ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10 - ลีเทส่อพ๊าอาเซ เร๊อ เห่ขุทวาลู๊

¹⁰ เบ๊อะเป โอ่เต่อเกอ เน๊อ ซี เพรหยื่อเอ่ เออ เต๊เห่ เบ๊อะเนอ, เป โอ่เซอเพร บูโพ๊, เป โอ่จ๊อโอ่เต, โทเรอ เป เมเตซื๊อ โต่ เนอ ซี ซิเงดื่อเฮ๊อ. เป หม่า แกแย ฮู๊เต เต๊เห่เนอหม่า, ซี เร๊อ จอแปแหร่ เก่ ข่าเฮ๊โล ดื่อ เฮ๊อ.

Eastern Kayah Shadaw Dialect

¹⁰ ꤙꤣꤧ ꤕꤢꤩ꤬ ꤥ꤬ꤒ꤫ꤣ꤬ꤊꤣꤧ꤭ ꤔꤢꤧ ꤞꤤ꤭ ꤖꤚꤢꤩ꤬ꤛ꤫ꤢꤦ꤬ꤢꤩ꤬ꤒꤢꤩ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤋꤢꤩ꤭ꤔꤣꤧ꤬, ꤕꤢꤩ꤬ ꤥ꤬ꤞꤣꤧ꤭ꤖꤚꤢꤩ꤬ ꤖꤥꤏꤣꤧ, ꤕꤢꤩ꤬ ꤥ꤬ꤡꤢꤪꤥ꤬ꤒꤢꤩ꤬, ꤓꤥ꤭ꤚꤣꤧ꤬ ꤕꤢꤩ꤬ ꤗꤢꤩ꤬ꤒꤢꤩ꤬ꤞꤢꤦ ꤒꤥ꤬ ꤔꤣꤧ꤬ ꤞꤤ꤭ ꤞꤤꤑꤢꤩ꤭ꤘꤢꤦ꤬ꤟꤣꤧ꤯ ꤕꤢꤩ꤬ ꤗꤢ꤬ ꤊꤣꤧ꤬ꤛꤢꤧ꤭ ꤟꤢꤨꤒꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ꤗꤢ꤬, ꤞꤤ꤭ ꤔꤢꤧ ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤋꤢꤧꤟꤢꤩꤏꤥ꤭ꤜꤥ꤭ꤘꤢꤦ꤬ ꤒꤢꤩ꤬ ꤟꤣꤧ꤯

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:10 ပူးပေါင်းရင်းမြစ်များ

เปโตร อาเหร่อเล๊อ ต๊าบ่า 5:3

เพรหยื่อเอ่เต ตู๊หมู่ตอกล๊อ เด๊อ จอแปแหร่ นอแม๊ นอตู่หนิ ซี เออเต๊เห่เนอ, นอเอ่ ซี เตอเรอฉว่าชอ เร๊อ เป๊อฉว่าเป๊อชอ หนิ เหย่ซี แต่เหม่ นี๋. หม่าแน๊เรอ, ทวาเป่ดื่อ ซิหมิ เนอตู๊หมู่ อาเหล่แม๊บือเกอ ซี นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:5

เมเตเฮ๊เรอ เป พย๊าแฮ เป่ ซี เตซิครือมีลา เออเนอหมา ตื๊อแพ๊ เป กู๊อู่ อา เตเฮ๊เบ่ เนอหม่าโต่. เตซิครือมีลา เออเนอหมา, อาโอ่ เร๊อ อา เตอเรอฉว่าชอ, อาโอ่ เร๊อ แหย่โยบูโพ๊ แบ่เจ่, อาโอ่ เร๊อ เตหยื่อเอ่ ลอหล่าตี๊กลิ เตซิครือมีลา อา เตจ๊อเตเต เออเต๊เห่. เร๊อ เบ๊อะเป โอ่เกอ เร๊อ ซี เบ๊อะเนอ, เป หม่า แกแย ฮู๊เต เต๊เห่เนอหม่า, ซี ซิเง โทดื่อเฮ๊อ. เออเนอหมา เป โอ่เซอเพร เป่ เด๊อ ซี เหล่หนิบุ๊ย หนิเตอเรอ อาเง แพ๊.

