ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8 - ลีเทส่อพ๊าอาเซ เร๊อ เห่ขุทวาลู๊

⁸ ฮู๊เนอ อาขว่าอาคยา, แกแย เตเพรเพร เด๊อ อา เท๊ฉื่อ เตอิซว๊าอี๊แส่ เออเนอหมา, อา เท๊ฉื่อ แกแยเห่ขุพู๊ หม่าโต่. อา เท๊ฉื่อเฮ๊อ จอแปแหร่ เด๊อ อา เด๊อ ซี แหย่โยบูโพ๊ แบ่เจ่ เออเตเพร เนอเฮ๊อ.

Eastern Kayah Shadaw Dialect

⁸ ꤟꤢꤨꤔꤣꤧ꤬ ꤢ꤬ꤋꤝꤢ꤬ꤢ꤬ꤋꤛꤢ꤭, ꤊꤣꤧ꤬ꤛꤢꤧ꤭ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤘꤣ ꤢ꤬ ꤓꤢꤩꤏꤢꤦ꤬ ꤒꤢꤩ꤬ꤤ꤬ꤞꤝꤢꤤ꤬ꤞꤢꤧ꤬ ꤣꤧ꤭ꤔꤣꤧ꤬ꤗꤢ꤬, ꤢ꤬ ꤓꤢꤩꤏꤢꤦ꤬ ꤖꤚꤢꤩ꤬ꤜꤢꤨ꤬ꤊꤣꤧ꤬ꤛꤢꤧ꤭ ꤗ꤫ꤢ꤬ꤒꤥ꤬꤯ ꤢ꤬ ꤓꤢꤩꤏꤢꤦ꤬ꤟꤣꤧ ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤘꤣꤧ ꤞꤤ꤭ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤛ꤫ꤢꤧ꤬ꤛꤥ꤬ ꤣꤧ꤭ꤒꤣ꤬ꤖꤚꤢꤩ꤬ ꤔꤣꤧ꤬ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:8 ပူးပေါင်းရင်းမြစ်များ

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:24

แกแย เด๊อ อา จูเอ่ จอแปแหร่ โหง่เฮ๊แก เออเต๊เห่ เนอหม่า อา โอ่หม่าโอ่กลอ เด๊อ จอแปแหร่ อากู เฮ๊อ, เร๊อ จอแปแหร่ โอ่หม่าโอ่กลอ เกอเฮ๊อ เด๊อ เหย่ซี อากู เฮ๊อ. จอแปแหร่ เด๊อ โทเฮ๊อ เป แหย่โยบูโพ๊ แบ่เจ่ อาขว่าอาคยา, อา เด๊อซิเง โทเฮ๊อ เป เร๊อ อา โอ่หม่าโอ่กลอ เด๊อ เปกู เฮ๊อ.

ꤜꤢꤨꤊꤢ꤬ 10:16

เหย่ซู่ เฮ๊ อา โคเจ่ เช๊อซิเนอ เออเต๊เห่ เน๊อ, “แกแย เด๊อ อา หนิดา ซีโหง่ เต๊เห่ เนอหม่า หม่าเฮ๊อ อา หนิดา เฮ๊อ แวโหง่ เฮ๊อ. แกแย เด๊อ อา เท๊แตแอโชโม๊บิแก ซี เต๊เห่ เนอหม่า โชโม๊บิแกเฮ๊อ แว เฮ๊อ. เร๊อ แกแย เด๊อ อา โชโม๊บิแก แว เต๊เห่ เนอหม่า อา โชโม๊บิแก แกแย เด๊อ อา นอตาแล แว เออเนอ เตเพร เฮ๊อ.”

ꤛꤥ꤭ꤟꤢ꤬ 12:48

แกแย เด๊อ อา เคร๊ฉื่อ แว เร๊อ อา พย๊าฉื่อ เกอ แวลาแวโหง่ โต่ เต๊เห่เนอ, เพร เมจากาคยา เหย่ซี อา โอ่ เตเพร. ม๊อเนอม๊อเซ เด๊ออาโน่เล๊อ เบ๊อะเนอปา เนอ, โหง่ เด๊อ แว เฮ๊เบ่ เออเต๊เห่ เก่ ทวา เหย่ซี เพรเมจากาคยา เต ปา.

เปโตร เนอบ่า ต๊าบ่า 1:21

เมเตเฮ๊เรอ, เพรโพร อา เตแด๊โฉ่โด่แน เต๊เห่ เนอหม่า, อา แฮ ฮู๊ แกแย ซิหยื่อ นอแด๊โฉ่ เนอ หม่าโต่. เหย่ซี แด๊โฉ่โด่แน เป่ อู เตหรี่เตแก เออเนอหมา อา แด๊โฉ่โด่แน เป่ อู ฮู๊ แหย่โยบูโพ๊ แบ่เจ่ แด๊โฉ่ เป่ เหย่ซี เนอแพ๊. เร๊อ เตหรี่เตแก เออเนอหมา อา โอ่ เด๊อ จอแปแหร่ อา โอ่ แฮ.

