โครินธ์ เนอบ่า ต๊าบ่า 11:1 - ลีเทส่อพ๊าอาเซ เร๊อ เห่ขุทวาลู๊

¹ แว ราจว๊า เป่ ซี ลี กู๊แหน่เออ เต๊เห่เนอ, แว ราแซ๊เจ๊อเน๊อ แกแย ตีมุย เตเพร อาขว่าอาคยา, แด่ทูซิปล่อ เหร่อ แว นี๋.

Eastern Kayah Shadaw Dialect

¹ ꤠꤢꤧ꤭ ꤚꤢ꤭ꤡꤝꤢ ꤕ꤫ꤢꤩ꤬ ꤞꤤ꤭ ꤜꤤ꤬ ꤊꤢꤨꤔ꤫ꤢꤧ꤬ꤣꤧ꤭ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤚꤢ꤭ ꤗꤢꤧꤓ꤫ꤣꤧ꤬ ꤔꤢꤧ ꤊꤣꤧ꤬ꤛꤢꤧ꤭ ꤒꤣꤧ꤬ꤗꤝꤤ꤭ ꤒꤣ꤬ꤖꤚꤢꤩ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤋꤢꤧꤞꤤꤘꤥ꤭ ꤋꤢꤧꤞꤤꤕꤜꤢꤪ꤬ꤓꤢꤨ꤭ ꤚꤣꤧ ꤠꤢꤧ꤭ ꤔꤤ꤮꤯

โครินธ์ เนอบ่า ต๊าบ่า 11:1 ပူးပေါင်းရင်းမြစ်များ

โครินธ์ เนอบ่า ต๊าบ่า 11:4

เมเตเฮ๊เรอ อูเป เตเพร เบ่เบ่, อา ดาแฮโน แด๊โฉ่โด่แน เป่ เฮ๊อ ซี เร๊อ เหย่ซู่ อาหรี่อาแก เด๊อ อา โค๊ดื่อ เร๊อ เป แด๊โฉ่ เป่ ซี เออเนอ เฮ๊เรอ ซี ซิครือซิลอ เอ๊ฉื่อ เจ๊อ ลู. เร๊อ ซี พย๊าฉื่อ ยูงย๊า เจ๊อ แหย่โยบูโพ๊ แบ่เจ่ เด๊อ อา โค๊ดื่อ เร๊อ ซี พย๊าฉื่อ โทเฮ๊อ เนอ เตเพร, โท๊โต่ ซี หยื่อเอ่ยูงย๊า แพ๊ เตซิครือมีลา เด๊อ อา โค๊ดื่อ เร๊อ เป แด๊โฉ่โด่แน เป่ โทเฮ๊อ ซี เนอเต๊เห่ เฮ๊อ.

โครินธ์ อาเหร่อเล๊อ ต๊าบ่า 1:21

จอแปแหร่ อา เตลีแมลีเพ๊ หม่า อาดุอาแย หม่าแหน่ เจ๊อ. ฮู๊เนอเรอ แกแยเห่ขุพู๊ เออเต๊เห่ เก่ แม๊ปูซิเงเบ๊ จอแปแหร่ เน๊อ เหย่ซี เตซิคว๊าซิเง เต๊เห่เนอ, อา เบ๊แตแค๋ โต่. โท๊โต่ จอแปแหร่ ซิปล่อโอ่ เด๊อ อา เก่ เมแลเปล๊กา แกแย เด๊อ อา หยื่อเอ่ ครี๊ อา เตซิครือมีลา เด๊อ เป แด๊โฉ่โด่แน เป่ อู เออเนอ เต๊เห่ ปา. หม่าแน๊เรอ แกแย เด๊อ อา หยื่อเอ่ เตซิครือมีลา เออ โต่ เต๊เห่เนอ, อา เตเนซื๊อ แลแค เน๊อ เตเฮ๊โฉ่โด่แน เออเต๊เห่ เนอหม่า อา โอ่เล๊อโอ่กลอ แพ๊, อา เตเน แลแค ฮู๊เนอ.

