ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9 - ลีเทส่อพ๊าอาเซ เร๊อ เห่ขุทวาลู๊

⁹ โป่แหว่ ซี, เป เอ่ แรครือ แหน่เจ๊อ เต เนอหม่า ซี เกล๊ โตม๊าหนิปา แพ๊. เบ๊อะเป แด๊โฉ่โด่แน เป่ ซี เร๊อ จอแปแหร่ อา เตซิครือมีลา เบ๊อะเนอ, แซ่ฮู๊ เป เก่ โบ่เอ่ เกอเร๊อ เป ฮ๊อกูเฉ่, โท๊โต่ แซ่ฮู๊ เป เก่ เมโซพ๊าโซแร แต่ ซี แต่เหม่ เนอเร๊อ, เป แรเต เหมาะคี๊คี๊ เหมาะเชเกล เจ๊อ.

Eastern Kayah Shadaw Dialect

⁹ ꤕ꤫ꤥ꤬ꤠ꤫ꤢꤧ꤬ꤞꤤ꤭, ꤕꤢꤩ꤬ ꤢꤩ꤬ꤚꤢꤧ꤬ꤋꤚꤢꤦ꤭ ꤔꤢꤧ꤬ꤡꤣꤧ ꤒꤢꤩ꤬ ꤔꤣꤧ꤬ꤗꤢ꤬ ꤞꤤ꤭ ꤊꤜꤢꤩ ꤒꤥ꤭ꤗꤢꤕꤢ꤬ ꤖꤢꤧ꤯ ꤙꤣꤧ ꤕꤢꤩ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤢ꤬ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤢ꤬ꤋꤢꤩ꤭ꤔꤣꤧ꤬, ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤙꤥ꤬ꤢꤩ꤬ ꤚꤣꤧꤘꤢꤦ꤬ ꤕꤢꤩ꤬ ꤟꤢꤪꤊꤢꤨ꤭ꤏꤢꤩ꤬, ꤓꤥ꤭ꤒꤥ꤬ ꤞꤢꤧꤟꤢꤨ ꤕꤢꤩ꤬ ꤊ꤫ꤢꤦ꤬ ꤗꤢꤩ꤬ꤓꤥ꤬ꤗꤢꤩ꤬ꤛꤢ ꤒ꤫ꤢꤧ꤬ ꤞꤤ꤭ ꤒ꤫ꤢꤧ꤬ꤗꤢꤩ꤬ ꤔꤣꤧ꤬ꤚꤣꤧ꤬, ꤕꤢꤩ꤬ ꤚꤢꤧ꤬ꤒꤢꤩ꤬ ꤗ꤫ꤢꤪ꤬ꤋꤤꤋꤤ ꤗ꤫ꤢꤪ꤬ꤞꤤ꤭ꤊꤜꤢꤩ꤭ꤊꤜꤢꤩ꤭ ꤡꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:9 ပူးပေါင်းရင်းမြစ်များ

โครินธ์ เนอบ่า ต๊าบ่า 11:9

เบ๊อะแว โอ่เกอ เร๊อ ซี เบ๊อะเนอ, แว เก่ โหล่รือ เฮ๊เนอ, แว กุยน๊อ เน๊อ ซี เตเพร่ว โต่, เมเตเฮ๊เร๊อ ล๋อ เต เด๊อ แว โหล่ เต๊เห่เนอ, เป โป่แหว่ เด๊อ มาซิโดเนียเก่ เต๊เห่ แฮ เมจว่า ลอปลี แว แพ๊. เด๊อ อาเหร่อเค เนอหม่า แว กุยน๊อ เร๊อ ซี เตเมจว่า โตโพ๋ โต่, กู๊แหน่เออ ตาแฮเง เนอหม๋า แว เมกู่เมแก, เมโถ่เมย๊า น๊อ ซี โต่โต่.

เพรโด่แนพู๊ เต๊เห่ 18:3

เร๊อ คูเปาโล โอ่เกอ เร๊อ เหย่ซี เบ๊อะเนอ. เร๊อ อา เมโหร่เกอ เตเร๊อ เหย่ซี, เมเตเฮ๊เร๊อ คูเปาโลเนอ อา โบ่เอ่หนิ แพ๊ ซิปล่อเซอเพร เร๊อ อา เม เหล่สื่อหล่อป่า แซ่เน๊อ เม เร๊อ เว ซิเนอเออ เมเออเนอ แพ๊.

