ทิโมธี อาเหร่อเล๊อ ต๊าบ่า 4:12 - ลีเทส่อพ๊าอาเซ เร๊อ เห่ขุทวาลู๊

¹² เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

Eastern Kayah Shadaw Dialect

¹² ꤔꤢꤧ꤬ ꤗꤢ꤬ ꤊꤣꤧ꤬ꤛꤢꤧ꤭ ꤘꤢꤨ꤬ꤓꤢꤧ꤬ꤞꤢꤩ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤔꤢꤪ꤭ꤒꤣꤧ꤬ꤔꤢꤩ꤬ ꤕꤣꤧ꤬ꤒꤤ ꤒ꤫ꤢꤧ꤬ ꤢꤨ꤭ ꤔꤢꤧ ꤔꤢꤧ꤬ꤔ꤫ꤢꤩ꤬ ꤒ꤫ꤢꤧ꤬ꤗꤢꤩ꤬ ꤔꤤ꤮꤯ ꤗ꤫ꤢ꤬ꤟꤢꤩꤗꤢ꤬, ꤔꤢꤧ꤬ ꤒꤢꤩ꤬ꤟꤢꤩꤙꤢꤩ꤬ꤟꤢꤩꤏꤥ꤭ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤗꤢꤩ꤬ꤒꤢꤩ꤬ ꤤ꤭ꤒꤢꤩ꤭ꤒꤢꤩ꤭꤮ ꤙꤢꤩ꤬ꤙꤢꤩ꤬, ꤔꤢꤧ꤬ ꤒꤢꤩ꤬ꤗꤥ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤙꤢꤩ꤬ꤙꤢꤩ꤬, ꤔꤢꤧ꤬ ꤞꤤꤕꤜꤢꤪ꤬ ꤢ꤬ ꤒꤢꤩ꤬ꤕꤜꤤ꤭ꤖꤥ ꤒꤣꤧ꤬ꤟꤢꤩ꤬ ꤙꤢꤩ꤬ꤙꤢꤩ꤬, ꤓꤝꤢ꤭ꤓꤢꤧ꤬ ꤕ꤫ꤢꤩ꤬ ꤢꤨ꤭ ꤜ꤫ꤢꤩ꤬ꤗꤢꤧꤙꤢꤦ꤭ ꤘꤣ ꤢ꤬ꤚꤢꤧ ꤘꤣ ꤊꤣꤧ꤬ꤛꤢꤧ꤭ ꤛ꤫ꤢꤦ꤬ꤢꤩ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤔꤤ꤮꤯

ทิโมธี อาเหร่อเล๊อ ต๊าบ่า 4:12 ပူးပေါင်းရင်းမြစ်များ

ꤒꤤꤒꤢꤨ 2:7

เน ลาติเรอ, เน เมเต อิเตเต๋. เบ่เบ่, แซ่ฮู๊ เพรคู หน่าเจ่ เต๊เห่ เก่ แม๊บือเกอ เนเนอ เรอ, เม แพ๊ เตแร๊ เนอเต๊เห่ นี๋. เบ๊อะเน อิซว๊าอี๊แส่ อู เบ๊อะเนอ, แด่จ๊อจื้อ เน ซิปล่อ โทเรอ จ่าฉ่าเผระ ฉาอ่อ เนเหน่ นี๋.

ทิโมธี เนอบ่า ต๊าบ่า 2:22

จว๊า ตาพาแก เน๊อ พู๊เส่ อา เตซิหยื่อซิลอ แร๊โต่ เนอเต๊เห่ นี๋, เร๊อ ลือ แลแค เตจ๊อเตเต, เตหยื่อเตแหน่, เตโม เน๊อ เตตู๊จุเตอเจ๊อ, เร๊อ โอ่เต่อเกอ เน๊อ แกแย เด๊อ อา เอ๊โทแถ่ แบ่เจ่เน๊อ อาซิปล่อ เด๊อ อา อาโพ๊อาแปละ เนอเต๊เห่ นี๋.

ทิโมธี เนอบ่า ต๊าบ่า 2:15

แซ่ฮู๊ เน เก่ เมโตเมเบ่ ฮู๊ จอแปแหร่ อา เตซิหยื่อ เนอ, โท๊โต่ แซ่ฮู๊ เน เก่ แซ่เน๊อ เพรแรเต เตเพร เด๊อ อา ซิเตเร เกอเร๊อ อา เตเอ่เตแร โต่, โท๊โต่ แซ่ฮู๊ เน เก่ ทวาดื่อ แกแย เด๊อ อา อิซว๊าโต อิซว๊าเบ่ เป่ อู เน๊อ จอแปแหร่ อาลาอาโหง่ อา เตหมะเตจ๊อ เตเพร อาเงเนอ, แอ๊จื๊อ เมแร๊แร๊ เจ๊อ นี๋.

