เปโตร อาเหร่อเล๊อ ต๊าบ่า 4:8 - ลีเทส่อพ๊าอาเซ เร๊อ เห่ขุทวาลู๊

⁸ เด๊อ เตล๋อ ปลี อาเกลเนอ, เตโม หม่าแหน่ ลู เตเพร เร๊อ เตเพร เนอหม่า อา โหล่ดุเล๊อ อู เฮ๊อ, เมเตเฮ๊เรอ เตโมเนอ อา ปลวาแก เอ๊แหน่เจ๊อ เตซื๊อ.

Eastern Kayah Shadaw Dialect

⁸ ꤘꤣ ꤒꤢꤩ꤬ꤜꤢꤪ꤭꤮ ꤕꤜꤤ꤬ ꤢ꤬ꤊꤜꤢꤩ꤭ꤔꤣꤧ꤬, ꤒꤢꤩ꤬ꤗꤥ꤬ ꤗ꤫ꤢ꤬ꤔꤤꤔꤢꤧ꤬ ꤜꤢꤨ꤭ ꤒꤣ꤬ꤖꤚꤢꤩ꤬ ꤔꤢꤧ ꤒꤣ꤬ꤖꤚꤢꤩ꤬ ꤔꤣꤧ꤬ꤗꤢ꤬ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤢꤨ꤭ ꤟꤣꤧ, ꤗꤢꤩ꤬ꤒꤢꤩ꤭ꤟꤢꤩꤚꤣꤧ꤬ ꤒꤢꤩ꤬ꤗꤥ꤬ꤔꤣꤧ꤬ ꤢ꤬ ꤗꤢꤩ꤬ꤙꤤꤊꤢꤧ꤭ꤡ꤫ꤢꤧ꤬ ꤢꤩꤔꤢꤧ꤬ꤡꤣꤧ ꤒꤢꤩ꤬ꤞꤢꤦ꤯

เปโตร อาเหร่อเล๊อ ต๊าบ่า 4:8 ပူးပေါင်းရင်းမြစ်များ

โคโลสี 3:14

เด๊อ เตล๋อ ปลี เออเต๊เห่ อาเกลเนอ, เต เด๊อ อา โหล่ดุเล๊ออู เต๊อเจ่อหม่า, โม หนิเกอเร๊อ คยาลู เตเพร เร๊อ เตเพร เออเนอเฮ๊อ. ซี เก่ เมฮู๊เนอ เฮ๊หม่า, ซี โอ่เต่อโอ่ปล๊อ โหร่เฮ๊อ ลู เด๊อ เตเตอเจ๋อโต อากู เฮ๊อ.

เปโตร อาเหร่อเล๊อ ต๊าบ่า 1:22

กู๊แหน่เรอ เด๊อ ซี จูเอ่ เฮ๊อ จอแปแหร่ อา เตอิซว๊า อา เตหมะเตจ๊อ เต๊เห่ อาขว่าอาคยา, ซี เมโพ๊เมปลี เฮ๊อ ซี ซิปล่อ เร๊อ ซี ทวา เฮ๊อ แกแย เด๊อ อา โมหนิ หม่าแหน่ เจ๊อเฮ๊อ โป่แหว่ ครี๊พู๊ เออเต๊เห่ เฮ๊อ. เมฮู๊เนอเรอ โมลอ แคลูเน๊อ ซิปล่อซีเม เตเพร เร๊อ เตเพร นี๋.

ꤡꤛꤢꤩ꤭ꤗꤢ꤬ꤎꤣ꤬ 5:20

ซิเงแถ่เบ่ แลแค เน๊อ, แกแย เตเพรเพร เด๊อ อา จว๊า เอ๊กาโต คยาแซ๊ เพรเมเตซื๊อ เด๊อ อา ครวา จว๊าซื๊อน๊อ แกล๊ เออเตเพรเพร เนอหม่า หม่าเฮ๊อ อา เมแลเปล๊กา แกแย เออเตเพร อา ซิปล่อเซอเพร เด๊อ เตเซอ เฮ๊อ. โท๊โต่ แซ่ฮู๊ จอแปแหร่ เก่ ปลวาแก แกแย เออเตเพร อาเตซื๊อโอ่เอ๊ อาเงเนอ, อา เมจว่า เป่เฮ๊อ ลู เฮ๊อ.

