ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12 - ลีเทส่อพ๊าอาเซ เร๊อ เห่ขุทวาลู๊

¹² เมเตเฮ๊เรอ แซ่ฮู๊ ซี เก่ โอ่เซอเพรโต โอ่เซอเพรเบ่ ฮู๊ จอแปแหร่ อาซิปล่อเนอ เร๊อ เป เด๊อะอ๊าเด๊อะเหร่ ซี, เป เฮ๊เบ่โมเฮ๊เบ่แร๊ ซี, เป แฉ่ครวา ซีคยา ปว๋า เตเพร เจ๊อ. จอแปแหร่ หม่า เพร เด๊อ อา เอ๊โน ซี เด๊อ อาเทออาเก่ เร๊อ อา เตอเรอดุทู อากู เตเพรเฮ๊อ.

Eastern Kayah Shadaw Dialect

¹² ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤞꤢꤧꤟꤢꤨ ꤞꤤ꤭ ꤊ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ꤒꤥ꤭ ꤥ꤬ꤞꤣꤧ꤭ꤖꤚꤢꤩ꤬ꤙꤢꤩ꤬ ꤟꤢꤨ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤞꤤꤕꤜꤢꤪ꤬ꤔꤣꤧ꤬ ꤚꤣꤧ꤬ ꤕꤢꤩ꤬ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭, ꤕꤢꤩ꤬ ꤟꤢꤩꤙꤢꤩ꤬ꤗꤥ꤬ꤟꤢꤩꤙꤢꤩ꤬ꤚꤢꤧ ꤞꤤ꤭, ꤕꤢꤩ꤬ ꤏꤢꤧ꤬ꤋꤚꤝꤢ꤭ ꤞꤤ꤭ꤋꤛꤢ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤡꤣꤧ꤯ ꤡꤢꤪꤗꤣꤧ꤬ꤚꤢꤧ꤬ ꤗꤢ꤬ ꤖꤚꤢꤩ꤬ ꤘꤣ ꤢ꤬ ꤢꤩꤔꤥ꤭ ꤞꤤ꤭ ꤘꤣ ꤢ꤬ꤓꤣꤧ꤭ꤢ꤬ꤊ꤫ꤢꤩ꤬ꤊꤢꤨ꤭ ꤔꤢꤧ ꤢ꤬ ꤒꤣꤧ꤬ꤚꤣꤧ꤭ꤘꤢꤨ꤬ꤓꤢꤨ꤭ ꤢ꤬ꤊꤢꤨ꤭ ꤒꤣ꤬ꤖꤚꤢꤩ꤬ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:12 ပူးပေါင်းရင်းမြစ်များ

เอเฟซัส 4:1

ฮู๊เนอ อาขว่าอาคยา, แว กุยซิยอหนิเกอ ซี แซ่เน๊อ อู ด๊อตา แกแย เด๊อ ทอกู เด๊อ แบ่เจ่ อาเง เตเพรเนอ. จอแปแหร่ เอ๊เฮ๊อ ซี เด๊อ ซี เก่ ทวาแถ่ เพรหยื่อเอ่ เออ เต๊เห่ อาขว่าอาคยา, แว กุยซิยอ ซี เร๊อ ซี เก่ โอ่เซอเพร แด่แร๊เกอ ซี ซิปล่อ ฮู๊ เพรหยื่อเอ่ เออ เต๊เห่ โตเบ่ โอ่เซอเพร เนอ.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:6

อูเป เตเพร เบ่เบ่, อา เก่ เฮ๊แถ่โล เฮ๊อ อาเหน่ เร๊อ อา ทวาแถ่เฮ๊อ เตเตอเจ๋อ โต เฮ๊อ เร๊อ จอแปแหร่ เฮ๊อ เฮ๊เนอ, อา โตเบ่ ครวาเค หยิเกอ เหย่ซู่ครี๊ อากู๊โด่ เหล่โกล.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:12

แซ่ฮู๊ แกแย เด๊อ อา หยื่อเอ่แหน่ เกอแต่ลา จอแปแหร่ โต่ เต๊เห่ เก่ แม๊เถอะ ซี เตโอ่เซอเพร เร๊อ เหย่ซี เก่ แด่หยื่อ ซี, โท๊โต่ เต เด๊อ ซี โหล่เอ่โหล่โอ เต๊เห่เนอ, แซ่ฮู๊ ซี เก่ ซิเลแถ่หนิ แต่ อูโร แต่เหม่เนอ, เม แลแค ฮู๊ เป เฮ๊ ซี เนอ นี๋.

