ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:2 - ลีเทส่อพ๊าอาเซ เร๊อ เห่ขุทวาลู๊

² เมเตเฮ๊เรอ ซี ซิเง ตาเต โทดื่อเฮ๊อ เร๊อ แบ่เจ่ แฮ อาม๊อเนอ ปาเนอ, อาแซ่เน๊อ เพรเอ่โห่ แฮ เด๊อ เหมาะคี๊เค เนอ ปา.

Eastern Kayah Shadaw Dialect

² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤤ꤭ ꤞꤤꤑꤢꤩ꤭ ꤒꤢ꤭ꤒꤢꤩ꤬ ꤓꤥ꤭ꤘꤢꤦ꤬ꤟꤣꤧ ꤔꤢꤧ ꤙꤢꤧ꤬ꤡꤢꤩ꤬ ꤟꤢꤧ꤭ ꤢ꤬ꤗ꤫ꤢꤪ꤬ꤔꤣꤧ꤭ ꤕꤢ꤭ꤔꤣꤧ꤬, ꤢ꤬ꤞꤢꤧꤔꤢꤧ ꤖꤚꤢꤩ꤬ꤢꤩ꤬ꤟꤥ꤬ ꤟꤢꤧ꤭ ꤘꤣ ꤗ꤫ꤢꤪ꤬ꤋꤤꤋꤢꤩ꤭ ꤔꤣꤧ꤬ ꤕꤢ꤭꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:2 ပူးပေါင်းရင်းမြစ်များ

เตเด๊อะโลแถ่ 16:15

เหย่ซู่ครี๊ เฮ๊ เน๊อ, “หนิดา แลแค, แว เก่ แฮ แซ๊เร๊อ เพรเอ่โห่ แฮ เนอ ปา. แกแย เตเพรเพร เด๊อ อา โอ่ ส่าเซ เร๊อ อา โอ่ ตี๊หรี่แตแร หนื่ออื่อ อา เตกือเตแซ๊ เต๊เห่เนอ, อา เก่ พย๊าหนิ เตเด๊อะบุ๊ยเด๊อะเตอเรอ ปา. เหย่ซี เก่ โอ่ตี๊หรี่แตแร หนื่ออื่อ อา เตกือเตแซ๊ ปา เฮ๊เร๊อ, เหย่ซี เก่ จว๊า กะโกล โต่, โท๊โต่ เหย่ซี เก่ ซิเตเร เด๊อ อูเกล โต่.”

เปโตร เนอบ่า ต๊าบ่า 3:10

หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.

เตเด๊อะโลแถ่ 3:3

เมฮู๊เนอเรอ เตเนแถ่เบ่ หนิคยา เตเด๊อ อู อิซว๊า โทเฮ๊อ เนเนอ เต๊เห่ เร๊อ เตเด๊อ เน หนิโฮ โทเฮ๊อ เนอเต๊เห่. จูเอ่ เตเออเต๊เห่ เร๊อ ถู่แหล่แต๊แกละ เนซิปล่อ เนอ. เก่ เน โอ่เมอ ตื๊อดื่อปา เฮ๊เนอหม่า แว เก่ แฮ เด๊อ เนโอ่ ฮู๊ เพรเอ่โห่ เตเพร เนอ ปา. แว แฮ เบ๊อะเกเต ปาเนอ เน ซิเงโต่.

มัทธิว 25:13

“ฮู๊เนอเรอ โอ่ส่าเซ แลแค, เมเตเฮ๊เรอ ม๊อเนอม๊อเซ เด๊อ แกแยพู๊คู เออ เก่ แฮคยาแซ๊ เบ๊อะเนอ ปาเนอ, ซี ซิเงแจ่โต่.

โครินธ์ อาเหร่อเล๊อ ต๊าบ่า 1:8

ช๋า เป แบ่เจ่ เหย่ซู่ครี๊ แฮ อาม๊อเนอ ปา เตอเนอเนอ, แซ่ฮู๊ อู เหล่แด่ เตซื๊อ เด๊อ ซีโอ่ เก่ โอ่ ปา แต่เหม่ อาเงเนอ, แบ่เจ่ เก่ ปื่อหม่าปื่อกลอ เร๊อดื่อ ซี โต่เด๊อ อา ตื๊อดื่อ ปา.

ꤜꤢꤨꤊꤢ꤬ 21:34

“รอหนิ แลแค ซีเหน่ นี๋. เบ๊อะซี เอ่มือโอมือ เบ๊อะเนอ, ซี เมบูเมบย่า เต เนอเต๊เห่ เบ่เบ่, ซี เตเนกู่เตเนแก แลแค เร๊อ ซี เตโอ่เซอเพร เด๊อ เห่ขุเออ ตือทือ เต๊เห่เนอ เบ่เบ่, เมลอ แกเด แต่ ซี ม๊อเนอม๊อเซ เนอเต๊เห่ แต่เหม่ นี๋. ปาหม่า แกแยพู๊คู หม่าเฮ๊อ แวเออ อา แฮโต่คย๊า เด๊อ ซี โอ่ เบ๊อะซี เตเนเต่อโต่ เนอเตอเนอ เนอเตเซ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:4

หม่าแน๊เรอ, โป่แหว่ ซี, ซี โอ่ เด๊อ เตคี๊ ลอ อาเล หม่าโต่ อาขว่าอาคยา, แบ่เจ่ แฮ อาม๊อเนอ เออเนอ, ซี คย๊า แตแนตากยา เจ๊อ ฮู๊ เพรเอ่โห่ แฮโตคย๊า เกอ ซี เนอ โต่.

เธสะโลนิกา เนอบ่า ต๊าบ่า 2:2

แกแย เตเพรเพร เก่ เฮ๊ ซี เร๊อ แบ่เจ่ อาม๊อเนอ แฮโต่ โทเฮ๊อ เฮ๊เนอหม่า เป กุยซิยอ ซี๋, คย๊ายื๊อ ยู งย๊า แลแค แต่เหม่ นี๋, ต๊อหร่อเซ๊ ซิอิเช แลแค แต่เหม่ นี๋. อา เก่ เฮ๊ เป่ เจ๊อ ซี เนอ, จอแปแหร่ นอเฮ๊โพร หนื่ออื่อ แว เก่หม่าโต่เรอ อู แด๊โฉ่ ซิเงโล เป่ แว ฮู๊เนอ อา เฮ๊จ๊อ เบ่เบ่, เก่หม่าโต่เรอ อา เก่ เฮ๊ แลแค เร๊อ ลี แฮโต่ เด๊อ เป โอ่ ต๊าบ่า, อา เก่ เฮ๊จ๊อ ฮู๊เนอ เบ่เบ่ หยื่อเอ่ แลแค แต่เหม่ นี๋.