ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17 - ลีเทส่อพ๊าอาเซ เร๊อ เห่ขุทวาลู๊

¹⁷ โทเรอ เป เด๊อ อา โอ่เซอเพรปา เออเต๊เห่เนอ, แซ่ฮู๊ เป เก่ จว๊า แม๊เถอะฉื่อ เกอ เร๊อ แบ่เจ่ เด๊อ ม๊อเล ปาเนอเรอ, จอแปแหร่ เก่ จอแถ่ เต่อเกอ เป เร๊อ เหย่ซี เด๊อ อ๊อโหล่เกล ปา. โทปาเรอ เป เก่ จว๊า โอ่เต่อเกอ เร๊อ แบ่เจ่ ตูจูเพร ตาแลเคร๊ ปา.

Eastern Kayah Shadaw Dialect

¹⁷ ꤓꤥ꤭ꤚꤣꤧ꤬ ꤕꤢꤩ꤬ ꤘꤣ ꤢ꤬ ꤥ꤬ꤞꤣꤧ꤭ꤖꤚꤢꤩ꤬ꤕꤢ꤬ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤗꤢꤧꤓ꤫ꤣꤧ꤬ꤏꤢꤦ꤬ ꤊꤣꤧ꤭ ꤔꤢꤧ ꤙꤢꤧ꤬ꤡꤢꤩ꤬ ꤘꤣ ꤗꤢꤪꤜꤢꤩ꤭ ꤕꤢ꤭ꤔꤣꤧ꤬ꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤡꤢꤪ꤭ꤓꤢꤧ꤬ ꤒ꤫ꤣ꤬ꤊꤣꤧ꤭ ꤕ꤫ꤢꤩ꤬ ꤔꤢꤧ ꤛꤢꤩ꤬ꤞꤤ꤭ ꤘꤣ ꤢꤪꤜ꤫ꤥ꤬ꤊꤜꤢꤩ꤭ ꤕꤢ꤭꤯ ꤓꤥ꤭ꤕꤢ꤭ꤚꤣꤧ꤬ ꤕꤢꤩ꤬ ꤊ꤫ꤢꤦ꤬ ꤡꤝꤢ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤙꤢꤧ꤬ꤡꤢꤩ꤬ ꤒꤣꤧ꤬ꤡꤢꤨ꤬ꤖꤚꤢꤩ꤬ ꤒꤣꤧ꤬ꤜꤢꤧ꤬ꤋꤚꤢꤩ ꤕꤢ꤭꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17 ပူးပေါင်းရင်းမြစ်များ

โครินธ์ อาเหร่อเล๊อ ต๊าบ่า 15:52

ช๋า อา ทวาแถ่ เฮ๊อ ปาเนอ, อาแพร แหน่เจ๊อ ปา, อา เก่ แพรเล๊อ ปา เจ๋อ เร๊อ เป บ่อเกล๊ เปเป๊เส่ เนอ ปา เจ๊อ. ม๊อเนอเด๊อคยา ตื๊อดื่อเฮ๊อ ปา เตอเนอเนอ, เป เก่ หนิโฮ กวา พราแถ่ ปา. เบ๊อะกวา พราแถ่ เบ๊อะเนอ, แซ่ฮู๊ แกแย เด๊อ อา เซอ เต๊เห่ เก่ เซอเพร กาคยา แลแค ตูจูเพร ปา อาเงเนอเรอ, เหย่ซี ก๊อถ่อกา เด๊อ เตเซอ ปา. หม่าแน๊เรอ แกแย เด๊อ อา โอ่เซอเพร โต่ปา เบ๊อะเนอเตอเนอ ปา เต๊เห่เนอ, อาเหน่กล่อ เต๊เห่ เก่ ถู่แหล่ เต๊เปล่ กาลอ ปา.

เตเด๊อะโลแถ่ 11:12

ฮู๊เนอโทเรอ เพรข่าเฮ๊โล เออซิเนอ หนิโฮ โหง่พราแถ่ เด๊อ ม๊อขุ เร๊อ อา เฮ๊ เหย่ซี เน๊อ, “แฮแถ่ แลแค เด๊อเออ” อา เฮ๊ ลู ฮู๊เนอ. เร๊อ เบ๊อะแกแย เด๊อ อา ซิเถ่ ลู เต๊เห่ โอ่ป่อแม๊ เหย่ซี เบ๊อะเนอ, เหย่ซี กากี๊แถ่ โน เด๊อ อ๊อโหล่ ต๊าบ่า อากู เร๊อ อา แถ่ลา เด๊อ ม๊อขุ.

