ทิโมธี อาเหร่อเล๊อ ต๊าบ่า 1:10 - ลีเทส่อพ๊าอาเซ เร๊อ เห่ขุทวาลู๊

¹⁰ เน๊อ, แกแย เด๊อ อา จว๊าซื๊อ เพรเหมาะเพรคู เต๊เห่ เน๊อ, แกแย เด๊อ อา ซิปล่อก่า เด๊อ อาพู๊อาเมขุ เต๊เห่, เพรคู เร๊อ เพรคู ซื๊อแคลู, แกแย ปื่ออิเชเอ่ อู เน๊อ รือ เต๊เห่, แกแย เด๊อ อา แลโฮเต เต๊เห่ เน๊อ แกแย เด๊อ อา จว๊า ข่าเฮ๊โลบูบย่า เต๊เห่, เก่หม่าโต่เรอ อา เมเต เด๊อ อาโร เต๊อเจ่อเจ่อ เด๊อ อา ลูโค๊ เน๊อ เตอิซว๊าอี๊แส่ อาจ๊ออาเต เต๊เห่ อาเง แพ๊.

Eastern Kayah Shadaw Dialect

¹⁰ ꤔꤢꤧ, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢꤞꤢꤦ ꤖꤚꤢꤩ꤬ꤗꤢꤪ꤬ꤖꤚꤢꤩ꤬ꤋꤢꤨ꤭ ꤒꤣꤧ꤬ꤟꤢꤩ꤬ ꤔꤢꤧ, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤞꤤꤕꤜꤢꤪ꤬ꤒꤣꤧ꤬ꤊꤢ꤬ ꤘꤣ ꤢ꤬ꤖꤢꤨꤢ꤬ꤗꤢꤩ꤭ꤋꤢꤨ꤬ ꤒꤣꤧ꤬ꤟꤢꤩ꤬, ꤖꤚꤢꤩ꤬ꤋꤢꤨ꤭ ꤔꤢꤧ ꤖꤚꤢꤩ꤬ꤋꤢꤨ꤭ ꤞꤢꤦꤋꤛꤢ꤭ꤜꤢꤨ꤭, ꤊꤣꤧ꤬ꤛꤢꤧ꤭ ꤕ꤫ꤢꤦ꤬ꤤ꤬ꤏꤢꤩ꤭ꤢꤩ꤬ ꤢꤨ꤭ ꤔꤢꤧ ꤚꤢꤦ꤭ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ ꤜꤣꤧ꤬ꤟꤥ꤭ꤒꤢꤩ꤬ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤡꤝꤢ ꤋꤢꤧꤟꤢꤩꤏꤥ꤬ꤜꤥ꤭ ꤙꤢꤪ꤭ꤙꤛꤢ꤬ ꤒꤢꤩ꤬ ꤒꤣꤧ꤬ꤟꤢꤩ꤬, ꤊꤢꤩ꤬ꤗ꤫ꤢ꤬ꤒꤥ꤬ꤚꤣꤧ꤬ ꤢ꤬ ꤗꤢꤩ꤬ꤒꤢꤩ꤬ ꤘꤣ ꤢ꤬ꤚꤥ꤬ ꤒꤣ꤬ꤡꤣ꤬ꤡꤣ꤬ ꤘꤣ ꤢ꤬ ꤜꤢꤨ꤬ꤋꤥ ꤔꤢꤧ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤢ꤬ꤡꤢꤪꤢ꤬ꤒꤢꤩ꤬ ꤒꤣꤧ꤬ꤟꤢꤩ꤬ ꤢ꤬ꤑꤢꤩ꤭ ꤖꤢꤧ꤯

ทิโมธี อาเหร่อเล๊อ ต๊าบ่า 1:10 ပူးပေါင်းရင်းမြစ်များ

ทิโมธี เนอบ่า ต๊าบ่า 4:3

ม๊อเนอม๊อเซ เด๊อ แกแย หนิดา ปา เตอิซว๊าอี๊แส่ เตหมะเตจ๊อ เออโต่เนอ, อา เก่ แฮเต่อ ปา. เร๊อ เหย่ซี ซิปล่อ ก๊อหย่อ แลแค เด๊อ อา เก่ แด่ปล๊อ โอ่โหร่แถ่เอ๊ เร๊อดื่อ อาซ๊าร๊า เต๊เห่ เด๊อ อา แด๊โฉ่โด่แน เป่ เหย่ซี ฮู๊ เหย่ซี ซิปล่อ ก๊อหย่อ ซิหยื่อ หนิดา เนอ เต๊เห่ ปา.

