โครินธ์ เนอบ่า ต๊าบ่า 10:1 - ลีเทส่อพ๊าอาเซ เร๊อ เห่ขุทวาลู๊

¹ เต๊เห่เห่เนอ อา เฮ๊ แลแค แว เน๊อ เบ๊อะแว เฮ๊เบ่ฉื่อ เร๊อ ซี เบ๊อะเนอ, แว โต๊โหร่ แพ๊ หม่าแน๊เรอ เบ๊อะแว รา เร๊อ ลี เบ๊อะเนอ, แว เฮ๊เบ่ฉว่าเฮ๊เบ่ชอ แหน่เจ๊อ, อา เฮ๊ แลแค แว ฮู๊เนอ. หม่าแน๊เรอ แว เหน่แบ่แจ่ เร๊อดื่อ แว กุยซิยอ ตื๊อดื่อ เจ๊อ ซี เร๊อ เตซิโดซิงา, เตแด่ทูซิปล่อ ฮู๊ ครี๊ เด๊อะโล เป่ โทเฮ๊อ เป เออเนอ เต๊เห่ เจ๊อ.

Eastern Kayah Shadaw Dialect

¹ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬ ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤔꤢꤧ ꤙꤣꤧ ꤠꤢꤧ꤭ ꤟꤢꤩꤙꤢꤩ꤬ꤏꤢꤦ꤬ ꤔꤢꤧ ꤞꤤ꤭ ꤢ꤬ꤋꤢꤩ꤭, ꤠꤢꤧ꤭ ꤒꤣꤧ꤬ꤚꤥ꤬ ꤖꤢꤧ ꤒꤣꤧ꤬ꤘꤢꤦꤚꤣꤧ꤬ ꤙꤣꤧ ꤠꤢꤧ꤭ ꤚꤢ꤭ ꤔꤢꤧ ꤜꤤ꤬ ꤢ꤬ꤋꤢꤩ꤭ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ꤏꤝꤢ꤬ꤟꤢꤩꤙꤢꤩ꤬ꤏꤢꤪ꤭ ꤔꤢꤧ꤬ꤡꤣꤧ, ꤢ꤬ ꤟꤢꤩ ꤜꤢ꤭ꤋꤢꤧ꤭ ꤠꤢꤧ꤭ ꤟꤢꤨꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤠꤢꤧ꤭ ꤊꤝꤤ꤭ꤞꤤꤛꤢꤪ꤬ ꤒꤣꤧ꤬ꤘꤢꤦ꤬ ꤡꤣꤧ ꤞꤤ꤭ ꤔꤢꤧ ꤒꤢꤩ꤬ꤞꤤꤘꤥ꤭ꤞꤤꤍꤢ꤬, ꤒꤢꤩ꤬ꤋꤢꤧꤞꤤꤘꤥ꤭ ꤟꤢꤨ ꤋꤚꤤ ꤘꤣꤧꤜꤥ꤭ ꤕ꤫ꤢꤩ꤬ ꤓꤥ꤭ꤟꤣꤧ ꤕꤢꤩ꤬ ꤣꤧ꤭ꤔꤣꤧ꤬ ꤒꤣꤧ꤬ꤟꤢꤩ꤬ ꤡꤣꤧ꤯

โครินธ์ เนอบ่า ต๊าบ่า 10:1 ပူးပေါင်းရင်းမြစ်များ

โครินธ์ เนอบ่า ต๊าบ่า 10:10

เมเตเฮ๊เรอ เต๊เห่เห่เนอ, อา เฮ๊ แลแค เน๊อ, “คูเปาโล รา ลีโต๊โก่ เร๊อ อาฉว่าอาชอ ตาลว๊าซิลือ เจ๊อ. เบ๊อะอา โอ่เกอ เร๊อ เป เบ๊อะเนอ, อา โต๊โหร่ แพ๊, อา โด่แน หม่า อา หนิ เกออู โต่โต่,” อา เฮ๊ แลแค แว ฮู๊เนอ.

มัทธิว 11:29

แย๊ แลแค แว อิแย๊ เออ เร๊อ อิซว๊าซิเง เกอ เต เด๊อ แวโอ่เออ, เมเตเฮ๊เรอ แว ซิโดซิงา เร๊อ แว แด่แล แวซิปล่อ อาขว่าอาคยา, เน เก่ แม๊เถอะ เน ซิปล่อ อา เหล่โอ่โก๊ เตเบ๊ซิพร๊า ปา.