ทิโมธี เนอบ่า ต๊าบ่า 1:3

แว เฮ๊บุ๊ยเฮ๊เตอเรอ จอแปแหร่ เด๊อเนเง. อา หม่า จอแปแหร่ เตเพร เด๊อ แว เม อาเต เน๊อ แว ซิปล่อ อา เหล่เตเน อาโพ๊อาแปละ ฮู๊ แว โหมะเพเพอโพ เด๊อ เด๋อ งย๊า เต๊เห่ เมโทเฮ๊อ เนอเฮ๊อ. เบ๊อะแว ซิเหน่แถ่เบ่ เน ปว๋า โตโพ๊ เบ๊อะเนอ, แว เฮ๊บุ๊ยเฮ๊เตอเรอ จอแปแหร่ เร๊อ แว กุยจ๊อเบ เด๊อ เนเง เหมาะคี๊คี๊ เหมาะเชเกลเกล เจ๊อ.

ทิโมธี อาเหร่อเล๊อ ต๊าบ่า 5:5

เพรเหมาะ เตเพร เด๊อ อา โอ่แคร๊ หม่าแหน่ เร๊อ อู เพรแม๊เพรตุ ลู โอ่โต่ เตเพรเนอ, อา แม๊ชือ อา เตเมจว่า เด๊อ จอแปแหร่ อา โอ่. โทเรอ เหมาะคี๊คี๊ เหมาะเชเกลเกล อา กุยจ๊อเบ โตโมโม เจ๊อ. โท๊โต่ อา กุยซิยอ จอแปแหร่ เร๊อ อา เก่ เมจว่า ลู.

ทิโมธี อาเหร่อเล๊อ ต๊าบ่า 4:10

หม่าเด๊อ เออ อาขว่าอาคยา, เป จ่าเพรอ เมแหน่เจ๊อ เต, เมเตเฮ๊เรอ เป แด่ เป เตแม๊ชือ เด๊อ จอแปแหร่ เด๊อ อา เซอเพร เออเตเพร อาลู. อา หม่า เพรเมแลเปล๊กา แกแย ล๋อ ปลี, หม่าแน๊เรอ แกแย เด๊อ อา หยื่อเอ่ อา เต๊เห่ อาเงเนอ, อา หม่า เมแลเปล๊กา เด๊อ อา ตาเต เล๊ออูโค เตเพรเฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

ซี เบ่เบ่, แกแย เด๊อ อาโร เต๊เห่เนอ เบ่เบ่, แซ่ฮู๊ อา เก่ ถู่เซ๊ หนิเกอ เป เร๊อ เป เม ฮู๊เนอ หม่าโต่.

โครินธ์ อาเหร่อเล๊อ ต๊าบ่า 9:18

เก่เฮ๊ฮู๊เนอเนอ, แว เตเร พย๊าหนิ เกอ อาคว๊าอาเก่ อิเต ปา? อาคว๊าอาเก่ เด๊อ แว พย๊าหนิ เนอหม่า หม่าเฮ๊อ แว โด่แน เป่ อู เตซิครือมีลา เออเนอ เฮ๊อ, อา โต เจ๊อ เด๊อ แว โต กุย เกออู เตเมจว่า หม่าแน๊เรอ แว พย๊า เกออู อาคว๊าอาเก่ โต่ เออเนอ เฮ๊อ.

โครินธ์ อาเหร่อเล๊อ ต๊าบ่า 9:15

อา โต เด๊อ แว โตกุย เจ๊อ ซี เตเมจว่า เจ๊อ หม่าแน๊เรอ แว กุย ซี เตอเจ๋อ โต่. โท๊โต่ แว ซิหยื่อ นอเมจว่า ซี เร๊อ แวเหน่ เร๊อ แว รา เป่ ซี ลีเออเนอ หม่าโต่โต่. แว ซิหยื่อ เมดู๊แด เตซิครือมีลา ตีกี๋ โต่. พื๋อ เร๊อ แว เมฮู๊เนอเรอ, แว เซอแก เน๋อ หม่า อา โมเล๊อ ปา เจ๊อ.

