ทิโมธี อาเหร่อเล๊อ ต๊าบ่า 4:15 - ลีเทส่อพ๊าอาเซ เร๊อ เห่ขุทวาลู๊

¹⁵ แซ่ฮู๊ อู ล๋อปลี เก่ แม๊เถอะ เน เตดุแถ่ทูแถ่ เออ อาเงเนอ, เด๊อะแล เน ซิปล่อ เด๊อ เตเออเต๊เห่ อาเง เร๊อ เม อา ปว๋า โตโพ๊ นี๋.

Eastern Kayah Shadaw Dialect

¹⁵ ꤞꤢꤧꤟꤢꤨ ꤢꤨ꤭ ꤜꤢꤪ꤭ꤕꤜꤤ꤭ ꤊ꤫ꤢꤦ꤬ ꤗꤢꤧꤓ꤫ꤣꤧ꤬ ꤔꤢꤧ꤬ ꤒꤢꤩ꤬ꤘꤢꤨ꤬ꤓꤢꤧ꤬ꤓꤢꤨ꤭ꤓꤢꤧ꤬ ꤣꤧ꤭ ꤢ꤬ꤑꤢꤩ꤭ꤔꤣꤧ꤬, ꤘꤣꤧꤜꤢꤧ꤬ ꤔꤢꤧ꤬ ꤞꤤꤕꤜꤢꤪ꤬ ꤘꤣ ꤒꤢꤩ꤬ꤣꤧ꤭ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤚꤣꤧ꤬ ꤗꤢꤩ꤬ ꤢ꤬ ꤕꤝꤢ꤭꤮ ꤒꤣ꤬ꤖꤥ ꤔꤤ꤮꤯

ทิโมธี อาเหร่อเล๊อ ต๊าบ่า 4:15 ပူးပေါင်းရင်းမြစ်များ

มัทธิว 5:16

ฮู๊เนอเฮ๊อ, แซ่ฮู๊ อู เก่ ถู่เซ๊แถ่ เปเพ โอ่เด๊อ ม๊อขุ เออเตเพร อาเงเนอ, นอลีเตเค จว๊าโล เกอ ซี เตเมแร๊ เนอเต๊เห่ เด๊อ อู ปว๋า เตเพร อาแบ๊เง เนอ.”

เพรโด่แนพู๊ เต๊เห่ 6:4

เป เออเต๊เห่ เกอลาติ เร๊อ เป โตเบ่ เมบาม๊อเนอม๊อเซ เด๊อ เตกุยจ๊อเบ เร๊อ เหล่แด๊โฉ่โด่แน เป่ อู เร๊อ จอแปแหร่ อาลาอาโหง่ ตากยา.”

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.

โครินธ์ เนอบ่า ต๊าบ่า 8:5

เหย่ซี เมเต เออเนอหมา, อาดุเล๊อ ปา เจ๊อ เร๊อ เป เตแม๊ชือ เต๊เห่ เจ๊อ. ฮู๊ จอแปแหร่ ซิหยื่อ นอเม เหย่ซี เนอ, อาเหร่อเล๊อ เร๊อ เหย่ซี แด่บูโพ๊ อาซิปล่อ เด๊อ แบ่เจ่ อาเง, โทเรอ เหย่ซี แด่บูโพ๊ แลแค อาซิปล่อ เด๊อ เปเง.

โครินธ์ อาเหร่อเล๊อ ต๊าบ่า 16:15

คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

โครินธ์ เนอบ่า ต๊าบ่า 4:14

เป ย๋อ ทวาแถ่ เฮ๊อ เตเตอเจ๋อ โต เร๊อ แบ่เจ่ เหย่ซู่ เฮ๊อ อาขว่าอาคยา, เป ซิเง เร๊อ จอแปแหร่ เด๊อ อา เมเซอเพร กาคยา เป แบ่เจ่ เหย่ซู่ เออเตเพรเนอ, อา เก่ เมเซอเพร กาคยา เกอ เป ปา. โท๊โต่ อา เก่ เมเซอเพร กาคยา เต่อเกอ ซี เร๊อ เป เด๊อ เตเซอ ปา. เร๊อ อา เก่ เอ๊กา โอ่เต่อโหร่ลอ เป เด๊อ อา เป๊เส่เง ปา.

ทิโมธี อาเหร่อเล๊อ ต๊าบ่า 4:14

แม๊ตาเบ๊แก แต่ แหย่โยบูโพ๊ แบ่เจ่ อาเชหยู่ เด๊อ จอแปแหร่ เด๊อะโทเฮ๊อ เนเนอ แต่เหม่ นี๋. เบ๊อะเพรหยื่อเอ่ตู๊หมู่ตอกล๊อ โหมะพรูโหมะเผร่ เด๊อ อา ทวา ทวาดุทวาเต เต๊เห่ แด่แถ่ เฮ๊อ อากู๊ขุ เด๊อ เนโอ่ เบ๊อะเนอ, เน พย๊าหนิ แฮเงเฮ๊อ เชหยู่ เออเนอ เด๊อ แกแย เฮ๊โพร หนื่ออื่อ เนหรี่เนแก เนอเต๊เห่ อา โอ่ เฮ๊อ.

ทิโมธี อาเหร่อเล๊อ ต๊าบ่า 4:16

เน เฮ๊เบ่เฮ๊โช เบ่เบ่, เน เมเต อิเตเต๋ เบ่เบ่, เน อิซว๊าอี๊แส่ อู เต๊เห่เนอ เบ่เบ่, รอเกอเร๊อ อา นี๋. โอ่หม่าโอ่กลอ เด๊อ เตเออเต๊เห่ อากู ปว๋า โตโพ๊ นี๋, เมเตเฮ๊เรอ, เน เก่ เมฮู๊เนอ เฮ๊เรอ เน เก่ เมแลเปล๊กา หนิตื๊อดื่อ เนเหน่ หม่าโต่, เน เก่ เมแลเปล๊กา โต่ เป่เกอ แกแย เด๊อ อา หนิโฮเกอ เน เนอเต๊เห่ ปา.