ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6 - ลีเทส่อพ๊าอาเซ เร๊อ เห่ขุทวาลู๊

⁶ ฮู๊เนอเรอ เป โต โอ่เมอ โชตาปา หนิเกอ ฮู๊ อูโร เต๊เห่ โอ่เมอ โชตาปา เนอโต่. เป โตเบ่ โอ่ส่าเซ เร๊อ เป๊อตี๊หรี่ เกอ เร๊อดื่อ เปเหน่.

Eastern Kayah Shadaw Dialect

⁶ ꤟꤢꤨꤔꤣꤧ꤬ꤚꤣꤧ꤬ ꤕꤢꤩ꤬ ꤊꤢꤪ꤬ ꤥ꤬ꤗꤣꤧ꤭ꤒꤣꤧ꤬ꤕꤢ꤬ ꤔ꤫ꤤ꤬ꤊꤣꤧ꤭ ꤟꤢꤨ ꤢꤨ꤭ꤚꤥ꤬ ꤒꤣꤧ꤬ꤟꤢꤩ꤬ ꤥ꤬ꤗꤣꤧ꤭ꤒꤣꤧ꤬ꤕꤢ꤬ ꤔꤣꤧ꤬ꤒꤥ꤬꤯ ꤕꤢꤩ꤬ ꤒꤥ꤭ꤙꤢꤩ꤬ ꤥ꤬ꤞꤢ꤬ꤞꤢꤩ꤭ ꤚꤣꤧ꤬ ꤕꤣꤒꤣꤧ꤬ꤚꤤ꤬ ꤚꤣꤧꤘꤢꤦ꤬ ꤕꤢꤩ꤬ꤔ꤫ꤢꤩ꤬꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

มัทธิว 24:42

“เมฮู๊เนอเรอ โอ่ส่าเซ แลแค, เมเตเฮ๊เรอ ซีแบ่เจ่ เก่ แฮ เบ๊อะเตอเนอ ปา เนอ ซี ซิเง โต่.

ꤜꤢꤨꤊꤢ꤬ 22:46

เหย่ซู่ เฮ๊ เหย่ซี เน๊อ, “ซี โอ่เมอ ตาปา ลอ แลแค ฮู๊เต? แซ่ฮู๊ ซี เก่ จว๊า ตาโน แต่ เด๊อ เตอิลออี๊โหล่ อากู แต่เหม่ เร๊อ ก๊อถ่อกุยจ๊อเบ ลอ มอ แลแค.”

เปโตร อาเหร่อเล๊อ ต๊าบ่า 5:8

อิซว๊าแล เกอเร๊อ เกอ ซีเหน่ เร๊อ โอ่รอโอ่เร เกอ แลแค, โอ่ส่าเซ เกอ แลแค นี๋. โลเน๊มู๊แหม่รีแจ่ กู่กล๊อ เด๊อ อา ซิเถ่ ซี เออ โตโดเนอ อา จว๊าเล แม๊โจแม๊กี อู แซ่เน๊อ แอ๊ซี เด๊อ อาก่ออาเตเง เร๊อ อา เลแม๊ปู แกแย เด๊อ อา เก่ ฉู่กลูโน เหย่ซี ปา เนอเต๊เห่ เจ๊อ.

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”

ꤒꤤꤒꤢꤨ 2:12

จอแปแหร่ อาบุ๊ยอาเตอเรอเออ, อา อิซว๊า เป่ เร๊อ เป เก่วีแก แกล๊ เด๊อ อา มู๊แหม่ เต๊เห่ เร๊อ เห่ขุ อา เตซิหยื่อซิลอ เต๊เห่. กู๊แหน่เรอ จอแปแหร่ อาบุ๊ยอาเตอเรอ อิซว๊า เป เด๊อ เป โตเบ่ ค๊อเบ๊ข่าเบ๊ หนิ เด๊อ เปซิปล่อ. เร๊อ เป โตเบ่ โอ่เซอเพร จ๊อจ๊อเตเต, โท๊โต่ เป โตเบ่ โอ่เซอเพร ฮู๊ อาโต จอแปแหร่ อาซิปล่อ เนอ.