ꤚꤥꤗꤢꤩ꤬ 1:26

เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตาแก เหย่ซี เด๊อ สุ่ยหย่าเทอ อา เตซิหยื่อซิลอ เด๊อ อา เมเตเร มู๊แหม่ เหย่ซี เออ อา กู๊ยากู. เพร เหมาะ เต๊เห่ เจ๊อ เบ่เบ่, อา วีแก อาเหล่โกล แบ๊ซว๊า โอ่เมอเต่อ เร๊อ เพรคู เร๊อ เหยีซี เร๊อ เหย่ซี จว๊า แบ๊ซว๊า โอ่เมอเต่อ เกอเร๊อ ลู.

เตเด๊อะโลแถ่ 21:27

หม่าแน๊เรอ เด๊อ วีกู เนอ เต เด๊อ อา บูโพ๊ โต่ เนอเต๊เห่ โนหนิ เตอเจ๋อ โต่. แกแย เด๊อ อา เม เตมู๊แหม่รีแจ่ เบ่เบ่, อา แลโฮแลแฮ เต๊เห่ เบ่เบ่, โนหนิ เตเพร่ว โต่. โนหนิ แพ๊ตื๊อ แกแย เด๊อ อามุย โอ่ เด๊อ ซิหมิ อา ลีเซอเพร เออต๊าบ่า อากู เนอเต๊เห่ แพ๊.

ทิโมธี อาเหร่อเล๊อ ต๊าบ่า 6:3

แกแย เต๊เห่เห่ เนอ อา อิซว๊าอี๊แส่ ซื๊อ แลแค อู. เหย่ซี อาเตอิซว๊าอี๊แส่ เออเนอ, อาโต เกอ เร๊อ เป แบ่เจ่ เหย่ซู่ ครี๊ อา เตอิซว๊าอี๊แส่ เด๊อ อาหม่าอาจ๊อ เออเนอ โต่. เตอิซว๊าอี๊แส่ เด๊อ อา เก่ เมจว่า เป่ เกออู ฮู๊ จอแปแหร่ ซิหยื่อ นอ โอ่เซอเพร อู เต๊เห่เนอ เหย่ซี อิซว๊า เป่ เกออู โต่โต่.

ꤛꤢꤨꤘꤢ꤬ 1:7

ฮู๊เนอเฮ๊อ, เตเนแถ่ หนิคยาดื่อ แลแค วีโสโดม เร๊อ วีโกโมราห์ เร๊อ วี โอ่ เด๊อ อา โอ่ผื่อโอ่ว๊า เนอเต๊เห่. แกแยวีกู เบ๊อะเนอ เต๊เห่ หม่า อา เมซื๊อ แซ่เกอ ดื่อ เต ฮู๊เนอ เนอ เฮ๊อ. เหย่ซี ลือครวาเม แลแค สุ่ยหย่าเทอ เหล่โกล ซิหยื่อ มู๊แหม่ เต๊เห่. เร๊อ เมโมหนิ แลแค อาเหน่ เร๊อ เพรเหมาะเพรคู เหล่โกล มู๊แหม่รีแจ่ เต๊เห่. เหย่ซี ข่าเบ่ เตโซพ๊าโซแร เด๊อ หมิเผ่กู ตูจูเพร เออเนอหมา อา ทวาแถ่ ดื่อ เฮ๊อ อู เหล่แม๊บือ เด๊อ แกแย ล๋อ ปลี อาเง เฮ๊อ.

