ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11 - ลีเทส่อพ๊าอาเซ เร๊อ เห่ขุทวาลู๊

¹¹ ฮู๊เนอเรอ, เด๊อะอ๊าเด๊อะเหร่ เกอลู เตเพร เร๊อ เตเพร เร๊อ เมจว่าเลอ เมจว่าเก่ เกอลู เตเพร เร๊อ เตเพร ฮู๊ ซี เม เฮ๊อ กู๊แหน่ เออเนอ นี๋.

Eastern Kayah Shadaw Dialect

¹¹ ꤟꤢꤨꤔꤣꤧ꤬ꤚꤣꤧ꤬, ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤚꤣꤧ꤬ ꤗꤢꤩ꤬ꤡꤝ꤫ꤢ꤬ꤜꤣꤧ꤭ ꤗꤢꤩ꤬ꤡꤝ꤫ꤢ꤬ꤊꤢꤩ꤬ ꤋꤛꤢ꤭ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤟꤢꤨ ꤞꤤ꤭ ꤗꤢꤩ꤬ ꤟꤣꤧ ꤊꤢꤨꤔ꤫ꤢꤧ꤬ ꤣꤧ꤭ꤔꤣꤧ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:11 ပူးပေါင်းရင်းမြစ်များ

เอเฟซัส 4:29

โหง่ เด๊อ อา ทวาบุ๊ยทวาเตอเรอ เด๊อ อูเง โต่ เนอ, นอเถ่เปล๊ แต่ เด๊อ ซี แกกู ตือมื๋อ แต่เหม่ นี๋. แซ่ฮู๊ อา เก่ หนิอ๊าหนิเหร่ เป่ แกแย เด๊อ อา หนิโฮ เต เต๊เห่ อาเงเนอ, เฮ๊เบ่ แลแค แพ๊ โหง่ เด๊อ อา ทวาบุ๊ยทวาเตอเรอ เร๊อ อา เก่ เมจว่า อู เตดุแถ่ทูแถ่ เนอเต๊เห่ แพ๊ นี๋. เฮ๊เบ่แพ๊ แลแค โหง่ เด๊อ อา หนิบุ๊ยหนิเตอเรอ เด๊อ อูเง เนอเต๊เห่ แพ๊ นี๋.

ꤟꤤꤙꤚꤢꤨ 10:25

แกแย เต๊เห่เห่ เนอ, อา วีแก เตจ๊อเบ เต่อโหร่ลู เต๊เห่, หม่าแน๊เรอ เป เร๊อ, วีแก เกอ แต่ อู เป เหล่โกล จ๊อเบ เต่อลูเออ ฮู๊ เหย่ซี เนอเต๊เห่ วีแก เนอ แต่เหม่ นี๋. โท๊โต่, เป เก่ เด๊อะอ๊าเด๊อะเหร่ โหร่ลู เตเพร เร๊อ เตเพร โป๋. แบ่เจ่ เตเร แฮคยา ม๊อเนอม๊อเซ เออเนอ อา ผื่อแถ่เฮ๊อ อาขว่าอาคยา, เป ลื๋อ เด๊อะอ๊าเด๊อะเหร่ ฉว่าเล๊อ เกอเร๊อ โป่ เจ๊อ ลู เตเพร เร๊อ เตเพร โป๋.

ꤚꤥꤗꤢꤩ꤬ 15:2

แซ่ฮู๊ อา เก่ ทวาบุ๊ยทวาเตอเรอ เป่ เด๊อ เหย่ซี อาเง, โทเรอ แซ่ฮู๊ เหย่ซี เก่ ดุแถ่ ทูแถ่ เด๊อ เตหยื่อเตแหน่ อากูเนอ, เป โต ลือเมโม เป่ เป โป่แหว่ ครี๊พู๊ เต๊เห่ อาซิปล่อ.

