โครินธ์ เนอบ่า ต๊าบ่า 11:10 - ลีเทส่อพ๊าอาเซ เร๊อ เห่ขุทวาลู๊

¹⁰ แว เฮ๊เบ่ถู่เซ๊ เกอเร๊อ เพรหยื่อเอ่เต ตู๊หมู่ตอกล๊อ เด๊อ อาโร เด๊อ อา โอ่ เกอ เบ๊อะอาคายาเก่กู เออเต๊เห่ อาหรี่อาแก เออเนอ, แว ถู่เซ๊ วี๊เนโต่. เมเตเฮ๊เรอ ครี๊ อา เตหมะเตจ๊อ โอ่ เด๊อ แวกู อาขว่าอาคยา, แว เฮ๊ เป่ ซี กู๊แหน่ เออเต๊เห่เนอ, ซี เกล๊ ซิเงตาเต เบ๊แหน่ แพ๊.

Eastern Kayah Shadaw Dialect

¹⁰ ꤠꤢꤧ꤭ ꤟꤢꤩꤙꤢꤩ꤬ꤓꤢꤨ꤬ꤞꤢꤩ ꤚꤣꤧꤘꤢꤦ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ ꤕꤜꤢꤪꤗꤢꤨ꤬ꤖꤢꤨ ꤘꤣ ꤢ꤬ꤚꤥ꤬ ꤘꤣ ꤢ꤬ ꤥ꤬ ꤊꤣꤧ꤭ ꤙꤣꤧ ꤢ꤬ꤋꤢꤩ꤬ꤛꤢ꤬ ꤊ꤫ꤢꤩ꤬ꤊꤢꤨ꤭ ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬, ꤠꤢꤧ꤭ ꤔꤢꤩꤜꤢ ꤓꤢꤨ꤬ꤞꤢꤩ ꤥ꤬ꤊꤥ ꤠꤤꤔꤢꤧ꤭ ꤒꤥ꤬꤯ ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤋꤚꤤ ꤢ꤬ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤥ꤬ ꤘꤣ ꤠꤢꤧ꤭ꤊꤢꤨ꤭ ꤢ꤬ꤋꤝꤢ꤬ꤢ꤬ꤋꤛꤢ꤭, ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭ ꤊꤢꤨꤔ꤫ꤢꤧ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤤ꤭ ꤊꤜꤢꤩ ꤞꤤꤑꤢꤩ꤭ꤒꤢ꤭ꤒꤢꤩ꤬ ꤙꤢꤩꤔꤢꤧ꤭ ꤖꤢꤧ꤯

โครินธ์ เนอบ่า ต๊าบ่า 11:10 ပူးပေါင်းရင်းမြစ်များ

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

เพรโด่แนพู๊ เต๊เห่ 18:12

เบ๊อะคูกัลลิโอ ทวา โรมัน คุ๊ยดุ เด๊อ อาคายาเก่ เบ๊อะเนอ, แกแยยิวพู๊ เต๊เห่ เอ๊ปล๊อ เกอเร๊อ ลอ ลู เร๊อ อา จว๊าปื่อ แลแค คูเปาโล เร๊อ อา ซูจว๊า ลู เด๊อ เหล่ แด๊เฮอ เจแม๊ เหล่โอ่.

โครินธ์ เนอบ่า ต๊าบ่า 1:23

แว ซิเตเกล แฮ ซิพรวา ซี เร๊อ แว แฮทวา เป๊ เด๊อ วีโครินธ์ โต่. แว เฮ๊ ฮู๊เออ เร๊อ แว แลโฮ ซี โต่ เนอหม่า จอแปแหร่ ซิเง ลอปลี แพ๊.

