ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13 - ลีเทส่อพ๊าอาเซ เร๊อ เห่ขุทวาลู๊

¹³ เบ๊อะเป แบ่เจ่ เหย่ซู่ แฮแล เต่อ เร๊อ อาแกแย บูโพ๊ เต๊เห่ ล๊อปลี ปา เบ๊อะเนอ, แซ่ฮู๊ อู เหล่แด่ ซี เตซื๊อ เก่ โอ่ ปา แต่เหม่, โท๊โต่ แซ่ฮู๊ ซี เก่ บูโพ๊ เด๊อ เป จอแปแหร่ เร๊อ เปเพ เร๊อดื่อ เออเตเพร อาเป๊เส่เง ปาเนอ, อา เก่ เด๊อะฉว่าเด๊อะชอ เกอเร๊อดื่อ ซี ซิปล่อ อาอ๊าอาเหร่ นี๋.

Eastern Kayah Shadaw Dialect

¹³ ꤙꤣꤧ ꤕꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤟꤢꤧ꤭ꤜꤢꤧ꤬ ꤒ꤫ꤣ꤬ ꤔꤢꤧ ꤢ꤬ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ ꤜꤢꤪ꤭ꤕꤜꤤ꤭ ꤕꤢ꤭ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤋꤚꤝꤢ꤭ꤊꤣꤧ꤭ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤞꤤ꤭ ꤞꤤꤕꤜꤢꤪ꤬ ꤏꤤ꤭ꤗꤢꤩ꤭ꤜꤢꤪ꤭ ꤓꤥ꤭ꤒꤥ꤬ ꤞꤢꤧꤟꤢꤨ ꤢꤨ꤭ ꤜ꤫ꤢꤩ꤬ꤘꤢꤧ꤬ ꤞꤤ꤭ ꤒꤢꤩ꤬ꤞꤢꤦ ꤊ꤫ꤢꤦ꤬ ꤥ꤬ ꤕꤢ꤬ ꤒ꤫ꤢꤧ꤬ꤗꤢꤩ꤬ ꤘꤣ ꤕꤢꤩ꤬ ꤡꤢꤪꤗꤣꤧ꤬ꤚꤢꤧ꤬ ꤔꤢꤧ ꤕꤢꤩ꤬ꤖꤢꤩ꤭ ꤚꤣꤧꤘꤢꤦ꤬ ꤣꤧ꤭ꤒꤣ꤬ꤖꤚꤢꤩ꤬ ꤢ꤬ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤢ꤬ ꤊ꤫ꤢꤦ꤬ ꤘꤣꤧꤏꤝꤢ꤬ꤘꤣꤧꤏꤢꤪ꤭ ꤚꤣꤧꤘꤢꤦ꤬ ꤞꤤ꤭ ꤞꤤꤕꤜꤢꤪ꤬ ꤢ꤬ꤟꤢꤧ꤭ꤢ꤬ꤚꤢꤩ꤬ ꤔꤤ꤮꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:13 ပူးပေါင်းရင်းမြစ်များ

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

โคโลสี 1:22

หม่าแน๊เรอ กู๊แหน่เออ, ครี๊ อาเหน่แบ่เจ่ เร๊อดื่อ แฮ ข่าเซอ อาเหน่ อาขว่าอาคยา, จอแปแหร่ เมโครเกล กาคยา คยาแซ๊ เฮ๊อ ซี เร๊อ อาเหน่กล่อ เร๊อดื่อ เจ๊อ เฮ๊อ. เด๊อ จอแปแหร่ อา เป๊เส่เง ปาเนอ, แซ่ฮู๊ ซี เก่ บูโพ๊ เร๊อ ซี เก่ ลว๊าแก เร๊อ เตซื๊อ, โท๊โต่ อู เก่ แด่แจ่ ปา แต่ เตซื๊อ เด๊อ ซีโอ่ เตเพร่ว แต่เหม่ เนอ, จอแปแหร่ เมโครเกล กาคยา คยาแซ๊เฮ๊อ ซี ฮู๊เนอ เฮ๊อ.

