ทิโมธี อาเหร่อเล๊อ ต๊าบ่า 4:6 - ลีเทส่อพ๊าอาเซ เร๊อ เห่ขุทวาลู๊

⁶ เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

Eastern Kayah Shadaw Dialect

⁶ ꤔꤢꤧ꤬ ꤊꤢꤩ꤬ ꤤ꤬ꤞꤝꤢꤕ꤫ꤢꤩ꤬ ꤕ꤫ꤥ꤬ꤠ꤫ꤢꤧ꤬ ꤋꤚꤤꤖꤢꤨ ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤟꤢꤩꤔꤣꤧ꤬ꤗꤢ꤬ ꤔꤢꤧ꤬ ꤊ꤫ꤢꤦ꤬ ꤓꤝꤢ꤭ꤘꤢꤦ꤬ ꤛꤢꤩ꤬ꤏꤛꤢꤨꤋꤚꤤ ꤢ꤬ꤖꤚꤢꤩ꤬ꤗꤢꤩ꤬ꤒꤢꤩ꤬ꤖꤢꤨ ꤘꤣ ꤢ꤬ꤚꤢꤧ ꤒꤣ꤬ꤖꤚꤢꤩ꤬ ꤕꤢ꤭꤯ ꤙꤣꤧ ꤔꤢꤧ꤬ ꤗꤢꤩ꤬ꤟꤢꤨꤔꤣꤧ꤬ ꤢ꤬ꤋꤢꤩ꤭, ꤔꤢꤧ꤬ ꤊ꤫ꤢꤦ꤬ ꤙꤥ꤬ꤘꤢꤨ꤬ꤓꤢꤧ꤬ ꤚꤣꤧꤘꤢꤦ꤬ ꤊꤣꤧ꤭ ꤔꤢꤧ꤬ꤔ꤫ꤢꤩ꤬ ꤔꤢꤧ ꤒꤢꤩ꤬ꤗ꤫ꤢ꤬ꤒꤢꤩ꤬ꤡꤢꤪ ꤘꤣ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤚꤢꤧ ꤘꤣ ꤔꤢꤧ꤬ ꤋꤚꤝꤢ꤭ ꤗꤢꤩ꤬ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ทิโมธี อาเหร่อเล๊อ ต๊าบ่า 4:6 ပူးပေါင်းရင်းမြစ်များ

โคโลสี 3:16

นอโอ่หม่าโอ่กลอ เล๊อบา เกอดื่อ ครี๊ อาลาอาโหง่ เด๊อ ซี ซิปล่อกู นี๋. ซี เก่ อิซว๊าอี๊แส่ คยาลู เตเพร เร๊อ เตเพร, เร๊อ ซี เก่ เด๊อรอเด๊อเร หนิ คยาลู เตเพร เร๊อ เตเพร บ๋า เตแจ่ โอ่ เร๊อ ซี เนอ นี๋. อิโรถู่เซ๊แถ่ แลแค จอแปแหร่ เร๊อ ซี เตเฮ๊บุ๊ยเฮ๊เตอเรอ ลู เด๊อ ซี ซิปล่อกู นี๋. อิโรถู่เซ๊แถ่ แลแค จอแปแหร่ เร๊อ อาลี อิโร เนอเต๊เห่ ล๋อ ปลี นี๋.

ꤒꤤꤒꤢꤨ 2:1

หม่าแน๊เรอ คูติตัส, เน เรอ อิซว๊าโตอิซว๊าเบ่ เป่ อู เนอ เตอิซว๊าอี๊แส่ เด๊อ อาจ๊ออาเต เนอเต๊เห่ นี๋.

โคโลสี 4:7

คูทีคิกัส เก่ แด๊โฉ่ ลอเป่ ซี เร๊อ แวหรี่แวแก ปา. อา หม่า โป่แหว่ เด๊อ อู โมหนิเร๊อ ลู เตเพร, โท๊โต่ อา หม่า แกแย เตเพร เด๊อ อาจ๊อ เร๊อ จอแปแหร่ อาเตเม, เร๊อ อา เม แบ่เจ่ อาเตเม เร๊อ อา เม เต่อเกอ เต เน๊อ เป เตเพร.

