ทิโมธี อาเหร่อเล๊อ ต๊าบ่า 5:10 - ลีเทส่อพ๊าอาเซ เร๊อ เห่ขุทวาลู๊10 โทเรอ อา เบ่ ทวาดื่อ เพร เหมาะ เด๊อ อามีลา โลแร๊ เน๊อ อา เมเตแร๊ เต๊เห่ อาคยา. อา เบ่ ทวาดื่อ เพร เหมาะ เตเพร เด๊อ อา แม๊ตู่ ดุแถ่ หนิ แร๊โท ดื่อเฮ๊อ อาพู๊อาเลอ เต๊เห่, อา เบ่ เอ๊โมฉื่อ ซิเผระ เต๊เห่ เด๊อ อา หี่ด๊อหี่แพกู, อา เบ่ ทวาดื่อ เพรเหมาะ เตเพร เด๊อ อา ซู๊ปลี จอแปแหร่ อาแกแย เต๊เห่ อากู๊โด่, อา เบ่ เมจว่า แกแย เบ่แป่เบ่เช เต๊เห่ โทเรอ อา เบ่ทวา เพรเหมาะ เตเพร เด๊อ อา เด๊อะแล อาซิปล่อ เด๊อ อา เมเตแร๊ เต๊เห่ อาเง. အခန်းကိုကြည့်ပါ။Eastern Kayah Shadaw Dialect10 ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤗ꤫ꤢ꤬ꤘꤢꤦ꤬ ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤗꤝꤤ꤭ꤜꤢ꤬ ꤜꤥ꤭ꤚꤢꤧ ꤔꤢꤧ ꤢ꤬ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤋꤛꤢ꤭꤯ ꤢ꤬ ꤙꤢꤩ꤬ ꤗ꤫ꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤗꤢꤧꤡꤢꤧ꤬ ꤘꤢꤨ꤬ꤓꤢꤧ꤬ ꤚꤢꤧꤓꤥ꤭ ꤚꤣꤧꤘꤢꤦ꤬ꤟꤣꤧ ꤢ꤬ꤖꤢꤨꤢ꤬ꤜꤣꤧ꤬ ꤒꤣꤧ꤬ꤟꤢꤩ꤬, ꤢ꤬ ꤙꤢꤩ꤬ ꤢꤩꤗꤥ꤬ꤏꤢꤦ꤬ ꤞꤤꤖꤚ꤫ꤢꤩ꤬ ꤒꤣꤧ꤬ꤟꤢꤩ꤬ ꤘꤣ ꤢ꤬ ꤟꤤ꤬ꤘꤢꤪꤊꤢꤪꤊꤢꤨ꤭, ꤢ꤬ ꤙꤢꤩ꤬ ꤗꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤞꤢꤨꤕꤜꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤋꤢꤧꤘꤥ꤬, ꤢ꤬ ꤙꤢꤩ꤬ ꤗꤢꤩ꤬ꤡꤝ꤫ꤢ꤬ ꤊꤣꤧ꤬ꤛꤢꤧ꤭ ꤙꤢꤩ꤬ꤕ꤫ꤢꤧ꤬ꤙꤢꤩ꤬ꤏꤢꤩ꤭ ꤒꤣꤧ꤬ꤟꤢꤩ꤬ ꤓꤥ꤭ꤚꤣꤧ꤬ ꤢ꤬ ꤙꤢꤩ꤬ ꤗ꤫ꤢ꤬ ꤖꤚꤢꤩ꤬ꤗꤢꤪ꤬ ꤒꤣ꤬ꤖꤚꤢꤩ꤬ ꤘꤣ ꤢ꤬ ꤘꤣꤧꤜꤢꤧ꤬ ꤢ꤬ꤞꤤꤕꤜꤢꤪ꤬ ꤘꤣ ꤢ꤬ ꤗꤢꤩ꤬ꤒꤢꤩ꤬ꤚꤢꤧ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭꤯ အခန်းကိုကြည့်ပါ။ |
ทิโมธี อาเหร่อเล๊อ ต๊าบ่า 5:10
42 ပူးပေါင်းရင်းမြစ်များ
เตเฮ๊เบ่ เออเนอหมา อาจ๊ออาเต. แซ่ฮู๊ แกแย เด๊อ อา หยื่อเอ่แลแค จอแปแหร่ เต๊เห่ เก่ ซิปล่อป่า เร๊อ เด๊อะแลเกอ แลแค ซิปล่อ เด๊อ อา เก่ เม เตแร๊ เต๊เห่ อาเงเนอ, แว ซิหยื่อ เด๊อ เน เก่ อิซว๊า ซิปล่อป่า ตาเต เป่อู เร๊อ เตหรี่เตแก เออเต๊เห่. เตเออเต๊เห่ หม่า อาแร๊ แหน่เจ๊อ เร๊อ อา ทวาบุ๊ยทวาเตอเรอ แหน่เจ๊อ เด๊อ อู ปว๋า เตเพร อาเง เจ๊อ.
