โครินธ์ เนอบ่า ต๊าบ่า 1:18 - ลีเทส่อพ๊าอาเซ เร๊อ เห่ขุทวาลู๊

¹⁸ ฮู๊ จอแปแหร่ เฮ๊เบ่จ๊อ เต เนอ, แว เฮ๊เบ่จ๊อ แซ่เกอดื่อ ฮู๊ อา เนอแพ๊. ช๊าปา เร๊อ “อ่อ,” ช๊าปา เร๊อ “โต่,” แว เฮ๊ เกออู ฮู๊เนอ แตแค๋ โต่.

Eastern Kayah Shadaw Dialect

¹⁸ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤟꤢꤩꤙꤢꤩ꤬ꤡꤢꤪ ꤒꤢꤩ꤬ ꤔꤣꤧ꤬, ꤠꤢꤧ꤭ ꤟꤢꤩꤙꤢꤩ꤬ꤡꤢꤪ ꤞꤢꤧꤊꤣꤧ꤭ꤘꤢꤦ꤬ ꤟꤢꤨ ꤢ꤬ ꤔꤣꤧ꤬ꤖꤢꤧ꤯ ꤏꤢꤕꤢ꤭ ꤚꤣꤧ꤬ “ꤢꤪ꤬,” ꤏꤢꤕꤢ꤭ ꤚꤣꤧ꤬ “ꤒꤥ꤬,” ꤠꤢꤧ꤭ ꤟꤢꤩ ꤊꤣꤧ꤭ꤢꤨ꤭ ꤟꤢꤨꤔꤣꤧ꤬ ꤒꤣꤧ꤬ꤋꤢꤧ꤮ ꤒꤥ꤬꤯

โครินธ์ เนอบ่า ต๊าบ่า 1:18 ပူးပေါင်းရင်းမြစ်များ

ꤛꤥ꤭ꤟꤢ꤬ 7:28

เบ๊อะแบ่เจ่ เหย่ซู่ อิซว๊าตาปา อู เด๊อ เตหลู่แต โฮกู เบ๊อะเนอ, อา เอ๊โทแถ่ เน๊อ, “ซี ซิเง แว เนอหม่า หม่าแหน่ว๊า. แว โอ่ โต เบ๊อะแฮ เนอหม่า ซี ซิเง หม่าแหน่ แหน่ แว แอ. แว แฮ จู๊ ดื่อ แว ซิปล่อ หม่าโต่. เพร เด๊อ อา นอแฮ แว เออเตเพร เนอหม่า, ซี ซิเง ลู โต่. อา หม่า เพร เด๊อ อาจ๊อ เตเพร.

ꤛꤥ꤭ꤟꤢ꤬ 8:26

แว เก่ เฮ๊ ซีหรี่อาแก เฮ๊เนอหม่า, อา เหล่เฮ๊ โอ่เอ๊ลูปา, โท๊โต่ แว เหล่แด่ ซี เตซื๊อ เนอ, อา โอ่เอ๊ลูปาปา. หม่าแน๊เรอ โหง่ เด๊อ แว เฮ๊ เป่ แกแย เห่ขุพู๊ เออเต๊เห่ เนอหม่า หม่าแพ๊ แว หนิโฮ เด๊อ เพร เด๊อ อา นอแฮ แว เออเนอ เตเพร อา โอ่ เร๊อ เต เด๊อ อา เฮ๊ เต๊เห่ เนอหม่า อา โตแพ๊,” อา เฮ๊ฉื่อ เหย่ซี ฮู๊เนอ.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

โครินธ์ เนอบ่า ต๊าบ่า 1:23

แว ซิเตเกล แฮ ซิพรวา ซี เร๊อ แว แฮทวา เป๊ เด๊อ วีโครินธ์ โต่. แว เฮ๊ ฮู๊เออ เร๊อ แว แลโฮ ซี โต่ เนอหม่า จอแปแหร่ ซิเง ลอปลี แพ๊.

โครินธ์ เนอบ่า ต๊าบ่า 11:31

แบ่เจ่ เหย่ซู่ครี๊ อาเพ จอแปแหร่ เออ อา ซิเง เร๊อ แว เฮ๊เบ่ แลโฮ หม่าโต่. อู เก่ ถู่เซ๊แถ่ดื่อ อามุย ตูจูเพร แตแลเคร๊ นี๋.

