โครินธ์ เนอบ่า ต๊าบ่า 10:2 - ลีเทส่อพ๊าอาเซ เร๊อ เห่ขุทวาลู๊

² ช๋า แว แฮ เกอ คยาแซ๊ ซี ปา เบ๊อะเนอ, แซ่ฮู๊ แว เก่ เฮ๊เบ่ฉว่าเฮ๊เบ่ชอ แต่ ซี แต่เหม่ เนอเรอ, แว กุยซิยอ ตื๊อดื่อ ซิปล่อ เจ๊อ ซี เร๊อ ถู่แหล่ เต๊เปล่แก ลอ ซี เตแด่ ซี ซิปล่อสู่เทอ เนอเต๊เห่ นี๋. เด๊อ ซีเกล เต๊เห่เห่เนอ อา เฮ๊ แลแค เป เน๊อ เป ครวาลือ แพ๊ แกแย เห่ขุพู๊ อาเหล่โกล ซิหยื่อ เนอเต๊เห่ แพ๊. แกแย เด๊อ อา เฮ๊ เป ฮู๊เนอ เต๊เห่เนอ, แว เก่ เฮ๊เบ่ชอ เกอเด๊อะ เจ๊อ เหย่ซี ปา เก่.

Eastern Kayah Shadaw Dialect

² ꤏꤢ꤮ ꤠꤢꤧ꤭ ꤟꤢꤧ꤭ ꤊꤣꤧ꤭ ꤋꤛꤢ꤭ꤞꤢꤧ ꤞꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ꤏꤝꤢ꤬ꤟꤢꤩꤙꤢꤩ꤬ꤏꤢꤪ꤭ ꤒ꤫ꤢꤧ꤬ ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤒꤣꤧ꤬ꤘꤢꤦ꤬ ꤞꤤꤕꤜꤢꤪ꤬ ꤡꤣꤧ ꤞꤤ꤭ ꤔꤢꤧ ꤓꤢꤨ꤬ꤜꤢꤧ꤬ ꤒꤣꤧ꤬ꤕꤜꤢꤩ꤬ꤊꤢꤧ꤭ ꤜꤢꤪ꤭ ꤞꤤ꤭ ꤒꤢꤩ꤬ꤘꤢꤧ꤬ ꤞꤤ꤭ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤤ꤮꤯ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤕꤢꤩ꤬ ꤔꤢꤧ ꤕꤢꤩ꤬ ꤋꤚꤝꤢ꤭ꤜꤢꤦ꤬ ꤖꤢꤧ ꤖꤚꤢꤩ꤬ꤜꤢꤨ꤬ ꤟꤢꤩ꤬ꤋꤢꤨ꤬ꤖꤢꤨ ꤢ꤬ꤜ꤫ꤢꤩ꤬ꤊꤜꤥ꤭ ꤞꤤꤛ꤫ꤢꤦ꤬ ꤔꤣꤧ꤬ꤒꤣꤧ꤬ꤟꤢꤩ꤬ ꤖꤢꤧ꤯ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤟꤢꤩ ꤕꤢꤩ꤬ ꤟꤢꤨꤔꤣꤧ꤬ ꤒꤣꤧ꤬ꤟꤢꤩ꤬ꤔꤣꤧ꤬, ꤠꤢꤧ꤭ ꤊ꤫ꤢꤦ꤬ ꤟꤢꤩꤙꤢꤩ꤬ꤏꤢꤪ꤭ ꤊꤣꤧ꤬ꤘꤣ ꤡꤣꤧ ꤛꤢꤩ꤬ꤞꤤ꤭ ꤕꤢ꤭ ꤊꤣꤧ꤭ꤔꤢꤧꤊ꤫ꤢꤩ꤬꤯

โครินธ์ เนอบ่า ต๊าบ่า 10:2 ပူးပေါင်းရင်းမြစ်များ

โครินธ์ เนอบ่า ต๊าบ่า 13:10

ช๋า แว แฮโต่เกอ ซี ปา เร๊อ แซ่ฮู๊ แว เก่ แฮ นอเอ่ ชอ แต่ แว เตอเรอฉว่าชอ เด๊อ แบ่เจ่ เด๊อ แว เออเนอ แต่เหม่เนอ, เบ๊อะแว โอ่ ยา เร๊อ ซี อาเค, แว ซิหยื่อ ราจว๊า เหร่อ เป่ ซี ลีเออ แพ๊. แซ่ฮู๊ แว เก่ เมดุแถ่ทูแถ่ ซี เตหยื่อเตแหน่ อาเงเนอ, แบ่เจ่ เด๊อะ แว เตอเรอฉว่าชอ เออเนอ แพ๊. อา เด๊อะ แว เตอเรอฉว่าชอ เด๊อ แว เก่ เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 13:2