เพรโด่แนพู๊ เต๊เห่ 20:31

ฮู๊เนอ อาขว่าอาคยา, รอเรหนิ แลแค ซิเหน่ นี๋. เร๊อ แว อิซว๊าอี๊แส่ หนิ ซี เหมาะคี๊คี๊ เหมาะเชเกลเกล โซหน่า อากู เจ๊อ. โท๊โต่ ปวา โพโพ๋ แว เป๊เส่เทอตา เด๊อ ซิเง เอ๊แหน่เจ๊อเนอ ซิเงแถ่เบ่ แลแค ดื่อนี๋.

ทิโมธี อาเหร่อเล๊อ ต๊าบ่า 1:11

เตอิซว๊าอี๊แส่ เด๊อ อาจ๊ออาเต เออเนอหมา, แม๊เถอะ แพ๊ เด๊อ เตซิครือมีลา อากู เออเนอ แพ๊. จอแปแหร่ หยื่อเอ่หนิ แว เร๊อ อา เด๊อะ แว เตซิครือมีลา เออ เด๊อ แว เก่ เบ่ เฮ๊โฉ่ตา อาเง เนอแพ๊. เตอิซว๊าอี๊แส่ อาจ๊ออาเต เออเนอหมา อา แฮ เด๊อ เตเด๊อะบุ๊ยเด๊อะเตอเรอ อา จอแปแหร่ ดุ เด๊อ อู ถู่เซ๊แถ่ ลู เออเตเพร อา โอ่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:10

แซ่ฮู๊ เป เก่ แม๊เถอะ ตาฉื่อเบ๊ คยาแซ๊ เร๊อ ซี เร๊อ เป เก่ เมจว่า เอ๊แถ่โป่ ซี เตหยื่อ เด๊อ อา โหล่ เต๊เห่เนอเรอ, เป กุยจ๊อเบ เหมาะคี๊คี๊ เหมาะเชเกลเกล เจ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:2

ฮู๊ ซี ซิเง โทเฮ๊อเนอเฮ๊อ, เบ๊อะเป แฮ แต่เกอลา เด๊อ ซี โอ่โต่ เบ๊อะเนอ, วีฟีลิปปีพู๊ เต๊เห่ เมจาเมจือ เป, โทเรอ เมซิเตเร ลอ เป. อู เม จู๊แก่ ดู๊แด ตาตือ เจ๊อ เป หม่าแน๊เรอ แซ่ฮู๊ เป เก่ แด๊โฉ่โด่แน หนิเป่ ซี เร๊อ จอแปแหร่ อา เตซิครือมีลา เนอเรอ, เป จอแปแหร่ เด๊อะเฮ๊อ เป เตคือฮา เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:3

เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.

ฟีลิปปี 4:16

เบ๊อะแว โอ่ เด๊อ วีเธสะโลนิกา อากู เบ๊อะเนอ เจ๊อ เบ่เบ่, แว โหล่เบ่ เตเมจว่า เร๊อ ซี ซูจว๊าน๊อ เป่ แว เตเมจว่า เนอโซโพ๊ เจ๊อ.

โครินธ์ เนอบ่า ต๊าบ่า 6:5

อูมืออูปอ เจ๊อ เป. อู ด๊อตา เป เด๊อ ทอกู. อู เม ตอปลอตือซือ เป เร๊อ อู เหว่เถ่จว๊าแก เป, เป เอ่แร ซิพร๊าแลแด๊ ปวาเนอปวาเซ เจ๊อ, เตเซ๋ เตเซ โอ่เมอน๊อ โต่ เนอ อาโอ่ อาเซ เอ๊ ลา, โทเรอ เอ่น๊อโอน๊อ โต่ เนอหม่า อา โอ่โอ่.

โครินธ์ อาเหร่อเล๊อ ต๊าบ่า 4:12

แซ่ฮู๊ เป เก่ เอ่เบ่โอน๊อ อาเงเนอ, เป เบ่ จ่าเพรอจ่าหร่อ เอ่แร ดื่อเง เต. เบ๊อะอู อิชอ เป เบ๊อะเนอ, เป เด๊อะบุ๊ยเด๊อะเตอเรอ กาคยาฉื่อ อู. เบ๊อะอู เมจาเมจือ เป เบ๊อะเนอ, เป แด่ทูซิปล่อ ฉื่อ แพ๊ อู แพ๊.