ꤊꤢ꤬ꤜꤢ꤬ꤒꤤ 5:2

หนิดา เกอเหร่อ แว หม่าเฮ๊อ คูเปาโล เออ เก่ เฮ๊ เป่ ซี เออ, ซี เก่ ครวาเม เกอ เตดื๊อตีลี๊พ๊า เฮ๊เนอหม่า, ครี๊ ข่าเซอ เด๊อ ซีเง เนอ, อา ทวาบุ๊ยทวาเตอเรอ ปา เด๊อ ซีเง เตอเจ๋อ โต่ เฮ๊อ.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

โครินธ์ เนอบ่า ต๊าบ่า 11:30

แวเก่ โต เฮ๊เบ่ถู่เซ๊ เฮ๊เรอ แว เก่ เฮ๊เบ่ถู่เซ๊ แพ๊ตื๊อ เต เด๊อ อา เด๊อะโล แว เตอ๊าเจ่เหร่เจ่ เต๊เห่ อาหรี่อาแก แพ๊.

โครินธ์ อาเหร่อเล๊อ ต๊าบ่า 2:3

เบ๊อะแว แฮ เกอ เด๊อ ซี โอ่ เบ๊อะเนอ โตโพ๊ เบ๊อะเนอ, แว ซิเง เกอเร๊อ แว เตอ๊าเจ่เหร่เจ่ เร๊อ แว ซิอิเช แตแนตากยา เจ๊อ.

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

เปโตร อาเหร่อเล๊อ ต๊าบ่า 2:11

แว โคแบ๊ซว๊าโม ซี๋, เด๊อ เห่ขุเออเนอ ซี หม่า อาแซ่เน๊อ แกแย จว๊าทวา เทอโรเก่กลอพู๊ เร๊อ ซิเผระ เต๊เห่ แพ๊. แว กุยซิยอ ซี เร๊อ ซี เก่ จว๊า ตาพาแก แลแค เร๊อ ซี เหน่กล่อ อา เตซิหยื่อซิลอ มู๊แหม่ เด๊อ อาช๊าอาปา โตโมโม เกอเร๊อ ซี ซิปล่อ เออเนอเต๊เห่ นี๋.

ฟีเลโมน 1:9

เป ย๋อ โม หนิเกอเร๊อ คยาแซ๊ลู เตเพร เร๊อ เตเพร อาขว่าอาคยา, แว กุยซิยอแพ๊ เน แพ๊. กู๊แหน่เร๊อ แว หม่าเฮ๊อ คูเปาโล เออ, แว โหมะเผระเฮ๊อ, โท๊โต่ เด๊อ เหย่ซู่ครี๊ อาขว่าอาคยาเร๊อ, อู ล๋อ ด๊อตาปา แว เด๊อ ทอกู เร๊อ แว กุยซิยอ เน แพ๊.

เธสะโลนิกา เนอบ่า ต๊าบ่า 3:17

แว หม่า คูเปาโล เร๊อ แว รา เตเฮ๊โมเฮ๊แร๊ เออเนอ เร๊อ แว กู๊ขุ เร๊อดื่อ. ลี ปว๋า ต๊าบ่า เด๊อ แว รา โทเฮ๊อ เร๊อ เด๊อ อาตื๊อดื่อ เนอ, แว รา เมม๊าเมแดแก โค๊ดื่อ ฮู๊เนอ. แว รา เมม๊าเมแดแก ฮู๊เนอ ปว๋า โตโพ๊ เจ๊อ.

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ꤊꤢ꤬ꤜꤢ꤬ꤒꤤ 4:13

เบ๊อะแว โอ่เต่อเกอ เร๊อ ซี เร๊อ แว แด๊โฉ่โด่แน เป่เร๊อ ซี เน๊อ เตซิครือมีลา อาเหร่อเล๊อ โตโพ๊เนอหม่า แว ล๋อ ชุ๊ย เนอหม่า ซี ซิเง ลอดื่อ เฮ๊อ.

