โครินธ์ เนอบ่า ต๊าบ่า 1:23 - ลีเทส่อพ๊าอาเซ เร๊อ เห่ขุทวาลู๊

²³ แว ซิเตเกล แฮ ซิพรวา ซี เร๊อ แว แฮทวา เป๊ เด๊อ วีโครินธ์ โต่. แว เฮ๊ ฮู๊เออ เร๊อ แว แลโฮ ซี โต่ เนอหม่า จอแปแหร่ ซิเง ลอปลี แพ๊.

Eastern Kayah Shadaw Dialect

²³ ꤠꤢꤧ꤭ ꤞꤤꤒꤣꤧ꤬ꤊꤜꤢꤩ꤭ ꤟꤢꤧ꤭ ꤞꤤꤖꤚꤝꤢ꤭ ꤞꤤ꤭ ꤚꤣꤧ꤬ ꤠꤢꤧ꤭ ꤟꤢꤧ꤭ꤓꤝꤢ꤭ ꤕ꤫ꤢꤩ꤬꤮ ꤘꤣ ꤠꤤ꤭ꤊꤢ꤬ꤚꤤ꤬ꤞꤢꤨ꤬ ꤒꤥ꤬꤯ ꤠꤢꤧ꤭ ꤟꤢꤩ ꤟꤢꤨꤣꤧ꤭ ꤚꤣꤧ꤬ ꤠꤢꤧ꤭ ꤜꤣꤧ꤬ꤟꤥ꤭ ꤞꤤ꤭ ꤒꤥ꤬ ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤜꤢꤪ꤭ꤕꤜꤤ꤭ ꤖꤢꤧ꤯

โครินธ์ เนอบ่า ต๊าบ่า 1:23 ပူးပေါင်းရင်းမြစ်များ

เพรโด่แนพู๊ เต๊เห่ 18:1

เตทวาแถ่ โท ฮู๊เออ เนอ เร๊อ, คูเปาโล โอ่ เบ๊อะวีเอเธนส์ เนอ เร๊อ อา เถ่จว๊า เด๊อ วีโครินธ์.

เพรโด่แนพู๊ เต๊เห่ 18:8

คูคริสปัส หม่า แกแย ทวา เตจ๊อเบโฮ อากู่กล๊อ เบ๊อะเนอ เตเพร. อา เน๊อ ล๋อ แกแย เด๊อ อา แฮโอ่เล เกอ ลู เบ๊อะอาหี่ เนอเต๊เห่ หยื่อเอ่แหน่ ลอปลี แบ่เจ่ เร๊อ แกแย อาโร เด๊อ อา โอ่ เด๊อ วีโครินธ์ อากู เด๊อ อา หนิโฮ เตซิครือมีลา เต๊เห่เนอ, อา หยื่อเอ่แหน่ เกอ เร๊อ อา เจ เกอ แลแค อาเหน่ เร๊อ เทอ.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

โครินธ์ อาเหร่อเล๊อ ต๊าบ่า 4:21

ซี เก่ วีแก ซี เตเม เด๊อ อา มู๊แหม่รีแจ่ เออเต๊เห่ โต่ เฮ๊เนอหม่า, แว เก่ แฮซิพรวา ชอ แหน่ เฮ๊อ ซี เฮ๊อ. ซี เก่ วีแก เฮ๊เร๊อ แว เก่ แฮ เฮ๊เบ่เจ่เฮ๊เบ่หนิ แพ๊ ซี ปา, เร๊อ แว เก่ โม เกอเร๊อ ซี ปา. ฮู๊เนอเรอ, ซี ซิหยื่อ เล๊อ แลแค เบ๊อะเตเต๊อเจ่อเต?

โครินธ์ อาเหร่อเล๊อ ต๊าบ่า 5:5

แซ่ฮู๊ อู เก่ เมปย๊าแก แกแย เออเตเพร อา สุ่ยเทอพ๊าหย่า อา เตซิหยื่อซิลอ อาเงเนอ, ซี เบ่ เด๊อะตาแก แกแย เออเตเพร เด๊อ โลเน๊มู๊แหม่รีแจ่ กู่กล๊อ อา กู๊ยากู. แซ่ฮู๊ แกแย เออเตเพร อา ซิปล่อเซอเพร เก่ พย๊าหนิ เตเมแลเปล๊กา ช๋า แบ่เจ่ อา ม๊อเนอ ปา อาเงเนอ, ซี เบ่ เม ฮู๊เนอ. เมเตเฮ๊เรอ ซี พย๊าหนิเฮ๊อ แบ่เจ่ อา เตอเรอฉว่าชอ เร๊อ อา เตโพรเตเตอเรอ เฮ๊อ อาขว่าอาคยา เม แลแค ฮู๊เนอ.

