ทิโมธี อาเหร่อเล๊อ ต๊าบ่า 5:20 - ลีเทส่อพ๊าอาเซ เร๊อ เห่ขุทวาลู๊

²⁰ เหย่ซี เก่ เม เตซื๊อ เก่เฮ๊เรอ, ซิพรวา เหย่ซี เร๊อ อิซว๊า แร๊ กาคยา เหย่ซี เด๊อ แกแย ตูปลูเต๊เผ่ อา เป๊เส่เง เนอ นี๋. แซ่ฮู๊ แกแย เด๊อ อาโร เต๊เห่ เก่ ซิอิเช อาเงเนอ ตูรู๊ เม แลแค ฮู๊เนอ นี๋.

Eastern Kayah Shadaw Dialect

²⁰ ꤛꤢꤩ꤬ꤞꤤ꤭ ꤊꤢꤩ꤬ ꤗꤢꤩ꤬ ꤒꤢꤩ꤬ꤞꤢꤦ ꤊꤢꤩ꤬ꤟꤢꤩꤚꤣꤧ꤬, ꤞꤤꤖꤚꤝꤢ꤭ ꤛꤢꤩ꤬ꤞꤤ꤭ ꤚꤣꤧ꤬ ꤤ꤬ꤞꤝꤢ ꤚꤢꤧ ꤊꤢ꤬ꤋꤛꤢ꤭ ꤛꤢꤩ꤬ꤞꤤ꤭ ꤘꤣ ꤊꤣꤧ꤬ꤛꤢꤧ꤭ ꤒꤣ꤬ꤕꤜꤢꤨ꤬ꤒꤣ꤬ꤖꤢꤩ꤬ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤔꤣꤧ꤬ ꤔꤤ꤮꤯ ꤞꤢꤧꤟꤢꤨ ꤊꤣꤧ꤬ꤛꤢꤧ꤭ ꤘꤣ ꤢ꤬ꤚꤥ꤬ ꤒꤣꤧ꤬ꤟꤢꤩ꤬ ꤊ꤫ꤢꤦ꤬ ꤞꤤꤤ꤬ꤏꤢꤩ꤭ ꤢ꤬ꤑꤢꤩ꤭ꤔꤣꤧ꤬ ꤒꤣꤧ꤬ꤚꤢꤨ ꤗꤢꤩ꤬ ꤜꤢ꤭ꤋꤢꤧ꤭ ꤟꤢꤨꤔꤣꤧ꤬ ꤔꤤ꤮꤯

ทิโมธี อาเหร่อเล๊อ ต๊าบ่า 5:20 ပူးပေါင်းရင်းမြစ်များ

ทิโมธี เนอบ่า ต๊าบ่า 4:2

แด๊โฉ่โด่แน แลแค เตซิครือมีลา นี๋. ค๊าขิ แร๊ เบ่เบ่, ค๊าขิ แร๊โต่ เบ่เบ่, ตูรู๊ โด่แน แฮเง ตื๊อดื่อ ลาโป่ เตซิครือมีลา เออเนอ นี๋. โทเร๊อ ซิพรวาหนิ เหย่ซี นี๋, อิซว๊าอี๊แส่ แร๊กาคยา เหย่ซี นี๋, เร๊อ เด๊อะอ๊าเด๊อะเหร่ เหย่ซี, อิซว๊าอี๊แส่ เหย่ซี เน๊อ เตแด่ทูซิปล่อ เนอ นี๋.

ꤒꤤꤒꤢꤨ 1:13

อา เฮ๊ เต เออเต๊เห่ เนอหม่า อา โตแพ๊ อาขว่าอาคยา, แซ่ฮู๊ เหย่ซี เก่ โอ่จ๊อโอ่เต เด๊อ เตหยื่อเตแหน่ อากูเนอ, ซิพรวาชอ เหย่ซี นี๋.

เพรโด่แนพู๊ เต๊เห่ 5:11

ล๋อ เพรหยื่อเอ่ ตู๊หมู่ตอกล๊อ เออเต่อหมู่ลอ เร๊อ แกแย เด๊อ อาโร เต๊เห่ หนิโฮซิเง แลแค เตเมทวาแถ่ อาเหน่ เออเต๊เห่เร๊อ อา ซิอิเช แลแค โกโน๋ โต่.