เอเฟซัส 5:27

แซ่ฮู๊ อา เพรหยื่อเอ่อา ตู๊หมู่ตอกล๊อ เก่ ตว่า เก่ แซแร เก่ ลีเตเคแร๊ เด๊อ อา เป๊เส่เง ปาเนอ, อา ข่าเซอ เป่ เด๊อ เหย่ซี อาเง. เร๊อ อา ซิหยื่อ เด๊อ อา เพรหยื่อเอ่ เต ตู๊หมู่ตอกล๊อ, เบ่วี๊เบ่รวา หนิ โต่. เบ่ตีนี โตโน๊หนิโต่, เบ่ มู๊แหม่รีแจ่ หนิ เร๊อ เต เด๊อ อาโร เต๊เห่ โต่. หม่าแน๊เรอ, อา ซิหยื่อ เด๊อ อา เบ่ บูโพ๊ เร๊อ อู เบ่ แด่หนิ เตซื๊อ เด๊อ อาเหน่ลู โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:19

หม่าเมเตเรอ เป ซิหยื่อ จว๊าโอ่เล เกอโป่ แหน่เจ๊อ ซี เฮ๊เนอหม่า, ซี ย๋อ โอ่ เร๊อ ซี เตหยื่อ เด๊อ อาฉว่าอาชอ อาขว่าอาคยา, เป โอ่ เร๊อ เตแม๊ชือ, เป โอ่ เร๊อ เตซิครือซิลอ, เร๊อ เบ๊อะแบ่เจ่ เหย่ซู่ครี๊ แฮ เตอเนอปาเนอ, ซี ทวาเฮ๊อ เป เหล่พย๊าแถ่โลหนิ เป ซิปล่อ เด๊อ อาเป๊เส่เง ปา เฮ๊อ.

ꤛꤢꤨꤘꤢ꤬ 1:14

คูเอโนค เด๊อ อากลุยอาแล ตา เด๊อ เพอาดัม อาทือ โซซว๊าตือทือ เนอเตเพร แด๊โฉ่ หนื่ออื่อ งยา แหน่เจ๊อ เฮ๊อ เร๊อ เหย่ซี เออเต๊เห่ อาหรี่อาแก เร๊อ อา เฮ๊ เน๊อ, “แบ่เจ่ เก่ แฮเต่อ เร๊อ อาม๊อขุ เตเน่วพู๊ บูโพ๊ เต๊เห่ เด๊อ อารี๊ เร๊อ อารี๊กู เจ๊อ ปา.

ꤛꤢꤨꤘꤢ꤬ 1:24

เป เก่ ถู่เซ๊แถ่ โหร่ลู จอแปแหร่ โป๊! แซ่ฮู๊ ซี เก่ แลคื๊อ แต่เหม่ อาเงเนอ, จอแปแหร่ เก่ แม๊ตู่ เมจว่า เร๊อดื่อ ซี นี๋. โท๊โต่ อา เก่ เอ๊กา เบ๊ดื่อ ซี เด๊อ อา เป๊เส่เง ปา เร๊อ ซี เตซื๊อ เก่ โอ่ ปา โต่, เร๊อ ซี เก่ ซิครือซิลอ หม่าแหน่ ดื่อ ปา นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:15

เต เด๊อ เป เตเร เฮ๊ เป่ โป่ ซีเออ เต๊เห่เนอหม่า, แบ่เจ่ อิซว๊าอี๊แส่ เร๊อ อาเหน่ เร๊อดื่อเจ๊อ. อา เฮ๊ เนอ, ช๋า แบ่เจ่ เหย่ซู่ แฮ คยาแซ๊ เบ๊อะเนอปาเนอ, เป เด๊อ อา โอ่เซอเพร ปา เออเต๊เห่เนอ, เป กา กาแถ่เหร่อ เร๊อ แกแย เด๊อ อา หยื่อเอ่ เร๊อ อา เซอ โทเฮ๊อ เนอเต๊เห่ หม่าโต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:11

แซ่ฮู๊ เป เก่ แฮน๊อ คยาแซ๊ เด๊อ ซีโอ่ เนอ, เป จอแปแหร่ เด๊อ อา หม่า เปเพ เหน่เซอเพร เร๊อดื่อ เออเตเพร เร๊อ เป แบ่เจ่ เหย่ซู่ เออ เก่ ตี๊หรี่แตแร โปลแฮ เป่ดื่อ เปแกล๊ ปา นี๋.

ฟีลิปปี 1:10

แซ่ฮู๊ ซี เก่ ซิเงโปล ตาเต แร๊ เต เด๊อ อาแร๊เล๊อ เร๊อ ซี เก่ ซิปล่อ โพ๊แปละโพ๊, โท๊โต่ โต่ ช๋า ครี๊ แฮ คยาแซ๊ อาม๊อเนอ ปา เตอเนอเนอ, อู เก่ แด่แจ่ ปา แต่ เตซื๊อ เด๊อ ซีลู แต่เหม่ เนอ, แว กุยจ๊อเบ เป่ เด๊อ ซีเง.