โครินธ์ เนอบ่า ต๊าบ่า 1:1

แว หม่า คูเปาโล. จอแปแหร่ ซิปล่อ โตดื่อเฮ๊อ เด๊อ อา เก่ นว๊าแถ่เฮ๊อ แว เร๊อ แบ่เจ่ เหย่ซู่ครี๊ อา เพรโด่แนพู๊ เต๊เห่ เตเพร เฮ๊อ. แว เร๊อ เป โป่แหว่ คูทิโมธี ราจว๊าเป่ ลีเออ เด๊อ ซี วีโครินธ์พู๊ เด๊อ อา หยื่อเอ่ จอแปแหร่ เต๊เห่ อาโอ่. โท๊โต่ เป ราจว๊าเต่อ เป่เกอดื่อ แกแย เด๊อ อา หยื่อเอ่ จอแปแหร่ เด๊อ อา โอ่ เด๊อ อาคายา เก่กู เนอเต๊เห่ อาโอ่.

โครินธ์ เนอบ่า ต๊าบ่า 1:18

ฮู๊ จอแปแหร่ เฮ๊เบ่จ๊อ เต เนอ, แว เฮ๊เบ่จ๊อ แซ่เกอดื่อ ฮู๊ อา เนอแพ๊. ช๊าปา เร๊อ “อ่อ,” ช๊าปา เร๊อ “โต่,” แว เฮ๊ เกออู ฮู๊เนอ แตแค๋ โต่.

โครินธ์ เนอบ่า ต๊าบ่า 10:2

ช๋า แว แฮ เกอ คยาแซ๊ ซี ปา เบ๊อะเนอ, แซ่ฮู๊ แว เก่ เฮ๊เบ่ฉว่าเฮ๊เบ่ชอ แต่ ซี แต่เหม่ เนอเรอ, แว กุยซิยอ ตื๊อดื่อ ซิปล่อ เจ๊อ ซี เร๊อ ถู่แหล่ เต๊เปล่แก ลอ ซี เตแด่ ซี ซิปล่อสู่เทอ เนอเต๊เห่ นี๋. เด๊อ ซีเกล เต๊เห่เห่เนอ อา เฮ๊ แลแค เป เน๊อ เป ครวาลือ แพ๊ แกแย เห่ขุพู๊ อาเหล่โกล ซิหยื่อ เนอเต๊เห่ แพ๊. แกแย เด๊อ อา เฮ๊ เป ฮู๊เนอ เต๊เห่เนอ, แว เก่ เฮ๊เบ่ชอ เกอเด๊อะ เจ๊อ เหย่ซี ปา เก่.

โครินธ์ เนอบ่า ต๊าบ่า 11:10

แว เฮ๊เบ่ถู่เซ๊ เกอเร๊อ เพรหยื่อเอ่เต ตู๊หมู่ตอกล๊อ เด๊อ อาโร เด๊อ อา โอ่ เกอ เบ๊อะอาคายาเก่กู เออเต๊เห่ อาหรี่อาแก เออเนอ, แว ถู่เซ๊ วี๊เนโต่. เมเตเฮ๊เรอ ครี๊ อา เตหมะเตจ๊อ โอ่ เด๊อ แวกู อาขว่าอาคยา, แว เฮ๊ เป่ ซี กู๊แหน่ เออเต๊เห่เนอ, ซี เกล๊ ซิเงตาเต เบ๊แหน่ แพ๊.

โครินธ์ เนอบ่า ต๊าบ่า 11:11

แว เฮ๊ ฮู๊เออเรอ แว โม ซี โต่ ฮู๊เนอ แอ? แว โม ซี เนอหม่า จอแปแหร่ ซิเง.

โครินธ์ เนอบ่า ต๊าบ่า 11:31

แบ่เจ่ เหย่ซู่ครี๊ อาเพ จอแปแหร่ เออ อา ซิเง เร๊อ แว เฮ๊เบ่ แลโฮ หม่าโต่. อู เก่ ถู่เซ๊แถ่ดื่อ อามุย ตูจูเพร แตแลเคร๊ นี๋.