เอเฟซัส 5:14

เต เด๊อ อา เด๊อะ แม๊เถอะโล ซิเง ตาเต แร๊ อู หม่า ตื๊อแพ๊ เตลี แพ๊. ฮู๊เนอเรอ อู เฮ๊ เน๊อ, “เพร โอ่เมอฉว่า, ซิเหน่เกอ เมอ อู, ก๊อถ่อกา เกอเมออู เด๊อ เตเซอ อา เหล่โอ่เออ เนอ. ครี๊ อา เตลีเออ เก่ เตเคตา เด๊อ เนโอ่ ปา.”

เตเด๊อะโลแถ่ 3:2

ฮู๊เนอ อาขว่าอาคยา, โอ่เมอ ปาโต่, ก๊อถ่อมอ, เตแร๊ เด๊อ อา โอ่แก ปา เร๊อ เน เนอเต๊เห่เนอ, อา เตเร เซอเฮ๊อ เด๊อะฉว่าเด๊อะชอแถ่ คยาแซ๊ เมอ อาเนอ, เมเตเฮ๊เรอ, แว แม๊เถอะ เร๊อ เต เด๊อ เน เมโทเฮ๊อ เต๊เห่เนอ, อาเล๊ออาบา ล๋าย เด๊อ แว จอแปแหร่ อา เป๊เส่เง โต่.

เปโตร อาเหร่อเล๊อ ต๊าบ่า 4:7

เตล๋อ ปลี อา เตเร ตื๊อดื่อแกเฮ๊อเนอ อา แฮโต่ ผื่อเฮ๊อ. ฮู๊เนอ อาขว่าอาคยา, แซ่ฮู๊ ซี กุยจ๊อเบเบ๊ เกออู เนอ, โอส่าเซ เกอ แลแค เร๊อ เตอิซว๊าอี๊แส่ แล เกอเร๊อ แลแค ซีเหน่, โท๊โต่ โอ่เซอเพร ชาเผร่ เกอ แลแค นี๋.

โครินธ์ อาเหร่อเล๊อ ต๊าบ่า 16:13

แว โป่แหว่ ซี๋, โอ่ส่าเซ แลแค ซีเหน่ ปว๋า โตโพ๊ นี๋, ก๊อถ่อ แตแนหม่า แลแค เด๊อ ซี เตหยื่อเอ่ ครี๊ เออ อากูเนอ นี๋, แด่ บื่อ เกอ แลแค ซี ซิปล่อ นี๋, แด่ฉว่าแด่ชอ แลแค ซี ซิปล่อ เด๊อ เตหยื่อ อากูเนอ นี๋.

ทิโมธี อาเหร่อเล๊อ ต๊าบ่า 2:9

แว ซิหยื่อ เกอ เน๊อ ล๊อ เพรเหมาะ เต๊เห่ เก่ แด่โตแด่เบ่ แลแค อา เตกือเห่อแซ๊จา เต๊เห่. กือแซ๊ แลแค เต เด๊อ อาโตอาเบ่ เนอเต๊เห่, ตี๊หรี่ สู่เช๊เหน่ เร๊อ อี๊เส่อ แต่ กู๊โล แต่เหม่, กู๊ลาแถ่ แต่ กู๊ลาเท เร๊อ หล่อเซ๊หล่อโพร เต๊เห่ แต่เหม่, เร๊อ กือแซ๊แถ่ แต่ เห่อจา เด๊อ อางูดุงูชอ เนอเต๊เห่ แต่เหม่.

ꤒꤤꤒꤢꤨ 2:6

ฮู๊เนอเฮ๊อ, เด๊อะอ๊าเด๊อะเหร่ เป่เกอ เพรคู หน่าเจ่ เต๊เห่เนอ เร๊อ อา เก่ ค๊อเบ๊ หนิแจ่ เร๊อเกอ แลแค อาซิปล่อ.