ทิโมธี อาเหร่อเล๊อ ต๊าบ่า 2:7

เด๊อ เตหรี่เตแก เออ อาเง, อู นอทวาเฮ๊อ แว ฮู๊ เพรเฮ๊โฉ่ โด่แนเต เตเพร เร๊อ เพรโด่แน เตเพร เน๊อ ซ๊าร๊า เด๊อ อา เก่ อิซว๊าเป่ แกแยยิวพู๊ หม่าโต่ เต๊เห่ เน๊อ เตหยื่อเตแหน่ เด๊อ อา หม่าแหน่เออ อาหรี่อาแก เตเพรเฮ๊อ. แว เฮ๊ แลโฮแลแห่โต่. แว เฮ๊จ๊อ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

เบ๊อะเป โอ่เต่อเกอ เน๊อ ซี เพรหยื่อเอ่ เออ เต๊เห่ เบ๊อะเนอ, เป โอ่เซอเพร บูโพ๊, เป โอ่จ๊อโอ่เต, โทเรอ เป เมเตซื๊อ โต่ เนอ ซี ซิเงดื่อเฮ๊อ. เป หม่า แกแย ฮู๊เต เต๊เห่เนอหม่า, ซี เร๊อ จอแปแหร่ เก่ ข่าเฮ๊โล ดื่อ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ꤊꤢ꤬ꤜꤢ꤬ꤒꤤ 1:20

ล๋อ แว รา เป่ ซี เออเต๊เห่ เนอหม่า อาโต แพ๊. แว แลโฮ โต่ เนอหม่า จอแปแหร่ ซิเง แพ๊.

โครินธ์ เนอบ่า ต๊าบ่า 12:19

ล๋อ เป รา เป่ ซี เออเต๊เห่ เนอหม่า, ซี เตเน แลแค เร๊อ เป เฮ๊เบ่ เตเกบี๊ เกอเร๊อ ลอ เปเหน่ ฮู๊เนอ เก่. ฮู๊เนอ หม่าโต่, เป เฮ๊เบ่แพ๊ ฮู๊ ครี๊ นอเฮ๊เบ่ เป เนอ แพ๊ เนอหม่า จอแปแหร่ แม๊เถอะ ซิเงดื่อ เฮ๊อ. โคแบ๊ซว๊าโม ซี๋, ล๋อ เป เมเต เออเต๊เห่ เนอหม่า เป เม เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ เนอบ่า ต๊าบ่า 11:31

แบ่เจ่ เหย่ซู่ครี๊ อาเพ จอแปแหร่ เออ อา ซิเง เร๊อ แว เฮ๊เบ่ แลโฮ หม่าโต่. อู เก่ ถู่เซ๊แถ่ดื่อ อามุย ตูจูเพร แตแลเคร๊ นี๋.

โครินธ์ เนอบ่า ต๊าบ่า 11:12

แซ่ฮู๊ แกแย เด๊อ อา เฮ๊ เร๊อ เหย่ซี เตเม เต๊เห่ เนอหม่า อาแซ่เน๊อ เป เตเม แพ๊ เนอเต๊เห่ เก่ เฮ๊เบ่ถู่เซ๊ หนิแจ่ เด๊อะปา แต่ อาเหน่ ฮู๊เนอ แต่เหม่ เนอ, แว เก่ เม แฮเง ลา โป่ ฮู๊ แว เม กู๊แหน่ เออเนอ.

โครินธ์ เนอบ่า ต๊าบ่า 10:15

ฮู๊เนอเรอ เป เฮ๊เบ่ถู่เซ๊ เกอเร๊อ เกอ เน๊อ เปเหน่ เร๊อ เตเม เด๊อ อูโร เมทวาแถ่ เหร่อโทเฮ๊อ เนอเต๊เห่ อาหรี่อาแก โต่. หม่าแน๊เรอ เป แม๊ชือ โค๊ดื่อ เร๊อ ซี เตหยื่อ เก่ ชอแถ่, โท๊โต่ เป แฮเม เตเม เด๊อ ซีเกล เออ เก่ ดุแถ่ทูแถ่ เร๊อ ทูแถ่ โป่ เด๊อ เง ตากยา อาเง เนอแพ๊.