โครินธ์ เนอบ่า ต๊าบ่า 11:21

เป เมบื่อเกอฮู๊ เหย่ซี เม ซี เนอ โต่, เป โต๊โหร่ เซอแก เจ๊อดื่อ เงหนิ, โทเรอ เป ซิเตเร ดื่อเง หนิ. หม่าแน๊เรอ เหย่ซี เก่ เฮ๊เบ่ถู่เซ๊ บื่อ ฮู๊เนอ เฮ๊เรอ แว เก่ เฮ๊เบ่ถู่เซ๊ เกอ ฮู๊ แกแย ตีมุย เตเพร เฮ๊เบ่ถู่เซ๊ เนอ เฮ๊เรอ แว เฮ๊เบ่เบ๊ แพ๊แพ๊ กอ.

โครินธ์ เนอบ่า ต๊าบ่า 11:19

อออ๋อ แหน่หนิ, ซี ย๋อ โอ่ แลแค เร๊อ เตแจ่เตลีแม เร๊อ ซี แด่ทูซิปล่อเบ๊ เร๊อ ซี ซิครือซิลอ หนิดา เป่ แลแค แกแย ตีมุย เนอเต๊เห่ อา เตเฮ๊เบ่ หนิ.

โครินธ์ เนอบ่า ต๊าบ่า 5:13

อู เก่ เฮ๊ เป เร๊อ แกแย ตีมุย เก่เฮ๊เรอ, เหล่เฮ๊โอ่ เน๊อ โต่, ล๋อ เป เม เออเต๊เห่ เนอหม่า จอแปแหร่ อาเง แพ๊. อู เก่ เฮ๊ เป เร๊อ เป เมเต โต เก่เฮ๊เรอ, อา หม่าเฮ๊อ, เป เม ม๊า เป่ แหน่ เด๊อ อา เก่ หนิบุ๊ยหนิเตอเรอ เด๊อ ซีเงเนอ.

ꤟꤤꤙꤚꤢꤨ 5:2

เหย่ซี ย๋อ ทวาแพ๊ แกแยเห่ขุพู๊ อาขว่าอาคยา, อา เมซื๊อเมปล๊า แลแค แพ๊. ฮู๊เนอเรอ แกแย เด๊อ อา ซิเง ตาเต เกอ อู เตหมะเตจ๊อ โต่ เร๊อ อา เมซื๊อเมปล๊า เต เต๊เห่ อาเงเนอ, เหย่ซี เตเน ซิยอแจ่ เป่เกออู โต่.

โครินธ์ เนอบ่า ต๊าบ่า 12:11

แว เฮ๊เบ่ ถู่เซ๊หนิ แวโหง่ อาขว่าอาคยา, แว แซ๊ เจ๊อ เร๊อ แกแย ตีมุย เตเพร. หม่าแน๊เรอ ซี เมตีมุย แว แพ๊. ซี โต ทวา แกแย เต๊เห่ เด๊อ อา โต ถู่เซ๊ เกอเร๊อ แว. ฮู๊ แกแย เต๊เห่เห่ เฮ๊ แลแค แว เน๊อ, แว หม่า แกแย โอ่เล๊อโอ่กลอ เตเพร แพ๊ หม่าแน๊เรอ แว โต่ แลหยื่อ เล๊อเน๊อ อา ทวา แลแค ซ๊าร๊าดุ หม่าเฮ๊อ เพรโด่แนพู๊ เต๊เห่ เนอเต๊เห่ ตีกี๋ โต่.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

โครินธ์ อาเหร่อเล๊อ ต๊าบ่า 4:8

ซี เตเน เร๊อ ล๋อ เต เด๊อ ซี โหล่ เต๊เห่เนอ อา โอ่ ลอปลี เฮ๊อ, ล๋อ จอแปแหร่ อ๊อแลแก เต๊เห่เนอ ซี พย๊าหนิ ลอปลี เฮ๊อ, ซี เตเน แลแค ฮู๊เนอ. ซี เตเน เกอเร๊อ แลแค เร๊อ ซี ทวา เจ๊อดื่อ เฮ๊อ คุ๊ย เด๊อ จอแปแหร่ อาเทออาเก่กู หนิ, หม่าแน๊เรอ เป เร๊อ เป ทวาเบ๊ เกอ ลา อู คุ๊ย โต่. แซ่ฮู๊ เป เก่ ทวา เต่อเกอ คุ๊ย เร๊อ ซี เนอ, แว ซิหยื่อ นอทวา เกอ ลา เฮ๊อ ซี คุ๊ย เฮ๊อ.

