เปโตร อาเหร่อเล๊อ ต๊าบ่า 5:12 - ลีเทส่อพ๊าอาเซ เร๊อ เห่ขุทวาลู๊

¹² แว ราโผ่ เป่ แพ๊ ซี ลีเออ แพ๊. แว เด๊อะอ๊าเด๊อะเหร่ ซี, โทเรอ แว จ่าเพรอ แวซิปล่อ เร๊อ เตเออหม่า จอแปแหร่ อาบุ๊ยอาเตอเรอ หม่าแหน่ เจ๊อ. โอ่หม่าโอ่กลอ แลแค เด๊อ เตเออเนอ อากู นี๋. คูสิลาส เด๊อะ แว แด่ อา ฮู๊ แว โป่แหว่ เด๊อ อาจ๊อ เร๊อ อาโหง่เออ เตเพรเนอ, อา ราจว่า เป่เกอ แว ลีเออต๊าบ่า.

Eastern Kayah Shadaw Dialect

¹² ꤠꤢꤧ꤭ ꤚꤢ꤭ꤖꤥ꤬ ꤕ꤫ꤢꤩ꤬ ꤖꤢꤧ ꤞꤤ꤭ ꤜꤤ꤬ꤣꤧ꤭ ꤖꤢꤧ꤯ ꤠꤢꤧ꤭ ꤘꤣꤧꤟꤢꤧ꤭ꤘꤣꤧꤚꤢꤩ꤬ ꤞꤤ꤭, ꤓꤥ꤭ꤚꤣꤧ꤬ ꤠꤢꤧ꤭ ꤋꤢꤧꤟꤢꤩꤏꤥ꤬ꤜꤥ꤭ꤒꤢꤩ꤬ ꤔꤢꤧ ꤒꤢꤩ꤬ꤣꤧ꤭ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤢ꤬ꤙꤝꤤꤢ꤬ꤒꤣꤧ꤬ꤚꤣꤧ꤭ ꤗ꤫ꤢ꤬ꤔꤤꤔꤢꤧ꤬ ꤡꤣꤧ꤯ ꤥ꤬ꤊꤜꤢꤪ꤬ꤏꤢꤪꤗꤢ꤬ ꤜꤢ꤭ꤋꤢꤧ꤭ ꤘꤣ ꤒꤢꤩ꤬ꤣꤧ꤭ꤔꤣꤧ꤬ ꤢ꤬ꤊꤢꤨ꤭ ꤔꤤ꤮꤯ ꤋꤢꤨ꤭ꤎꤤꤜꤢ꤬ ꤘꤣ ꤠꤢꤧ꤭ ꤘꤢꤧ꤬ ꤢ꤬ ꤟꤢꤨ ꤠꤢꤧ꤭ ꤕ꤫ꤥ꤬ꤠ꤫ꤢꤧ꤬ ꤘꤣ ꤢ꤬ꤡꤢꤪ ꤔꤢꤧ ꤢ꤬ꤍ꤫ꤥ꤬ꤣꤧ꤭ ꤒꤣ꤬ꤖꤚꤢꤩ꤬ꤔꤣꤧ꤬, ꤢ꤬ ꤚꤢ꤭ꤡꤝ꤫ꤢ꤬ ꤕ꤫ꤢꤩ꤬ꤊꤣꤧ꤭ ꤠꤢꤧ꤭ ꤜꤤ꤬ꤣꤧ꤭ꤒꤣ꤬ꤙꤢ꤬꤯

เปโตร อาเหร่อเล๊อ ต๊าบ่า 5:12 ပူးပေါင်းရင်းမြစ်များ

ꤟꤤꤙꤚꤢꤨ 13:22

แว โคแบ๊ซว๊า ซี, ลี เด๊อ แว รา เด๊อะอ๊าเด๊อะเหร่ ซี เออเนอ อา ทูลาน๊อโต่. โทเรอ แว กุยซิยอ ซี เด๊อ ซี เก่ แด่ทูซิปล่อ เร๊อ หนิดา แว เตเด๊อะอ๊าเด๊อะเหร่ ซี เออเนอ นี๋.