ทิโมธี อาเหร่อเล๊อ ต๊าบ่า 3:2

แกแย เด๊อ อา ทวา เพรหยื่อเอ่ตู๊หมู่ตอกล๊อ ทวาดุทวาเต เตเพรเนอ, อู แด่ลู เตซื๊อ เนอ อา เบ่ โอ่หนิ โต่, อา เมเบ่โอ่แพ๊ เตเพรเพร่ว แพ๊, อา เบ่จ่า ซาแรชาเผร่ อาเหน่, อา เบ่ เป๊อแลแจ่ เกอเร๊อ อาเหน่, อา เบ่ ก๊อถ่อโอ่แน ตาโต่ตาเบ่แร๊, อา เบ่ เอ๊โมฉื่อ ซิเผระซิแม เด๊อ อาหี่, อา เบ่ อิซว๊าอี๊แส่แจ่ เต.

โคโลสี 4:2

กุยจ๊อเบ ฉาเผร่ แลแค จอแปแหร่ เร๊อ ซิเหน่ กุยจ๊อเบแถ่ ครือครือ อา นี๋. โอ่ส่าเซ แลแค, เร๊อ โอ่ แลแค เน๊อ เตเฮ๊บุ๊ยเฮ๊เตอเรอ แถ่ อา นี๋.

เอเฟซัส 6:18

กุยจ๊อเบ จอแปแหร่ เร๊อ กุยซิยอ หนิ ลู เด๊อ อา เก่ เมจว่า ซี เตปว๋า เต๊อเจ่อ นี๋. กุยจ๊อเบ แลแค ฮู๊ แหย่โยบูโพ๊แบ่เจ่ ยูแกล๊ยูโกล ซี เนอ ปว๋า โตโพ๊ นี๋. เร๊อ เบ๊อะซี กุยจ๊อเบ ฮู๊เนอ อาเค, โอ่ส่าเซ เร๊อ รอหนิ แลแค ซีเหน่ นี๋. กุยจ๊อเบ หนิเป่ลอ ล๋อ จอแปแหร่ อาแกแย เนอเต๊เห่ ปว๋า โตโพ๊ นี๋.

ꤜꤢꤨꤊꤢ꤬ 21:36

แซ่ฮู๊ ซี เก่ แลเปล๊ แร๊แร๊แจ่ เน๊อ เต เตเร ทวาแถ่ เออเต๊เห่ ปา. โท๊โต่ แซ่ฮู๊ ซี เก่ ก๊อถ่อ เด๊อ แกแยพู๊คู หม่าเฮ๊อ แวเออ เป๊เส่เง ปา เนอเรอ, ส่าเซ เร๊อ กุยจ๊อเบ แลแค ปว๋า โตโพ นี๋.”

ꤜꤢꤨꤊꤢ꤬ 12:39

หม่าแน๊เรอ ซิเงแถ่เบ่ แลแค แว เก่ เฮ๊ เป่ ซี เออเนอ นี๋. หี่แบ่เจ่ เก่ ซิเง เร๊อ เพรเอ่โห่ เตเร แฮ เบ๊อะเฮ๊เนอหม่า อา เก่ โอ่ป่อฉื่อ เร๊อ เพรเอ่โห่ แฮโนบื่อ โต่.

มัทธิว 25:13

“ฮู๊เนอเรอ โอ่ส่าเซ แลแค, เมเตเฮ๊เรอ ม๊อเนอม๊อเซ เด๊อ แกแยพู๊คู เออ เก่ แฮคยาแซ๊ เบ๊อะเนอ ปาเนอ, ซี ซิเงแจ่โต่.

มัทธิว 25:5

กาฉู่แด่เพรคู แฮโต่เบ่ อาแป่เหย่แป่เช อาขว่าอาคยา, เหย่ ซี โอ่เมอคา เร๊อ อา โอ่เมอหนิ ลอ แลแค.

