เปโตร อาเหร่อเล๊อ ต๊าบ่า 5:9 - ลีเทส่อพ๊าอาเซ เร๊อ เห่ขุทวาลู๊

⁹ โอ่หม่าโอ่กลอ แลแค เด๊อ ซี เตหยื่อเตแหน่. เร๊อ เมตาตือฉื่อ แลแค โลเน๊มู๊แหม่รีแจ่ กู่กล๊อ นี๋, เมเตเฮ๊เรอ, ซี ซิเง เร๊อ ซีโป่ซีแหม่ เด๊อ อา โอ่ เด๊อ เห่ขุ ต๊าบ่าลอ เด๊อ อา หยื่อเอ่แหน่เอ่เต แซ่เน๊อ ซี เออเต๊เห่เนอ, อา ข่าเบ่เกอ เฮ๊อ เตจาเตจือ ฮู๊ ซี ข่าเบ่ เฮ๊อ เออเนอ เฮ๊อ.

Eastern Kayah Shadaw Dialect

⁹ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤞꤤ꤭ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤢ꤬ꤊꤢꤨ꤭꤯ ꤚꤣꤧ꤬ ꤗꤢꤩ꤬ꤒꤢ꤭ꤒꤢꤦ꤭ꤏꤢꤦ꤬ ꤜꤢ꤭ꤋꤢꤧ꤭ ꤜꤥ꤭ꤔꤢꤩꤗꤢꤨꤗ꤫ꤢꤧ꤬ꤚꤤ꤬ꤡ꤫ꤢꤧ꤬ ꤊꤢꤨ꤬ꤊꤜꤢꤪ ꤔꤤ꤮, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬, ꤞꤤ꤭ ꤞꤤꤑꤢꤩ꤭ ꤔꤢꤧ ꤞꤤ꤭ꤕ꤫ꤥ꤬ꤞꤤ꤭ꤠ꤫ꤢꤧ꤬ ꤘꤣ ꤢ꤬ ꤥ꤬ ꤘꤣ ꤟꤢꤩ꤬ꤋꤢꤨ꤬ ꤏꤤ꤭ꤙꤢ꤬ꤜꤢꤪ꤭ ꤘꤣ ꤢ꤬ ꤛ꤫ꤢꤦ꤬ꤢꤩ꤬ꤔ꤫ꤢꤧ꤬ꤢꤩ꤬ꤒꤢꤩ꤬ ꤞꤢꤧꤔꤢꤧ ꤞꤤ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤢ꤬ ꤋꤢꤧꤙꤢꤩ꤬ꤊꤣꤧ꤭ ꤟꤣꤧ ꤒꤢꤩ꤬ꤡꤢ꤭ꤒꤢꤩ꤬ꤡꤢꤦ꤬ ꤟꤢꤨ ꤞꤤ꤭ ꤋꤢꤧꤙꤢꤩ꤬ ꤟꤣꤧ ꤣꤧ꤭ꤔꤣꤧ꤬ ꤟꤣꤧ꤯

เปโตร อาเหร่อเล๊อ ต๊าบ่า 5:9 ပူးပေါင်းရင်းမြစ်များ

ꤡꤛꤢꤩ꤭ꤗꤢ꤬ꤎꤣ꤬ 4:7

ฮู๊เนอเรอ แด่หยว่า แลแค ซี ซิปล่อ เด๊อ จอแปแหร่ อาเล, เร๊อ ช๊าฉื่อ โลเน๊มู๊แหม่รีแจ่ กู่กล๊อ เนอ ตื๊อหม่า โลเน๊มู๊แหม่รีแจ่ กู่กล๊อ เก่ แกล่ จว๊า ตาพาแก เด๊อ ซีโอ่ ปา.

เพรโด่แนพู๊ เต๊เห่ 14:22

แซ่ฮู๊ เพรหยื่อเอ่ เต๊เห่ เก่ โอ่หม่าโอ่กลอ เด๊อ อา เตหยื่อเตแหน่ อากู อาเงเนอ, คูเปาโล เร๊อ คูบารนาบัส เด๊อะอ๊าเด๊อะเหร่ แถ่หนิ เหย่ซี, โท๊โต่ ครอครวาเกอ เหย่ซีคยา. เหย่ซี อิซว๊าอี๊แส่ เป่ อู เน๊อ, “เป เตเร จว๊าโน ล๊อปลู๊เบ๊ โต่เด๊อ จอแปแหร่ อาเทออาเก่กู เออเนอหม่า, เป เบ่ จว๊าตาลว๊า เอ๊ลา เร๊อ เตแป่เตเช ซีเต๊เห่ เจ๊อ.”

