ทิโมธี อาเหร่อเล๊อ ต๊าบ่า 3:11 - ลีเทส่อพ๊าอาเซ เร๊อ เห่ขุทวาลู๊

¹¹ เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

Eastern Kayah Shadaw Dialect

¹¹ ꤛꤢꤩ꤬ꤞꤤ꤭ ꤢ꤬ꤗꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤙꤢꤩ꤬ꤙꤢꤩ꤬, ꤢꤨ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤘꤢꤧ꤬ꤘꤢꤨ꤬ꤘꤢꤧ꤬ꤓꤢꤨ꤭ ꤛꤢꤩ꤬ꤞꤤ꤭, ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ ꤘꤢꤧꤔ꤫ꤤ꤬ ꤢꤨ꤭ꤛ꤫ꤢꤧ꤬ꤛꤥ꤬ ꤒꤥ꤬, ꤛꤢꤩ꤬ꤞꤤ꤭ ꤙꤢꤩ꤬ꤢꤧ ꤞꤢꤧ꤭ꤚꤢꤧ꤭ꤏꤢ꤭ꤖꤚ꤫ꤢꤩ꤬ ꤢ꤬ꤔ꤫ꤢꤩ꤬ ꤚꤣꤧ꤬ ꤛꤢꤩ꤬ꤞꤤ꤭ ꤒꤥ꤭ꤙꤢꤩ꤬ꤗ꤫ꤢ꤬ ꤊꤣꤧ꤬ꤛꤢꤧ꤭ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤭ ꤢ꤬ꤊꤢꤨ꤭꤯

ทิโมธี อาเหร่อเล๊อ ต๊าบ่า 3:11 ပူးပေါင်းရင်းမြစ်များ

ꤒꤤꤒꤢꤨ 2:3

ฮู๊เนอเฮ๊อ, แซ่ฮู๊ เพรเหมาะ โหมะเผระ เต๊เห่ เก่ เบ่หยื่อเบ่แหน่ เกอ อา เตโอะเซอเพร เด๊อ อา โตโอะเซอเพร เร๊อ แด่บูโพ๊ เกอ แลแค ซิปล่อ เด๊อ จอแปแหร่ อา โอะ อาเงเนอ เร๊อ, อิซว๊าอี๊แส่ แลแค เหย่ซี นี๋. โทเรอ เหย่ซี โตเบ่ แด๊หนิ อูแหย่โย โต่, อา โตเบ่ ทวาหนิ เทอเผร่ อาหลู่เล๊ โต่. อู โตเบ่ เมเตแร๊ ฮู๊เตฮู๊เต เนอ, เหย่ซี โตเบ่ อิซว๊า อู.

ꤒꤤꤒꤢꤨ 3:2

เด๊อ ซิเหน่แถ่ โป่คยาแซ๊ เหย่ซี เร๊อ นอเป๊อเจ่ออิแช๊ แต่อู เตเพร่ว แต่เหม่ นี๋. นอ รอหนิ แลแค เหย่ซี เร๊อ เตกย๊าตางาลู เนอเต๊เห่ นี๋. โทเรอ นอโอ่ แลแค เหย่ซี เร๊อ ซิปล่อ ซิโดซิ งยา, เร๊อ นอเด๊อะโล เป่ อู เร๊อ เหย่ซี อาเตแด่ทูซิปล่อ อา แด่หยว่า อาซิปล่อ หม่าแหน่ เนอเต๊เห่ เร๊อ อูปว๋า เตเพร นี๋.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

ทิโมธี เนอบ่า ต๊าบ่า 3:3

เหย่ซี หม่า แกแย เด๊อ อา โมหนิเร๊อ เกออู โต่, อา ปลวาแก เกออู เตซื๊อ โต่, เฮ๊ปย๊า อูมีลา, เป๊อแจ่ เกอเร๊อดื่อ อาเหน่โต่, แกแยฮาแกแยเฮ, เหย่ซี หม่า แกแย เด๊อ อา ซิเถ่ เตแร๊ เต๊เห่ ปา.