มัทธิว 13:52

เร๊อ อา เฮ๊ฉื่อ เหย่ซี เน๊อ, “เมฮู๊เนอ อาขว่าอาคยา, อู เก่ อิซว๊า ซิเง กาเป่ลอ ล๋อ เฮ๊อ ล๋อ เพรอิซว๊า เตซว๊าเตแส่ อา ซ๊าร๊าเนอ เต๊เห่ เนอหม่า, ม๊อขุ เทอเลเก่กู, อาแซ่เน๊อ หี่แบ่เจ่ เตเพร เด๊อ อา พย๊าเถ่ อา เตงูดุงูชอ เด๊อ อาเซ เร๊อ อาเลอ เต๊เห่ เด๊อ อาเหล่ แด่โอ่ปล๊อ เหล่โอ่ อากู.”

ꤛꤢꤨꤘꤢ꤬ 1:5

ซี ซิเง โทลอเฮ๊อ เตเออ ล๋อ ปลี หม่าแน๊เรอ แว ซิหยื่อ เด๊อ ซิเหน่แถ่ คยาแซ๊ เกอโป่ ซี เร๊อ เร๊อ โตโพ๊เค เนอ แบ่เจ่ เมแลเปล๊ เถ่กาโทเฮ๊อ อิสราเอล พู๊ เด๊อ อียิปต์เก่. หม่าแน๊เรอ เด๊อ คยา เนอ อา เมเซอแก ลอคยาแซ๊ ล๋อ แกแย เด๊อ อา หยื่อเอ่เกอ ลู โต่ เนอ เต๊เห่.

ยอห์น เนอบ่า ต๊าบ่า 1:9

แกแย เด๊อ อา โอ่หม่าโอ่กลอ เกออู เด๊อ ครี๊ อา เตอิซว๊าอี๊แส่ อากู โต่, เร๊อ อา ฉู่โนเล๊อ โป่ อา เตอิซว๊าอี๊แส่ เต๊เห่ เด๊อ ครี๊ อา เตอิซว๊าอี๊แส่ อากู เต๊เห่เนอ, จอแปแหร่ โอ่เกอ เร๊อ เหย่ซี โต่. แกแย เด๊อ อา โอ่หม่าโอ่กลอ เด๊อ ครี๊ อา เตอิซว๊าอี๊แส่ อากู เต๊เห่เนอ, เพเร๊อพู๊ ซิเนอลอ เก่ โอ่เกอ เร๊อ เหย่ซี แพ๊.

เปโตร อาเหร่อเล๊อ ต๊าบ่า 2:2

ซี ซิเงน๊อ โทเฮ๊อ จอแปแหร่ อาบุ๊ยอาเตอเรอ เฮ๊อ. ฮู๊เนอเรอ ทวาแถ่ แซ่เกอ แลแค ฮู๊ เป๊เจ่ฮู๊ โอ่เซ เด๊อ อา ซิเอ่ซิโอ หม่าแหน่ อินู๊เทอ คูทิโมธี เนอเต๊เห่ นี๋. เด๊อ ซี ซิเอ่ซิโอ อินู๊เทอ เจ๊แร๊ ฮู๊เนอ อาขว่าอาคยา, ซี เก่ ดุแถ่เผร่แถ่ โต่เด๊อ เมแลเปล๊กา เก่ เล๊อแถ่บาแถ่ เฮ๊อปา เนอ ปา.