เบ๊อะแว แฮ โอ่เล เกอ ซี เนอโพ๊โตโพ๊ เบ๊อะเนอ, แว เด๊อะรอ หนื่ออื่อ โทเฮ๊อ แกแย เด๊อ อา เมซื๊อเต เด๊อ อาเหร่อ เนอเต๊เห่ เร๊อ ล๋อ แกแย เด๊อ อาโร เนอเต๊เห่ เฮ๊อ. กู๊แหน่เรอ แว โอ่ตาพายา เน๊อ ซี เร๊อ แว เด๊อะรอ คยาแซ๊ ซี. เร๊อ ช๋า แว แฮ คยาแซ๊ เออโต๊โผ่ ปาเนอ แว ซิโลซิยอ เกอเร๊อ ปาแหน่ เร๊อ ซี เตเพร่ว โต่ เฮ๊อ.

ꤚꤥꤗꤢꤩ꤬ 8:5

แกแย เด๊อ อา โอ่เซอเพร ฮู๊ เหน่กล่อพ๊าหย่า อา เตซิหยื่อ มู๊แหม่ เต๊เห่เนอ, อา เตเน โชชื่อ แพ๊ เตซิหยื่อซิลอ เด๊อ อา มู๊แหม่ เต๊เห่ แพ๊. หม่าแน๊เรอ แกแย เด๊อ อา โอ่เซอเพร ฮู๊ แหย่โยบูโพ๊ แบ่เจ่ ยูแกล๊ยูโกล ลู เต๊เห่เนอ, อา เตเน โชชื่อแพ๊ ฮู๊ แหย่โยบูโพ๊ แบ่เจ่ อา เตซิหยื่อ เนอเต๊เห่ แพ๊.

ꤚꤥꤗꤢꤩ꤬ 8:1

ฮู๊เนอเรอ กู๊แหน่เออ, แกแย เด๊อ อา ทวาแถ่เฮ๊อ เตอเจ๋อ โต เร๊อ เหย่ซู่ครี๊ เต๊เห่เนอ, จอแปแหร่ เมจากาคยา ปา ลู แตแค๋ โต่ เฮ๊อ.

ꤚꤥꤗꤢꤩ꤬ 8:4

แซ่ฮู๊ เป เก่ เมเล๊อเมบา เป่ลอ เตซว๊าเตแส่ อาเตกุย เต๊เห่เนอ, จอแปแหร่ เม เป่โทเฮ๊อ เด๊อ เปเง เฮ๊อ. เป เด๊อ อา หนิดา ครวาเม เกอ ปา เหน่กล่อพ๊าหย่า อา เตซิหยื่อซิลอ โต่ เออเต๊เห่, เร๊อ เป เม ฮู๊ แหย่โยบูโพ๊ แบ่เจ่ ยูแกล๊ยูโกล เป เออเต๊เห่ อาเงเนอ, จอแปแหร่ เม เป่โท ลอเฮ๊อ เป เฮ๊อ.

โครินธ์ เนอบ่า ต๊าบ่า 1:17

แว ตี๊หรี่แตแร โทเฮ๊อ ฮู๊เนอ หม่าแน๊เรอ อา ทวาโต่. แตแร๊หม่า ซี เตเน ลอ แลแค แว เร๊อ อา เฮ๊ตอ เกอ อาโหง่ โต่, อา เฮ๊โทเฮ๊แล ดื่อเง วา, ฮู๊เนอ แพ๊เก่. แกแย เห่ขุพู๊ เต๊เห่ อา เตตี๊หรี่ตาแร เต๊เห่เนอหม่า, ช๊าปา เร๊อ อา เฮ๊ เน๊อ, “อ่อ,” ช๊าปา เร๊อ อา เฮ๊ เน๊อ, “โต่,” อา เม แลแค ฮู๊เนอ. แว เตตี๊หรี่ตาแร เออเนอหมา อา แซ่ ฮู๊เนอ หม่าโต่.

โครินธ์ เนอบ่า ต๊าบ่า 11:21

เป เมบื่อเกอฮู๊ เหย่ซี เม ซี เนอ โต่, เป โต๊โหร่ เซอแก เจ๊อดื่อ เงหนิ, โทเรอ เป ซิเตเร ดื่อเง หนิ. หม่าแน๊เรอ เหย่ซี เก่ เฮ๊เบ่ถู่เซ๊ บื่อ ฮู๊เนอ เฮ๊เรอ แว เก่ เฮ๊เบ่ถู่เซ๊ เกอ ฮู๊ แกแย ตีมุย เตเพร เฮ๊เบ่ถู่เซ๊ เนอ เฮ๊เรอ แว เฮ๊เบ่เบ๊ แพ๊แพ๊ กอ.