เพรโด่แนพู๊ เต๊เห่ 11:23

เร๊อ เบ๊อะอา จว๊าโต่ เนอ, อา จว๊าแม๊เถอะ เร๊อ แกแย เออเต๊เห่ พย๊าหนิ จอแปแหร่ อาบุ๊ยอาเตอเรอ อาขว่าอาคยา, อา ซิครือซิลอ แหน่เจ๊อ เร๊อ แซ่ฮู๊ เหย่ซี เก่ โอ่เซอเพร เจ๊อ เป่แฮ ตื๊อดื่อ เน๊อ แบ่เจ่ เร๊อ, อา เด๊อะอ๊าเด๊อะเหร่ แฉ่โคร เกอโป่ เหย่ซี อาคยา.

โครินธ์ เนอบ่า ต๊าบ่า 1:19

เมเตเฮ๊เรอ แว เร๊อ คูสิลาส เร๊อ คูทิโมธี แด๊โฉ่โด่แน เป่เฮ๊อ ซี เร๊อ เหย่ซู่ครี๊ อาหรี่อาแก เฮ๊อ. อา หม่า จอแปแหร่ อาพู๊คู เตเพร, อา เฮ๊เบ่จ๊อเฮ๊เบ่เต ปว๋า โตโพ๊ เจ๊อ, อา เฮ๊โทเฮ๊แล เกออู โตโพ๋โต่.

โครินธ์ อาเหร่อเล๊อ ต๊าบ่า 15:1

แว โคแบ๊ซว๊า ซี, กู๊แหน่เรอ แว ซิหยื่อ เด๊อะ ซิเหน่แถ่เบ่ คยาแซ๊ ซี เร๊อ เตซิครือ อาหรี่อาแก เด๊อ แว แด๊โฉ่โด่แน เป่ โทเฮ๊อ ซี เร๊อ ซี พย๊าหนิ โทเฮ๊อ เร๊อ ซี แด่ฉว่าแด่ชอ แถ่เฮ๊อ ซี เตหยื่อเตแหน่ เด๊อ อาลู เออเนอ อาหรี่อาแก แพ๊.

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เธสะโลนิกา เนอบ่า ต๊าบ่า 1:1

เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี วีเธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี หม่า เปเพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 1:1

เป หม่า คูเปาโล, คูสิลาส, เร๊อ คูทิโมธี. เป ราจว๊า โหร่ลู ลีเออต๊าบ่า เด๊อ ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ อา โอ่. ซี เธสะโลนิกา เพรหยื่อเอ่เต ตู๊หมู่ตอกล๊อ เต๊เห่ หม่า เพ จอแปแหร่ เร๊อ แบ่เจ่ เหย่ซู่ครี๊ อาแกแย เต๊เห่ เฮ๊อ. เตบุ๊ยเตเตอเรอ เร๊อ เตตู๊จุเตอเจ๊อ เก่ โอ่เกอดื่อ เร๊อ ซี นี๋.

ꤛꤢꤨꤘꤢ꤬ 1:3

แว โคแบ๊ซว๊าโม ซี๋, เมแลเปล๊กา เด๊อ เป ล๋อ ปลี พย๊าหนิ โหร่ลอ ลู เออ อาหรี่อาแก เออเนอ, แว ซิหยื่อ ราจว๊า เป่ แหน่เจ๊อ ซี หม่าแน๊เรอ กู๊แหน่เออ แว แม๊เถอะ เร๊อ แว เบ่ ราจว๊าโค๊ เต๊เปล่ เป่เกอ ซี เด๊อ อาโร เต๊อเจ่อ. เร๊อ แว ซิหยื่อ เด๊อะอ๊าเด๊อะเหร่ หนิ ซี เร๊อ เตซิครือมีลา เด๊อ จอแปแหร่ เด๊อะตา เจ๊อ ตื๊อหื่อโต เป่เฮ๊อ เร๊อ ล๋อ อาแกแย เด๊อ อา หยื่อเอ่ เกอเร๊อ เออเต๊เห่เนอ, ซี เก่ ช๊าแตแน ฉื่อแร๊ อา นี๋.

ยอห์น โซบ่า ต๊าบ่า 1:12

อู ถู่เซ๊ ลอปลี เจ๊อ คูเดเมตริอัสเจ๊อ. เตหมะเตจ๊อ ข่าเฮ๊โล เจ๊อดื่อ เร๊อ อา แร๊ อาหรี่อาแก เจ๊อ. แว ถู่เซ๊ เกอเร๊อ เกอ ดื่อ อา อาหรี่อาแก, เร๊อ เน ซิเง เร๊อ เป เฮ๊เออ เนอหม่า อาจ๊ออาเต แพ๊.