ꤟꤤꤙꤚꤢꤨ 3:13

โทโต่, กู๊แหน่เออ เตเมแลเปล๊กา เด๊อ จอแปแหร่ เด๊อะ เป เออ แซ่ฮู๊ เตซื๊อ เก่ อิลอแลโฮ แต่ ซี เตเพร๊ แต่เหม่, แซ่ฮู๊ ซี เก่ กู่กล๊อเพรอ แต่ แลแค เตเพร๊ แต่เหม่ อาเงเนอ, ปวาเนอเน๋อ เด๊อะอ๊าเด๊อะเหร่ เมจว่า คยาลู เตเพร เร๊อ เตเพร นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

ฮู๊เนอ อาขว่าอาคยา, โด่แน โม เกอเร๊อ คยา แลแค ซี ซิปล่อ เร๊อ เตหรี่เตแก เออ เตเพร เร๊อ เตเพร นี๋.

ꤚꤥꤗꤢꤩ꤬ 14:19

ฮู๊เนอเรอ, เป เก่ แอ๊จื๊อแอ๊เหร่ โอ่โครโอ่เกล เกอเร๊อ ลู เตเพร เร๊อ เตเพร โทเรอ เป เก่ พย๊าจว่า เมจว่า, เด๊อะอ๊าเด๊อะเหร่ เกอเร๊อ ลู เตเพร เร๊อ เตเพร โป๋.

โครินธ์ อาเหร่อเล๊อ ต๊าบ่า 14:12

ซี เก่ ซิหยื่อ หม่าแหน่ แหย่โยบูโพ๊ แบ่เจ่ เด๊อะครา เชหยู่ เออ เฮ๊เนอ, นว๊าพย๊า แลแค เชหยู่ เด๊อ อา เก่ เม ดุแถ่ทูแถ่ จว๊า เพรหยื่อเอ่ตู๊หมู่ตอกล๊อ เนอเต๊เห่เนอ.

เอเฟซัส 4:12

แซ่ฮู๊ จอแปแหร่ อาแกแย เต๊เห่ เก่ โอ่ ตี๊หรี่แตแร อาเหน่ เร๊อ อา เก่ เม เป่ ลู เตเม อาเง, โท๊โต่ แซ่ฮู๊ อา เก่ เด๊อะฉว่าเด๊อะชอแถ่ เพรหยื่อเอ่อา ตู๊หมู่ตอกล๊อ เด๊อ อา หม่า ครี๊ อาเหน่กล่อเออ อาเงเนอเรอ, อา เด๊อะตา ดื่อเฮ๊อ ฮู๊เนอเฮ๊อ.

ꤛꤢꤨꤘꤢ꤬ 1:20

หม่าแน๊เรอ แว โคแบ๊ซว๊า ซี๋, ซี เบ่ ช๊อแถ่ แฮเงโป่ แลแค ซี เตโอ่เซอเพร เออเนอ เด๊อ ซี เตหยื่อเตแหน่ บูโพ๊ เด๊อ อาชออาแตแนแร๊ เออเนอ อาลู. เร๊อ เบ๊อะซี กุยจ๊อเบ เบ๊อะเนอ, ซิเลเกอเร๊อ แลแค แหย่โยบูโพ๊ แบ่เจ่ ยูแกล๊ยูโกล หนิ ซี เนอเต๊เห่ นี๋.