โครินธ์ อาเหร่อเล๊อ ต๊าบ่า 3:18

แลโฮแล เกอเร๊อ แต่ ซีเหน่ เตเพร่ว แต่เหม่. แกแย เตเพรเพร เก่ เตเนโต่ เกอเร๊อ อาเหน่ เร๊อ แว หม่า เพรลีแมลีเพ๊ เตเพร เฮ๊เนอ, อา เบ่ ทวาแถ่ แกแย โอ่เล๊อโอ่กลอ เตเพร แว ซิหยื่อ เฮ๊เนอหม่า ฮู๊เตเฮ๊เนอ, อา เก่ เตเน เกอเร๊อ อาเง เร๊อ แว หม่า เพรลีแมลีเพ๊ เตเพร เออเนอ อาแซ่เน๊อ แกแย เด๊อ อา ซิเง เกออู จอแปแหร่ โต่ เต๊เห่ อาเต เตเน เนอ เฮ๊อ. แซ่ฮู๊ อา เก่ ทวาแถ่ เพรลีแมลีเพ๊ หม่าแหน่ เด๊อ จอแปแหร่ อาเป๊เส่เง เตเพรเนอ, อา เบ่ ทวาแถ่ แกแย โอ่เล๊อโอ่กลอ เตเพร เด๊อ แกแย เห่ขุพู๊ เต๊เห่ อา เป๊เส่เง.

เพรโด่แนพู๊ เต๊เห่ 26:29

คูเปาโล เฮ๊ฉื่อ เน๊อ, “เด๊อ เตอเปลอฮู๊ อากู เบ่เบ่, อา งยา เจ๊อ เบ่เบ่, อา โหล่ดุน๊อโต่. แว กุยจ๊อเบ เป่ตื๊อ เนเตเพร อาเง หม่าโต่, แว กุยจ๊อเบ หนิเป่ลอ ล๋อ แกแย เด๊อ อา หนิโฮ แว เตเฮ๊เบ่ กู๊แหน่เออ เต๊เห่ เก่ ทวาแถ่เกอ ครี๊พู๊ แซ่เน๊อ แวเออ, หม่าแน๊เรอ เต เด๊อ แว ซิหยื่อ นอป่อชิเต่อเบ่เกอ ซี โต่ เนอหม่า อา โอ่ตื๊อแพ๊ ฮู๊ อู ด๊อตา แว เด๊อ ทอกู เร๊อ อู จอหม่า แว เร๊อ สู่เปลอต่อเท๊ เออเนอแพ๊.”

เพรโด่แนพู๊ เต๊เห่ 18:14

เบ๊อะคูเปาโล เตเร เฮ๊เบ่เถ่ เบ๊อะเนอ, คุ๊ยดุ กัลลิโอ เฮ๊ แกแยยิวพู๊ ซี๋เต๊เห่ เน๊อ, “แกแยยิวพู๊ ซี, เตหรี่เตแก เออเนอ อา เก่ หม่าแหน่เฮ๊อ เต เด๊อ อา ตาลว๊าตาแก เจ๊อ เทอเก่ อา เตซว๊าเตแส่ เต๊เห่ เจ๊อเบ่เบ่, แว โตเบ่ ซิปล่อทู หนิดา ดื่อ ซี แด๊โฉ่โลแถ่ เออเต๊เห่.

มัทธิว 17:17

แบ่เจ่ เหย่ซู่ เฮ๊ เหย่ซี เน๊อ, “แกแย โชโด เตหยื่อ ซี๋, เร๊อ แกแยจว๊าซื๊อแกล๊ ซี๋, แว เบ่ โอ่ งยา เต่อเกอปา ซี บ๋า เต? แว โตเบ่ แด่ทูซิปล่อ เร๊อ งยาเป่เกอปา ซี บ๋า เต?” อา เฮ๊โทฮู๊เนอเนอ, อา เฮ๊ลาติ แกแยเพ เนอเตเพร เน๊อ, “เอ๊แฮ เนพู๊คู เบ๊อะเออ.”