ทิโมธี เนอบ่า ต๊าบ่า 4:3

ม๊อเนอม๊อเซ เด๊อ แกแย หนิดา ปา เตอิซว๊าอี๊แส่ เตหมะเตจ๊อ เออโต่เนอ, อา เก่ แฮเต่อ ปา. เร๊อ เหย่ซี ซิปล่อ ก๊อหย่อ แลแค เด๊อ อา เก่ แด่ปล๊อ โอ่โหร่แถ่เอ๊ เร๊อดื่อ อาซ๊าร๊า เต๊เห่ เด๊อ อา แด๊โฉ่โด่แน เป่ เหย่ซี ฮู๊ เหย่ซี ซิปล่อ ก๊อหย่อ ซิหยื่อ หนิดา เนอ เต๊เห่ ปา.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

ทิโมธี เนอบ่า ต๊าบ่า 1:6

เด๊อ เน หยื่อเอ่แหน่ ตาเตแร๊ อาขว่าอาคยา, แว เด๊อะ ซิเหน่แถ่ เน เน๊อ เน เก่ นอเอ่ แฮเงลา เน เชหยู่ เออเนอ. เบ๊อะแว แด่แถ่ แว กู๊ขุ เด๊อ เนลู เบ๊อะเนอ, จอแปแหร่ เด๊อะโทเฮ๊อ เน เชหยู่ เฮ๊อ.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ทิโมธี อาเหร่อเล๊อ ต๊าบ่า 4:16

เน เฮ๊เบ่เฮ๊โช เบ่เบ่, เน เมเต อิเตเต๋ เบ่เบ่, เน อิซว๊าอี๊แส่ อู เต๊เห่เนอ เบ่เบ่, รอเกอเร๊อ อา นี๋. โอ่หม่าโอ่กลอ เด๊อ เตเออเต๊เห่ อากู ปว๋า โตโพ๊ นี๋, เมเตเฮ๊เรอ, เน เก่ เมฮู๊เนอ เฮ๊เรอ เน เก่ เมแลเปล๊กา หนิตื๊อดื่อ เนเหน่ หม่าโต่, เน เก่ เมแลเปล๊กา โต่ เป่เกอ แกแย เด๊อ อา หนิโฮเกอ เน เนอเต๊เห่ ปา.

ทิโมธี อาเหร่อเล๊อ ต๊าบ่า 1:10

เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

โคโลสี 2:19

แกแย เนอเต๊เห่ หม่า อา ปื่อหม่าปื่อกลอ ปา ครี๊ โต่ เฮ๊อ ครี๊ หม่า อาแซ่เน๊อ กู่กล๊อ เร๊อ ล๋อ แกแย เด๊อ อา หยื่อเอ่ ลู เต๊เห่ เนอหม่า อา ทวา ลู เหน่กล่อ. กู่กล๊อ เออเนอ อา เด๊อะอ๊าเด๊อะเหร่ เป่ เหน่กล่อ เร๊อ อา นอ ทวาแถ่ มาทือ เร๊อ หรุ่ยถว่า ล๊อปลี เก่ ปื่อหม่า จิจือหนิ โหร่ลู เหน่กล่อ เร๊อ อา เหน่กล่อ เออเนอ อา ดุแถ่ ฮู๊ จอแปแหร่ นอดุแถ่ ลู เนอแพ๊.

ฟีลิปปี 3:16

ฮู๊เตเต๋ เบ่เบ่, เป เก่ จว๊า โหร่ลู เด๊อ เง ฮู๊ เป ซิเง โทเฮ๊อ เนอเต๊เห่ โป๋.

เอเฟซัส 6:21

คูทีคิกัส หม่า เป โป่แหว่ เด๊อ เป โม เกอเร๊อ แหน่เจ๊อ ลู เตเพร, โท๊โต่ อา หม่า โป่แหว่ เตเพร, โท๊โต่ อา หม่า แบ่เจ่ อาหลู่เล๊ เด๊อ อาจ๊อ เตเพร. แซ่ฮู๊ ซี เก่ ซิเง เร๊อ แว โอ่โมโอ่แร๊ แอ, หม่า โต่ แอ, โท๊โต่ แว เมแคร๋ อิเตเตเนอ, อา เก่ แฮ แด๊โฉ่โล เป่ลอ ซี ปา.