เปโตร อาเหร่อเล๊อ ต๊าบ่า 2:21

แซ่ฮู๊ ซี เบ่ แด่ทูซิปล่อเบ๊ เตจาเตจือ เออ อาเงเนอเรอ, จอแปแหร่ เอ๊เถ่ เฮ๊อ ซี เฮ๊อ, เมเตเฮ๊เรอ ครี๊ อาเหน่แบ่เจ่ เร๊อดื่อ จ่าเพรอ โทเฮ๊อ เตจาเตจือ เด๊อ ซีเง เฮ๊อ. เร๊อ แซ่ฮู๊ ซี เก่ ครวา หยิเกอ อากู๊โด่เค อาเงเนอ, อา แด่แก เป่ เฮ๊อ ซี เหล่แม๊บือ เฮ๊อ.

โครินธ์ อาเหร่อเล๊อ ต๊าบ่า 10:13

ล๊อ เตอิลออี๊โหล่ เด๊อ เน แม๊เถอะ แฮเบ่น๊อ เต๊เห่ เนอหม่า อา แซ๊ แพ๊ เร๊อ แกแย เห่ขุพู๊ เด๊อ อาโร เต๊เห่ แม๊เถอะ ซิเต่อเบ่น๊อ เนอเต๊เห่ แพ๊. หม่าแน๊เรอ จอแปแหร่ เนอ อาจ๊อ เร๊อ อาโหง่, เมเตเฮ๊เรอ เตอิลออี๊โหล่ เด๊อ อาฉว่าอาชอ เด๊อ เน ข่าเบ๊ โต่ เต๊เห่เนอ, อา นอข่า เน โต่. เบ๊อะเตเมแม๊ แฮเบ่ เน เบ๊อะเนอ, แซ่ฮู๊ เน เก่ แด่ทูซิปล่อ เบ๊ อา, โท๊โต่ แซ่ฮู๊ เน เก่ เหล่แลเปล๊เบ๊ เน๊อ เตอิลออี๊โหล่ เออ อาเงเนอ, จอแปแหร่ เก่ โบ๊โม เป่ เน แกล๊ ปา.

ทิโมธี เนอบ่า ต๊าบ่า 3:12

แกแย ปว๋า เตเพร เด๊อ อา ซิหยื่อ โอ่เซอเพร โต ฮู๊ จอแปแหร่ อาซิปล่อ อา เตซิหยื่อ เด๊อ เหย่ซู่ครี๊ อากู เต๊เห่เนอ, อู เก่ เมจาเมจือ หม่าแหน่ เจ๊อ เหย่ซี ปา.

เอเฟซัส 6:16

โท๊โต่, อาแซ่เน๊อ ซี ปื่อหม่าปื่อกลอ เร๊อ เหล่โด่แด ตาตือฉื่อ เออเนอ, ตูรู๊ ปื่อหม่าปื่อกลอ หนิ แร๊ แลแค ซี เตหยื่อเตแหน่ เด๊อ อา เก่ เมปี ฉื่อแก โลเน๊ อาเปล่ หมิอือ เด๊อ อา เค๊ แฮโต ซี เนอเต๊เห่ นี๋.

เปโตร อาเหร่อเล๊อ ต๊าบ่า 3:14

หม่าแน๊เรอ เด๊อ เตจ๊อเตเต อาขว่าอาคยาเร๊อ, ซี เก่ ข่าเบ่ เตจาเตจือ เก่เฮ๊เนอ, ซี เก่ พย๊าหนิ เตเด๊อะบุ๊ยเด๊อะเตอเรอปา. เหย่ซี เมหน่าเมจา ซี หม่าแน๊เรอ ซิอิเช แต่ เหย่ซีเหล่ แต่เหม่ นี๋, ซิปล่อกู่ ซิปล่อแก แต่ เหย่ซี เหล่ แต่เหม่เหม่.

ꤟꤤꤙꤚꤢꤨ 11:33

เด๊อ เตหยื่อ อาขว่าอาคยาเร๊อ, เหย่ซี เออเต๊เห่เนอ, อา ช๊าเป่ เทอเก่ เต๊เห่. เหย่ซี เป๊อเต จ๊อจ๊อเตเต เร๊อ อา พย๊าหนิ เต เด๊อ จอแปแหร่ อ๊อแล เหย่ซี เนอเต๊เห่. อา เมเป่ แลแค แอ๊ซี เร๊อ แอ๊ซี เต๊เห่เนอ อา อ่า เหย่ซี โต่.