โครินธ์ เนอบ่า ต๊าบ่า 1:12

หม่าเมเตเรอ เป เฮ๊เบ่แถ่โล บื่อ เปโหง่ เฮ๊เรอ, เด๊อ เป ซิปล่อกูเออ เป ซิเง ตาเต เร๊อ เป เมซื๊อเมปล๊า, เป เฮ๊ซื๊อน๊อ อู เตเพร่ว โต่, โท๊โต่ เป แด่ จ๊อจื้อแพ๊ เป ซิปล่อสู่เทอ เด๊อ ซีขุ แพ๊. เป เมฮู๊เออ เนอหม่า หม่า เด๊อ จอแปแหร่ อาบุ๊ยอาเตอเรอ อา เตโพร อาขว่าอาคยา แพ๊, หม่าเด๊อ แกแย เห่ขุพู๊ อา เตลีแมลีเพ๊ อาขว่าอาคยา เนอ หม่าโต่.

ทิโมธี เนอบ่า ต๊าบ่า 3:10

หม่าแน๊เรอ เนติ เร๊อ, เน ครวาเกอเฮ๊อ แว เตอิซว๊าอี๊แส่ อาคยา, เน๊อ แว เตโอ่เซอเพร อาแกล๊อาโกล เนอเต๊เห่, เน๊อ แว เตโอ่เซอเพร อา เตเตเนหนื่ออื่อ เนอเต๊เห่ เฮ๊อ. เน แม๊เถอะเฮ๊อ แว เตหยื่อเตแหน่, แว เตแด่แลปีซิปล่อ, แว เตโม, แว เตแด่ทูซิปล่อ เต๊เห่เฮ๊อ,

เพรโด่แนพู๊ เต๊เห่ 20:18

เบ๊อะเหย่ซี แฮโต่เฮ๊อ อาเบ๊อะเนอ, คูเปาโล เฮ๊ เหย่ซี เน๊อ, “เป๊อแถ่ เบ๊อะแว แฮโต่ลู่ เด๊อ เอเชียเก่ เนอเตอเนอ ตาเป่แฮเนอ, แว ก๊อถ่อโอ่แน เตอเน๊อ ซี ฮู๊เตฮู๊เตเนอ ซี ซิเง โทดื่อเฮ๊อ.

ทิโมธี อาเหร่อเล๊อ ต๊าบ่า 4:12

เน หม่า แกแย พู๊เส่ อาขว่าอาคยา, นอเตเน ปีตี๊ แต่ อู เร๊อ เนเหน่ แต่เหม่ นี๋. โท๊โต่, เน เตเฮ๊เบ่เฮ๊โช เต๊เห่ เบ่เบ่, เน เมเต อิเตเต๋ เบ่เบ่, เน เตโม เบ่เบ่, เน เตหยื่อเตแหน่ เบ่เบ่, เน ซิปล่อ อา เตโพ๊แปละ เต๊เห่ เบ่เบ่, ทวาแถ่ เป่ อู เหล่แม๊บือ เด๊อ อาแร๊ เด๊อ แกแย หยื่อเอ่เต เต๊เห่ อาเง นี๋.

เธสะโลนิกา เนอบ่า ต๊าบ่า 3:7

ซี แหน่แบ่เจ่ เร๊อดื่อ ซี โต ครวาแม๊บือ เมเกอ เป ฮู๊เตเนอ ซี ซิเง ตาเต โทดื่อเฮ๊อ. เมเตเฮ๊เรอ เบ๊อะเป โอ่เต่อเกอ เร๊อ ซี เบ๊อะเนอ, เป เตเกลแลแบ๊ เร๊อ โต่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

โครินธ์ เนอบ่า ต๊าบ่า 11:11

แว เฮ๊ ฮู๊เออเรอ แว โม ซี โต่ ฮู๊เนอ แอ? แว โม ซี เนอหม่า จอแปแหร่ ซิเง.

โครินธ์ เนอบ่า ต๊าบ่า 7:2

โป่แหว่ ซี๋, เด๊อะโลเกอ แลแค ซี เตโม เป แต๋. เป เมซื๊อเมปล๊าน๊อ อู เตเพร่ว โต่. เป เมแป่เมเชน๊อ เร๊อ อู เตเพร่ว โต่ โต่. เป จว๊าเอ่ตือโอตือ น๊อ เร๊อ อูขุ เตเพร่ว โต่ โต่.