ꤛꤥ꤭ꤟꤢ꤬ 14:3

แว จว๊า ตี๊หรี่แตแร เป่ โท ซี เหล่โอ่ โต๊โผ่ ปา เร๊อ แว กา คยาแซ๊ เด๊อ ซีโอ่ ปา. แซ่ฮู๊ ซี เก่ กา โอ่เต่อเกอ เร๊อ แว เบ๊อะแว เหล่กาโอ่ อาเหล่โอ่ เออปาเนอ, แว แฮ เอ๊กา คยาแซ๊ ดื่อ ซี ปา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

เต เด๊อ เป เตเร เฮ๊ เป่ โป่ ซีเออ เต๊เห่เนอหม่า, แบ่เจ่ อิซว๊าอี๊แส่ เร๊อ อาเหน่ เร๊อดื่อเจ๊อ. อา เฮ๊ เนอ, ช๋า แบ่เจ่ เหย่ซู่ แฮ คยาแซ๊ เบ๊อะเนอปาเนอ, เป เด๊อ อา โอ่เซอเพร ปา เออเต๊เห่เนอ, เป กา กาแถ่เหร่อ เร๊อ แกแย เด๊อ อา หยื่อเอ่ เร๊อ อา เซอ โทเฮ๊อ เนอเต๊เห่ หม่าโต่.

เตเด๊อะโลแถ่ 1:7

แม๊มอ แลแค, อา เตเร แฮเต่อเฮ๊อ เร๊อ อ๊อโหล่ เฮ๋อ. แกแย ปว๋า เตเพร เก่ แม๊เถอะ ลอ อา ปา. แกแย เด๊อ อา ชือเซอ ลู เนอเต๊เห่ เบ่เบ่, อา เก่ แม๊เถอะ ลู ปาปา. เมวเจอะ ปว๊า เตอเจ๊อ เด๊อ เห่ขุเออ เก่โหง่เก่เห่ ลอ เร๊อ อา อาขว่าอาคยา ปา. เต เก่ ทวาแถ่ หม่าแหน่ ฮู๊เออเนอ ป๋า อาเมน.

เพรโด่แนพู๊ เต๊เห่ 1:9

เหย่ซู่ เฮ๊เบ่ โทเร๊อ เบ๊อะอา โคเจ่ เต๊เห่ แม๊ตู่แถ่ อา เบ๊อะเนอ, จอแปแหร่ เอ๊กา กาแถ่แก ลู เด๊อ ม๊อขุ. อ๊อโหล่ ต๊าบ่า โกบี๊แก ลู เร๊อ เหย่ซี แม๊เถอะ ปา ลู โต่.

ꤛꤥ꤭ꤟꤢ꤬ 17:24

“เก๋อ เพ, แกแย เด๊อ เน เด๊อะ เร๊อ แว เออเต๊เห่เนอ, แว โอ่ เบ๊อะโต๊โผ่เนอ, แว ซิหยื่อ เอ๊ โอ่เกอ เหย่ซี เบ๊อะเนอ. แว ซิหยื่อ เด๊อ เหย่ซี เก่ แม๊เถอะ แว เตเตอเรอดุ เตอเรอทู เด๊อ เน เด๊อะ แว เออเต๊เห่, เมเตเฮ๊เรอ, เน โม ปา แว เด๊อ เป แบ๊แล แต่ล๋าย เห่ขุ โต่ เบ๊อะเนอ ปา เจ๊อ.”

ꤛꤥ꤭ꤟꤢ꤬ 12:26

อูเปเป๋ เบ่เบ่, เด๊อ อา ทวา แว หลู่เล๊ เนอ, อา เบ่ครวา เกอ แว. ตื๊อหม่า, แว โอ่เบ๊อะเต๋ โต๊โผ่ เบ่เบ่, อา เก่ โอ่เกอ เบ๊อะเนอ ปา. แวเพ เก่ แด่ดุแด่ทู แกแย เด๊อ อา ทวา แว หลู่เล๊ เนอเตเพร ปา.

เพรโด่แนพู๊ เต๊เห่ 8:39

เบ๊อะเหย่ซี โอ่ เด๊อ เทอกู กากิแถ่ เบ๊อะเนอ, แหย่โยบูโพ๊แบ่เจ่ พย๊าจว๊า โอ่เหม่แก เร๊อ คูฟีลิป. แกแย ทวา กู่กล๊อ เออเตเพร แม๊เถอะ ปา ลู โต่ ตื๊อดื่อเรอ อา ซิครือซิลอ เร๊อ อา กา เป่แฮ ลา เด๊อ อาดอ.