โทเร๊อ แบ่เจ่ เหย่ซู่ ตีรี๊ กาคยาโต เด๊อ เพรเหมาะ เออเตเพร อา โอ่ เร๊อ อา เฮ๊ คูซีโมน เน๊อ, “เน แม๊เถอะ ช๊าเหล่ เพร เหมาะ เออเตเพร แอ? แว แฮโน เจ๊อ เด๊อ เน หี่ด๊อกู เจ๊อ เนอ, ฮู๊ เป เหล่โกล โอ่ เกอ เน โตเบ่ เด๊อ แว เทอ เหล่ซู๊ปลี เร๊อกู๊โด่ อาเงเนอ เน เด๊อ แว โต่. หม่าแน๊เรอ เหย่เออเนอ อา ทื๊อปลี เจ๊อ แว กู๊โด่ เร๊อ อา เป๊เส่เทอ เจ๊อ เร๊อ อา ทื๊อซู เจ๊อ เร๊อ อากู๊โล เจ๊อ.
เบ๊อะซี โอ่เซอเพร เด๊อ เมวจ่อโรพู๊ เด๊อ อา หยื่อเอ่ เกออู จอแปแหร่ โต่ เออเต๊เห่ อาเกล, เร๊อ อา แด่ เตซื๊อ ซี เร๊อ ซี หม่า แกแย เด๊อ อา เม เตมู๊แหม่รีแจ่ เบ๊อะเนอ, โอ่เซอเพร แซแร แร๊ แลแค ซีเหน่ นี๋. เหย่ซี เก่ แม๊เถอะ ซี เตแรแร๊ เต๊เห่ ปา เร๊อ ช๋า จอแปแหร่ แฮแล อาม๊อเนอ ปา เตอเนอเนอ, อา เก่ แด่ดุแด่หยื่อ ลู ปา.
แซ่ฮู๊ เป ครีตกลื๊อขุครี๊พู๊ เออเต๊เห่ เก่ นอเอ่แจ่ เกออู ม๊อเนอม๊อเซ เด๊อ อา เก่ เม เตแร๊ เต๊เห่ อาเงเนอ, โตเบ่ อิซว๊า เป่เกอ เหย่ซี โทเรอ แซ่ฮู๊ อา เก่ เมจว่าเบ๊ เป่เกอ แกแย เด๊อ อา โหล่ แหน่ เนอเต๊เห่, โท๊โต่ แซ่ฮู๊ เหย่ซี เก่ โอ่เซอเพร แกเด ดื่อ เน๊อเต เด๊อ อาบุ๊ยเตอเรอ โอ่โต่ เนอเต๊เห่ อาเง แต่เหม่เนอ, โตเบ่ อิซว๊า เป่เกอ เหย่ซีซี.
แกแย เตเพรเพร เก่ เม อาเม โพ๊แปละแถ่ คยาอาเหน่ เน๊อ เต เด๊อ อา วี๊ ลู เนอเต๊เห่ เฮ๊เนอ, อา ทวาแถ่ ดีปอดีโด เต๊อเจ่อ เด๊อ อู นอเอ่ อา เบ๊อะอู โหล่ดุ โค๊ดื่อ อา เบ๊อะเนอ เฮ๊อ. อา แด่บูโพ๊ อาเหน่ อาขว่าอาคยาเร๊อ, อา ทวาบุ๊ยทวาเตอเรอ เด๊อ อา แบ่เจ่ อาเง. โทเรอ อา โอ่ ตี๊หรี่แตแร อาเหน่ เน๊อ อา เตเร เมแร๊ เต ล๋อ ปลี อาเง เฮ๊อ.
กู๊แหน่เรอ เป ทวาแถ่ ฮู๊เออ เนอหม่า, จอแปแหร่ เม เป่ เป แพ๊. เด๊อ เป ทวาแถ่ เตอเจ๋อโต เฮ๊อ เร๊อ เหย่ซู่ครี๊ อาขว่าอาคยา, จอแปแหร่ เด๊อะ เป เตโอ่เซอเพร อาเซ เฮ๊อ. แซ่ฮู๊ เป เก่ เมเตแร๊ อาเงเนอเนอ, อา เด๊อะ เฮ๊อ เป เฮ๊อ. เป เก่ เม เตแร๊ เออเต๊เห่ อาเงเนอ, อา ตี๊หรี่แตแร หนื่ออื่อ งย๋า เป่ลาเฮ๊อ เด๊อ เปเง เฮ๊อ.
เร๊อ เหย่ซี เฮ๊ฉื่อ เน๊อ, “เกลอฮู๊ทวาดุ เพโครเนลิอัส นอแฮ เป. อา หม่า แกแยจ๊อแกแยเต เตเพร, โท๊โต่ แกแย เด๊อ อา เบ่หยื่อเบ่แหน่เกอ จอแปแหร่ เตเพร. แกแยยิวพู๊ เต๊เห่ เบ่หยื่อแหน่หนิ ลอปลี เจ๊อ ลู ปว๋า เตเพร เจ๊อ. แซ่ฮู๊ อา เก่ หนิโฮน๊อ เกอ เน เตเฮ๊เบ่อี๊โช เต๊เห่เนอ เร๊อ, จอแปแหร่ อา เตเน่วม๊อขุพู๊ แฮ เฮ๊ ลู เร๊อ เบ่ จว๊า เอ๊แฮ เน เด๊อ อาหี่.”