ทิโมธี อาเหร่อเล๊อ ต๊าบ่า 1:20

แกแย เด๊อ อา เตหยื่อเตแหน่ ปย๊าแก ฮู๊เนอเต๊เห่ หม่า หม่าเฮ๊อ คูฮู๊เหม่แน๊ เร๊อ คูอเล็กซานเดอร์ เฮ๊อ. แซ่ฮู๊ อา เก่ ทวา เตอิซว๊า เด๊อ เหย่ซีเง เร๊อ อา เก่ โอ่โก๊แก อา เตเฮ๊เบ่ซื๊อ จอแปแหร่ เนอเต๊เห่ อาเงเนอ, แว เด๊อะตาแก เฮ๊อ เหย่ซี เด๊อ โลเน๊มู๊แหม่รีแจ่ กู่กล๊อ อา กู๊ยากู เฮ๊อ.

เพรโด่แนพู๊ เต๊เห่ 5:5

คูอานาเนีย หนิโฮ โหง่ เออเนอ เร๊อ โตโพ๊โต อา แลคื๊อเซอแก เจ๊อ. เร๊อ ล๋อ แกแย เด๊อ อา หนิโฮซิเง แลแค เตเมทวาแถ่ อาเหน่ เออเต๊เห่เนอ อา ต๊อหร่อเซ๊ ซิอิเช ลอปลี เจ๊อ.

เพรโด่แนพู๊ เต๊เห่ 19:17

ล๋อ แกแยยิวพู๊ เร๊อ เมวเจอะ โร กรีก เมวเจอะพู๊ เร๊อ อา โอ่ เบ๊อะวีเอเฟซัส อากู เนอเต๊เห่ หนิโฮ ลอปลี เตเม ทวาแถ่ อาเหน่ เออเต๊อเจ่อ. เร๊อ เหย่ซี ซิอิเช ลอปลี เจ๊อ เร๊อ เหย่ซี แด่ดุหยื่อแหน่, เร๊อ ถู่เซ๊แถ่หนิ แลแค แบ่เจ่ เหย่ซู่ อามุย.

โครินธ์ เนอบ่า ต๊าบ่า 7:11

เด๊อ ซี ซิเปลซิหย่อ อาขว่าอาคยาเร๊อ จอแปแหร่ เม เป่ ซี ฮู๊เต เนอ, แม๊มอ แลแค! ซี ซิปล่อฉว่า เมแฮเฮ๊อ แลแค เตจ๊อเตเต เต๊เห่ เฮ๊อ, ซี ซิปล่อฉว่า เด๊อะโล เฮ๊อ ซี เมเต เด๊อ อาโต เต๊เห่ เฮ๊อ. ซี ซิปล่อดุ แฮเฮ๊อ แกแย เมเตซื๊อ เด๊อ ซีเกล เต๊เห่เนอ เฮ๊อ, ซี ซิอิเช แฮเฮ๊อ เร๊อ จอแปแหร่ เก่ เมจากาคยา ซี ปา เฮ๊อ. ซี ซิหยื่อ แม๊เถอะ คยาแซ๊ เป เฮ๊อ. ซี ซิปล่อฉว่า หนิดา เฮ๊อ โหง่ เร๊อ ซี เก่ เมจากาคยาเฮ๊อ แกแย เด๊อ อา เมซื๊อเต เนอเต๊เห่ เฮ๊อ. เด๊อ ซี เม แลแค เฮ๊อ ฮู๊เออ อาขว่าอาคยา, ซี เด๊อะโล เฮ๊อ เร๊อ กู๊แหน่เออ ซี เตซื๊อ โอ่ ปาโต่ เฮ๊อ.

เอเฟซัส 5:11

เตคี๊เตลอ อาเตเม เต๊เห่เนอ จว๊าโนครวา เมเต่อเกอ แต่เหม่ นี๋. เหย่ซี เตเม เนอเต๊เห่ หม่า อาบุ๊ยเตอเรอ โอ่ เตอเจ๋อ โต่. หม่าแน๊เรอ, เต เออเต๊เห่เนอ อา เด๊อะซิเง เป่ อู เร๊อ อาแร๊โต่.

ꤒꤤꤒꤢꤨ 2:15

อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.