ซี เออเต๊เห่เนอ อา แซ่ เกอดื่อเฮ๊อ เร๊อ หล่อเซอเพร เต๊เห่ เฮ๊อ. จอแปแหร่ นอเอ่ หล่อ เด๊อ อา หม่าเฮ๊อ ซีเออ เร๊อ อา เก่ ช๊อแถ่ หี่ เด๊อ แหย่โย ตากยา เตเม. ซี เก่ แรเต เด๊อ หี่กู เออเนอ แซ่เน๊อ เพรหลู่แต บูโพ๊ เต๊เห่เนอ ปา. โท๊โต่ ซี เก่ หลู่แถ่ เตหลู่ เด๊อ จอแปแหร่ อา โอ่ เด๊อซิซิเง จอแปแหร่ ตากยา เต๊เห่ ปา. เด๊อ เหย่ซู่ครี๊ อาขว่าอาคยาเร๊อ, จอแปแหร่ เก่ พย๊าฉื่อ ซี เตหลู่ เออ เต๊เห่ ปา.
ทิโมธี อาเหร่อเล๊อ ต๊าบ่า 3:15 - ลีเทส่อพ๊าอาเซ เร๊อ เห่ขุทวาลู๊15 หม่าแน๊เรอ แว เก่ แฮ แป่เหย่ลา เฮ๊เรอ เป โตเบ่ โอ่เซอเพร เด๊อ จอแปแหร่ อา หี่ด๊อหี่แพกู อาเง ฮู๊เต เนอ, แว ลี เออ เก่ เด๊อซิเง เน ปา. หี่เออ เนอหม่า หม่า เฮ๊อ จอแปแหร่ เด๊อ อา เซอเพร เตเพร อา เพรหยื่อเอ่ตู๊หมู่ตอกล๊อ เออเนอเฮ๊อ. เพรหยื่อเอ่ตู๊หมู่ตอกล๊อ เออเนอหมา อา เด๊อ ชอแถ่ เตจ๊อเตเต อา เตอิซว๊า เต๊เห่ เด๊อ อาแซ่เน๊อ อี๊ถื่อ เร๊อ หี่แกแร เด๊อ อา ช๊าต๊อป่อ หม่าหนิ หี่เออ เตเม เนอเฮ๊อ. အခန်းကိုကြည့်ပါ။Eastern Kayah Shadaw Dialect15 ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤊꤢꤩ꤬ ꤟꤢꤧ꤭ ꤕꤣꤧ꤬ꤛ꤫ꤢꤩ꤬ꤜꤥ꤬ ꤟꤢꤩꤚꤣꤧ꤬ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤟꤤ꤬ꤘꤢꤪꤊꤢꤪꤊꤢꤨ꤭ ꤢ꤬ꤑꤢꤩ꤭ ꤟꤢꤨꤒꤢꤩ꤭ ꤔꤣꤧ꤬, ꤠꤢꤧ꤭ ꤜꤤ꤬ꤣꤧ꤭ ꤊ꤫ꤢꤦ꤬ ꤘꤣꤧꤞꤤꤑꤢꤩ꤭ ꤔꤢꤧ꤬ ꤕꤢ꤭꤯ ꤟꤤ꤬ꤣꤧ꤭ ꤔꤣꤧ꤬ꤗꤢ꤬ ꤗ꤫ꤢ꤬ ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤞꤣꤧ꤭ꤖꤚꤢꤩ꤬ ꤒꤣ꤬ꤖꤚꤢꤩ꤬ ꤢ꤬ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ꤔꤣꤧ꤬ꤟꤣꤧ꤯ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤕꤜꤢꤪꤗꤢꤨ꤬ ꤣꤧ꤭ꤔꤣꤧ꤬ꤗꤢ꤬ ꤢ꤬ ꤘꤣꤧ ꤏꤢꤪ꤭ꤓꤢꤧ꤬ ꤒꤢꤩ꤬ꤡꤢꤪꤒꤢꤩ꤬ꤒꤢꤩ꤬ ꤢ꤬ ꤒꤢꤩ꤬ꤤ꤬ꤞꤝꤢ ꤒꤣꤧ꤬ꤟꤢꤩ꤬ ꤘꤣ ꤢ꤬ꤞꤢꤧꤔꤢꤧ ꤟꤤ꤬ꤓꤢꤦ꤬ ꤔꤢꤧ ꤟꤤ꤬ꤊꤢꤧ꤭ꤚ꤫ꤢꤧ꤬ ꤘꤣ ꤢ꤬ ꤒꤣꤧ꤬ꤕ꤫ꤢꤪ꤬ ꤗꤢ꤬ꤚꤣꤧ ꤟꤤ꤬ꤣꤧ꤭ ꤒꤣ꤬ꤗꤢꤩ꤭ ꤔꤣꤧ꤬ꤟꤣꤧ꤯ အခန်းကိုကြည့်ပါ။ |
ทิโมธี อาเหร่อเล๊อ ต๊าบ่า 3:15
55 ပူးပေါင်းရင်းမြစ်များ
คูยากอบ เร๊อ คูเปโตร เร๊อ คูยอห์น เด๊อ อู แด่ เฮ๊อ เหย่ซี เร๊อ ทวาดุทวาเต เออเต๊เห่เนอ, อา ซิเงโปล แลแค เร๊อ เตบุ๊ยเตเตอเรอ เออเนอหมา จอแปแหร่ เด๊อะ แว แพ๊, อา แม๊เถอะ แลแค ฮู๊เนอ. เด๊อ เตเออ อาขว่าอาคยา, เหย่ซี แม๊เถอะ เร๊อ คูบารนาบัส เน๊อ แว เนอหม่า เพรเมโหร่ลูเต เร๊อ เหย่ซี ฮู๊เนอ แพ๊. เหย่ซี ซิปล่อฉู่โต ฉู่เทอฉู่เบ่ เฮ๊อ เร๊อ เป่ เก่ แรเต เด๊อ แกแยยิวพู๊ หม่าโต่ เต๊เห่ อาเกลเฮ๊อ. เหย่ซี เร๊อ อา เก่ เม เกอลาติ เด๊อ แกแยยิวพู๊ เต๊เห่ อาเกล ฮู๊เนอ แพ๊.