ทิโมธี เนอบ่า ต๊าบ่า 4:5

หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.

ทิโมธี อาเหร่อเล๊อ ต๊าบ่า 6:2

หลู่เล๊ เด๊อ อา โอ่ เร๊อ อาแบ่เจ่ เด๊อ อา หยื่อเอ่แหน่ โทเฮ๊อ ครี๊ เต๊เห่เนอ, แวแบ่เจ่ หม่า เพรหยื่อเอ่ เออ แพ๊ เตเน เร๊อ โต เมโตโมเต๊เก่ เกอเร๊อ อาแบ่เจ่ โต่. โท๊โต่, อา เบ่ เมแร๊ เล๊อ เจ๊อ เต เน๊อ เนอ เจ๊อ, เมเตเฮ๊เรอ อาแบ่เจ่ เด๊อ เหย่ซี เม เป่ ลู อา เตเอ่เตแร เออเตเพร เนอหม่า แกแย เด๊อ อา หยื่อเอ่ เหย่ซู่ครี๊ เร๊อ หลู่เล๊เต๊เห่ โม เกอเร๊อ ลู อาขว่าอาคยา, เหย่ซี โตเบ่ เมแร๊ เล๊อเจ๊อ. ซีเบ่ อิซว๊า เหย่ซี เร๊อ นอฉว่า เหย่ซี เด๊อ อา เก่ เบ่ ครวาเม ฮู๊เนอ.

ทิโมธี อาเหร่อเล๊อ ต๊าบ่า 1:12

เป แบ่เจ่ เหย่ซู่ครี๊ เด๊อะ เฮ๊อ แว เตเหร่เตแบ เด๊อ แว เก่ เม อาเตเม อาเง อาขว่าอาคยา, แว เฮ๊บุ๊ยเฮ๊เตอเรอ อา. โท๊โต่ อา แด่ แว ฮู๊ แกแย เด๊อ อาจ๊อ เร๊อ อาโหง่ เตเพร เร๊อ อา นว๊าแถ่ แว เด๊อ แว เก่ เม เป่ อาเตเม อาขว่าอาคยา, เฮ๊บุ๊ยเฮ๊เตอเรอ อา.

ꤛꤥ꤭ꤟꤢ꤬ 6:70

โทเรอ แบ่เจ่ เหย่ซู่ เฮ๊ฉื่อ เหย่ซี เน๊อ, “แว นว๊าแถ่ โทเฮ๊อ ซี เช๊อซิเนอ, หม่าโต่ แอ? หม่าแน๊เรอ, เด๊อ ซีเกล เนอ, โลเน๊มู๊แหม่ กู่กล๊อ โอ่โตโด, อา เฮ๊ เหย่ซี ฮู๊เนอ.”

มัทธิว 4:1

แซ่ฮู๊ โลเน๊มู๊แหม่ กู่กล๊อ เก่ อา อี๊ลอ หนิ เหย่ซู่ เร๊อ, แหย่โยบูโพ๊ แบ่เจ่ ซูจว๊า ลู เด๊อ เก่เชเทอแก หล่อตาม๊าขุ.

ꤚꤥꤗꤢꤩ꤬ 1:29

เหย่ซี เตโอ่เซอเพร เออเนอ อา เล๊อบา โชชื่อ เจ๊อ เร๊อ เตจ๊อเตเต โต่, เตมู๊แหม่รีแจ่, กู๊หว่ากู๊เว เอ่หนิเร๊อ ดื่อเง, โทเรอ อา เล๊อบา เจ๊อ เร๊อ เตซิเคว๊ อู, เมเซอ แกแย, วื๊ออู, แลโฮแลแห่เอ่ อู, ซิค๊าซิเถ่ อู, แด๊เเหมาะเถ่อโย อู.