ꤚꤥꤗꤢꤩ꤬ 15:16

จอแปแหร่ อาบุ๊ยอาเตอเรอ อาขว่าอาคยา, อา เด๊อะ แว เตเม เด๊อ แว เก่ เม เหย่ซู่ครี๊ อาเตเม เด๊อ แกแยยิวพู๊ หม่าโต่ เต๊เห่ อาเกล. แซ่ฮู๊ แกแยยิวพู๊ หม่าโต่ เต๊เห่ เก่ ทวาแถ่ เตหลู่ เต๊อเจ่อ เด๊อ จอแปแหร่ เก่ พย๊าฉื่อ อา, โทเรอ เตหลู่ เต๊อเจ่อ เด๊อ แหย่โยบูโพ๊ แบ่เจ่ เมบูโพ๊ โทเฮ๊อ ลู เร๊อ, จอแปแหร่ นว๊าแถ่ โค๊ดื่อเฮ๊อ แว เร๊อ แว เก่ เมเต ฮู๊ เพรหลู่แตเต เด๊อ อา แด๊โฉ่โด่แน โลเป่ อู เร๊อ จอแปแหร่ อา เตซิครือมีลา เนอเตเพร เฮ๊อ.

ꤚꤥꤗꤢꤩ꤬ 1:1

แว หม่า คูเปาโล. แว ราจว๊าเป่ ซี ลี เออต๊าบ่า. แว หม่า เหย่ซู่ครี๊ อาหลู่ เตเพร อา เอ๊ แว เร๊อ แว เก่ ทวาแถ่ เพรโด่แนพู๊ เต๊เห่ เตเพร. โทเรอ อา นว๊าแถ่ แว เร๊อ แว เก่ แด๊โฉ่โด่แน เป่ อู เร๊อ จอแปแหร่ อา เตซิครือมีลา.

ꤜꤢꤨꤊꤢ꤬ 18:7

แกแย เด๊อ จอแปแหร่ นว๊าแถ่ อา เต๊เห่เนอ, เก่ อา กุย เตเมจว่า ปวาเนอปวาเซ เฮ๊เรอ, จอแปแหร่ เด๊อะโตเด๊อะเบ่ เป่ เหย่ซี โต่หม่า อา โอ่แจ่ แหน่ แอ? แซ่ฮู๊ อา เก่ เมจว่า เป่ อู อาเง เนอเร๊อ อา เก่ เมคอเมยอ ปา แอ?

ꤜꤢꤨꤊꤢ꤬ 2:37

อาเว เซอแก ลูเหล่ เร๊อ อา โอ่แคร๊แก เร๊อดื่อ แพ๊. กู๊แหน่เรอ อาหน่า โอ่ เฮ๊อ เชอลุยซว๊า เร๊อ ลุยหน่า เฮ๊อ. อา เถ่จว๊า โตโพ๋ โต่, อา โอ่แพ๊ เบ๊อะเตหลู่แตโฮกูเนอ แพ๊. อา จ๊อบู่จ๊อเบแถ่ จอแปแหร่ เด๊อ เตเตหลู่แตโฮกู เหมาะคี๊คี๊ เหมาะเชเกลเกล เจ๊อ, โท๊โต่ อา โด่เอ่ เหล่เอ่เหล่โอ เร๊อ อา กุยจ๊อเบ ปวาเนอปวาเซ เจ๊อ.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

โครินธ์ อาเหร่อเล๊อ ต๊าบ่า 9:4

แว เม เตเมเออ เร๊อ แว โตเบ่ พย๊าหนิ แหน่ อู เตโบ่เอ่โบ่โอ แว โต่ แอ?

โครินธ์ เนอบ่า ต๊าบ่า 11:27

แว เบ่ เอ่แร ซิพร๊า เร๊อ แว เบ่ จ่าเพรอจ่าหร่อ แร แลแด๊แลดา เจ๊อ แวเหน่. แว โอ่เมอหนิ โต่ เนอหม่า โตโมโม เจ๊อ. แว โต่เจ๊อ เด๊อ เตแลแด๊เอ่ แลแด๊โอ หม่า อา โอ่โอ่. เอ่ก๊อโอบา โต่ โตโมโม เจ๊อ. แว เห่อจา เหล่กือเหล่แซ๊ โอ่ เล๊อบาโต่ เร๊อ แว เบ่ ข่าเบ่ เก่โหร่เก่ชุ๊ย เจ๊อ.