ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4 - ลีเทส่อพ๊าอาเซ เร๊อ เห่ขุทวาลู๊

⁴ ซี ปว๋า เตเพร โตเบ่ เป๊อตี๊หรี่แล เกอเร๊อดื่อ ซีเหน่ เร๊อ เตโอ่เซอเพร บูโพ๊ เด๊อ อู เก่ แด่หยื่อหนิ ซี เต๊เห่.

Eastern Kayah Shadaw Dialect

⁴ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤒꤥ꤭ꤙꤢꤩ꤬ ꤕꤣꤒꤣꤧ꤬ꤚꤤ꤬ꤜꤢꤧ꤬ ꤚꤣꤧꤘꤢꤦ꤬ ꤞꤤ꤭ꤔ꤫ꤢꤩ꤬ ꤔꤢꤧ ꤒꤢꤩ꤬ꤥ꤬ꤞꤣꤧ꤭ꤖꤚꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤊꤣꤧ꤬ꤛꤢꤧ꤭ ꤘꤣ ꤢꤨ꤭ ꤊ꤫ꤢꤦ꤬ ꤘꤢꤧ꤬ꤛ꤫ꤢꤦ꤬ꤚꤣꤧ ꤞꤤ꤭ ꤒꤣꤧ꤬ꤟꤢꤩ꤬꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:4 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 7:9

หม่าแน๊เรอ ซี เก่ ค๊อเป่ เกอเร๊อ ซี ซิปล่อ โต่ เฮ๊เรอ, ตูรู๊ พย๊า แลแค พู๊เมพู๊เว เนอ. โอ่ เร๊อ หี่ เร๊อ เพร๊ หม่า อาแร๊เล๊อ ปา เจ๊อ เร๊อ ซิปล่อ เตเน ปาต๊าเปอเตอ มู๊แหม่ เนอเต๊เห่ เจ๊อ.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

เปโตร อาเหร่อเล๊อ ต๊าบ่า 3:7

ฮู๊เนอเร๊อ ซี เด๊อ อา ทวา เว เต๊เห่เนอ, เบ๊อะซี เบ่ โอ่เต่อ เร๊อ ซีเม เบ๊อะเนอ, ซิเง จว่า เป่ เกอดื่อ เร๊อ เหย่ซี หม่า อา อ๊าเจ่เหร่เจ่ เล๊อะดื่อเง เร๊อ ซี ฮู๊เนอ นี๋. ซิเง แด่ซิแหน่ซิเเร ฉื่อเกอ ซีเม นี๋. เมเตเฮ๊เรอ จอแปแหร่ เด๊อะครา ซิปล่อเซอเพร เชหยู่ เออเนอ, เหย่ซี พย๊าหนิ แซ่เกอดื่อ เร๊อ ซีซี แพ๊. เบ๊อะซี กุยจ๊อเบ เบ๊อะเนอ, แซ่ฮู๊ เต เก่ เมดู๊แด ตาตือ แต่ ซี แต่เหม่ เนอ, ตูรู๊ เม แลแค ฮู๊เนอ นี๋.

ꤟꤤꤙꤚꤢꤨ 13:4

ล๋อ แกแย เด๊อ อา โอ่ เฮ๊อ เร๊อหี่เร๊อเพร๊ เต๊เห่ อาเงเกอลาติ เนอ, เด๊อ อา โอ่ เฮ๊อ เน๊อ อาพู๊อาเม เออ อาขว่าอาคยา, อา เบ่ แด่ดุหยื่อแหน่ เกอเร๊อ แลแค อา โอ่ เฮ๊อ เน๊อ หี่เร๊อเพร๊ เออเนอ. เม เร๊อ เว เนอ เบ่ กะหนิ ลูขุ โต่, แด่จ๊อ เร๊อ ลู เตเพร เร๊อ เตเพร. แกแย เด๊อ อาซิปล่อ ปาต๊า มู๊แหม่ เนอเต๊เห่ เน๊อ แกแย เด๊อ อา จว๊าซื๊อ อูพู๊อูเม เต๊เห่เนอ, จอแปแหร่ เก่ เมจากาคยา เหย่ซี ปา.