ทิโมธี อาเหร่อเล๊อ ต๊าบ่า 6:12

เตหยื่อเตแหน่ อา เตช๊าเตปา เนอ ตูรู๊ แอ๊จื๊อ ช๊า อา เด๊อ อาแร๊ ตื๊อดื่อ นี๋. เร๊อ ปื่อหม่าหนิ แร๊เด๊อะ เตเซอเพร ตูจูเพร เออเนอ นี๋. เบ๊อะเน อ๊อแล เฮ๊อ เน เตหยื่อเตแหน่ เออเนอ เด๊อ อู โอ่โร๊ อา เป๊เส่เง เบ๊อะเนอ, จอแปแหร่ เอ๊ เน เด๊อ เน พย๊าหนิเฮ๊อ ซิปล่อเซอเพร ตูจูเพร เออเนอ เฮ๊อ.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:3

อู ย๋อ เมจาเมจือ ซี อาขว่าอาคยาเร๊อ, แซ่ฮู๊ ซี เก่ วี๊แก แต่ ซี เตหยื่อเตแหน่ เตเพร่ว แต่เหม่เนอ, เป นอแฮ คูทิโมธี เด๊อ ซีโอ่. ซี ซิเง แร๊แร๊แจ่แจ่ เฮ๊อ เร๊อ จอแปแหร่ เตเนหนื่ออื่อ เด๊อ เป เบ่ ข่าเบ่ เตเมจาเมจือ ฮู๊เออ เต๊เห่ เนอเฮ๊อ.

เอเฟซัส 4:27

แซ่ฮู๊ โลเน๊มู๊แหม่ กู่กล๊อ เก่ จุ่ยโนหนิ ซี เด๊อ เตซื๊อ อากู แต่เหม่เนอ, ปลวาโมเป่ แต่ อาแกล๊ แต่เหม่ นี๋. ฮู๊เนอเรอ ซิปล่อดุ ตื๊อดื่อ แต่ แลแค แต่เหม่.

เตเด๊อะโลแถ่ 6:11

อู เด๊อะ เหย่ซี จาจวาบู ปว๋า เตเพร, โทเรอ อู เฮ๊ เหย่ซี เน๊อ เหย่ซี เก่ โอ่โก๊ เตเบ๊ซิพร๊า โป่ เตอเปลอฮู๊. เร๊อ เหย่ซี เก่ โอ่โก๊ โต่เด๊อ อู เมเซอ บาแถ่ เฮ๊อ เหย่ซี อาโคหลู่เล๊ เต๊เห่ เร๊อ อาโป่แหว่ เด๊อ อา หยื่อเอ่แหน่เอ่เต เต๊เห่ ฮู๊ อู เมเซอโทเฮ๊อ เหย่ซี เนอ ปา.

เปโตร อาเหร่อเล๊อ ต๊าบ่า 4:13

หม่าแน๊เรอ, ช๋า ครี๊ แฮแล โอ่โลแถ่ เฮ๊อ เร๊อ เตอเรอดุเตอเรอทู ปาเนอ, แซ่ฮู๊ ซี เก่ ซิครือซิลอ เอ๊โทเอ๊โม เกออู ปา อาเง เนอเรอ, เต เด๊อ ซี ข่าจาข่าจือ เต่อเกอ เร๊อ ครี๊ ฮู๊เออ เต๊เห่เนอ, ตูรู๊ ซิครือ แลแค นี๋.

เปโตร อาเหร่อเล๊อ ต๊าบ่า 1:6

ฮู๊เนอเร๊อ ซิครือซิลอ แลแค เน๊อ ล๋อ เตเออเต๊เห่ นี๋, หม่าแน๊เรอ กู๊แหน่เออ แตแปล๊เตอเปล๊อ อากูเนอ เตแป่เตเช ปว๊าเต๊อเจ่อ เมกู่เมแก ซี.

โคโลสี 2:5

เมเตเฮ๊เรอ, แว เหน่กล่อ โอ่เต่อเกอ เน๊อ ซี โต่ ตื๊อดื่อเรอ แว ซิปล่อ จิจือ เน๊อ ซี เร๊อ แว หนิโฮ เด๊อ ซี โอ่ลู เร๊อ ซิปล่อ เตเม๊วโต, โท๊โต่ ซี ปื่อหม่าปื่อกลอ เตหยื่อเตแหน่ เด๊อ ครี๊ อากู อาขว่าอาคยา, แว ซิครือซิลอ แหน่เจ๊อ.