เธสะโลนิกา เนอบ่า ต๊าบ่า 2:1

โป่แหว่ ครี๊พู๊ ซี๋, แว ซิหยื่อ แด๊โฉ่โล เป่ ซี เร๊อ ช๋า แบ่เจ่ เหย่ซู่ครี๊ แฮ เบ๊อะเนอ ปา อาหรี่อาแก เร๊อ เป เก่ กาโอ่ปล๊อ เต่อคยาลู เด๊อ อา โอ่ ปา อาหรี่อาแก เออเนอ แพ๊.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

ꤚꤥꤗꤢꤩ꤬ 16:25

เด๊อ แว แด๊โฉ่โด่แน โล เป่ อู เร๊อ เตซิครือมีลา เออ เร๊อ เหย่ซู่ครี๊ อาหรี่อาแกเออ อาขว่าอาคยา, จอแปแหร่ เมชอแถ่เบ๊ เป่ เฮ๊อ ซี เตหยื่อ เร๊อ เป เก่ ถู่เซ๊แถ่ อา โป๋. เหย่ซู่ครี๊ อาหรี่อาแก เออเนอหมา, อู แด่โอ๊แด่บี๊ อา อางยาลาเฮ๊อ หม่าแน๊เรอ กู๊แหน่เออ อู เด๊อะโล แถ่เฮ๊อ อา เฮ๊อ.

ꤚꤥꤗꤢꤩ꤬ 14:4

เน จว๊า แด่ เตซื๊อ โต่ เจ๊อ อู เพรแรเต เร๊อ หม่า เน หม่า แกแย ฮู๊เต เตเพร เจ๊อ? อา เม ทวาแถ่ อาเตเม เบ่เบ่, อา เม ทวาแถ่ โต่ เบ่เบ่, อาแบ่เจ่ โอ่ดื่อ เฮ๊อ, เร๊อ อา เก่ เฮ๊ เกอเร๊อดื่อ ลู ปา กอกอ, เมเตเฮ๊เรอ แบ่เจ่ จอแปแหร่ เออเนอ, อา เมจว่า เบ๊แจ่ เป่ เหย่ซี อาขว่าอาคยา, เหย่ซี เก่ เมทวาแถ่เบ๊ ปา.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

โครินธ์ อาเหร่อเล๊อ ต๊าบ่า 15:23

หม่าแน๊เรอ เตก๊อถ่อเซอเพร กาคยา เออเนอ, อา เก่ ทวาแถ่ เต๊อเจ่อ โท เต๊อเจ่อ เออเนอปา. เป ปว๋า เตเพร โตเบ่ โอ่ป่อ โต่เด๊อ ม๊อเนอ โต ก๊อถ่อ เนอเตอเนอ ปา. แบ่เจ่ เหย่ซู่ ก๊อถ่อ เซอเพร เหร่อเล๊อ ปา. โทเรอ ช๋า แบ่เจ่ เหย่ซู่ครี๊ แฮแล คยาแซ๊ ปา เนอ, อา เก่ เม ก๊อถ่อเซอเพร กาคยา แกแย เด๊อ อา หยื่อเอ่ ลู เนอเต๊เห่ ปา.

มัทธิว 25:31

“ช๊า แกแย อาพู๊คูเออ แฮ เร๊อ อาเตอเรอดุเตอเรอทู ปา, เร๊อ อาม๊อขุ เตเน่วพู๊ เต๊เห่ เก่ แฮ เต่อเกอ เน๊อ ลู เบ๊อะเนอ, อา เก่ โอ่แนโอ่ เด๊อ อา กู่แกล๊ แถ่โล เตเค อาขุ ปา.

ꤗꤢ꤬ꤊꤢꤨ 8:38

กู๊แหน่ทือเค เด๊อ อา โอ่ โชชื่อแพ๊ เร๊อ แกแย เด๊อ อา เมซื๊อเมปล๊าเต, แกแย เด๊อ อา ครวาลือเม โต จอแปแหร่ อาซิปล่อ โอ่ ปา โต่ เออเตอทือเนอ, แกแย เตเพรเพร เด๊อ อา ซิเตเร แว, โท๊โต่ อา ซิเตเร แวลาแวโหง่ เออเต๊เห่ เตเพรเพร เนอ, ช๊า แกแยพู๊คู หม่าเฮ๊อ แวเออ เก่ แฮเฮ๊อ เร๊อ แวเพ อา เตอเรอดุเตอเรอทู ปา, เร๊อ แว แฮเต่อเกอ เร๊อ เตเน่วม๊อขุพู๊ บูโพ๊ เต๊เห่ เฮ๊อปา เบ๊อะเนอ, แว เก่ ซิเตเร เกอลาติ อา ปา.”