โครินธ์ เนอบ่า ต๊าบ่า 2:17

แกแย เม แลแค จอแปแหร่ อาเตเม เร๊อ อา อิซว๊าอี๊แส่ เป่ อู เนอ อา โอ่ เอ๊ลู หม่าแน๊เรอ เป แม๊บือ เมเกอ ฮู๊ เหย่ซี เมเนอ โต่. เมเตเฮ๊เรอ, แซ่ฮู๊ เหย่ซี เก่ พย๊าหนิ แลแค รือ เร๊อ เหย่ซี แด๊โฉ่โด่แน เป่ อู เร๊อ จอแปแหร่ อาลาอาโหง่ แพ๊. หม่าแน๊เรอ เป เออเต๊เห่เนอ, จอแปแหร่ นอจว๊า แด๊โฉ่โด่แน เป เร๊อ ครี๊ อาหรี่อาแก, เป แด๊โฉ่โด่แน เป่ อู เออเนอ จอแปแหร่ แม๊เถอะ, เป ทวาเฮ๊อ เตเต๊อเจ๋อ โต เร๊อ ครี๊ เฮ๊อ เร๊อ เป หม่า เพรโด่แนพู๊ เต๊เห่ เด๊อ อา ซิปล่อจ๊อจื้อ เต๊เห่ เฮ๊อ.

โครินธ์ เนอบ่า ต๊าบ่า 6:8

เพร ถู่เซ๊ เป หม่า อา โอ่โอ่, เพร เป๊อเจ่อ เป หม่า อา โอ่โอ่. เพร เฮ๊เบ่แร๊ เป หม่า อา โอ่โอ่, เพร เฮ๊มู๊แหม่ เป หม่า อา โอ่โอ่. เพร เฮ๊ เป เร๊อ แกแยแลโฮ เต๊เห่ เนอหม่า อา โอ่โอ่, หม่าแน๊เรอ เป หม่า แกแย เด๊อ อา เฮ๊เบ่จ๊อ เต เต๊เห่ แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:20

แซ่ฮู๊ เป เก่ ซิเง เกอดื่อ อู จอแปแหร่ เด๊อ อาโต เออเตเพรเนอ, เป ซิเงเฮ๊อ เร๊อ จอแปแหร่ อาพู๊คูเออ แฮ เด๊อะ ซิเงโปล เป่ เฮ๊อ. เป เฮ๊อ. เป โอ่ เด๊อ จอแปแหร่ เด๊อ อาโต เออเตเพร เร๊อ อาพู๊คู เหย่ซู่ครี๊ เออเตเพร อากู เฮ๊อ. อา หม่า จอแปแหร่ เด๊อ อาโต เตเพร, โท๊โต่ จอแปแหร่ เด๊อ อา เด๊อะ อู ซิปล่อเซอเพร ตูจูเพร เตเพร.

เตเด๊อะโลแถ่ 3:14

“ราจว๊า ลีเออ เด๊อ วีเลาดีเซีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ อู เอ๊ เน๊อ, ‘อาเมน’ เออเนอ เตเพร อาโอ่. อา หม่า เพร เด๊อ อาซิปล่อจ๊อ เร๊อ อาข่าเฮ๊โล จ๊อจ๊อเตเต เออเตเพร อาโอ่. จอแปแหร่ นอแบ๊ตา แฮเง ลอ เตล๋อ ปลี เออเนอ เร๊อ อา แพ๊.

เตเด๊อะโลแถ่ 3:7

“ราจว๊า ลีเออ เด๊อ วีฟีลาเดลเฟีย เพรหยื่อเอ่ตู๊หมู่ตอกล๊อ อา เตเน่วพู๊ อาโอ่ เนอ,” อา เฮ๊ แว ฮู๊เนอ. เร๊อ อา เฮ๊ เน๊อ, “เตหรี่เตแก เออเนอหม่า อา แฮ เด๊อ เพร เด๊อ อาบูโพ๊ อาจ๊ออาเต เออเตเพร อาโอ่. อา ปื่อหม่าโอ่ หนิ คุ๊ยดาวิด อาชอถิ. เบ๊อะอา บ๊าโม กู่ดา เบ๊อะเนอ, อู เมบี๊แจ่ เตเพร่ว โต่. เร๊อ เบ๊อะอา เมบี๊ เบ๊อะเนอ, อู บ๊าโมแจ่ เตเพร่ว โต่.