เพรโด่แนพู๊ เต๊เห่ 24:16

แซ่ฮู๊ แว ซิปล่อ อา เตเตเนเออ อา เก่ โพ๊แปละ เด๊อ จอแปแหร่ เน๊อ แกแยเห่ขุพู๊ อา เป๊เส่เง เนอ, แว แอ๊จื๊อ เมเต อาแร๊ ตื๊อดื่อ ปว๋า โตโพ๊ เจ๊อ.

เพรโด่แนพู๊ เต๊เห่ 20:26

ฮู๊เนอ อาขว่าอาคยา, เออเตอเนอ, แว เก่ แด๊โฉ่โล ซิเง ตาเตแก เป่ ซี เร๊อ ล๋อ ซี เออเต๊เห่เนอ, ซี เก่ ซิปล่อเซอเพร ปย๊าแก เตเพร เพร เก่เฮ๊เนอหม่า แว เตซื๊อ หม่า ปาโต่ เฮ๊อ.

โครินธ์ เนอบ่า ต๊าบ่า 11:31

แบ่เจ่ เหย่ซู่ครี๊ อาเพ จอแปแหร่ เออ อา ซิเง เร๊อ แว เฮ๊เบ่ แลโฮ หม่าโต่. อู เก่ ถู่เซ๊แถ่ดื่อ อามุย ตูจูเพร แตแลเคร๊ นี๋.

โครินธ์ เนอบ่า ต๊าบ่า 5:11

เมเตเฮ๊เรอ เป ซิเง เร๊อ ช๋า โหน่ปา เนอ, แบ่เจ่ เก่ เจแม๊ ลอ แกแย เต๊เห่ อาเตเม ฮู๊เนอ ปา อาขว่าอาคยา, เป เก่ ซิอิเช เบ่หยื่อเบ่แหน่ แหน่เจ๊อ ลู ปา. ฮู๊เนอเรอ แซ่ฮู๊ อู เก่ หยื่อเอ่แหน่ กา แบ่เจ่ เหย่ซู่ อาเงเนอ, เป ซิปล่อฉว่า แด๊โฉ่โด่แน เป่ อู เฮ๊อ. แคร๋ หม่าอิเต โอ่ เด๊อ เป ซิปล่อกู เนอ จอแปแหร่ ซิเง ลอปลี เร๊อ อาเหน่ แพ๊. ฮู๊เนอเฮ๊อ, เป หม่า แกแย ฮู๊เต เต๊เห่เนอ, แว แม๊ชือ เร๊อ ซี เกล๊ ซิเงแฮ แหน่ ปา แพ๊.

โครินธ์ เนอบ่า ต๊าบ่า 4:2

เตอิลอ แลโฮเอ่ อู, เตเม ด๊อโอ๊ด๊อบี๊ อิเตเต๋ เต๊เห่ เนอเบ่เบ่, เตเม เด๊อ อา ทวาแถ่ เตซิเตเร อิเตเต๋ เต๊เห่เนอ เบ่เบ่, เป เมปา ตีกี๋ โต่ เฮ๊อ. เบ๊อะเป แด๊โฉ่โด่แน เป่ อู เร๊อ จอแปแหร่ อาลาอาโหง่ เบ๊อะเนอ, เป เฮ๊เบ่ อิลอแลโฮ อู โต่, เป อิซว๊าแลโฮ ป่าโนเต่อ โหง่ เด๊อ อาโรเต๊เห่ โต่. เด๊อ จอแปแหร่ อา เป๊เส่เง, เป เฮ๊เบ่ อิเตเต๋ เบ่เบ่, เป เมเต อิเตเต๋ เบ่เบ่ เนอ, อาโต ลอปลี แพ๊. แซ่ฮู๊ เหย่ซี ปว๋า เตเพร เก่ ซิเง แลแค เร๊อ เหย่ซี หยื่อเอ่หนิ เป อาเงเนอเรอ, เป เฮ๊โฉ่จ๊อ, เป เมจ๊อ เฮ๊อ เต ฮู๊เนอ เฮ๊อ.

ꤜꤢꤨꤊꤢ꤬ 23:41

เป เออซิเนอ พย๊าหนิ เตแม๊เมจากาคยา ฮู๊ เป เมซื๊อโทเฮ๊อ เนอเต๊เห่ อาขว่าอาคยา, อาโตอาเบ่ แพ๊. หม่าแน๊เรอ อาเนอ, อา เมซื๊อ เกออู เตอเจ๋อ โต่.”