เปโตร เนอบ่า ต๊าบ่า 2:15

เหย่ซี เถ่จว๊าเปแก เร๊อ แกล๊โต เร๊อ อา จว๊า ซิปล่อ ตาปาแก. เหย่ซี จว๊าครวาเกอ แกล๊ เด๊อ เพโบโซร์ อาพู๊คู คูบาลาอัม ครวา เนอโตโบ. แกล๊ เนอโตโบ หม่า แกล๊ เด๊อ อา แม๊ดุ รือ เร๊อ อา พย๊าหนิ แลแค รือ เด๊อ เตจ๊อเตเต อากู หม่าโต่.

เปโตร เนอบ่า ต๊าบ่า 1:12

ซี ซิเง โทเฮ๊อ เตเออเต๊เห่ เฮ๊อ. เร๊อ ซี โอ่หม่าโอ่กลอ เฮ๊อ เร๊อ เตหมะเตจ๊อ เด๊อ ซี พย๊าหนิ โทเฮ๊อ เนอเต๊เห่ หม่าแน๊เรอ ปวาโพ๊โพ๋ แว เด๊อะ ซิเหน่แถ่ คยาแซ๊ ซี เร๊อ เตหรี่เตแก เออเต๊เห่ ฮู๊เนอ แพ๊.

โคโลสี 4:9

คูโอเนสิมัส เก่ แฮแล เต่อเกอ เร๊อ ลู ปา. อา หม่า แกแย เด๊อ อาจ๊อ เน๊อ อาโหง่ เร๊อ อู โม หนิเกอเร๊อ ลู เตเพร. อา หม่า ซี ดอกูพู๊ เร๊อดื่อ แพ๊. เหย่ซี เก่ แด๊โฉ่ เป่ ลอ ซี เน๊อ ล๋อ เตทวาแถ่ อาเหน่ เบ๊อะเออ เนอเต๊เห่ ปา.

โคโลสี 4:7

คูทีคิกัส เก่ แด๊โฉ่ ลอเป่ ซี เร๊อ แวหรี่แวแก ปา. อา หม่า โป่แหว่ เด๊อ อู โมหนิเร๊อ ลู เตเพร, โท๊โต่ อา หม่า แกแย เตเพร เด๊อ อาจ๊อ เร๊อ จอแปแหร่ อาเตเม, เร๊อ อา เม แบ่เจ่ อาเตเม เร๊อ อา เม เต่อเกอ เต เน๊อ เป เตเพร.

โคโลสี 1:7

คูเอปาฟรัส หม่า แกแย เด๊อ อา แด๊โฉ่โด่แน โล เหร่อเล๊อ เป่ ซี เร๊อ จอแปแหร่ อา เตบุ๊ยดุเตอเรอทู เตเพร เฮ๊อ. อา หม่า เหย่ซู่ครี๊ อา หลู่เล๊ เด๊อ อา เมเต่อ เต เร๊อ เป เร๊อ เป โม เกอเร๊อ ลู เตเพร. อา หม่า ครี๊ อา เพรแรเต เด๊อ อาจ๊อ เร๊อ อาโหง่ เตเพร. เร๊อ อา เม ฮู๊เออเนอหม่า อา เม แต๊เป่ เปเง เฮ๊อ.

เอเฟซัส 6:21

คูทีคิกัส หม่า เป โป่แหว่ เด๊อ เป โม เกอเร๊อ แหน่เจ๊อ ลู เตเพร, โท๊โต่ อา หม่า โป่แหว่ เตเพร, โท๊โต่ อา หม่า แบ่เจ่ อาหลู่เล๊ เด๊อ อาจ๊อ เตเพร. แซ่ฮู๊ ซี เก่ ซิเง เร๊อ แว โอ่โมโอ่แร๊ แอ, หม่า โต่ แอ, โท๊โต่ แว เมแคร๋ อิเตเตเนอ, อา เก่ แฮ แด๊โฉ่โล เป่ลอ ซี ปา.

เอเฟซัส 3:3

จอแปแหร่ เด๊อะโล เป่ แว เร๊อ เตอาจ่ออาแย เด๊อ อู ซิเงทว๊า โต่ เออเนอ, แว ราโล ซิเงจว๊า เป่ โทเฮ๊อ ซี เด๊อ ลีเออต๊าบ่า อากูเนอ ตอกอตี๊กิ เฮ๊อ.