โครินธ์ เนอบ่า ต๊าบ่า 9:2

เมเตเฮ๊เรอ ซี ซิปล่อฉว่า เมจว่า เหย่ซี บ๋า เต เนอ, แว ซิเง. แว ถู่เซ๊หนิ เป่ เป โคแบ๊ซว๊า เด๊อ มาซิโดเนีย เก่กู เนอเต๊เห่ เร๊อ ซีหรี่ซีแก เต๊เห่ เฮ๊อ. แว เฮ๊ เป่ เหย่ซี เร๊อ ซี เพรหยื่อเอ่ เออ เด๊อ อาคายา เก่กู เออเต๊เห่เนอ, อา ตี๊หรี่แตแร หนื่ออื่อ รือ เด๊อ หน่าเฮ๊หนื่อ ปา เจ๊อ. ซี เตซิปล่อฉว่า เออเนอ, อา ถู่แรแถ่ เอ๊แหน่เจ๊อ มาซิโดเนีย เก่พู๊ เต๊เห่ อาซิปล่อ เด๊อ อา เก่ เมจว่า เกออู ฮู๊เนอ ปา เฮ๊อ.

โครินธ์ เนอบ่า ต๊าบ่า 1:1

แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.

โครินธ์ อาเหร่อเล๊อ ต๊าบ่า 16:15

คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

ꤚꤥꤗꤢꤩ꤬ 16:5

เฮ๊โมเฮ๊แร๊ เป่เกอ แว เพรหยื่อเอ่เต ตู๊หมู่ตอกล๊อ เด๊อ อา แฮ จ๊อบู่จ๊อเบ เกอ เด๊อ ลู หี่ เนอเต๊เห่ นี๋. เฮ๊โมเฮ๊แร๊ หนิเป่ เกอ แว โคแบ๊ซว๊าโม คูเอเปเนทัสนี๋. แกแย เด๊อ อา หยื่อกา เหร่อเล๊อ อู ครี๊ เด๊อ เอเซียเก่กู เนอหม่า อา เฮ๊อ.

เพรโด่แนพู๊ เต๊เห่ 18:27

เบ๊อะคูอปอลโล ซิหยื่อ จว๊า เด๊อ อาคายาเก่ เบ๊อะเนอ, เพรหยื่อเอ่ เบ๊อะวีเอเฟซัส เนอเต๊เห่ เมจว่า เป่ ลู เร๊อ เหย่ซี อาเตราลี เด๊อ อา เด๊อะฉว่าเด๊อะชอแถ่ เพรหยื่อเอ่ เด๊อ อา โอ่ เด๊อ อาเคนยา เก่กู เนอเต๊เห่. อา ราจว๊าหนิ เป่ เหย่ซี ลี ฮู๊เออ เมเตเฮ๊เรอ แซ่ฮู๊ อู เก่ เอ๊โมฉื่อแร๊ คูอปอลโล อาเงเนอ แพ๊. อา จว๊าโต่ เบ๊อะเนอ เร๊อ อา ทวาบุ๊ยทวาเตอเรอ เป่แหน่ เจ๊อ แกแย เด๊อ อา ทวากาเฮ๊อ เพรหยื่อเอ่ เด๊อ จอแปแหร่ อาบุ๊ยอาเตอเรอ อาขว่าอาคยา, แพ๊ เนอเต๊เห่ อาเง เจ๊อ.

ꤊꤢ꤬ꤜꤢ꤬ꤒꤤ 2:20

เออเนอหมา อา แซ่เฮ๊อ เน๊อ แว เซอ เต่อเกอ เร๊อ ครี๊ เด๊อ อี๊ถื่อดีเต่ อาลู เฮ๊อ. แว โอ่เซอเพร หม่าปาโต่ เฮ๊อ หม่าแน๊เรอ ครี๊ โอ่เซอเพร เฮ๊อ เด๊อ แวกู เฮ๊อ. เตโอ่เซอเพร เด๊อ แว โอ่เซอเพร กู๊แหน่ เออเนอหมา หม่าแพ๊ แว โอ่เซอเพร เด๊อ เตหยื่อเอ่ จอแปแหร่ อาพู๊คู เด๊อ อา โมเร๊อ แว เร๊อ อา เด๊อะแลแก อา ซิปล่อเซอเพร เด๊อ แวเง เออเนอ เตเพร อาคยา แพ๊.