๊.
อู ปื่อหนิแก เตมีเตแหม่ เนอโตโด เร๊อ อู ปื่อหนิ เต่อโหร่ เกอโป่ เร๊อ เพรโพร แลโฮ เด๊อ อา เมโล เป่ อู เตโค๊ตีกลี๊ เด๊อ เตมีเตแหม่ เนอโตโด อาเป๊เส่เง เนอเตเพร. เด๊อ อา เม โค๊ตีกลี๊ เป่ อู อาขว่าอาคยา, อา อิลออี๊โหล่ แลโฮ ลอ แกแย เด๊อ อา พย๊าหนิ เตมีเตแหม่ เนอโตโด อา เตเมม๊าเมแด เร๊อ อา จ๊อเบ ลู เนอเต๊เห่. เตมีเตแหม่ เนอโตโด เร๊อ เพรโพร เด๊อ อา อิลออี๊โหล่ แลโฮ อู เนอเตเพร ซิเนอ ลอ อู ต่าตา เซอเพร แก เหย่ซี เด๊อ หมิเผ่ เด๊อ อู ชื๊ออือ เร๊อ หย่าซู๊แบ เนอเต๊เผ่ อากู.
รอหนิ แลแค ซีเหน่ นี๋. นออิลออี๊โหล่ หนิเกอเร๊อ แต่ ซีเหน่ เน๊อ แกแย เด๊อ อา อิซว๊าอี๊แส่ซื๊อ ดื่อเง เตเนอเต๊เห่ เตเพร่ว แต่เหม่ นี๋. เตเนอเต๊เห่ หม่า อา แกเด แพ๊. เตอิซว๊าอี๊แส่ ฮู๊เนอ เต๊เห่หม่า หม่าแพ๊ แกแย เห่ขุพู๊ อาเหล่โกล เด๊อะตา แฮเงโต่ คยาลู ตือทือ โท ตือทือ เนอเต๊เห่ แพ๊. เร๊อ เนอเต๊เห่ หม่า อา แฮ เด๊อ โลเน๊โลหน่า มู๊แหม่ เด๊อ อา เป๊อ เห่ขุชีบ่า เนอเต๊เห่ อา โอ่ แพ๊. เตอิซว๊า ฮู๊เนอ เต๊เห่หม่า อา แฮ เด๊อ เหย่ซู่ครี๊ อา โอ่ หม่าโต่.
ฮู๊เนอเรอ เป่ หม่า อาแซ่เน๊อ เป๊เจ่ฮู๊ เด๊อ อา อินู๊ปา เนอเต๊เห่ หม่าปาโต่ เฮ๊อ. แกแยกะ เด๊อ อา อิซว๊าแลโฮ เต เต๊เห่เนอ, อา อี๊หล่าแลโฮ แจ่ ปา เป โต่, เร๊อ เป หยื่อเอ่ซื๊อ แจ่เกอ ปา เหย่ซี อาเตอิซว๊าอี๊แส่ โต่ เฮ๊อ. เป แซ่ปา เร๊อ ส่อเกลอ เด๊อ เก่แลเซ๊ดุ เร๊อ อา พอ ก๊อกลี๊ อา เต๊เบ่เนอ หม่า ปาโต่เฮ๊อ.
“หม่าแน๊เรอ แว เหล่แด่เตซื๊อ เด๊อ เนลู เนอหม่า อาโอ่ เต๊อเจ่อ. หม่าอิเต เฮ๊เรอ, เน ปลวา อิซว๊าอี๊แส่ เพรเหมาะ เยเซเบล เด๊อ อา เฮ๊แล เกอเร๊อ อาเหน่ เน๊อ แว หม่า จอแปแหร่ อาเพรโพร เตเพร, เนอเตเพร. อา อิซว๊าอี๊แส่ อู อาขว่าอาคยา, อา ซูจว๊าซื๊อ ลอ แว หลู่เล๊ เต๊เห่ เด๊อ อา เก่ จว๊าซื๊อ เพรเหมาะเพรคู, โทเรอ อา เก่ เอ่ เหล่เอ่เหล่โอ เด๊อ อู หลู่แถ่ โทเฮ๊อ เร๊อ เตแหย่โย เนอเต๊เห่.
เนแป่เนเช, เน โซพ๊าโซแร เนอหม่า แว ซิเง. หม่าแน๊เรอ เด๊อ แหย่โย ตากยา เนอ, เน ดุแหย่แถ่เซ. แกแย เด๊อ อา เฮ๊แล เกอเร๊อ อาเหน่ เน๊อ เป หม่า แกแยยิวพู๊ เต๊เห่ หม่าแหน่ เจ๊อ หม่าแน๊เรอ อา หม่าแหน่ หม่าโต่ เออเต๊เห่ แด๊ ซีแหย่โย เนอหม่า แว ซิเง. เหย่ซี เนอเต๊เห่ หม่า โลเน๊มู๊แหม่รีแจ่ กู่กล๊อ อา เตจ๊อเบ โฮพู๊เต๊เห่ แพ๊.
เมเตเฮ๊เรอ, แกแย เด๊อ อา แด่ดุหยื่อแหน่ จอแปแหร่ โต่ เต๊เห่เนอ, อา แฮโนโห่ เฮ๊อ เด๊อ ซีเกล เฮ๊อ. แซ่ฮู๊ เหย่ซี เก่ เฮ๊เบ่ แลเปล๊ อาเหน่ เร๊อ อา เตโอ่เซอเพร แลโพร๊แลแพร เต๊เห่ อาเงเนอเรอ, อา ถู่แหล่ เต๊เปล่ ปย๊าแก เป แบ่เจ่ จอแปแหร่ อาบุ๊ยอาเตอเรอ เออเนอเต๊เห่ อาหรี่อาแก เฮ๊อ. โท๊โต่ เหย่ซี เออเต๊เห่เนอ อา หยื่อเอ่ เกออู เป ทวาดุทวาเต แบ่เจ่ เหย่ซู่ครี๊ เออเนอ โต่. ฮู๊ ลีเทส่อพ๊า แด๊โฉ่ หนื่ออื่อ เฮ๊อ เตเมจากาคยา เต๊เห่เนอ เหย่ซี เก่ พย๊าหนิ ลอปลี เจ๊อ ปา.
เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.
แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.
ကြော်ငြာတွေ