โครินธ์ เนอบ่า ต๊าบ่า 6:4

เป เม เต อิเตเต๋ เบ่เบ่, แซ่ฮู๊ อู เก่ แม๊เถอะ เร๊อ เป หม่า จอแปแหร่ อาหลู่เล๊ เต๊เห่ อาเงเนอ, เป เด๊อะโล เป่ อู เร๊อ เป แด่ทูซิปล่อ เตจาเตจือ เต๊เห่, เร๊อ เป ข่า โซพ๊าโซแร เตเต๊เห่ เร๊อ เป ข่าเบ่ เตแป่เตเช ซีเต๊เห่ เฮ๊อ.

โครินธ์ เนอบ่า ต๊าบ่า 3:6

แซ่ฮู๊ เป เก่ อิซว๊า โด่แนโปลเบ๊ เป่ อู เตอ๊อแล อาเซเออ อาเงเนอ, เพร เด๊อ อา เด๊อะตา เป เตแจ่เตลีแม เออเนอหมา จอแปแหร่ เออเตเพร เฮ๊อ. เตอ๊อแล อาเซ เด๊อ อา เด๊อะตา เออเนอหมา อาแซ่เน๊อ อู รา โอ่ คูโมเสส อา เตซว๊าเตแส่ เนอ หม่าโต่. เตอ๊อแล อาเซ เออเนอหมา อา ตาเต ซิเลเกอเร๊อ แหย่โยบูโพ๊ แบ่เจ่ เมเต เด๊อ เป ซิปล่อกู เออเนอ แพ๊. เป เก่ ซิเลเกอเร๊อ เตซว๊าเตแส่ เด๊อ อู ราโอ่ เออเนอ เฮ๊เนอเรอ เป เก่ พย๊าหนิ เตเซอ ปา, หม่าแน๊เรอ แหย่โยบูโพ๊ แบ่เจ่ เออเนอ อา พย๊าแฮหนิ เป่ เป ซิปล่อเซอเพร ตูจูเพร เฮ๊อ.

โครินธ์ อาเหร่อเล๊อ ต๊าบ่า 4:17

เด๊อ เตหรี่เตแก เออ อาขว่าอาคยาเร๊อ แว นอแฮ เฮ๊อ คูทิโมธี เด๊อ ซี โอ่ เฮ๊อ. อา หม่า อาแซ่เน๊อ แวพู๊ เร๊อ แวเหน่ เด๊อ แว โม เกอเร๊อลู เร๊อ อาจ๊อ เกอ เร๊อ อาโหง่ เด๊อ แบ่เจ่ อากู เตเพร. แกแย เด๊อ อา ครวา ครี๊ อาคยา เต๊เห่เนอ, อา โตเบ่ โอ่เซอเพร แลแค ฮู๊เตเนอ, อา เก่ เด๊อะ ซิเหน่แถ่ คยา ซี ฮู๊ แว โอ่เซอเพร เฮ๊อ เออเนอ ปา. เออเนอหมา เต เด๊อ แว อิซว๊า เป่ แกแย เด๊อ อา หยื่อเอ่แหน่ เหย่ซู่ครี๊ เต๊เห่ เด๊อ เหล่โอ่ ปว๋า โต๊โผ่ เต๊เห่เนอ เฮ๊อ.

ꤚꤥꤗꤢꤩ꤬ 15:15

หม่าแน๊เรอ, จอแปแหร่ เด๊อะ เฮ๊อ แว เตบุ๊ยเตเตอเรอ เด๊อ แว เก่ เม เตเมเออ อาขว่าอาคยา, แซ่ฮู๊ ซี เก่ ซิเงแถ่เบ่ หนิคยา โหง่ เด๊อ แว อิซว๊าอี๊แส่ ซี เนอเต๊เห่ เนเร๊อ, เต๊เห่เห่เนอ แว ราหล่าลี เป่ เจ๊อ ซี เจ๊อ.

