ทิโมธี อาเหร่อเล๊อ ต๊าบ่า 5:25 - ลีเทส่อพ๊าอาเซ เร๊อ เห่ขุทวาลู๊

²⁵ ฮู๊เนอเฮ๊อ เตเมแร๊ เด๊อ เป แม๊เถอะ โล โล๊ลี เจ๊อ อา เนอ อา โอ่ เต๊เห่. เตเมแร๊ เด๊อ อู แม๊เถอะโล โล๊ลีแจ่ แต่ล๋าย อา โต่ เต๊เห่ เบ่เบ่, อู เก่ แม๊เถอะ ตาเตเนอ อา เด๊อคยา ปา.

Eastern Kayah Shadaw Dialect

²⁵ ꤟꤢꤨꤔꤣꤧ꤬ꤟꤣꤧ ꤒꤢꤩ꤬ꤗꤢꤩ꤬ꤚꤢꤧ ꤘꤣ ꤕꤢꤩ꤬ ꤗꤢꤧꤓ꤫ꤣꤧ꤬ ꤜꤥ꤭ ꤜꤤ꤭ꤖꤥ ꤡꤣꤧ ꤢ꤬ ꤔꤣꤧ꤬ ꤢ꤬ ꤥ꤬ ꤒꤣꤧ꤬ꤟꤢꤩ꤬꤯ ꤒꤢꤩ꤬ꤗꤢꤩ꤬ꤚꤢꤧ ꤘꤣ ꤢꤨ꤭ ꤗꤢꤧꤓ꤫ꤣꤧ꤬ꤜꤥ꤭ ꤜ꤫ꤢ꤬ꤜꤤ꤭ꤡ꤫ꤢꤧ꤬ ꤡꤣꤧꤜꤢ꤭ꤟꤤ ꤢ꤬ ꤒꤥ꤬ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤢꤨ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤒꤢ꤭ꤒꤢꤩ꤬ꤔꤥ꤬ ꤢ꤬ ꤘꤣꤋꤛꤢ꤭ ꤕꤢ꤭꤯

ทิโมธี อาเหร่อเล๊อ ต๊าบ่า 5:25 ပူးပေါင်းရင်းမြစ်များ

ꤜꤢꤨꤊꤢ꤬ 11:33

“อู ชีลี โท หมิ เร๊อ อู แด่โอ๊บี๊ ลู แตแค๋ โต่, เก่หม่าโต่เรอ อูโตโกล๊บี๊ เร๊อ ปู๊ แตแค๋ โต่. แซ่ฮู๊ อา เก่ ลี เป่ แกแย เด๊อ อา แฮโน เต๊เห่ อาเง เนอ, อู แด่แถ่ อา เด๊อ หมิเคว๊กออาเหร่ ขุโต.

ทิโมธี อาเหร่อเล๊อ ต๊าบ่า 3:7

แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู อาเงเนอ, อา เตก๊อถ่อโอ่แน เฮ๊เบ่เฮ๊โช เต๊เห่ เบ่ แร๊ ปว๋า โตโพ๊ เจ๊อ. แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู ฮู๊เนอโต่ เฮ๊เนอ, อา เก่ เมเตเร ลู ปา, โท๊โต่ อา เก่ หนิแก โลเน๊มู๊แหม่รีแจ่ กู่กล๊อ อา แตแจ ปา.

เพรโด่แนพู๊ เต๊เห่ 22:12

“แกแย อามุย เร๊อ คูอานาเนีย อาโอ่ เตเพร, อา หม่า แกแย เตเพร เด๊อ อา โมแหน่เจ๊อ จอแปแหร่, เร๊อ อา ลือ ครวาเมเกอ ฮู๊ เตซว๊าเตแส่ โอ่ เนอ. เร๊อ แกแยยิวพู๊ โอ่ เบ๊อะวีดามัสกัส อากู เนอเต๊เห่ แด่ดุหยื่อแหน่ แหน่เจ๊อ ลู เจ๊อ.

เพรโด่แนพู๊ เต๊เห่ 10:22

เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”

เพรโด่แนพู๊ เต๊เห่ 9:36

เบ๊อะวียัฟฟา อากูเนอ, เพรเหมาะ เด๊อ อา หยื่อเอ่แลแค เหย่ซู่ เนอ อาโอ่ เตเพร. เร๊อ อามุย เร๊อ เหมาะทาบิธา (กรีกโหง่ หม่า อามุย เร๊อ เหมาะโดรคัส, อาโหง่แลช๊า หม่า เตอเคอ โตโด) อา ม๊อเนอม๊อเซ ลอ ปลี เนอ อา เมบุ๊ยเมเตอเรอ เป่ อูโร โทเรอ เมจว่าเกอ เป่ แกแย โซพ๊าโซแรพู๊ เต๊เห่.

มัทธิว 5:16

ฮู๊เนอเฮ๊อ, แซ่ฮู๊ อู เก่ ถู่เซ๊แถ่ เปเพ โอ่เด๊อ ม๊อขุ เออเตเพร อาเงเนอ, นอลีเตเค จว๊าโล เกอ ซี เตเมแร๊ เนอเต๊เห่ เด๊อ อู ปว๋า เตเพร อาแบ๊เง เนอ.”

ฟีลิปปี 1:11

โท๊โต่ แว กุยจ๊อเบ เป่ เด๊อ ซีเง เนอ, เด๊อ เหย่ซู่ครี๊ อา เตโพรเตเตอเรอ ขว่าคยาเร๊อ, ซี เก่ เส่เถ่ แฮเง เกอ แลแค เตจ๊อเตเต อาเส่ เต๊เห่. เมเตเฮ๊เรอ เบ๊อะอู แม๊เถอะ ซี เส่เถ่ เตจ๊อเตเต อาเส่ เออเต๊เห่ เบ๊อะเนอ, อู เก่ แด่ดุหยื่อแหน่ จอแปแหร่, เร๊อ อู เก่ ถู่เซ๊แถ่หนิ ลู ปา.

เตเด๊อะโลแถ่ 14:13

โทเรอ แว หนิโฮ เตพราแถ่ เด๊อ ม๊อขุ เร๊อ อา เฮ๊ เน๊อ, “ราม๊าแก เออเนอ, เป๊อแถ่ กู๊แหน่เออ ตาแฮเง เนอ, แกแย เด๊อ อา เซอ เด๊อ จอแปแหร่ อา เตเอ่เตแร อากู เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ” แบ่เจ่ อา แหย่โยบูโพ๊ เฮ๊ เน๊อ, “อา หม่าแหน่ เจ๊อ. เมเตเฮ๊เรอ เหย่ซี เก่ โอ่โก๊แก แลแค เฮ๊อ เด๊อ อา เตเอ่เตแร เต๊เห่ อากู เร๊อ อา เตจาเตจือ เต๊เห่ อากู เฮ๊อ. โท๊โต่ เหย่ซี อาเตเอ่เตแร เด๊อ อาบุ๊ยอาเตอเรอ โอ่ เต๊เห่เนอ, อา เก่ ครวาเกอ เหย่ซีคยา ปา.”