มัทธิว 13:25

อา เว๊อตา โทเรอ เบ๊อะเหย่ซี กา โอ่เมอหนิ ตาปา ลอ ปว๋าเตเพร เบ๊อะเนอ, เพร ซิค๊าซิเถ่ แฮ เว๊อตาเกอ โร๊ย กลุย เต๊เห่ เบ๊อะเหย่ซี โบ๊กูลา อาเกลเนอ, เร๊อ เถ่จว๊าแก.

ทิโมธี เนอบ่า ต๊าบ่า 4:5

หม่าแน๊เรอ เน ลาติเรอ, เป๊อตี๊หรี่ เนเหน่ เด๊อ เตปว๋า เต๊อเจ่อ อากูเนอ นี๋, แด่ทูซิปล่อ เตจาเตจือ เร๊อ เมแพ๊ เพรโด่แน เตซิครือมีลา อา เตเอ่เตแร เร๊อ เมเล๊อบา ลอ ล๋อ เตเอ่เตแร เด๊อ จอแปแหร่ นอเม เน เออเนอ แพ๊ นี๋.

ทิโมธี อาเหร่อเล๊อ ต๊าบ่า 3:11

เหย่ซี อาเม เต๊เห่เนอ เบ่เบ่, อู ปว๋า เตเพร โตเบ่ แด่ดุแด่ทู เหย่ซี, เหย่ซี โตเบ่ แด๊หนิ อูแหย่โย โต่, เหย่ซี เบ่โอแซแรชาเผร่ อาเหน่ เร๊อ เหย่ซี โตเบ่หม่า แกแย เด๊อ อาจ๊อ เน๊อ อาโหง่ เด๊อ เตล๋อ ปลี อากู.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:8

หม่าแน๊เรอ เป หม่า เหมาะเชเกลพู๊ เต๊เห่ อาขว่าอาคยา, เป เบ่ เป๊อตี๊หรี่ เกอเร๊อดื่อ เปเหน่. เป โตเบ่ หยื่อเอ่ แฮเงลา เหย่ซู่ เร๊อ เป โตเบ่ โม แฮเง ลาเร๊อ อู. เป เก่ เมฮู๊เนอ เฮ๊เรอ อาแซ่เน๊อ เปกือแซ๊แถ่ หนิ เฮ๊อ เป จาต่อเท๊ เด๊อ อา เตเกบี๊เกอเร๊อ เปเหน่. เออเนอเฮ๊อ, โทเรอ เป เตแม๊ชือ เด๊อ จอแปแหร่ เก่ เมแลเปล๊กา เป เออเนอหมา อาแซ่เน๊อ เป โก่แถ่ กู๊โก่ ต่อเท๊ เด๊อ อา เตเกบี๊ เกอเร๊อ เป กู่กล๊อ เออเนอเฮ๊อ.

ฟีลิปปี 4:5

เน ซิปล่อ ซิโดซิงา เออเนอ นอแม๊เถอะ ลอ เร๊อ อูปวา เตเพร นี๋. แบ่เจ่ เตเร แฮโน อาผื่อลาเฮ๊อ.

โครินธ์ อาเหร่อเล๊อ ต๊าบ่า 15:34

เตเน ตาโตตาเบ่ คยาแซ๊ แลแค ซี ซิปล่อ เร๊อ วีแก แก ซี เมเตซื๊อ เนอ เต๊เห่. เมเตเฮ๊เรอ เด๊อ ซีเกล เต๊เห่เห่เนอ โต่กู๊แหน่ อา ซิเง ตาเต เกอ ลา อู จอแปแหร่ อาหรี่อาแก โต่. เตโอ่ทวาแถ่ ฮู๊เออ เนอหม่า ซี โตเบ่ ซิเตเร แหน่ เจ๊อ.