เพรโด่แนพู๊ เต๊เห่ 20:35

แซ่ฮู๊ เป เก่ เมจว่า เบ๊เกอ แกแย เด๊อ อ๊าเจ่เหร่เจ่ เต๊เห่เนอเรอ, แว เม แบ๊บือ ลอ โทเฮ๊อ ซี ปว๋า เต๊อเจ่อ เน๊อ เป โตเบ่ เอครือแรครือ เต, ฮู๊เนอ. เร๊อ ซิเงแถ่เบ่ แลแค แบ่เจ่ เหย่ซู่ อา เตเฮ๊เบ่ เด๊อ อา เฮ๊ เน๊อ, ‘เด๊อะเต เน๊อ อูเนอ พย๊าหนิ เอ๊เล๊อ ปา เจ๊อ เตบุ๊ยเตเตอเรอ เน๊อ อู เด๊อะ เน เนอเจ๊อ,’” คูเปาโล เฮ๊ เป่ เหย่ซี ฮู๊เนอ.

เพรโด่แนพู๊ เต๊เห่ 20:31

ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

ꤜꤢꤨꤊꤢ꤬ 1:3

ฮู๊เนอ อาขว่าอาคยา, ซ๊าร๊าดุ เธโอฟีลัส, แว แม๊ปู ซิเง ตาเต โทลอ เฮ๊อ เตทวาแถ่ เด๊อ อา แก่ช๊ากูลู่ เต๊เห่เฮ๊อ อา ขว่าอาคยา, แว แด่แล เฮ๊อ แว ซิปล่อ เร๊อ แว เก่ รา เป่ เน ฮู๊ อา ทวาแถ่ โต๊โต่ โท โต๊โต่ เฮ๊เนอหม่า อา เกล๊ แร๊ แหน่ แพ๊ แว เตเน ฮู๊เออ.

เพรโด่แนพู๊ เต๊เห่ 1:15

เตอเนอเคเนอ, เพรหยื่อเอ่เต๊เห่ เด๊อ อา ผื๋อ โอ่โหร่ เพร เตเยเนอเชอ เออเนอ, อา แฮ โอ่กู๊โอ่แก๊ ลู.

โครินธ์ เนอบ่า ต๊าบ่า 11:23

เหย่ซี หม่า ครี๊ อาหลู่เล๊ เต๊เห่ แอ? แว เม เล๊อ เจ๊อ เร๊อ เหย่ซี เนอเต๊เห่ เจ๊อ กอกอ. แว เฮ๊ ฮู๊เออ เร๊อ อา แซ่ เร๊อ แว ตีมุย. แว แอ๊จื๊อ เม เล๊อ เจ๊อ เร๊อ เหย่ซี เมเนอ เจ๊อ กอกอ, อู ด๊อตา เอ๊เล๊อ แว เด๊อ ทอกู เร๊อ เหย่ซี เจ๊อ กอกอ. อู เมจา แว เร๊อ อิปลี๊หริ เนอ อา โอ่ เอ๊แหน่เจ๊อ, แว พื๋อ เตเร เซอเจ๊อเนอ แว แม๊เถอะ ป่อชิเต่อเบ่ โตโมโม เจ๊อ.

ฟีลิปปี 2:20

อาซิปล่อ โอ่ หม่าแหน่ เจ๊อ ซี เจ๊อ. ล๋อ แกแย เด๊อ อา โอ่ เกอ เร๊อ แว เบ๊อะเออ เต๊เห่ เด๊อ อา แซ่เน๊อ ลูเนอ แว แม๊เถอะน๊อ เตเพร่ว โต่.

ฟีลิปปี 2:22

ซี ซิเงดื่อเฮ๊อ, คูทิโมธี หม่า แกแย งูดุงูชอ เตเพร. อา เมเต่อเกอ เฮ๊อ เต เร๊อ แว เด๊อ เตซิครือมีลา เก่ ดุแถ่ทูแถ่ อาเง เออเนอหม่า อา แซ่เจ๊อเฮ๊อ เร๊อ พู๊ เร๊อ เพ เนอเฮ๊อ.