ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10 - ลีเทส่อพ๊าอาเซ เร๊อ เห่ขุทวาลู๊

¹⁰ เป เซอ เบ่เบ่, เป เซอเพร เบ่เบ่, แซ่ฮู๊ เป เก่ โอ่เต่อเกอ เร๊อ อาเนอเรอ, อา ข่าเซอ เป่เฮ๊อ เด๊อ เปเง เฮ๊อ.

Eastern Kayah Shadaw Dialect

¹⁰ ꤕꤢꤩ꤬ ꤞꤣꤧ꤭ ꤙꤢꤩ꤬ꤙꤢꤩ꤬, ꤕꤢꤩ꤬ ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤢ꤬ꤔꤣꤧ꤬ꤚꤣꤧ꤬, ꤢ꤬ ꤋꤢꤧꤞꤣꤧ꤭ ꤕ꤫ꤢꤩ꤬ꤟꤣꤧ ꤘꤣ ꤕꤢꤩ꤬ꤑꤢꤩ꤭ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 3:18

เมเตเฮ๊เรอ ครี๊ ข่าเซอ เป่ แพ๊ อาเหน่ เด๊อ อู เตซื๊อ อาเง โตโพ๊แพ๊ เร๊อ อาโทอาปลื๊อ ลา เฮ๊อ, อา โหล่ ข่าเซอ ปาแหน่โต่ เฮ๊อ. แซ่ฮู๊ อา เก่ ซูจว๊า ซี เด๊อ จอแปแหร่ อา โอ่ เร๊อ แกแย จ๊อเต เออเตเพรเนอ, อา แฮ ข่าเซอ เป่โทเฮ๊อ แกแย เตซื๊อพู๊ เต๊เห่ อาเง เฮ๊อ. อู เมเซอ อาเหน่กล่อ หม่าแน๊เรอ จอแปแหร่ เมเซอเพร กาคยา อา เด๊อ แหย่โยบูโพ๊ แบ่เจ่ อากู.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤚꤥꤗꤢꤩ꤬ 8:34

ฮู๊เนอเรอ, หม่าอูเป เตเร เมจากาคยา เหย่ซี เป? เตเพร่ว หม่า อู เมจากาคยา แจ่หนิ เหย่ซี โต่. เมเตเฮ๊เนอ, เหย่ซู่ครี๊ หม่า เพร เด๊อ อา เซอ เด๊อ เป เตซื๊อ อาเง เตเพร, โท๊โต่ จอแปแหร่ เมเซอเพร กาคยา ลู เด๊อ เตเซอ เตเพร. เร๊อ จอแปแหร่ เด๊อ ลู เหล่โอ่ เด๊อ อากู๊ขุ จ๊อทว๊า ตากยา. แซ่ฮู๊ จอแปแหร่ เก่ เมจว่า เป เนอ, เหย่ซู่ โน กุยซิยอ เป่ เฮ๊อ เป เง เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

โทเรอ เป เด๊อ อา โอ่เซอเพรปา เออเต๊เห่เนอ, แซ่ฮู๊ เป เก่ จว๊า แม๊เถอะฉื่อ เกอ เร๊อ แบ่เจ่ เด๊อ ม๊อเล ปาเนอเรอ, จอแปแหร่ เก่ จอแถ่ เต่อเกอ เป เร๊อ เหย่ซี เด๊อ อ๊อโหล่เกล ปา. โทปาเรอ เป เก่ จว๊า โอ่เต่อเกอ เร๊อ แบ่เจ่ ตูจูเพร ตาแลเคร๊ ปา.

โครินธ์ เนอบ่า ต๊าบ่า 5:21

ครี๊เนอ อาเตซื๊อ โอ่ เต๊อเจ๋อ โต่. หม่าแน๊เรอ, แซ่ฮู๊ อา เก่ ปล๊าลีแก เป่ เป เตซื๊อ อาโหน่อาฉู่ เต๊เห่ อาเงเนอ, จอแปแหร่ นอข่าเซอ ลู เด๊อ เป เตซื๊อ อาเง. เด๊อ ครี๊ เม เป่ เฮ๊อ เป ฮู๊เนอ อาขว่าอาคยา, เป เก่ ทวาแถ่ เฮ๊อ เตเต๊อเจ๋อ แพ๊เน๊อ ครี๊ เฮ๊อ เร๊อ, จอแปแหร่ เก่ แด่จ๊อแด่เต เฮ๊อ เป เด๊อ อาเป๊เส่เง ปา.

โครินธ์ เนอบ่า ต๊าบ่า 5:15

เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.

เปโตร อาเหร่อเล๊อ ต๊าบ่า 2:24

แซ่ฮู๊ เป เก่ จิจือปา แต่ เร๊อ เตซื๊อเตปล๊า เต๊เห่ แต่เหม่, โท๊โต่ แซ่ฮู๊ เป เก่ โอ่เซอเพรเบ๊ เกอ เด๊อ เตจ๊อเตเต ปา อาเงเนอเรอ, เบ๊อะอู มือเซอแถ่ ครี๊ เด๊อ อี๊ถื่อดีเต่ลู เบ๊อะเนอ, อา พย๊าแถ่แกเฮ๊อ เป เตซื๊อเตปล๊า เออเต๊เห่ เด๊อ อาเหน่ลู เฮ๊อ. เด๊อ อา ข่าเบ่ เตจาเตจือ เออเต๊เห่ อาขว่าอาคยา, อา แหย่โอ่เหม่แก ลอเฮ๊อ ซี เฮ๊อ.