เปโตร อาเหร่อเล๊อ ต๊าบ่า 5:10

จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:24

จอแปแหร่ เด๊อ อา เอ๊ ซี เออเตเพรเนอ, อา เก่ เม หม่าแหน่ เป่ดื่อ ซี ฮู๊เนอ ปา, เมเตเฮ๊เรอ อา หม่า จอแปแหร่ เด๊อ อาจ๊อ เร๊อ อาโหง่ เตเพร.

โคโลสี 1:10

แซ่ฮู๊ ซี เก่ โอ่เซอเพร เกอติ เร๊อ แบ่เจ่ โทเรอ แซ่ฮู๊ ซี เก่ เมโม ลู ซิปล่อ อาเงเนอ, เป กุยจ๊อเบ จอแปแหร่ ฮู๊เนอ. โท๊โต่ แซ่ฮู๊ ซี เก่ เมเตแร๊ ปว๊าเต๊อเจ่อ, เร๊อ ซี เก่ เส่แถ่แร๊ เร๊อ ซี เก่ ดุแถ่ดื่อ เด๊อ เตซิเง จอแปแหร่ อากู อาเงเนอ, เป กุยจ๊อเบ เป่ โป่ เด๊อ ซีเง.

เอเฟซัส 5:8

ซี แหน่แบ่เจ่ เร๊อดื่อ เจ๊อ เร๊อ ซี โอ่เซอเพร โทเฮ๊อ เด๊อ เตคี๊เตลอ อาเกล เฮ๊อ. หม่าแน๊เรอ กู๊แหน่เออ ซี ทวาเฮ๊อ แบ่เจ่ อาแกแย เร๊อ ซี โอ่เฮ๊อ เด๊อ เตลี อากู เฮ๊อ. ฮู๊เนอเรอ โอ่เซอเพร แซ่เกอ แลแค ฮู๊ เตลีพู๊ เต๊เห่เนอ นี๋.

เปโตร อาเหร่อเล๊อ ต๊าบ่า 2:9

หม่าแน๊เรอ ซี หม่าเมวเจอะ เต๊อเจ่อ เด๊อ จอแปแหร่ นว๊าแถ่ อา, เพรหลู่แตเต เด๊อ อาแซ่เน๊อ คุ๊ย เต๊เห่, เมวเจอะ เด๊อ อา บูโพ๊, โท๊โต่ จอแปแหร่ อาแกแย เร๊อดื่อ เจ๊อ เต๊เห่ เฮ๊อ. แซ่ฮู๊ ซี เก่ แด๊โฉ่โล จอแปแหร่ อา เตเมแร๊ โค๊ดื่อ เต๊เห่ อาเงเนอ, จอแปแหร่ นว๊าแถ่ ซี เฮ๊อ. จอแปแหร่ เอ๊เถ่แก ซี เด๊อ เตคี๊ อาเล เร๊อ อา ซูโน ซี เด๊อ อา เตลีเตเค โม อากู เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:1

โป่แหว่ ซี, เด๊อ คยาเล๊อเนอ, ซี โตเบ่ โอ่เซอเพร โต เร๊อ จอแปแหร่ อาซิปล่อ ฮู๊เตเนอ, เป อิซว๊า โทเฮ๊อ ซี เฮ๊อ. เร๊อ กู๊แหน่เออ ซี โอ่เซอเพร เนอหม่า อา หม่าเฮ๊อ. กู๊แหน่เออ เป กุยซิยอ ซี เร๊อ เป ครอครวาเกอ ซีคยา เด๊อ แบ่เจ่ เหย่ซู่ อาเหล่โอ่ เนอ, ซี เก่ เม แฮเง เอ๊แถ่เอ๊แถ่ โป่ ฮู๊เนอ.