เอเฟซัส 4:16

ครี๊ ปื่อหม่า โอ่ปล๊อจือ เต่อลอ อาแกแย ซีเต๊เห่ เด๊อ อาแซ่เน๊อ แกแย หรุ่ยถว่า เร๊อ อาครุ๊ยอาคร๊วา เด๊อ จิจือหมะ จิจือ หนิเต่อ ลอ เหน่กล่อ ครือขรว่า เด๊อ อา โค๊ลู เออเนอเต๊เห่ เฮ๊อ. เก่ เหน่กล่อ ครือขรว่า เต๊อเจ่อ เร๊อ เต๊อเจ่อ เก่ เมดื่อ อาเตเม เด๊อ อา โต เม เต๊เห่ เฮ๊เนอหม่า, เหน่กล่อ ชีเพรลอ เก่ ดุแถ่ เร๊อ ชอแถ่ เร๊อ ชอแถ่ ปา. เพรหยื่อเอ่ตู๊หมู่ตอกล๊อ เนอหม่า อา แซ่ ฮู๊เนอ เฮ๊อเฮ๊อ. เพรหยื่อเอ่ เออ ตู๊หมู่ตอกล๊อ เด๊อ อาเตเม โค๊ลู เออเต๊เห่เนอ, อา เก่ โม เกอเร๊อลู เตเพร เร๊อ เตเพร เร๊อ อา เก่ เม หนิเกอเร๊อดื่อ เตเพร เร๊อ เตเพร อาเตเม เฮ๊เนอหม่า, เพรหยื่อเอ่ตู๊หมู่ตอกล๊อ เออ เก่ ดุแถ่ เล๊อบา แฮเง ดื่อ เร๊อ ครี๊ อา เตโพรเตเตอเรอ อาคยา ปา.

โครินธ์ อาเหร่อเล๊อ ต๊าบ่า 10:23

เด๊อ ซีเกล เต๊เห่เห่เนอ อา เฮ๊ แลแค เน๊อ, “เป เม อิเตเต๋ หม่า อาหนิ แพ๊,” ฮู๊เนอ อา เฮ๊ ฮู๊เนอหม่า หม่าแหน่ว๊า หม่าแน๊เรอ อิเตเต๊ หม่า อา ทวาบุ๊ยทวาเตอเรอ ลอ หม่าโต่. “เป เม อิเตเต๊ หม่า อาหนิ แพ๊,” หม่าแน๊เรอ อิเตเต๋ เบ่เบ่ เนอ, อา เด๊อะฉว่าเด๊อะชอแถ่ แจ่ อู เตหยื่อเตแหน่ โต่.

เปโตร เนอบ่า ต๊าบ่า 1:12

ซี ซิเง โทเฮ๊อ เตเออเต๊เห่ เฮ๊อ. เร๊อ ซี โอ่หม่าโอ่กลอ เฮ๊อ เร๊อ เตหมะเตจ๊อ เด๊อ ซี พย๊าหนิ โทเฮ๊อ เนอเต๊เห่ หม่าแน๊เรอ ปวาโพ๊โพ๋ แว เด๊อะ ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ ฮู๊เนอ แพ๊.

โครินธ์ เนอบ่า ต๊าบ่า 12:19

ล๋อ เป รา เป่ ซี เออเต๊เห่ เนอหม่า, ซี เตเน แลแค เร๊อ เป เฮ๊เบ่ เตเกบี๊ เกอเร๊อ ลอ เปเหน่ ฮู๊เนอ เก่. ฮู๊เนอ หม่าโต่, เป เฮ๊เบ่แพ๊ ฮู๊ ครี๊ นอเฮ๊เบ่ เป เนอ แพ๊ เนอหม่า จอแปแหร่ แม๊เถอะ ซิเงดื่อ เฮ๊อ. โคแบ๊ซว๊าโม ซี๋, ล๋อ เป เมเต เออเต๊เห่ เนอหม่า เป เม เด๊อ อา เก่ ทวาบุ๊ยทวาเตอเรอ เด๊อ ซีเง แพ๊.

โครินธ์ อาเหร่อเล๊อ ต๊าบ่า 14:29

ฮู๊เนอเฮ๊อ, แกแย เด๊อ อา เฮ๊โพร จอแปแหร่ อาลาอาโหง่ เต๊เห่เนอ, อา โต เฮ๊โพร แพ๊ ซิเนอ โต่หม่าแน๊ ซิโซ แพ๊. เหย่ซี เฮ๊โพร เออเต๊เห่ เนอหม่า จอแปแหร่ นอเฮ๊โพร หม่า เหย่ซี แอ, หม่าโต่ แอ เนอ, แกแย เด๊อ อา โอ่แก เต๊เห่ โตเบ่ หนิดา เร๊อ เตเนแม๊ ตาเต แลแค เหย่ซี อาเตเฮ๊โพร เออเต๊เห่.