โครินธ์ เนอบ่า ต๊าบ่า 12:5

แว เก่ เฮ๊เบ่ถู่เซ๊ เกอเร๊อ เตเมทวาแถ่ เฮ๊อ อาเหน่ เออเต๊เห่. หม่าแน๊เรอ แว เฮ๊เบ่ถู่เซ๊ เกอเร๊อ เน๊อ แวเหน่ โต่. แว เก่ เฮ๊เบ่ ถู่เซ๊หนิ แพ๊ตื๊อ แว เตอ๊าเจ่เหร่เจ่ เออเต๊เห่ แพ๊.

โครินธ์ เนอบ่า ต๊าบ่า 11:21

เป เมบื่อเกอฮู๊ เหย่ซี เม ซี เนอ โต่, เป โต๊โหร่ เซอแก เจ๊อดื่อ เงหนิ, โทเรอ เป ซิเตเร ดื่อเง หนิ. หม่าแน๊เรอ เหย่ซี เก่ เฮ๊เบ่ถู่เซ๊ บื่อ ฮู๊เนอ เฮ๊เรอ แว เก่ เฮ๊เบ่ถู่เซ๊ เกอ ฮู๊ แกแย ตีมุย เตเพร เฮ๊เบ่ถู่เซ๊ เนอ เฮ๊เรอ แว เฮ๊เบ่เบ๊ แพ๊แพ๊ กอ.

โครินธ์ เนอบ่า ต๊าบ่า 10:7

ซี แม๊ แลแค แพ๊ เตโอ่โล เด๊อ อากลอ เต๊เห่ แพ๊. เด๊อ ซีเกล เต๊เห่เห่เนอ อา เฮ๊ซื๊อ แลแค เร๊อ แกแย เด๊อ อา ทวา ครี๊ อาหลู่เล๊ หม่า ตื๊อ เป แพ๊. นอซิเง เต่อเกอ เหย่ซี เร๊อ เป หม่า เป ทวา เกอดื่อ ครี๊ อาหลู่เล๊ เต๊เห่ วา.

โครินธ์ เนอบ่า ต๊าบ่า 10:2

ช๋า แว แฮ เกอ คยาแซ๊ ซี ปา เบ๊อะเนอ, แซ่ฮู๊ แว เก่ เฮ๊เบ่ฉว่าเฮ๊เบ่ชอ แต่ ซี แต่เหม่ เนอเรอ, แว กุยซิยอ ตื๊อดื่อ ซิปล่อ เจ๊อ ซี เร๊อ ถู่แหล่ เต๊เปล่แก ลอ ซี เตแด่ ซี ซิปล่อสู่เทอ เนอเต๊เห่ นี๋. เด๊อ ซีเกล เต๊เห่เห่เนอ อา เฮ๊ แลแค เป เน๊อ เป ครวาลือ แพ๊ แกแย เห่ขุพู๊ อาเหล่โกล ซิหยื่อ เนอเต๊เห่ แพ๊. แกแย เด๊อ อา เฮ๊ เป ฮู๊เนอ เต๊เห่เนอ, แว เก่ เฮ๊เบ่ชอ เกอเด๊อะ เจ๊อ เหย่ซี ปา เก่.

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

โครินธ์ เนอบ่า ต๊าบ่า 6:1

เป หม่า เพรเมโหร่เต เร๊อ จอแปแหร่ เต๊เห่ อาขว่าอาคยา, เป กุย ซิยอ ฉว่า ซี เร๊อ ซี เก่ โอ่เซอเพร ฮู๊ จอแปแหร่ ซิหยื่อ นอโอ่เซอเพร ซีเนอ. ซี หม่า แกแย เด๊อ อา พย๊าหนิ โทเฮ๊อ จอแปแหร่ อาบุ๊ยอาเตอเรอ เต๊เห่ เฮ๊อ อาขว่าอาคยา, ซี เบ่ โอ่เซอเพร แลแค ฮู๊เนอ.

โครินธ์ เนอบ่า ต๊าบ่า 5:20

ฮู๊เนอเรอ, กู๊แหน่เออ เป ทวา เป่ เพรเฮ๊เบ่เต เด๊อ ครี๊ อาเหล่โอ่. จอแปแหร่ อาเหน่แบ่เจ่ เร๊อดื่อ นอกุยซิยอ แฮเง เป เร๊อ ซี เด๊อ ซี เก่ หนิดา เป เตเฮ๊โฉ่โด่แน ซี เออ. เป กุยซิยอ ซี เด๊อ ครี๊ อามุยกู เร๊อ ครี๊ เก่ เมทวาแถ่ คยา ซี เร๊อ จอแปแหร่ อา โคแบ๊ซว๊า เต๊เห่.