หม่าแน๊เรอ, ซี เกอลาติ เร๊อ ซี แฮโต่เฮ๊อ เด๊อ ศิโยนโฉ่ เฮ๊อ. โฉ่เออเตเมเนอ หม่า หม่าเฮ๊อ จอแปแหร่ เด๊อ อา เซอ เพร เออเตเพร อาวี ตีวี เด๊อ อูเอ๊ เน๊อ วีเยรูซาเล็ม เด๊อ ม๊อขุเออเนอ ตีวี เฮ๊อ. จอแปแหร่ อาม๊อขุ เตเน่วพู๊ เด๊อ อา โอ่เจ๊อ เด๊อ อาซี เน๊อ อาซีกู เต๊เห่ แฮโอ่ ป่อ ซิครือซิลอ โหร่เกอ ลอ ลู เบ๊อะเนอ. เน๊อ ซี แฮ โอเต่อเกอ เน๊อ อา ม๊อขุ เตเน่วพู๊ เออเต๊เห่ เฮ๊อ.
เป เตจ๊อบู่จ๊อเบ อาจ่ออาแย อาดุอาแย เจ๊อ บ๋า เต บ๋า เตเนอ อู โชโม๊บิแก หนิแจ่ อา เตเพร่ว โต่. ครี๊ โอ่โลแถ่ เฮ๊อ ฮู๊ แกแย เห่ขุพู๊ เตเพร, เร๊อ แหย่โยบูโพ๊ แบ่เจ่ ข่าเฮ๊อ ซิปล่อ เน๊อ ครี๊ เออเนอ อา เมโต จอแปแหร่ อาซิปล่อ, เร๊อ ม๊อขุ เตเน่วพู๊ เต๊เห่ แม๊เถอะเบ่ เฮ๊อ อา. โทเรอ อา อาหรี่อาแก เออเนอ, อู แด๊โฉ่โด่แน เฮ๊อ อา เด๊อ เมวจ่อโรพู๊ เต๊เห่ อาเกลเฮ๊อ. แกแย โอ่ เด๊อ เห่ขุเออ เต๊เห่เห่ เนอ อา หยื่อเอ่แหน่ เกอ เฮ๊อ อา เฮ๊อ. จอแปแหร่ จอแถ่เฮ๊อ อา เด๊อ ม๊อขุ เด๊อ เตลีเตเค อากูเฮ๊อ.
จอแปแหร่ อา เตหลู่เเตโฮ เนอ อา โอ่เต่อแจ่ แหน่ เร๊อ เตแหย่โย แอ. ฮู๊เนอเฮ๊อ, เป เออเต๊เห่ เนอหม่า จอแปแหร่ เด๊อ อา เซอเพร เออเตเพร อา เตหลู่เเตโฮ. จอแปแหร่ เฮ๊ เน๊อ, “แว เก่ แฮโอ่ เด๊อ แวแกแย เต๊เห่ อา ซิปล่อกู ปา เร๊อ แว เก่ จว๊า เต่อเกอ เร๊อ เหย่ซี ปา. เร๊อ แว เก่ ทวา เหย่ซี จอแปแหร่ ปา, เร๊อ เหย่ซี เก่ ทวา แวแกแย เต๊เห่ ปา.”