เปโตร อาเหร่อเล๊อ ต๊าบ่า 5:3

เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

โครินธ์ อาเหร่อเล๊อ ต๊าบ่า 11:1

ฮู๊เนอเรอ, แม๊บือเกอ แลแค แว ฮู๊ แว แม๊บือ ครี๊ เนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:6

ซี แม๊บือ เป เร๊อ แบ่เจ่ เร๊อ อู เมจาเมจือ แหน่เจ๊อ ซี, หม่าแน๊เรอ ซี ซิครือซิลอ พย๊าฉื่อปา เตซิครือมีลา. เบ๊อะซี พย๊าฉื่อ เตซิครือมีลา เบ๊อะเนอ, แหย่โยบูโพ๊ แบ่เจ่ เม ซิครือซิลอ เป่ ซี เฮ๊อ.

ꤒꤤꤒꤢꤨ 2:15

อิซว๊าอี๊แส่ เป่เกอ แลแค เหย่ซี เออเนอเต๊เห่. เด๊อะอ๊าเด๊อะเหร่ เป่ เหย่ซีเนอ. ซิพรวา แลแค เหย่ซี เร๊อ นอจ่อ ลอ เน เตอเรอฉว่าชอ เนอ นี๋. นอเตเนปีตี๊ แต่อู เร๊อ เนเหน่ แต่เหม่ นี๋.

มัทธิว 18:10

“รอหนิ แลแค ซีเหน่ นี๋. จว๊า เตเน ปีตี๊ แต่ เป๊เจ่ ปีตี๊เล๊อ เด๊อ ซีเกล เนอเต๊เห่ แต่เหม่ นี๋, เมเตเฮ๊เรอ แว เฮ๊ เฮ๊อ ซี, เป๊เจ่เออเต๊เห่ อาเตเน่ว ม๊อขุพู๊ เด๊อ อา โอ่ป่อ แม๊ หนิ เหย่ซี เต๊เห่เนอ, อา โอ่ผื่อ เน๊อ เพ จอแปแหร่ เด๊อ ม๊อขุ ปว๋า โตโพ๊เจ๊อ.

ทิโมธี เนอบ่า ต๊าบ่า 2:7

เตเน ตาเต แลแค เต เด๊อ แว เฮ๊เออเนอ, เมเตเฮ๊เรอ แบ่เจ่ เก่ เด๊อซิเงโปล หนิลอดื่อ เน เตปว๋า เต๊อเจ่อ ปา.

ꤡꤛꤢꤩ꤭ꤗꤢ꤬ꤎꤣ꤬ 3:13

แกแย เด๊อ ซีเกล เตเพรเพร เด๊อ อา โอ่ เน๊อ อา เหล่เตเน แจ่ เร๊อ อา ซิเง ตาปลู๊ เนอหม่า อูเป? อา โตเบ่ เด๊อะโล อาเต เออเต๊เห่เนอ เน๊อ อา เตโอ่เซอเพร เด๊อ อาแร๊, โท๊โต่ อา โตเบ่ เด๊อะโล อา เมเต เออเนอ เน๊อ เด๊อ แด่หยว่า ซิปล่อ. แด่หยว่าซิปล่อ เออเนอหมา อา แฮ แฮเง เด๊อ เตเตเนแจ่ เออเนอ อา โอ่ แพ๊.

ꤡꤛꤢꤩ꤭ꤗꤢ꤬ꤎꤣ꤬ 3:17

หม่าแน๊เรอ เตเตเนแจ่ เด๊อ อา โอ่ เด๊อ ม๊อขุ แฮ เฮ๊เนอหม่า อา อาโพ๊อาแปละ เหร่อเล๊อ ปา, โทปาเรอ อา เด๊อะ โอ่แถ่ดื่อ เตโมเตเป, เหล่เตเน แจ่เป่ เด๊อ อูเง, ซิปล่อโอ่ หนิดา อู เตเฮ๊เบ่, เล๊อบา เร๊อ เตซิยอ เร๊อ เมเตแร๊ เต๊เห่, แม๊ดุ แม๊ปีตี๊ อู โต่, โทเรอ เตจ่า เมค๊าเมโข่ เต๊เห่ โอ่ โต่.

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10

เบ๊อะเป โอ่เต่อเกอ เน๊อ ซี เพรหยื่อเอ่ เออ เต๊เห่ เบ๊อะเนอ, เป โอ่เซอเพร บูโพ๊, เป โอ่จ๊อโอ่เต, โทเรอ เป เมเตซื๊อ โต่ เนอ ซี ซิเงดื่อเฮ๊อ. เป หม่า แกแย ฮู๊เต เต๊เห่เนอหม่า, ซี เร๊อ จอแปแหร่ เก่ ข่าเฮ๊โล ดื่อ เฮ๊อ.

ทิโมธี อาเหร่อเล๊อ ต๊าบ่า 1:14

เร๊อ เป แบ่เจ่ กลอแล แล๊แล เอ๊แหน่เจ๊อ เฮ๊อ อาบุ๊ยอาเตอเรอ เด๊อ แวลู เน๊อ อา เด๊อะเฮ๊อ แว เตหยื่อเตแหน่ เน๊อ เตโม เด๊อ อา โอ่ เด๊อ เหย่ซู่ครี๊ อากู เนอเต๊เห่ เฮ๊อ.