โครินธ์ เนอบ่า ต๊าบ่า 3:12

เป ซิเง ตาเต เฮ๊อ เร๊อ เตอ๊อแล อาเซเออ อา เก่ โอ่หม่าโอ่กลอ ตูจูเพร ปา อาขว่าอาคยา, เป เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เนอ เป เฮ๊ ฮาบื่อ เฮ๊อ.

โครินธ์ อาเหร่อเล๊อ ต๊าบ่า 4:10

เมเตเฮ๊เรอ เด๊อ เป ครวา ครี๊ อาคยา อาขว่าอาคยาเร๊อ, อู เฮ๊ เป เร๊อ แกแย ตีมุย. หม่าแน๊เรอ ซี เกอลาติ เนอ, ซี ทวาแถ่ เฮ๊อ เต เตอเจ๊อ โต เน๊อ ครี๊ เฮ๊อ อาขว่าอาคยา, ซี เตเน เกอเร๊อ เจ๊อ แลแค ซีเหน่ เร๊อ เพรแจ่เพรลีแมพู๊ เต๊เห่ เฮ๊อ. เป เร๊อ เป อ๊าเจ่เหร่เจ่ ดื่อ เปเง แพ๊, ซี เร๊อ ซี อ๊าฉว่าเหร่ชอ แหน่เจ๊อ หนิ. อู เตเน ปีตี๊ ดื่อเง เป แพ๊. ซี เร๊อ อู เมลีเมเตเค แหน่ เจ๊อดื๋อ ซี หนิ.

ꤚꤥꤗꤢꤩ꤬ 15:15

หม่าแน๊เรอ, จอแปแหร่ เด๊อะ เฮ๊อ แว เตบุ๊ยเตเตอเรอ เด๊อ แว เก่ เม เตเมเออ อาขว่าอาคยา, แซ่ฮู๊ ซี เก่ ซิเงแถ่เบ่ หนิคยา โหง่ เด๊อ แว อิซว๊าอี๊แส่ ซี เนอเต๊เห่ เนเร๊อ, เต๊เห่เห่เนอ แว ราหล่าลี เป่ เจ๊อ ซี เจ๊อ.

ꤚꤥꤗꤢꤩ꤬ 10:20

เด๊อคยา เร๊อ เพรโพร อิสยาห์ เฮ๊คือเฮ๊ฮา เล๊อโป่ เจ๊อ เร๊อ อา เฮ๊ เน๊อ, “แกแยยิวพู๊ หม่าโต่ เด๊อ อา แอ๊จื๊อ แม๊ปูเกอ แว โต่ เต๊เห่เนอ, อา แม๊เถอะเฮ๊อ แว เฮ๊อ, เร๊อ แว โอ่โลแถ่ เป่ แกแยยิวพู๊ หม่าโต่ เต๊เห่ เด๊อ อา แม๊ปู แด๊เฮอเกอ แว โต่ เต๊เห่ เฮ๊อ.”

เพรโด่แนพู๊ เต๊เห่ 8:32

แกแย เด๊อ อาชุ๊ยแก อาเดอะ เออเตเพร แด๊ ลีเทส่อพ๊า ตามา เด๊อ อา เฮ๊ เน๊อ, “เหย่เนอ อาแซ่เน๊อ ซิหมิ (ซิหมิ โตโด เด๊อ อู จุ่ยจว๊า เร๊อ อู เตเร เมเซอ ลู เนอ, เร๊อ อาแซ่เน๊อ อู จิ ซิหมิพู๊ อาฉื่อ เด๊อ อา โหง่ เอ๊โทเอ๊โม เกออู ตือมื๋อ โต่ โตโด, อา เฮ๊ฉื่อ เกออู โหง่ ตือมื๋อ โต่.

มัทธิว 21:5

“แด๊โฉ่โล เป่ ศิโยนพู๊ เต๊เห่ เน๊อ, ‘แม๊มอ แลแค, ซี คุ๊ยจ๊อแผ่ แฮ เด๊อ ซี โอ่ เฮ๊อ. อา หม่า อา ซิโดซิงา เร๊อ อา แถ่แด๊ แฮหนิ แมอ๊อแล เร๊อ อา แถ่แด๊ แฮ เด๊อ อาพู๊ปีตี๊ โตโด.’”

