ทิโมธี อาเหร่อเล๊อ ต๊าบ่า 3:13 - ลีเทส่อพ๊าอาเซ เร๊อ เห่ขุทวาลู๊

¹³ เพรเมจว่าเต เออเต๊เห่ เด๊อ อา เมแร๊ เตเอ่เตแร เออเต๊เห่เนอ, อู เก่ แด่ดุแด่ทู เหย่ซี ปา. เร๊อ เบ๊อะเหย่ซี อิซว๊า เป่ อู เน๊อ อา เตหยื่อเตแหน่ แบ่เจ่ เหย่ซู่ครี๊ เออ เบ๊อะเนอปาเนอ, อา เก่ ซิปล่อคือเฮ๊บื่อ แฮ เร๊อ หยื่อเอ่แฮ เกอเร๊อ อาเหน่ ปา.

Eastern Kayah Shadaw Dialect

¹³ ꤖꤚꤢꤩ꤬ꤗꤢꤩ꤬ꤡꤝ꤫ꤢ꤬ꤒꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ ꤘꤣ ꤢ꤬ ꤗꤢꤩ꤬ꤚꤢꤧ ꤒꤢꤩ꤬ꤖꤛꤢꤒꤢꤩ꤬ꤗꤢꤩ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢꤨ꤭ ꤊ꤫ꤢꤦ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤛꤢꤩ꤬ꤞꤤ꤭ ꤕꤢ꤭, ꤚꤣꤧ꤬ ꤙꤣꤧ ꤛꤢꤩ꤬ꤞꤤ꤭ ꤤ꤬ꤞꤝꤢ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤚꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨꤋꤚꤤ ꤣꤧ꤭ ꤢ꤬ꤋꤢꤩ꤭ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤞꤤꤕꤜꤢꤪ꤬ꤋꤢꤦ꤭ꤟꤢ꤭ ꤟꤢꤧ꤭ ꤚꤣꤧ꤬ ꤛ꤫ꤢꤦ꤬ꤢꤩ꤬ꤟꤢꤧ꤭ ꤚꤣꤧꤘꤢꤦ꤬ ꤢ꤬ꤔ꤫ꤢꤩ꤬ ꤕꤢ꤭꤯

ทิโมธี อาเหร่อเล๊อ ต๊าบ่า 3:13 ပူးပေါင်းရင်းမြစ်များ

มัทธิว 25:21

“อาแบ่เจ่ เฮ๊ฉื่อ ลู เน๊อ, ‘อ่อ, อาแร๊ แหน่เจ๊อ, เน หม่า เพรแรเต เด๊อ อาแร๊ เร๊อ อาจ๊อ เร๊อ แว. เน จ๊อ เร๊อ แว เด๊อะเน เตปีตี้วแพ๊ เออเต๊เห่ อาขว่าอาคยา, แว เก่ เด๊อะ โอ่เอ๊แถ่ เล๊อ โป่ เน เตแร เด๊อ เน เก่ เป๊อตี๊หรี่ เอ๊เล๊อ โป่ เร๊อ เออเนอ ปา. แฮ ซิครือซิลอ โหร่เกอดื่อ เร๊อ แว!’

ꤟꤤꤙꤚꤢꤨ 6:10

จอแปแหร่ หม่า อา เม เตจ๊อ แพ๊. เตเมแร๊ เด๊อ ซี เมโทเฮ๊อ เต๊เห่เนอ อา โชตาปา โต่. เตโม เด๊อ ซี เด๊อะโล โทเฮ๊อ เด๊อ ลูเง เร๊อ ซี เมจว่า อาแกแย เต๊เห่ เร๊อ ซี เมจว่า แฮเง ตื๊อดื่อปา เหย่ซี เออเนอ อา โชตาปา เป่โต่.

ทิโมธี เนอบ่า ต๊าบ่า 2:1

ฮู๊เนอ อาขว่าอาคยา, แวพู๊คู๋, แด่ฉว่าแด่ชอ เน ซิปล่อ เน๊อ เตบุ๊ยเตเตอเรอ เด๊อ อา โอ่ เด๊อ เหย่ซู่ครี๊ อากูเออ เนอ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

โครินธ์ อาเหร่อเล๊อ ต๊าบ่า 16:15

คูสเทฟานัส เร๊อ อา ตี๊หี่แตแพพู๊ อาหรี่อาแก เนอหม่า ซี ซิเง ลอดื่อ เฮ๊อ. เด๊อ อาคายาเก่กู เนอหม่า, เพร เด๊อ อา หยื่อเอ่แหน่ กา เหร่อเล๊อ อู ครี๊ หม่า เหย่ซี เนอเต๊เห่ เฮ๊อ. เร๊อ เหย่ซี เมจว่า จอแปแหร่ อาแกแย เนอเต๊เห่ ปว๋า โตโพ๊ เจ๊อ.