โคโลสี 2:6

ฮู๊ ซี หยื่อเอ่ โทเฮ๊อ เหย่ซู่ครี๊ ฮู๊ ซี แบ่เจ่ เตเพร เนอ, โอ่เซอเพร เป่แฮ แลแค ฮู๊ แบ่เจ่ ซิหยื่อ นอโอ่เซอเพร ซี เนอ.

เอเฟซัส 5:2

ซี โต โอ่เซอเพร แลแค ฮู๊เต เฮ๊เนอหม่า, โมหนิเร๊อ แลแค อูโร ปว๋า เตอเนอ แซ่เน๊อ ครี๊ โม หนิเกอเร๊อ เป เร๊อ อา ข่าเซอ อาซิปล่อ เด๊อ เปเง เนอ นี๋. โท๊โต่ ครี๊ หลู่แถ่ อา ซิปล่อเซอเพร เด๊อ จอแปแหร่ อา เป๊เส่เง แซ่เน๊อ เตโนมื๊อโนชือ เด๊อ อาโต จอแปแหร่ อาซิปล่อ เออเนอ เฮ๊อ.

ꤊꤢ꤬ꤜꤢ꤬ꤒꤤ 5:16

ฮู๊เนอเรอ แว เฮ๊ ซี, โอ่เซอเพร แลแค ฮู๊ แหย่โยบูโพ๊ แบ่เจ่ ยูแกล๊ยูโกล หนิ ซี เนอ นี๋. ซี เก่ เมฮู๊เนอ ตื๊อเรอ ซี ลือครวา เม ปา ซี สุ่ยเทอพ๊าหย่า อา เตซิหยื่อซิลอ โต่ เฮ๊อ.

โครินธ์ อาเหร่อเล๊อ ต๊าบ่า 1:9

จอแปแหร่ เออเตเพร หม่า เหล่หยื่อเอ่หนิ แหน่เจ๊อ. อา หม่า เพร เด๊อ อา เอ๊ ซี เร๊อ อา ซิหยื่อ นอ แบ๊ซว๊าแบ๊โค ซี เน๊อ อาพู๊คู หม่าดื่อเฮ๊อ เป แบ่เจ่ เหย่ซู่ครี๊ เออเตเพรเนอ เฮ๊อ.

ฟีลิปปี 1:27

อา ทวาแถ่ ฮู๊เต๋ เบ่เบ่, ซี โต โอ่เซอเพร แลแค ฮู๊ ครี๊ อา เตซิครือมีลา แด๊โฉ่ เป่ ซีเนอ นี๋. ซี เก่ เมฮู๊เนอ เฮ๊เร๊อ แว แฮแม๊เถอะ ซี เบ่เบ่, แว โอ่ตาพายา เร๊อ ซี เร๊อ แว หนิโฮ แพ๊ ซีหรี่ซีแก เบ่เบ่, แว เก่ ซิเง แหน่ดื่อเฮ๊อ เร๊อ ซี ซิปล่อ จี่จื่อเฮ๊อ ลู เร๊อ ซี ก๊อถ่อช๊าฉื่อ แตแนโหร่เฮ๊อ ลู เด๊อ เตซิครือมีลา อา เตหยื่อเตแหน่ อาเงเฮ๊อ. โท๊โต่ ซี ชิอิเช ปา แกแย เด๊อ อา ซิเถ่ซิฮา ซี เนอเต๊เห่ อาเหล่ โต่เฮ๊อ. ซี เก่ เมฮู๊เนอ เฮ๊เรอ ซี ข่าเฮ๊โล เป่เฮ๊อ เหย่ซี เร๊อ จอแปแหร่ เก่ เมปย๊าแก เหย่ซี ปา, เร๊อ จอแปแหร่ เก่ เมแลเปล๊กา ลาติ ซี เร๊อ อาเหน่ เร๊อดื่อ ปา.