โครินธ์ เนอบ่า ต๊าบ่า 12:20

ช๋า แว แฮโตเกอ เด๊อ ซี โอ่ เคปาเนอ, ปาหม่า แว แฮ แม๊เถอะ ดื่อเฮ๊อ ซี เตแด่ซิปล่อสู่เทอ เต๊เห่ เด๊อ อา โค๊ดื่อ เร๊อ ฮู๊ แว ซิหยื่อ แม๊เถอะ เนอเต๊เห่ ปา เฮ๊อ, โทเรอ ซี เก่ แม๊เถอะ ดื่อเฮ๊อ แว เตซิปล่อสู่เทอ เต๊เห่ เด๊อ อา โค๊ดื่อ ฮู๊ ซี ซิหยื่อ แม๊เถอะ แว เนอ ปา เฮ๊อ, แว เบ่รอหนื่ออื่อ ฮู๊เนอ. แว เบ่รอ ดื่อเฮ๊อ เร๊อ ปาหม่า แว แฮแม๊เถอะ ซีกย๊าตางา ลู, ซี ซิเคว๊คยาลู, ซี ซิปล่อดุ สู่เทอทู ลู, ซี โอ่โค๊ลู ตู๊หมู่ เร๊อ ตู๊หมู่, เป๊อเจ่ออิแช๊อู, แด๊เเหมาะเถ่อโย อู, แด่ดุแด่แถ่โล เหน่, เมซู๊ซ๊า ตอปลอแลยอ เต, ฮู๊เนอ เต๊เห่ เฮ๊อ.

โครินธ์ เนอบ่า ต๊าบ่า 13:10

ช๋า แว แฮโต่เกอ ซี ปา เร๊อ แซ่ฮู๊ แว เก่ แฮ นอเอ่ ชอ แต่ แว เตอเรอฉว่าชอ เด๊อ แบ่เจ่ เด๊อ แว เออเนอ แต่เหม่เนอ, เบ๊อะแว โอ่ ยา เร๊อ ซี อาเค, แว ซิหยื่อ ราจว๊า เหร่อ เป่ ซี ลีเออ แพ๊. แซ่ฮู๊ แว เก่ เมดุแถ่ทูแถ่ ซี เตหยื่อเตแหน่ อาเงเนอ, แบ่เจ่ เด๊อะ แว เตอเรอฉว่าชอ เออเนอ แพ๊. อา เด๊อะ แว เตอเรอฉว่าชอ เด๊อ แว เก่ เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 13:2

เบ๊อะแว แฮ โอ่เล เกอ ซี เนอโพ๊โตโพ๊ เบ๊อะเนอ, แว เด๊อะรอ หนื่ออื่อ โทเฮ๊อ แกแย เด๊อ อา เมซื๊อเต เด๊อ อาเหร่อ เนอเต๊เห่ เร๊อ ล๋อ แกแย เด๊อ อาโร เนอเต๊เห่ เฮ๊อ. กู๊แหน่เรอ แว โอ่ตาพายา เน๊อ ซี เร๊อ แว เด๊อะรอ คยาแซ๊ ซี. เร๊อ ช๋า แว แฮ คยาแซ๊ เออโต๊โผ่ ปาเนอ แว ซิโลซิยอ เกอเร๊อ ปาแหน่ เร๊อ ซี เตเพร่ว โต่ เฮ๊อ.

โครินธ์ เนอบ่า ต๊าบ่า 6:6

เด๊อ เป ทวา หม่าเฮ๊อ จอแปแหร่ อาหลู่เล๊ เต๊เห่ อาขว่าอาคยา, เป เด๊อะโล เป่ อู เร๊อ เป ซิปล่อ อาโพ๊อาแปละ, เป เตซิคว๊าซิเง, เป เตซิปล่อทู, เป เตซิยอเร๊อ อู เออเต๊เห่ เฮ๊อ. แหย่โยบูโพ๊ แบ่เจ่ โอ่ เด๊อ เปกู เร๊อ เป โม ลอซิปล่อสู่เทอ เจ๊อ อู เจ๊อ.

ꤊꤢ꤬ꤜꤢ꤬ꤒꤤ 1:20

ล๋อ แว รา เป่ ซี เออเต๊เห่ เนอหม่า อาโต แพ๊. แว แลโฮ โต่ เนอหม่า จอแปแหร่ ซิเง แพ๊.

ฟีลิปปี 1:8

แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.