เพรโด่แนพู๊ เต๊เห่ 21:35

เบ๊อะคูเปาโล เร๊อ เกลอฮู๊ เต๊เห่ กาโต่ เด๊อ กู่โบ อาช๊า อาเบ๊อะเนอ, แกแย เบ๊หมู่ เต๊เห่ ลื๋อ เมซู๊ซ๊า ฉว่าแฮ อาขว่าอาคยา, เกลอฮู๊ เต๊เห่ จอแถ่ม๊อ กาแก ลู.

เพรโด่แนพู๊ เต๊เห่ 6:15

ล๋อ แกแย เด๊อ อา โอ่แนโอ่ เบ๊อะแกแย ทวา ทวาดุทวาเต อาเหล่โอ่ เออเนอ เต๊เห่ แม๊ตาเต่อ ลอ คูสเทเฟน, เร๊อ เหย่ซี แม๊เถอะ ลู เป๊เส่เนอ อา แซ่เจ๊อ เร๊อ เตเน่วม๊อขุ อาเป๊เส่ เนอ เจ๊อ.

เพรโด่แนพู๊ เต๊เห่ 6:8

คูสเทเฟน เด๊อ อา เล๊อบา เร๊อ จอแปแหร่ อาบุ๊ยอาเตเตอเรอ เร๊อ อา เพรโพรเตเตอเรอ เออเตเพรเนอ, อา เมโล เป่ อู โอ่ เบ๊อะเนอ เต๊เห่ เร๊อ เตเม อาโค๊ตีกลี๊ เต๊เห่ เร๊อ เตเม อาตาปา คย๊ายื๊อ เต๊เห่ เบ๊อะเนอ.

เพรโด่แนพู๊ เต๊เห่ 6:5

ล๋อ แกแย โอ่ เด๊อ ตู๊หมู่ตอกล๊อกู เออเต๊เห่ ปว๋า เตเพร ซิปล่อโตเกอ ลอปลี เน๊อ เพรโด่แนพู๊ เต๊เห่ แด๊โฉ่โลแถ่ เออเต๊เห่, เร๊อ เหย่ซี นว๊าแถ่ คูสเทเฟน เด๊อ อา เล๊อบา เร๊อ เตหยื่อเตแหน่ เร๊อ แหย่โยบูโพ๊แบ่เจ่ เออเตเพร. โทเรอ อา นว๊าแถ่ โป่ เร๊อ คูฟีลิป, คูโปรโครัส, คูนิคาโนร์, คูทิโมน, คูปารเมนัส. โทเรอ อา นว๊าแถ่หนิ คูนิโคลัส, อา หม่า แกแยยิวพู๊ หม่าโต่, อา หม่า วีอันทิโอกพู๊ เตเพร เร๊อ อา กาโน เกอ เด๊อ ยูดาห์ อา เตจ๊อบู่จ๊อเบ อากู.

ꤜꤢꤨꤊꤢ꤬ 19:17

“เร๊อ อา เฮ๊ ลู เน๊อ, ‘อาแร๊ แหน่เจ๊อ! เน หม่า หลู่เล๊ เด๊อ อาแร๊ เตเพร! เน เมจ๊อ เน๊อ แว เด๊อ เน เตปีตี๊ เออเต๊เห่ อาขว่าอาคยา, แว เก่ นอเป๊อ เน เร๊อ วี อาวีเช๊อ ปา.’

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ทิโมธี อาเหร่อเล๊อ ต๊าบ่า 3:14

คูทิโมธี๋, เบ๊อะแว รา เป่ เน ลี เออต๊าบ่า เบ๊อะเนอ, แว แม๊ชือ เน๊อ งยาแต่โต่ ปาเนอ, แว เก่ แฮ แม๊เถอะ แพรลิ่ว เร๊อ เน ปา.