เร๊อ คูเปโตร ตี๊หรี่แตแรแถ่หนิ อาเหน่ เร๊อ อา เถ่จว๊า เต่อโหร่เกอ เร๊อ เหย่ซี. อา จว๊าโต่ เด๊อ เหย่ซีโอ่ เบ๊อะเนอ, เหย่ซี เอ๊แถ่ ลู เด๊อ หี่ด๊อกู เด๊อ อาขุ โต๊โต่. เร๊อ ล๋อ เพรเหมาะโอ่แคร๊ เต๊เห่ โอ่ แลแค เบ๊อะเนอ เร๊อ เหย่ซี ก๊อถ่อ โหง่ ตาวา ลอปลี เร๊อ คูเปโตร. เร๊อ อา เด๊อะโล เป่ คูเปโตร เร๊อ จา เร๊อ อาจากลอ ซีเต๊เห่ เด๊อ เหมาะโดรคัส เช๊ เป่ เหย่ซี เบ๊อะอา โอ่เซอเพร เต่อเกอปา เร๊อ เหย่ซี เค เนอเต๊เห่.
เร๊อ เพรคู เนอเตเพร ครวา กา เกอ เด๊อ หี่, เร๊อ เบ๊อะ อา กา โต่ เฮ๊อ เด๊อ หี่ เบ๊อะเนอ, คูลาบัน อาหลู่เล๊ เต๊เห่ อา แด่ตาลอ ตาหมื่อตาเต เด๊อ ตีซิโบดุ อาลู. โทเร๊อ เหย่ซี พย๊าแฮ โบ๊ปู เน๊อ มีออ เต๊เห่ เร๊อ อา โบ่เอ่ เป่ เหย่ซีตีซิโบดุ เต๊เห่, โท๊โต่ อา พย๊าแฮ เป่ เพอับราฮัม อาหลู่เล๊ เออเตเพร เน๊อ อาโค เต๊เห่ เทอ เร๊อ อา ซู๊ปลี เป่ เหย่ซีกู๊โด่.
เร๊อ เพโลท เฮ๊ เน๊อ, “เก๊อ แวแบ่เจ่ ซี, แด่ทูซิปล่อ เร๊อ จว๊าโอ่โก๊ เกอเหร่อ เด๊อ แวหี่ เออ. จว๊าซู๊ปลี หนิ แลแค ซีคาโด่ เร๊อ โอ่เมอเกอ แว เบ๊อะเออ เตเซ. เร๊อ ก๊อถ่อ จว๊าโรมื๋อ เป่แฮ โหน่คยาแซ๊ ซีแกล๊ ช๊า ป่าโรปา นี๋.” หม่าแน๊เรอ เตเน่วพู๊ เต๊เห่ เฮ๊ฉื่อ ลู เน๊อ, “อาหนิแพ๊, เออเตเซ เร๊อ เป่ โอ่เมอดื่อ เบ๊อะ วีกลาเมกู เนอ ปา.”
เพรเหมาะ เด๊อ อา ทวา ครี๊พู๊ เต๊เห่เนอ, เด๊อ อา กลุยแล อาเกลเนอ, เพรเหมาะโอ่แคร๊ เก่ โอ่ เตเพรเพร เฮ๊เรอ เหย่ซี เบ่ แม๊ตู่หนิ ลู. แด่แถ่ แต่ เตวี๊เตแย๊ เออเนอ เด๊อ เพรหยื่อเอ่ตู๊หมู่ตอกล๊อ อาโอ่ แต่เหม่, เมเตเฮ๊เรอ แซ่ฮู๊ เพร หยื่อเอ่ตู๊หมู่ตอกล๊อ เก่ แม๊ เมจว่า แพ๊ตื๊อ เพรเหมาะโอ่แคร๊ เด๊อ เพรเมจว่า ลู โอ่โต่ เต๊เห่ อาเงเนอเรอ, แม๊ตู่หนิ แลแค เหย่ซี นี๋.
แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู อาเงเนอ, อา เตก๊อถ่อโอ่แน เฮ๊เบ่เฮ๊โช เต๊เห่ เบ่ แร๊ ปว๋า โตโพ๊ เจ๊อ. แกแย เด๊อ อา หยื่อเอ่เกอ เหย่ซู่ โต่ เต๊เห่ เก่ แด่หยื่อแด่แหน่ ลู ฮู๊เนอโต่ เฮ๊เนอ, อา เก่ เมเตเร ลู ปา, โท๊โต่ อา เก่ หนิแก โลเน๊มู๊แหม่รีแจ่ กู่กล๊อ อา แตแจ ปา.
ကြော်ငြာတွေ