ꤛꤥ꤭ꤟꤢ꤬ 16:33

“แซ่ฮู๊ ซี เก่ พย๊าหนิ เตซิปล่อ ตู๊จู่เตอเจ๊อ อาเงเนอ, แว เฮ๊ เป่ โท ลอ เฮ๊อ ซี ล๋อ เออเต๊เห่ เฮ๊อ. เด๊อ ซี ทวาแถ่เฮ๊อ เตเตอเจ๊ออู แพ๊ เร๊อ แว อาขว่าอาคยา, ซี พย๊าหนิเฮ๊อ ซิปล่อ อา เตตู๊จุเตอเจ๊อ เฮ๊อ. เด๊อ เห่ขุ เออเนอ, ซี เก่ แม๊เถอะเบ่ เร๊อ เตแป่เตเช เตจาเตจือ ปา, หม่าแน๊เรอ แด่ฉว่าแด่ชอ แลแค ซี ซิปล่อ นี๋. แว เมเป่ โทเฮ๊อ เห่ขุ อา เตอเรอฉว่าชอ เออเต๊เห่ เฮ๊อ.”

เตเด๊อะโลแถ่ 7:14

“ซ๊าร๊าดุ, แว ซิเงโต่, เน ซิเง แพ๊,” แว เฮ๊ฉื่อ อา ฮู๊เนอ. เร๊อ อา เฮ๊ฉื่อ แว เน๊อ, “เหย่ซี เต๊เห่ เนอหม่า แกแย เด๊อ อา จว๊า ตาลว๊าเบ๊ โทเฮ๊อ เตเมจาเมจือ เด๊อ อา ต๊อหร่อเซ๊ ซิอิเช เออเต๊อเจ่อเนอ เฮ๊อ. เหย่ซี โฉ่ปลี โทเฮ๊อ อา จาจวาทู เออเต๊เห่ เฮ๊อ, โทเรอ อา เมบู โทเฮ๊อ เร๊อ ซิหมิพู๊ เนอโตโด อาสุ่ย เฮ๊อ.

ꤜꤢꤨꤊꤢ꤬ 22:32

หม่าแน๊เรอ, คูซีโมน, แซ่ฮู๊ เน เตหยื่อเตแหน่ อา ปย๊าแก แต่เหม่ เนอ, แว กุยจ๊อเบ เป่ เด๊อ เนเง. โทเรอ เบ๊อะเน ซิเหน่แลคยาแซ๊ กาคยา คยาแซ๊ เฮ๊อ เนเหน่ ปาเนอ, เน โตเบ่ เด๊อะอ๊าเด๊อะเหร่หนิ เน โป่แหว่ เต๊เห่ ปา นี๋.”

เตเด๊อะโลแถ่ 1:9

แว หม่า ซี โป่แหว่ คูยอห์น เด๊อ อา หยื่อเอ่ ครี๊ แซ่เกอ เร๊อ ซี เตเพร. แว หม่า ซี โคแบ๊ซว๊า เด๊อ อา ข่าจาข่าจือ โหร่เกอเต เน๊อ ซี เตเพร, แว หม่า จอแปแหร่ อา เทอพู๊เก่พู๊ แซ่เกอ เร๊อ ซีซี, เร๊อ แว แด่ทูซิปล่อ โหร่เกอเต เร๊อ ซี เตเพร แพ๊. เด๊อ แว แด๊โฉ่โด่แน เป่ อู เร๊อ แบ่เจ่ จอแปแหร่ อา เตหรี่เตแก เร๊อ เตเด๊อ เหย่ซู่ครี๊ เด๊อะโล เป่ แว เต๊เห่ อาขว่าอาคยา, อู จว๊า แด่โอ่แก แว เด๊อ ปัทมอส กลื๊อขุ เฮ๊อ.

ทิโมธี เนอบ่า ต๊าบ่า 4:7

เตช๊า เด๊อ อาแร๊เล๊อ เนอ แว ช๊าโทเฮ๊อ. เตแกล่ ดี๊เจ เนอ แว แกล่ โทเฮ๊อ. แว ปื่อหม่า หนิ แร๊ เฮ๊อ แว เตหยื่อ โต่เด๊อ อาตื๊อดื่อเฮ๊อ.

ꤟꤤꤙꤚꤢꤨ 12:8

จอแปแหร่ อิซว๊าอี๊แส่ แร๊กา เกอเร๊อ ลอ อาพู๊ ปว๋า เตเพร. เก่ อา ซิพรวา อิซว๊าแร๊กา เกอเร๊อ เกอ ซี โต่ เฮ๊เนอ, ซี ทวา หม่าแหน่ แล๋ อาพู๊ หม่าโต่. ซี หม่าแพ๊ พู๊ เด๊อ อา โชโด เอ๊เพ เนอเต๊เห่ แพ๊.