โครินธ์ อาเหร่อเล๊อ ต๊าบ่า 6:15

ซี เหน่กล่อ เออเนอหมา อา หม่าดื่อ ครี๊ อาเหน่กล่อ ครือขรว่า เต๊เห่ เนอหม่า ซี ซิเง โต่ แอ? แว พย๊า ครี๊ อาครืออาขรว่า เออ เร๊อ แว นอโอ่เมอ เต่อ เร๊อ แม๊เผ่โหมะ หม่า อา โต แหน่ แอ? เก่ เมฮู๊เนอหม่า อาหนิ ตีกี๋โต่.

โครินธ์ อาเหร่อเล๊อ ต๊าบ่า 7:2

หม่าแน๊เรอ แกแย เด๊อ อา จว๊าซื๊อ อูพู๊อูเม, อา จว๊าซื๊อ เพรเหมาะเพรคู เต๊เห่ ย๋อ โอ่เอ๊ ตาลว๊าซิลือ อาขว่าอาคยา, เพรคู ปว๋า เตเพร โตเบ่ พย๊า แลแค อาเม, เร๊อ เพรเหมาะ ปว๋า เตเพร โตเบ่ พย๊า แลแค อาเว.

ฟีลิปปี 4:8

โป่แหว่ซี๋, หนิดา แลแค แว เตเฮ๊เบ่ เด๊อคยา ตื๊อดื่อเล๊อ เออเต๊เห่ นี๋. เด๊อ ซี ซิปล่อกู เนอ ซี โต เตเน แคร๋ ฮู๊เตเฮ๊เนอ, ซี โต เตเน ตื๊อแพ๊ เตเด๊อ อาหม่าอาจ๊อ เต๊เห่, เตเด๊อ อู แด่หยื่อแด่แหน่ อา เต๊เห่, เตเด๊อ อาโตอาเบ่ เต๊เห่, เตเด๊อ อา โพ๊แปละโพ๊ เต๊เห่, เตเด๊อ อู ซิหยื่อโมเร๊อ เต๊เห่, เตแด่ซิปล่อสู่เทอ เด๊อ อาตว่าอาแร๊ เต๊เห่, เตเด๊อ อาแร๊ แหน่เจ๊อ เต๊เห่, เตเด๊อ อู โตเบ่ ถู่เซ๊แถ่ เต๊เห่ เนอแพ๊ นี๋.

ꤚꤥꤗꤢꤩ꤬ 6:19

แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.

ꤚꤥꤗꤢꤩ꤬ 1:24

ฮู๊เนอ อาขว่าอาคยา, เหย่ซี ซิปล่อ ซิหยื่อ ปาต๊าเปอเตอ มู๊แหม่รีแจ่ ฮู๊เตเนอ, จอแปแหร่ ปลวา เมแก เหย่ซี แพ๊. เร๊อ เหย่ซี เม ซิเตเร เกอเร๊อ ลอ ลู เตเพร เร๊อ เตเพร.

เพรโด่แนพู๊ เต๊เห่ 9:15

หม่าแน๊เรอ แบ่เจ่ เฮ๊ ลู เน๊อ, “จว๊ามอ, เมเตเฮ๊เรอ แว นว๊าแถ่ เฮ๊อ อา เด๊อ อา เก่ แด๊โฉ่โด่แน เป่ แกแยยิวพู๊ หม่าโต่ เต๊เห่ เร๊อ คุ๊ยจ๊อแผ่ เต๊เห่, เร๊อ อิสราเอลพู๊ เต๊เห่ เร๊อ แวหรี่แวแก ปา.

โครินธ์ เนอบ่า ต๊าบ่า 4:7

หม่าแน๊เรอ เป เด๊อ อา แด๊โฉ่โด่แน เป่ อู เออเต๊เห่เนอ, อา แซ๊ แพ๊ เร๊อ ปอเห่ เด๊อ อู สู่โนโอ่บา อา เร๊อ เตงูดุงูชอ เด๊อ อากู เตเม เนอเฮ๊อ. เตงูดุงูชอ เออเนอหมา หม่าเฮ๊อ เม เตซิครือมีลา เออเนอ เฮ๊อ. อา เมฮู๊เออ เมเตเฮ๊เรอ แซ่ฮู๊ จอแปแหร่ เก่ เด๊อะโล เร๊อ อาเตอเรออาฉว่าซอ เออเนอหมา อา โอ่ เด๊อ เปกู เถ่ หม่าโต่, อา โอ่ เด๊อ ลูโอ่ แฮ แพ๊.