ꤒꤤꤒꤢꤨ 1:9

แซ่ฮู๊ อา เก่ เด๊อะอ๊าเด๊อะเหร่เบ๊ อู เร๊อ เตอิซว๊าอี๊แส่ เด๊อ อาโต เต๊เห่, โท๊โต่ แซ่ฮู๊ อา เก่ อิซว๊าอี๊แส่ กาคยาฉื่อแจ่ คยา แกแย เด๊อ อา เฮ๊ โตโมจู๊แก่ เตหรี่เตแก เออเต๊เห่ อาเงเนอ, อา โตเบ่ หยื่อเอ่ ปื่อหม่าปื่อกลอ หนิ แร๊ เตหรี่เตแก เด๊อ อู หยื่อเอ่เกอ อา เร๊อ ฮู๊ อู อิซว๊าอี๊แส่ โทเฮ๊อ ลู เนอเต๊เห่.

เตเด๊อะโลแถ่ 21:8

หม่าแน๊เรอ แกแย เด๊อ อา โต๊โหร่ เต๊เห่, แกแย เด๊อ อาจ๊อ เร๊อ อา เตหยื่อเตแหน่ โต่ เต๊เห่, แกแย เด๊อ อาซิปล่อ มู๊แหม่ เต๊เห่, แกแย เด๊อ อา เมเซอ แกแย เต๊เห่, แกแย เด๊อ อา จว๊าซื๊อ เพรเหมาะเพรคู เต๊เห่, แกแย เด๊อ อา ทวา โลเน๊มู๊แหม่รีแจ่ ซ๊าร๊า เอ่อูแหย่โย เต๊เห่, แกแย เด๊อ อา จ๊อเบ เตแหย่โย เต๊เห่, เร๊อ แกแย เด๊อ อา แลโฮ อู เต๊เห่เนอ อาเหล่โอ่เหล่แบ่ หม่าเฮ๊อ หมิเผ่ เด๊อ อา หม่า เตเซอ เนอโพ๊โตโพ๊ เด๊อ อู ชื๊ออือ อา เร๊อ หย่าซู๊แบ เออเต๊เผ่ เนอ เฮ๊อ.”

ꤟꤤꤙꤚꤢꤨ 13:4

ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.

เตเด๊อะโลแถ่ 22:15

แกแย แซ่เกอ อาโค โต่ เปทวา ถุ่ย เต๊เห่, โลเน๊มู๊แหม่รีแจ่ ซ๊าร๊า เต๊เห่, แกแย จว๊าซื๊อ เพร เหมาะ เพรคู เต๊เห่, แกแย เมเซอ แกแย เต๊เห่, แกแย จ๊อเบ เตแหย่โย เต๊เห่, ล๋อ แกแย เด๊อ อา โม เกอเร๊อ เตแลโฮแลแฮ เร๊อ อา โอ่เซอเพร ครวาเมเกอ ฮู๊เนอ ปว๋า โตโพ๊ เนอเต๊เห่เนอ อา เก่ โอ่ แลแค เด๊อ วีกลอ ปา.

ทิโมธี เนอบ่า ต๊าบ่า 1:13

ฮู๊ เน อิซว๊า หนิโทเฮ๊อ เด๊อ แวโอ่ เต๊เห่เนอ, ปื่อหม่า เร๊อ ครวาแม๊บือ เม เกอดื่อ นี๋. เร๊อ เน โตเบ่ หยื่อเอ่ แฮเงหนิ ครี๊ เร๊อ เน โตเบ่ โมหนิเร๊อ แกแย เด๊อ อาโร เต๊เห่. เน เน๊อ เหย่ซู่ครี๊ ทวาแถ่ เฮ๊อ ลู เต๊อเจ๋อ โต อาขว่าอาคยา เน เมเบ๊เต แพ๊.

ꤛꤥ꤭ꤟꤢ꤬ 8:44

ซีเพ หม่า โลเน๊มู๊แหม่รีแจ่ กู่กล๊อ เด๊อ อู เอ๊ เร๊อ โลเน๊ เนอโตโด เฮ๊อ. ซี ซิหยื่อ ครวาเมเกอ ฮู๊ ซีเพ อา เตซิหยื่อ เนอแพ๊. ซีเพ หม่า อา ทวา เพรเมเซอ แกแย เด๊อ กูลู่เค ปา เจ๊อ. เตหม่า เตจ๊อ โอ่ เด๊อ ลูกู โต่ อาขว่าอาคยา, อา หนิดา ครวาเม เกออู เตหม่า เตจ๊อ โต่. เบ๊อะอา เฮ๊เบ่ เบ๊อะเนอ, อา เตแลโฮแลแห่ เต๊เห่ เนอหม่า อา ทวา เฮ๊อ ลู เหล่โกล เฮ๊อ. อา หม่า แกแย แลโฮแลแห่ เตเพร เร๊อ อา ทวา เฮ๊อ ล๋อ เตแลโฮแลแห่ เต๊เห่ อาเพ เฮ๊อ.