ꤜꤢꤨꤊꤢ꤬ 1:6

เหย่ซี ซิเนอ ลอ อา โอ่เซอเพร จ๊ออาเตแร๊ ลอ เจ๊อ เด๊อ จอแปแหร่ อา เป๊เส่เง เจ๊อ เร๊อ ฮู๊ แบ่เจ่ จอแปแหร่ อา เตซว๊าเตแส่ เร๊อ อาโหง่เฮ๊แก เต๊เห่ เฮ๊โอ่เนอ เหย่ซี จูเอ่ เมเล๊อ เมบา ลอปลี เจ๊อ.

ꤊꤢ꤬ꤜꤢ꤬ꤒꤤ 1:4

แซ่ฮู๊ ครี๊ เก่ เมแลเปล๊กา เป่ เร๊อ เออตือทือ อา เตมู๊แหม่รีแจ่ เต๊เห่ อาเงเนอ, อา เด๊อะแลแก เฮ๊อ อา ซิปล่อเซอเพร เด๊อ เป่ เตซื๊อเตปล๊า เก่ ปลวาแก อาเง เฮ๊อ. ฮู๊ อา เพ จอแปแหร่ ซิหยื่อ นอเม ลู เต๊เห่เนอ, อา เมกาโทเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:2

เร๊อ เป ซูแล คูทิโมธี เด๊อ ซีโอ่, อา หม่า เป โป่แหว่ เตเพร เร๊อ อา ทวา จอแปแหร่ เพรแรเต เตเพร. อา เมเต่อเกอเต เร๊อ เป, เร๊อ อา แด๊โฉ่โด่แน เป่ อู เร๊อ ครี๊ อา เตซิครือมีลา อาหรี่อาแก. แซ่ฮู๊ อา เก่ เด๊อะอ๊า เด๊อะเหร่หนิ ซี เร๊อ อา เก่ ครอครวาเกอ ซี เตหยื่อเตแหน่ อาคยา เนอเรอ, เป ซูแล อา เด๊อ ซีโอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:17

โทเรอ เป เด๊อ อา โอ่เซอเพรปา เออเต๊เห่เนอ, แซ่ฮู๊ เป เก่ จว๊า แม๊เถอะฉื่อ เกอ เร๊อ แบ่เจ่ เด๊อ ม๊อเล ปาเนอเรอ, จอแปแหร่ เก่ จอแถ่ เต่อเกอ เป เร๊อ เหย่ซี เด๊อ อ๊อโหล่เกล ปา. โทปาเรอ เป เก่ จว๊า โอ่เต่อเกอ เร๊อ แบ่เจ่ ตูจูเพร ตาแลเคร๊ ปา.

เธสะโลนิกา เนอบ่า ต๊าบ่า 1:7

หม่าแน๊เรอ ซี เร๊อ เป ข่าเบ่ เตจาเตจือ เออเต๊เห่เนอ, จอแปแหร่ เก่ เมโม กาคยาแซ๊ดื่อ เป ปา. ช๋า แบ่เจ่ เหย่ซู่ โอ่โลแถ่ เบ๊อะเนอปาเนอ, อา เก่ เมโมแถ่ คยาแซ๊ เป ปา. อา เก่ แฮ เด๊อ หมิแกโลโซ อากู ปา. อา เก่ แฮเต่อ เร๊อ อา เตเน่วพู๊ เด๊อ อา โอ่เร๊อ อา เตโพรเตเตอเรอ เออเนอ เต๊เห่ ปา.

ꤡꤛꤢꤩ꤭ꤗꤢ꤬ꤎꤣ꤬ 5:8

ซี เบ่เบ่ ซี โต แด่ทูซิปล่อ เกอเกอ ฮู๊เนอ. ตูรู๊ แด่หม่าแด่กลอ แลแค ซี เตแม๊ชือ เนอ, เมเตเฮ๊เรอ แบ่เจ่ เก่ แฮ คยาแซ๊ ปาเนอ, อาม๊อเนอ ผื่อลา เฮ๊อ.