โครินธ์ เนอบ่า ต๊าบ่า 1:24

เป ซิหยื่อ เมตาตือ เร๊อ ซี เตหยื่อ โต่. ซี เตหยื่อเตแหน่ ชอเกอเด๊อ เจ๊อ เนอหม่า เป ซิเง เฮ๊อ. แซ่ฮู๊ ซี เก่ ซิครือซิลอ เอ๊แถ่โป่ อาเงเนอ, เป ซิหยื่อ แฮ เมจว่า เกอ ซี ฮู๊เนอ แพ๊.

ꤚꤥꤗꤢꤩ꤬ 5:2

เด๊อ เป หยื่อเอ่ แบ่เจ่ เหย่ซู่ครี๊ อาขว่าอาคยาเร๊อ, อา นอ โอ่เซอเพร เฮ๊อ เป เด๊อ จอแปแหร่ อาบุ๊ยอาเตอเรอ อากู เฮ๊อ. กู๊แหน่เออ เป โอ่เซอเพร เกอเฮ๊อ เด๊อ อาบุ๊ยอาเตอเรอ อากู เฮ๊อ. เร๊อ เป ซิครือ แม๊ชือแม๊ตู่ เกอ เฮ๊อ จอแปแหร่ อา เตอเรอดุเตอเรอทู เออเนอ เฮ๊อ.

ꤛꤥ꤭ꤟꤢ꤬ 21:21

เบ๊อะคูเปโตร แม๊เถอะ ลู เบ๊อะเนออาเค, อา แด๊เฮอ เหย่ซู่ เน๊อ, “แบ่เจ่, อาเกอเล, อา เก่ ทวาแถ่เกอ ฮู๊เต ปา?” อา แด๊เฮอ เหย่ซู่ ฮู๊เนอ.

เพรโด่แนพู๊ เต๊เห่ 15:22

โทเรอ เพรโด่แนพู๊ เต๊เห่ เร๊อ โหมะพรูโหมะเผระ เด๊อ อา ทวา ทวาดุทวาเต เต๊เห่ เร๊อ เพรหยื่อเอ่ ตู๊หมู่ตอกล๊อ เนอ, เหย่ซี ซิปล่อโต เด๊อ อา เก่ นว๊าแถ่ แกแย เด๊อ เหย่ซีเกล เต๊เห่ เร๊อ นอจว๊าเต่อ เหย่ซี เร๊อ คูเปาโล เร๊อ คูบารนาบัส เด๊อ วีอันทิโอก. เหย่ซี นว๊าแถ่ แกแย เด๊อ เพรหยื่อเอ่ เต๊เห่ เบ่จูลาพย๊าโหง่ เกอเร๊อ แหน่เจ๊อ ลู เออซิเนอ เร๊อ อามุย เร๊อ คูสิลาส เร๊อ คูยูดาส คูยูดาส เออเนอ อู เอ๊โป๊ อามุย เร๊อ คูบารซับบาส.

เปโตร อาเหร่อเล๊อ ต๊าบ่า 1:13

เมฮู๊เนอเรอ ตี๊หรี่แตแร หนื่ออื่อ แลแค ซี เหล่เตเน เต๊เห่ เด๊อ ซี เหล่แรเต อาเงเนอ. จ่าฉ่าเผระ แลแค ซีเหน่ เร๊อ แด่แถ่ แลแค ซี เตแม๊ชือ เด๊อ เตบุ๊ยดุเตอเรอทู เด๊อ จอแปแหร่ เก่ เด๊อะ ซี ช๋า เหย่ซู่ครี๊ เก่ แฮ คยาแซ๊ ปา เออ อาลูเน๊อ.

เปโตร อาเหร่อเล๊อ ต๊าบ่า 4:10

จอแปแหร่ เด๊อะโทเฮ๊อ ซี เชหยู่ เตเพร เร๊อ เตเพรเฮ๊อ. เร๊อ นอเอ่ เป่เกอ แลแค ซี เชหยู่ เออเนอ เร๊อ แกแย เด๊อ อาโร เต๊เห่ อาเง เนอ. เป๊อตี๊หรี่ ตาเตหนิ แลแค เชหยู่ เด๊อ จอแปแหร่ เด๊อะตา โค๊ลู เตเพร เร๊อ เตเพร เออเนอ นี๋.