“ซี จว๊าเมฮู๊เออ เมเต? เป หม่า แกแย แซ่เน๊อ ซี แพ๊. เป แฮแด๊โฉ่ เป่ ซี เตซิครือมีลา อาหรี่อาแก แพ๊. เป ซิหยื่อ แด๊โฉ่โล เป่ ซี เร๊อ จ๊อเบปา แต่ แลแค เต เด๊อ อาโหง่แลช๊า โอ่โต่ เนอเต๊เห่ แต่เหม่. เป ซิหยื่อ นอจ๊อเบ ซี เร๊อ จอแปแหร่ เด๊อ อา เซอเพร เออเตเพร. อา หม่า จอแปแหร่ เด๊อ อา แบ๊แล ม๊อขุ, เห่ขุ, เทอดุซาวา เน๊อ เตโอ่ เด๊อ อากู เนอเต๊เห่ ล๋อ ปลี เตเพร.
ฮู๊เนอเรอ, เตเน แม๊มอ แลแค ครี๊ อาสุ่ย เออเนอ, อา เก่ เม โพ๊เมแปล่ บูโพ๊เล๊อ เจ๊อ เป เร๊อ เตเออเต๊เห่ ปา เจ๊อ. เด๊อ จอแปแหร่ อา แหย่โยบูโพ๊ โอ่เซอเพร ตูจูเพร อาขว่าอาคยา, ครี๊ หลู่แถ่เฮ๊อ อาเหน่กล่อ เด๊อ อาเตซื๊อ โอ่ เตอเจ๋อ โต่ เออ เด๊อ จอแปแหร่ อา โอ่ เฮ๊อ. แซ่ฮู๊ เป เก่ เม เป่ จอแปแหร่ เด๊อ อา เซอ เพร เออเตเพร อาเตเม อาเงเนอ, ครี๊ เก่ ซู๊ปลีแก เป ซิปล่อ เออเต๊เห่ เร๊อ เป เตเม เด๊อ อาบุ๊ยอาเตอเรอ โอ่เกออู โต่ เออเต๊เห่ เน๊อ อาสุ่ย ปา.
เป อิซว๊า เป่ อู จอแปแหร่ อาลาอาโหง่ เด๊อ อาจ๊ออาเต เต๊เห่, เร๊อ จอแปแหร่ อา เตโพร อาฉว่าอาชอ เออ เมจว่า เป. ฮู๊เนอ อาขว่าอาคยา เป เออเต๊เห่เนอ จอแปแหร่ เด๊อะโลโปล เจ๊อ เฮ๊อ เร๊อ เป ทวา อาหลู่เล๊ เต๊เห่ เฮ๊อ. เป โอ่ เน๊อ เหล่แตแด ตาตือ เออเนอ เร๊อ เป่แน๊ หม่าเฮ๊อ เตจ๊อเตเต เด๊อ จอแปแหร่ เด๊อะ เป เออเต๊เห่, เร๊อ อา แซ่เฮ๊อ เร๊อ เกลอฮู๊ เตเพร นอเอ่ เกอเร๊อ อา โจ๊โกโจ๊เบ เด๊อ อา เก่ ช๊าเต อาเง เออเนอ เฮ๊อ.
ซี เออเต๊เห่ เนอหม่า, อา แซ่เฮ๊อเร๊อ ลี เด๊อ ครี๊ รา เร๊อ อา ซูแฮ แฮเง เร๊อ เป เออเต๊เห่เนอ เฮ๊อ. หม่าแน๊เรอ อา รา เร๊อ ลีโบ เร๊อ ลีโบเทอ เออเนอ หม่าโต่, โท๊โต่ อา รา โอ่ เด๊อ หล่อบ่าลู ฮู๊ คูโมเสส อาหล่อบ่า เนอ หม่าโต่โต่. ครี๊ นอรา แฮเง เฮ๊อ ลีปล่อเออ เด๊อ ซี ซิปล่อ เต๊เห่ อาลู เร๊อ อา แหย่โยบูโพ๊ แบ่เจ่ เฮ๊อ. จอแปแหร่ เด๊อ อา เซอเพร เออเตเพร นอแฮ แหย่โยบูโพ๊ แบ่เจ่ เก่ แฮ โอ่เซอเพร เด๊อ ซีเหน่ลู เฮ๊อ.
คุ๊ยปีลาต เฮ๊ ลู เน๊อ, “เก่ เฮ๊ฮู๊เนอ เฮ๊เรอ เน ทวา คุ๊ย เตเพร เฮ๊อ เนอ?” อา แด๊เฮอ ลู ฮู๊เนอ. แบ่เจ่ เหย่ซู่ เฮ๊ฉื่อ ลู เน๊อ, “แว หม่า คุ๊ย เตเพร หม่าแหน่ ฮู๊ เน เฮ๊ เนอเฮ๊อ. แซ่ฮู๊ แว เก่ เฮ๊โฉ่เป่ อู เร๊อ เตหมะเตจ๊อ เนอเรอ, แว แฮ อากาโอ่พู๊เจแล เด๊อ เห่ขุเออ เฮ๊อ. ล๊อ แกแย โอ่เกอ เด๊อ เตหมะเตจ๊อ ตากยา เต๊เห่เนอ อา เก่ หนิดา แวโหง่ ปา” อา เฮ๊ ฮู๊เนอ.
ကြော်ငြာတွေ