มัทธิว 26:64

เร๊อ แบ่เจ่ เหย่ซู่ เฮ๊ฉื่อ ลู เน๊อ, “อ่อ, เน เฮ๊เนอหม่า อาหม่า, หม่าแน๊เรอ แว เก่ เฮ๊เป่ ลอ ซี ปว๋า เตเพร เร๊อ เนอปาเนอ ซี เก่ แม๊เถอะ แกแย อาพู๊คู เก่โอ่แน เด๊อ จอแปแหร่ อาเตโพร เตเตอเรอฉว่าชอ ฉว่าชอเล๊ออู เออเตเพร อากู๊ขุ จ๊อทว๊า เนอตากยา ปา. โทเรอ แว แถ่แฮ อ๊อโหล่ ปาเนอ ซี เก่ แม๊เถอะปา.”

เตเด๊อะโลแถ่ 12:5

เออโตโพ๊เรอ เพรเหมาะ เออเตเพร พู๊โอ่ เกอเร๊อ เฮ๊อ อา พู๊เพรคู เตเพร เด๊อ อา เก่ เป๊อเทอเก่ ปว๊าเต๊เก่ เร๊อ อิปอ ต่อเท๊ เนอโตโบ ปา. เร๊อ เป๊เจ่พู๊ เออเตเพรเนอ อู พย๊าจว๊า ตาพาแก ลู เร๊อ อู จอแถ่แก ลู เด๊อ จอแปแหร่ อาโอ่ เร๊อ อา พย๊าแถ่แก ลู เด๊อ จอแปแหร่ อา กู่แกล๊เท แถ่โล อาเหล่โอ่ เนอ.

โครินธ์ เนอบ่า ต๊าบ่า 5:8

แว เก่ เฮ๊ เน๊อ, เป หยื่อเอ่เร๊อ แบ่เจ่ เออเนอ อาฉว่าอาชอ เร๊อ เป ซิหยื่อ เถ่จว๊าแก ลา เฮ๊อ เร๊อ เปเหน่กล่อ เออ เร๊อ เป ซิหยื่อจว๊า โอ่เต่อเกอ ลา เฮ๊อ เร๊อ แบ่เจ่ เด๊อ ม๊อขุ เฮ๊อ.

ꤗꤢ꤬ꤊꤢꤨ 14:62

เร๊อ เหย่ซู่ เฮ๊ฉื่อ ลู เน๊อ, “อ่อ, แว เฮ๊อ. เร๊อ ซี เก่ แม๊เถอะ แกแยพู๊คู หม่าเฮ๊อ แวเออ เก่ โอ่แนโอ่ เด๊อ จอแปแหร่ เด๊อ อาฉว่าอาชอ เออเตเพร อากู๊ขุ จ๊อทว๊า เนอตากยา ปา, เร๊อ ซี เก่ แม๊เถอะ แว แด๊แลแฮหนิ ม๊อขุ อา อ๊อโหล่ขุ ปา.”

ฟีลิปปี 1:23

แว โต นว๊าพย๊า เบ๊อะเต๊อเจอะเต เนอ แว ซิเง โต่, อาแหย่ แหน่เจ๊อ เด๊อ แวเง เจ๊อ. แว ซิหยื่อ แด่แก แว เตเซอเพร เออตือทือ เร๊อ แว ซิหยื่อ กาโอ่ เต่อเกอ เฮ๊อ เร๊อ ครี๊ เฮ๊อ, ฮู๊เออเนอหม่า เตเด๊อ อาแร๊เล๊อเฮ๊อ เด๊อ แวเง เฮ๊อ.

เปโตร เนอบ่า ต๊าบ่า 3:13

หม่าแน๊เรอ เป เนอ, เป โอ่ป่อแม๊ชือ เฮ๊อ เตเด๊อ จอแปแหร่ อ๊อแล โท เป่เฮ๊อ เป เร๊อ อา เก่ แบ๊เต๊เปละ เป่ เป ม๊อขุเซ เร๊อ เห่ขุเซ ปา. เร๊อ เหล่โอ่ เบ๊อะเนอโต๊โผ่ ปาเนอ, อู เก่ โอ่เซอเพร เมโต จอแปแหร่ อาซิปล่อ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13

เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:18

ฮู๊เนอ อาขว่าอาคยา, โด่แน โม เกอเร๊อ คยา แลแค ซี ซิปล่อ เร๊อ เตหรี่เตแก เออ เตเพร เร๊อ เตเพร นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:10

เป เซอ เบ่เบ่, เป เซอเพร เบ่เบ่, แซ่ฮู๊ เป เก่ โอ่เต่อเกอ เร๊อ อาเนอเรอ, อา ข่าเซอ เป่เฮ๊อ เด๊อ เปเง เฮ๊อ.