โครินธ์ อาเหร่อเล๊อ ต๊าบ่า 4:21

ซี เก่ วีแก ซี เตเม เด๊อ อา มู๊แหม่รีแจ่ เออเต๊เห่ โต่ เฮ๊เนอหม่า, แว เก่ แฮซิพรวา ชอ แหน่ เฮ๊อ ซี เฮ๊อ. ซี เก่ วีแก เฮ๊เร๊อ แว เก่ แฮ เฮ๊เบ่เจ่เฮ๊เบ่หนิ แพ๊ ซี ปา, เร๊อ แว เก่ โม เกอเร๊อ ซี ปา. ฮู๊เนอเรอ, ซี ซิหยื่อ เล๊อ แลแค เบ๊อะเตเต๊อเจ่อเต?

เอเฟซัส 3:1

ฮู๊เนอเรอ, เด๊อ แว เม ครี๊ อา เตเอ่เตแร เร๊อ แว โด่แน เป่ แกแยยิวพู๊ หม่าโต่ เต๊เห่ เร๊อ เตซิครือมีลา เออ อาขว่าอาคยาเร๊อ, แว หม่าดื่อ เฮ๊อ คูเปาโล เออ, อู เบ่ ด๊อตาแก เฮ๊อ แว เด๊อ ทอกู.

ฟีลิปปี 4:5

เน ซิปล่อ ซิโดซิงา เออเนอ นอแม๊เถอะ ลอ เร๊อ อูปวา เตเพร นี๋. แบ่เจ่ เตเร แฮโน อาผื่อลาเฮ๊อ.

โคโลสี 1:23

แซ่ฮู๊ ซีเป๊เส่ เก่ โอ่ เกอดื่อ เด๊อ จอแปแหร่ อา เป๊เส่เง เนอเรอ, ตูรู๊ หยื่อเอ่ เป่แฮ ลาโป่ แลแค ฮู๊เนอเฮ๊อ. หยื่อเอ่ฉว่า หยื่อเอ่ชอ แลแค, เร๊อ โอ่หม่าโอ่กลอ แลแค เด๊อ ซี เตหยื่อ อากู นี๋. เบ๊อะซี หนิโฮ ลู่ เตซิครือมีลา เบ๊อะเนออาเค, ซี พย๊าหนิ โทเฮ๊อ เตแม๊ชือ เฮ๊อ. เร๊อ ซิปล่อ ลูโทลูแล แต่ แลแค เด๊อ ซี เตแม๊ชือ เออ อากู เนอ แต่เหม่ นี๋. เตซิครือซิลอมีลา เด๊อ จอแปแหร่ เมแร๊ กาคยา คยาแซ๊ แกแย เต๊เห่ เร๊อ อาเหน่ เร๊อดื่อ เออเนอ, อู โด่แน จว๊าเฮ๊อ ลู เด๊อ แกแย ปว๋า เตเพร อา โอ่, เร๊อ เด๊อ เห่ขุ ชีบ่า อา โอ่ เฮ๊อ. แว หม่าเฮ๊อ คูเปาโล, แว ทวา หลู่เล๊ เตเพร แว โด่แน เกอ เตซิครือซิลอมีลา เออเนอ เฮ๊อเฮ๊อ.

ฟีเลโมน 1:19

กู๊แหน่เร๊อ แว หม่าเฮ๊อ คูเปาโล เป๊อแถ่ ราหนิ ลีเออ เร๊อ แว กู๊ขุ เร๊อดื่อเจ๊อ. เก่ อา เมซื๊อ โทเฮ๊อ เน เก่โอ่ เต๊เห่, เก่หม่าโต่เรอ อา โหล่ปล๊า เน เก่โอ่ เต๊เห่ เฮ๊เรอ แด่ อา ฮู๊ แวเนอแวฉู่ เนอ, เร๊อ แว เก่ ปล๊าลี กาคยา คยาแซ๊ ดื่อ เน ปา. หม่าแน๊เรอ เด๊อ แวขว่าแวคยา เนอ, เน พย๊าหนิ เตเซอเพร อาเซ เด๊อ ครี๊ เออ เฮ๊อ อาขว่าอาคยา, เน แหน่แบ่เจ่ เร๊อดื่อ เน โหล่เด๊อ แว เนอ, แว โหล่เด๊อ ซิเงแถ่ปา เด๊อ เน โต่เฮ๊อ.