เห่ขุทวาลู่ 19:5

เร๊อ เหย่ซี เอ๊โทแถ่ แลแค เพโลท เน๊อ, “เป่ ซิเง เน๊อ เออเตเฮ๊ ซิเผระ เพรคู แฮโอ่เมอ เกอ เด๊อ เนหี่ ซิเนอ ว๊า, เหย่ซี โอ่โต แลแค เบ๊อะเต? เอ๊เถ่ เป่ เป เด๊อ อากลอเออ, เป ซิหยื่อ โอ่เมอเต่อ, แลวอเต่อ เน๊อ เหย่ซี.”

ꤒꤤꤒꤢꤨ 1:13

อา เฮ๊ เต เออเต๊เห่ เนอหม่า อา โตแพ๊ อาขว่าอาคยา, แซ่ฮู๊ เหย่ซี เก่ โอ่จ๊อโอ่เต เด๊อ เตหยื่อเตแหน่ อากูเนอ, ซิพรวาชอ เหย่ซี นี๋.

เตเด๊อะโลแถ่ 18:13

อิซุ๊ย อาเคร อาฮว๊าอาจี เต๊เห่, เตโนมื๊อโนฮั๊ว เต๊เห่, เหล่ชื๊ออือ โนมื๊อ เต๊เห่, เทอแย, ถ่าเทอ, โบ๊กู่ลา, โบ๊กู่ลาหมื่อ, ปู่, ซิหมิ, ตีซิ, ตีซิโหล่, หลู่เล๊เต๊เห่ เร๊อ แกแย ซิปล่อเซอเพร เต๊เห่เนอ อู พรีเอ่ ปา เตเพร่ว โต่.

เห่ขุทวาลู่ 40:15

เฮ๊ลอล๋อ หม่า แว โอ่ เด๊อ ฮีบรูเก่ เร๊อ อู ปื่อแฮ ตื๊อดื่อ แว เบ๊อะเออ. เบ๊อะ แว โอ่ เบ๊อะเออ เบ๊อะเนอ เบ่เบ่, แว เมซื๊อเมปล๊า เน๊อ เตอเจ๋อ โต่ ตือดื่อเร๊อ อู ด๊อตา แว เด๊อ เตจาเตจือ ทอกู.”

เห่ขุทวาลู่ 37:27

อา หม่า เปโป่ เร๊อดื่อ, เปสุ่ยเปเทอ เร๊อดื่อ แพ๊ เออ, พื๋อ เน๊อ เป เกเร เมเซอ ลู เนอ เร๊อ, จว่า! เป จว๊าอิเซ แก ลู เน๊อ อิชมาเอลเมวเจ่อพู๊ เนอเต๊เห่ โป๊!” เร๊อ อาโป่แหว่ เต๊เห่ จู เกอลอ ลูโหง่.

ทิโมธี อาเหร่อเล๊อ ต๊าบ่า 4:6

เน เก่ อิซว๊าเป่ โป่แหว่ ครี๊พู๊ เต๊เห่ เน๊อ เตเออเต๊เห่ เฮ๊เนอหม่า เน เก่ ทวาดื่อ เหย่ซู่ครี๊ เด๊อ อาหลู่เล๊ เด๊อ อา แร๊ เตเพรปา. เบ๊อะเน เมฮู๊เนอ เบ๊อะเนอ, เน เก่ โบ่ดุแถ่ หนิ เกอดื่อ เนเหน่ เน๊อ เตหมะเตจ๊อ เด๊อ เตหยื่อเตแหน่ อากู เนอเต๊เห่ เน๊อ เตอิซว๊าอี๊แส่ อาแร๊ เด๊อ เน ครวา เมเฮ๊อ เนอเต๊เห่ ปา.