ꤚꤥꤗꤢꤩ꤬ 15:14

โป่แหว่ ซี๋, แว หยื่อเอ่ ตาเต หนิ เจ๊อ ซี เร๊อ ซี โอ่เซอเพร เล๊อบา เจ๊อ เร๊อ เตตว่าเตแร๊, เร๊อ เตซิคว๊าซิเง เด๊อ อาเล๊ออาบา, เร๊อ ซี อิซว๊าอี๊แส่ แจ่ เกอเร๊อ เฮ๊อ แลแค ลู เตเพร เร๊อ เตเพร เฮ๊อ.

ทิโมธี อาเหร่อเล๊อ ต๊าบ่า 1:4

เตเฮ๊โฉ่หนิ เหย่ซี เน๊อ อา เก่ เมลอ แกเด ม๊อเนอม๊อเซ เน๊อ เตแด๊ กู๊นีกู๊โหน่ มู๋ หนู่เค เนอเต๊เห่ เน๊อ เตแด๊กลุยแด๊แล เด๊อ อาทู เนอเต๊เห่ แต่เหม่. เตเนอเต๊เห่ หม่า อา เด๊อะโอ่แถ่ แพ๊ เตเคร๊แขระ ลู, โท๊โต่ อา เมดู๊แด ตาตือ เต่อเกอโป่ดื่อ จอแปแหร่ อาเตเม เด๊อ เป เมแจ่ ตื๊อแพ๊ อา เน๊อ เตหยื่อเตแหน่ เออเนอเนอ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:10

เก่เฮ๊หม่าแหน่หม่า ซี โม เกอเร๊อ ล๊อปลี ซีโป่ซีแหม่ เด๊อ อา โอ่ เด๊อ มาซิโดเนียเก่ เออ เต๊เก่เล เนอเต๊เห่ เจ๊อ. หม่าแน๊เรอ เป แซ่ครวา โป่เกอ ซี เร๊อ ซี เก่ โม เอ๊แถ่ เล๊อ โป่ เจ๊อ เร๊อ เออเนอ นี๋.

โครินธ์ อาเหร่อเล๊อ ต๊าบ่า 14:5

แว ซิหยื่อ เด๊อ ซี ปว๋า เตเพร เก่ พย๊าหนิ ลอ โหง่โค๊ตีกลี๊ อาเชหยู่ เต๊เห่ หม่าแน๊เรอ แว ซิหยื่อเล๊อ เด๊อ ซี ปว๋า เตเพร เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เต๊เห่. เมเตเฮ๊เรอ แกแย เด๊อ อา พย๊าหนิ เชหยู่ เด๊อ อา แด๊โฉ่โด่แน เป่ อู เร๊อ จอแปแหร่ อาลาอาโหง่ ฮู๊ เพรโพร เต๊เห่เนอ, อา โหล่ดุเล๊อ เร๊อ อา หนิบุ๊ยหนิเตอเรอ เล๊อ เน๊อ แกแย เด๊อ อา พย๊าหนิ โหง่โค๊ตีกลี๊ อาเชหยู่ เออเต๊เห่. หม่าแน๊เรอ แกแย เด๊อ อา เฮ๊เบ่ โหง่โค๊ตีกลี๊ เออเต๊เห่ เตเพรเนอ, แกแย เตเพรเพร เด๊อ อา เก่ เฮ๊โฉ่เถ่ โลโปล เป่ อู เน๊อ อา เฮ๊เบ่ โหง่โค๊ตีกลี๊ เออ อาโหง่แลช๊า เก่ โอ่ ตื๊อหม่า, อา หนิบุ๊ยหนิเตอเรอ เป่ เด๊อ เพรหยื่อเอ่เต ตู๊หมู่ตอกล๊อ เต๊เห่ อาเง แพ๊.