ꤛꤢꤨꤘꤢ꤬ 1:8

แกแย เด๊อ อา แฮโนโห่ เด๊อ ซีเกล เต๊เห่ เนอหม่า อาแซ่เน๊อ เนอเฮ๊อ. เด๊อ เหย่ซี แม๊เถอะลว๊า หนื่ออื่อ เต เต๊เห่ อาขว่าอาคยา, เหย่ซี เมมู๊แหม่ แล เกอ เร๊อ คยาแซ๊ ดื่อ อาเหน่กล่อ เต๊เห่ แพ๊. เหย่ซี เท๊ฉื่อ เตเตอเรอฉว่าชอ เออ เร๊อ อา เป๊อเจ่ออิแช๊ ม๊อขุ เตเน่วพู๊ เด๊อ อาโอ่ เร๊อ อา เตเตอเรอดุเตอเรอทู เนอเต๊เห่.

ꤊꤢ꤬ꤜꤢ꤬ꤒꤤ 4:6

ซี ย๋อ ทวาเฮ๊อ จอแปแหร่ อาพู๊อาเลอ เต๊เห่ อาขว่าอาคยา, เด๊อ เป ซิปล่อกู เออเนอ, จอแปแหร่ ฉู่โนเฮ๊อ อาพู๊คู อา แหย่โยบูโพ๊ เด๊อ อา เอ๊โทแถ่ เน๊อ, “อับบา, เพ” ฮู๊เนอ หม่า อา หนิ เฮ๊อ เออเนอเฮ๊อ.

โครินธ์ อาเหร่อเล๊อ ต๊าบ่า 7:40

หม่าแน๊เรอ อา เก่ พย๊า ปา อาเว โต่ เฮ๊เนอ, อา โมเล๊อ ลู. เออ หม่า หม่าเฮ๊อ แว เตแม๊เถอะ เร๊อ แว เตเตเน เต๊เห่. แว เตเฮ๊เบ่ เออเนอ, แว หยื่อเอ่ เร๊อ แหย่โยบูโพ๊ แบ่เจ่ เด๊อะโล แว แพ๊.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

เปโตร อาเหร่อเล๊อ ต๊าบ่า 1:12

เร๊อ จอแปแหร่ เด๊อะโล เป่ เพรโพร เออเต๊เห่ เร๊อ เหย่ซี เมเต เออเต๊เห่ เนอหม่า เหย่ซีเง เร๊อดื่อ หม่าโต่. เฮ๊ตาเต้าเจ๊อหม่า ซีเง แพ๊. กู๊แหน่เออ เต เออเต๊เห่เนอ อา เฮ๊ เป่ ซี เร๊อ ซี หนิโฮ เฮ๊อ. เด๊อ จอแปแหร่ นอแฮ แหย่โยบูโพ๊ แบ่เจ่ อา เตโพรเตเตอเรอ เด๊อ อา โอ่ เด๊อ ม๊อขุ แฮเร๊อ, อา แฮ แรเตเออ อาขว่าอาคยา, เหย่ซี แฮ แด๊โฉ่ เป่ ซี เร๊อ เตซิครือมีลา เออ เฮ๊อ. ม๊อขุเตเน่วพู๊ เต๊เห่ เจ๊อ เน๋อ อา ซิหยื่อ แม๊ปูซิเง ตาเตเกอ แหน่เจ๊อ เตหรี่เตแก เออเต๊เห่ เจ๊อ.

โครินธ์ อาเหร่อเล๊อ ต๊าบ่า 2:10

หม่าแน๊เรอ, จอแปแหร่ เด๊อะซิเง แฮเง เป่ เป เตเออเต๊เห่ เน๊อ แหย่โยบูโพ๊ แบ่เจ่. แหย่โยบูโพ๊ แบ่เจ่ เออเนอ อา ซิเง ลอ เตปว๊าเต๊อเจ่อ. อา ซิเง เต่อ ลอ เจ๊อ จอแปแหร่ อา เตเตเน เด๊อ อาจ่ออาแย เต๊เห่ เจ๊อ.

เพรโด่แนพู๊ เต๊เห่ 13:41

เพรโพร เฮ๊ เน๊อ, ‘ซี เด๊อ อา เฮ๊เบ่ โตโมจู๊แก่ ดื่อเง เต๊เห่ ซี๋, หนิดา แลแค! คย๊ายื๊อ เร๊อ เซอแก แลแค มอ. เมเตเฮ๊เรอ, เบ๊อะซี ทือเค เออเนอ แว เก่ เม เป่ ซี เตเต๊อเจ่อเจ่อ เด๊อ อู แด๊โฉ่ เป่ เจ๊อ ซี ปา หม่าแน๊เรอ ซี หยื่อเอ่ เกออู ตีกี๋ โต่ เออเนอ ปา,’ เพรโพร เฮ๊ ฮู๊เนอ.”

โครินธ์ เนอบ่า ต๊าบ่า 1:22

โท๊โต่, จอแปแหร่ เมม๊าเมแด เป เออเนอ, อา เด๊อะโล เฮ๊อ เร๊อ เป ทวา เฮ๊อ อาแกแย เฮ๊อ. อา เด๊อะตา เป แหย่โยบูโพ๊ แบ่เจ่ เออเนอหมา อา เมม๊าเมแด เฮ๊อ เป เฮ๊อ. โทเรอ แหย่โยบูโพ๊ แบ่เจ่ เออเนอ, อา แฮโน โอ่เซอเพร เด๊อ เป ซิปล่อกู เร๊อ อา เฮ๊จว่า เป่เกอ เป เร๊อ จอแปแหร่ เก่ เมเล๊อเมบาแถ่ เป่ ลอ เป อา เตอ๊อแล เนอเต๊เห่ ปา.