ꤒꤤꤒꤢꤨ 2:14

แซ่ฮู๊ อา เก่ เมแลเปล๊กา เป เด๊อ เตมู๊แหม่รีแจ่ ล๋อ ปลี เต๊เห่ อากู, โท๊โต่ แซ่ฮู๊ อา เก่ เม อาโพ๊อาแปละ กา เป เร๊อ เป เก่ ทวาแถ่ อาแกแย, โท๊โต่ เป เก่ ซิปล่อฉว่า เมเต เด๊อ อาแร๊ เต๊เห่ อาเงเนอ, อา ข่าเซอ เป่ เฮ๊อ อาซิปล่อ เด๊อ เปเง เฮ๊อ.

ทิโมธี อาเหร่อเล๊อ ต๊าบ่า 2:6

แซ่ฮู๊ อา เก่ อี๊ถ่า กาคยา แกแย เห่ขุพู๊ ล๋อ ปลี อาเงเนอ อา เด๊อะแลแก อา ซิปล่อเซอเพร. อา หม่า เพรข่าเฮ๊โล เด๊อ อา แฮ โตค๊าโตขิ เตเพร.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:13

โป่แหว่ ซี, เป ซิหยื่อ นอซิเงเกอ ซี เร๊อ แกแย เด๊อ อา หยื่อเอ่แหน่เอ่เต เร๊อ อา เซอ โทเฮ๊อ เนอเต๊เห่ อาหรี่อาแก. ฮู๊ แกแย เด๊อ อา เตแม๊ชือ โอ่เกออู โต่ เนอเต๊เห่ ซิเปลซิหย่อ เนอ, เป ซิหยื่อ นอทวา เกอ ซี ฮู๊เนอโต่.

โครินธ์ อาเหร่อเล๊อ ต๊าบ่า 15:3

เตหรี่เตแก เด๊อ อา โหล่ดุเล๊อ อู เด๊อ แว พย๊าหนิ เร๊อ แว เด๊อะตา แฮเง เป่ ซี เออเนอหมา หม่าเฮ๊อ, แซ่ฮู๊ เป เก่ แลเปล๊ เร๊อ เตเมจากาคยา เป เตซื๊อ เออเนอเร๊อ, ครี๊ ข่าเซอ เฮ๊อ อาซิปล่อ เฮ๊อ, ลีเทส่อพ๊ากู เฮ๊ ฮู๊เนอ.

ꤛꤥ꤭ꤟꤢ꤬ 15:13

เตโม เด๊อ อาดุเล๊อ เน๊อ แกแย เตเพรเพร เด๊อ อา ข่าเซอแก เจ๊อ ซิปล่อ เด๊อ อา โคแบ๊ซว๊า เต๊เห่ อาเงเนอ อา โอ่ ปา โต่ เฮ๊อ.

ꤛꤥ꤭ꤟꤢ꤬ 10:17

แวเพ โมหนิเร๊อ แว เมเตเฮ๊เรอ แซ่ฮู๊ แว เก่ เซอเพร กาคยา คยาแซ๊ เนอ, แว เด๊อะแลแก แว ซิปล่อ เซอเพร.

ꤛꤥ꤭ꤟꤢ꤬ 10:11

“แว หม่า เพรเกซิหมิ เด๊อ อาแร๊ เตเพร. เพรเกซิหมิ เด๊อ อาแร๊ เตเพรเนอ อา เด๊อะแลแก อาซิปล่อ เซอเพร เด๊อ ซิหมิ เต๊เห่ อาเง.

มัทธิว 20:28

แกแย พู๊คู, แฮ เด๊อ เห่ขุเออ อาพย๊า ฉื่อ เป เมเป่ อา เนอ หม่าโต่. หม่าแน๊เรอ อาเก่ เมเป่ อู เงแพ๊. แซ่ฮู๊ แกแย เก่ แลเปล๊ กา อาเง เนอ, อา เด๊อ แล แก อา ซิปล่อ เซอเพร เด๊อ เหยซี อาเง เฮ๊อ.”

ꤛꤥ꤭ꤟꤢ꤬ 10:15

อาแซ่เน๊อ เนอเฮ๊อ, แวเพ ซิเง แว เร๊อ แว ซิเง แวเพ, เร๊อ แว เด๊อะแลแก แว ซิปล่อ เด๊อ แว ซิหมิ เต๊เห่ อาเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

เต เด๊อ เป เตเร เฮ๊ เป่ โป่ ซีเออ เต๊เห่เนอหม่า, แบ่เจ่ อิซว๊าอี๊แส่ เร๊อ อาเหน่ เร๊อดื่อเจ๊อ. อา เฮ๊ เนอ, ช๋า แบ่เจ่ เหย่ซู่ แฮ คยาแซ๊ เบ๊อะเนอปาเนอ, เป เด๊อ อา โอ่เซอเพร ปา เออเต๊เห่เนอ, เป กา กาแถ่เหร่อ เร๊อ แกแย เด๊อ อา หยื่อเอ่ เร๊อ อา เซอ โทเฮ๊อ เนอเต๊เห่ หม่าโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:6

ฮู๊เนอเรอ เป โต โอ่เมอ โชตาปา หนิเกอ ฮู๊ อูโร เต๊เห่ โอ่เมอ โชตาปา เนอโต่. เป โตเบ่ โอ่ส่าเซ เร๊อ เป๊อตี๊หรี่ เกอ เร๊อดื่อ เปเหน่.

ทิโมธี เนอบ่า ต๊าบ่า 2:11

เตเฮ๊เบ่ โอ่ เน๊อ, “เป เก่ เซอเต่อเกอ เฮ๊อ เน๊อ ครี๊ เร๊อ เป เก่ เซอเพร เต่อเกอ เน๊อ อา ปา.