เพรโด่แนพู๊ เต๊เห่ 20:31

ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

ꤜꤢꤨꤊꤢ꤬ 12:37

หลู่ เด๊อ อาแบ่เจ่ กาแม๊เถอะ เหย่ซี เร๊อ อา โอ่ส่าเซ, อา โอ่ตี๊หรี่แตเร หนื่ออื่อ แลแค อาเหน่ เต๊เห่เนอ, อา พย๊าหนิ แลแค เตบุ๊ยเตเตอเรอ. แว เฮ๊ หม่าแหน่ เจ๊อ ซี, แบ่เจ่ เออเตเพรเนอ อา เก่ กือแถ่แซ๊แถ่ เพรเมเออเนอ อาเห่อจา เร๊อ อา เก่ นอโอ่แนโอ่ เหย่ซี แซ่เร๊อ ซิเผระ เต๊เห่เนอ ปา, เร๊อ อา เก่ โบ่เอ่โบ่โอ่ เหย่ซี ปา.

ꤗꤢ꤬ꤊꤢꤨ 13:37

เต เด๊อ แว เฮ๊ เป ซีเออ เต๊เห่ เนอหมา, แว เฮ๊โฉ่เป่ เกอลอ อู ปว๋า เพร, ฮู๊เนอเรอ ‘โอ่ป่อ ส่าเซแม๊ฉื่อ แลแค นี๋.’”

มัทธิว 26:38

โทเรอ อา เฮ๊ เหย่ซี เน๊อ, “แว ซิเปลซิหย่อ เซอแกเฮ๊อ, อา แซ่เจ๊อเร๊อ แว เตเร เซอ เจ๊อเฮ๊อเนอ. โอ่แก แลแค เบ๊อะเออ เร๊อ โอ่ส่าเซ แลแค นี๋.”

ทิโมธี อาเหร่อเล๊อ ต๊าบ่า 2:15

หม่าแน๊เรอ เพรเหมาะ เต๊เห่เห่ เนอ, อา เก่ โอ่หม่าโอ่กลอ แลแค เด๊อ อา เตหยื่อเตแหน่ เน๊อ อาเตโม, เน๊อ อาเตโพ๊แปละ อากู เร๊อ อา เก่ โอ่ แลแค เน๊อ อา เต แด่ซิปล่อ ชาเผร่แน เจ่ เฮ๊เนอหม่า, จอแปแหร่ เก่ เมแลเปล๊กา เหย่ซี เบ๊อะเหย่ซี พู๊โอ่ เบ๊อะเนอ ปา.

เอเฟซัส 2:3

เด๋อ อาเหร่อเค เนอหม่า, เป โอ่เซอเพร แซ่เน๊อ เหย่ซี เนอเฮ๊อ. เป โอ่เซอเพร ฮู๊ เป่ ซิปล่อ เหล่โกล ซิหยื่อ เมเตซื๊อ เนอเต๊เห่ แพ๊. เป จว๊าเมโม เปเหน่ เร๊อ เปเหน่กล่อ สุ่ยเทอ เหล่โกล ซิหยื่อ มู๊แหม่ เนอเต๊เห่ เร๊อ เหล่เตเน มู๊แหม่ เต๊เห่. จอแปแหร่ โตเบ่เมจากาคยา เกอ เจ๊อ เป ฮู๊ เหย่ซี เนอ เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

โป่แหว่ ซี, เป ซิหยื่อ นอซิเงเกอ ซี เร๊อ แกแย เด๊อ อา หยื่อเอ่แหน่เอ่เต เร๊อ อา เซอ โทเฮ๊อ เนอเต๊เห่ อาหรี่อาแก. ฮู๊ แกแย เด๊อ อา เตแม๊ชือ โอ่เกออู โต่ เนอเต๊เห่ ซิเปลซิหย่อ เนอ, เป ซิหยื่อ นอทวา เกอ ซี ฮู๊เนอโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

เป เซอ เบ่เบ่, เป เซอเพร เบ่เบ่, แซ่ฮู๊ เป เก่ โอ่เต่อเกอ เร๊อ อาเนอเรอ, อา ข่าเซอ เป่เฮ๊อ เด๊อ เปเง เฮ๊อ.