เปโตร อาเหร่อเล๊อ ต๊าบ่า 3:9

เมมู๊แหม่รีแจ่ ฉื่อ แต่ อู แต่เหม่ นี๋, อิชอ กาคยา ฉื่อ แต่ อู แต่เหม่, หม่าแน๊เรอ เด๊อะบุ๊ยเด๊อะเตอเรอ กาคยา ฉื่อ อู นี๋. เมเตเฮ๊เรอ จอแปแหร่ เอ๊ ซี เด๊อ ซี เก่ เมแร๊ กาคยาฉื่อ อู ฮู๊เนอ. แซ่ฮู๊ จอแปแหร่ เก่ เด๊อะบุ๊ยเด๊อะเตอเรอ ซี เนอ เร๊อ เม แลแค ฮู๊เนอ นี๋.

ทิโมธี เนอบ่า ต๊าบ่า 1:9

แซ่ฮู๊ เป เก่ ทวาแถ่ จอแปแหร่ อา เพรบูโพ๊พู๊ เร๊อดื่อ เต๊เห่ อาเงเนอเรอ, อา เมแลเปล๊กา เฮ๊อ เป เฮ๊อ, เร๊อ อา เอ๊ เฮ๊อ เป เฮ๊อ, เด๊อ เป เมโทเฮ๊อ เตเอ่เตแร เนอเต๊เห่ อาขว่าอาคยาเร๊อ, อา เอ๊ เป เนอ หม่าโต่. เออ หม่า หม่าดื่อ อา เตเตเนหนื่ออื่อ เน๊อ อาบุ๊ยเตอเรอ เร๊อดื่อ แพ๊. เบ๊อะอา แบ๊แล แต่ล๋าย เห่ขุ โต่เนอ, อา เด๊อะแล เป เตบุ๊ยเตเตอเรอ เออเนอ เด๊อ เหย่ซู่ครี๊ อากู เออเนอเฮ๊อ.

ꤚꤥꤗꤢꤩ꤬ 8:28

แกแย เด๊อ อา โม จอแปแหร่, เร๊อ จอแปแหร่ เอ๊ ลู เน๊อ อา เหล่เตเน แม๊ชือ หนื่ออื่อ อาเง เต๊เห่เนอ, เตเมทวาแถ่ อาเหน่ เน๊อ เหย่ซี ฮู๊เตเต๋ เบ่เบ่เนอ, จอแปแหร่ เม เป่ เตแร๊ เด๊อ เหย่ซี เง เนอหม่า, เป ซิเง แพ๊.

ꤚꤥꤗꤢꤩ꤬ 8:30

โท๊โต่, แกแย เด๊อ จอแปแหร่ แด่แล หนื่ออื่อ โทเฮ๊อ อาซิปล่อ เร๊อ เหย่ซี มู๋ หนู่เค เออเต๊เห่เนอ, อา เอ๊เฮ๊อ เหย่ซี เด๊อ อา เก่ ทวาแถ่เฮ๊อ อาแกแย เฮ๊อ. โทเรอ แกแย เด๊อ อา เอ๊ เกอเร๊อ เออเต๊เห่เนอ, อา แด่จ๊อแด่เต โทเฮ๊อ เหย่ซี เฮ๊อ. โท๊โต่ แกแย เด๊อ อา แด่จ๊อแด่เต โทเฮ๊อ เออเต๊เห่เนอ, อา เด๊อะเฮ๊อ เหย่ซี เร๊อ อา เตอเรอดุเตอเรอทู เต๊เห่ เฮ๊อ.

เห่ขุทวาลู่ 5:22

เบ๊อะ อา พู๊โอ่ โทเฮ๊อ คูเมธูเสลาห์ เบ๊อะเนอ, อา โอ่เซอเพร แบ๊ซว๊าเค๊โค เน๊อ จอแปแหร่ดุ อาหน่า โซเย, เร๊อ อา พู๊โอ่ หนิโป่ พู๊เหมาะ พู๊คู เด๊อ อาโร เต๊เห่.

โครินธ์ เนอบ่า ต๊าบ่า 4:6

เบ๊อะจอแปแหร่ แบ๊แล เตล๋อ ปลี เบ๊อะเนอ, อา เฮ๊ เน๊อ, “เตคี๊ เก่ ซ๊อซื๊อ ตาพา จว๊าแก เร๊อ เตลี เก่ โอ่โลแถ่ ดื่อ นี๋,” อา เฮ๊ ฮู๊เนอ. จอแปแหร่ เมโท เป่ เกอดื่อ เฮ๊อ เป ฮู๊เนอ เฮ๊อ. เบ๊อะเป ซิเง แต่ล๋าย ครี๊ โต่ เบ๊อะเนอ, เป ซิปล่อ เออ อา คี๊ตาปา แพ๊ หม่าแน๊เรอ จอแปแหร่ เมลีกา เป่ เป ซิปล่อ เฮ๊อ. แซ่ฮู๊ เป เก่ ซิเงโปลแร๊ จอแปแหร่ อา เตลีเตเตเค เด๊อ อา เด๊อะโลแถ่ แฮเง เร๊อ ครี๊ เออเต๊เห่เนอ, อา หม่า เพร เด๊อ อา อิชีลีแถ่ เป่ เป ซิปล่อ อา เตเตเน เต๊เห่ เตเพร เฮ๊อ.

เธสะโลนิกา เนอบ่า ต๊าบ่า 1:10

ช๋า แบ่เจ่ เหย่ซู่ แฮคยาแซ๊ อาม๊อเนอ เตอเนอ ปาเนอ, อา เก่ ทวาแถ่ ดื่อ ฮู๊เนอ ปา. เบ๊อะเนอเตอเนอ ปาเนอ, แบ่เจ่ เหย่ซู่ เก่ พย๊าหนิ เตเตอเรอดุเตอเรอทู เด๊อ อา แกแย บูโพ๊ เต๊เห่ อาโอ่ ปา. เร๊อ แกแย เด๊อ อา หยื่อเอ่ ลู เต๊เห่เนอ, อา เก่ คย๊ายื๊อ ลอ ลู ปา. ฮู๊เนอเรอ ซีเออ เต๊เห่เห่ เบ่เบ่, ซี เก่ ถู่เซ๊แถ่ เต่อเกอ เด๊อ เหย่ซีเกล ปา, เมเตเฮ๊เรอ ซี ย๋อ หยื่อเอ่ โทเฮ๊อ เตซิครือมีลา เด๊อ เป แด๊โฉ่โด่แน โทเป่ เฮ๊อ ซี เนอเต๊เห่ เฮ๊อ.

เปโตร เนอบ่า ต๊าบ่า 1:3

เด๊อ เหย่ซู่ครี๊ อา เตโพรเตเตอเรอ เออ อาขว่าอาคยา, เบ๊อะเป ซิเงแฮ โป่เฮ๊อ ลู เบ๊อะเนอ, แซ่ฮู๊ เป เก่ โอ่เกอ เร๊อ ซิปล่อเซอเพร, โทเร๊อ แซ่ฮู๊ เป เก่ เมเกอฮู๊ อาโต ลูซิปล่อ อาเงเนอ, อา เด๊อะตา เฮ๊อเป ล๋อ เป โหล่ เนอเต๊เห่ เฮ๊อ. เด๊อ อา เตโพรเตเตอเรอ เด๊อ อาดุอาทู เร๊อ อาเตแร๊ หม่าแหน่ เร๊อดื่อ เออเต๊เห่ อาขว่าอาคยาเร๊อ อา เอ๊ เป่ เฮ๊อ.

ยอห์น โซบ่า ต๊าบ่า 1:6

เหย่ซี โด่แนโล แลแค เป่ เพรหยื่อเอ่เออ ตู๊หมู่ตอกล๊อ เบ๊อะเออ เต๊เห่ เน๊อ เน เตโม อาหรี่อาแก. แซ่ฮู๊ เหย่ซี เก่ จว๊า แฮเง หนิโป่ แกล๊ เด๊อ เง ตากยาเนอ, แด่ทูซิปล่อ เร๊อ เมจว่า เป่ เหย่ซี ฮู๊ อาโต เร๊อ จอแปแหร่ อา เตซิหยื่อ เนอเต๊เห่ นี๋.