โครินธ์ อาเหร่อเล๊อ ต๊าบ่า 13:1

แว เก่ เฮ๊เบ่แจ่ ลอ เจ๊อ แกแยเห่ขุพู๊ อาโหง่ เต๊เห่ เน๊อ ล๋อ ม๊อขุ เตเน่วพู๊ เต๊เห่ อาโหง่ เจ๊อ หม่าแน๊เรอ แว เก่ โมเร๊อ อู โต่ เฮ๊เนอ, แว ทวา แพ๊ โม เร๊อ จี๊จ๊า เด๊อ อาพรา ตอปลอตือซือ กอออแกเด เออเนอเต๊เห่ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:12

แบ่เจ่ เก่ เมเอ๊แถ่ เป่ดื่อ ซี เตโมหนิ ลู เร๊อ, ซี เก่ โม หนิ ซิปล่อ เตเมจือ เกอเร๊อลู เตเพร เร๊อ เตเพร, โทเร๊อ ซี เก่ โมเอ๊แถ่ หนิเกอโป่ แกแย เด๊อ อาโร เต๊เห่ แซ่เน๊อ เป โมหนิเร๊อ ซีเนอ นี๋.

ꤟꤤꤙꤚꤢꤨ 13:1

โมแฮเง เกอเร๊อ แลแค ลู เตเพร เร๊อ เตเพร ฮู๊ ครี๊พู๊ โตเบ่ โม เกอเร๊อ ลู เตเพร เร๊อ เตเพร เนอ นี๋.

ทิโมธี อาเหร่อเล๊อ ต๊าบ่า 1:5

เตเฮ๊ตา โหง่เออ อา เหล่เซเร แม๊ชือ หม่า แซ่ฮู๊ อา เก่ ถู่แรแถ่ เตโม อาเง เนอแพ๊. เตโม เออเนอหมา อา แฮเถ่ เด๊อ แกแย ซิปล่อ เนอเต๊เห่ อากู. โทเรอ อา แฮเถ่ เด๊อ แกแย โอ่ เร๊อ เตซิเง เตแร๊ เร๊อ เตมู๊แหม่ เร๊อ อา นว๊าพย๊า เต เด๊อ อาแร๊ เนอเต๊เห่ อากู. โท๊โต่ อา แฮเถ่ เด๊อ แกแย โอ่ เร๊อ เตหยื่อเตแหน่ หม่าแหน่ เนอเต๊เห่ อากู.

เธสะโลนิกา เนอบ่า ต๊าบ่า 1:3

โป่แหว่ ครี๊พู๊ ซี๋, เป ซิเงแถ่เบ่ ซี เบ๊อะเกเต๋ เบ่เบ่ เนอ, เป เบ่ เฮ๊บุ๊ยเฮ๊เตอเรอ เจ๊อ จอแปแหร่ เด๊อ ซีเง ปว๋า โตโพ๊ เจ๊อ, เมเตเฮ๊เรอ ซี เตหยื่อเตแหน่ เร๊อ ซี เตโมเร๊อ ลู เตเพร เร๊อ เตเพร เนอ, อา ดุแถ่ เร๊อ ดุแถ่ อาขว่าอาคยา, เป โตเบ่ เฮ๊บุ๊ยเฮ๊เตอเรอ แหน่ เฮ๊อ.

ยอห์น โซบ่า ต๊าบ่า 1:2

แว โคแบ๊ซว๊า โม๋, แซ่ฮู๊ เตล๋อ ปลี เก่ จว๊า แร๊แร๊ เกอ ดื่อ เร๊อเน เรอ, แว กุยจ๊อเบ เป่ เด๊อ เนเง. ฮู๊ แว ซิเงเฮ๊อ เร๊อ เน โอ่โมโอ่รี แร๊ เด๊อ แหย่โย ตากยาเนอ, แว กุยจ๊อเบ เร๊อ เน เหน่กล่อ พ๊าหย่า ตากยาเนอ, อา เก่ โอ่โม โอ่แร๊ เกอดื่อ ฮู๊เนอ นี๋.

ꤡꤛꤢꤩ꤭ꤗꤢ꤬ꤎꤣ꤬ 5:12

โป่แหว่ ซี๋, เด๊อ เตล๋อ ปลี อาเกลเนอ, เต เด๊อ อา โหล่ดุเล๋อ เต๊อเจ่อหม่า หม่าเฮ๊อ เบ๊อะซี อ๊อแล เตเต๊อเจ่อเจ่อ เบ๊อะเนอ, แบ แต่ ซีโหง่ เร๊อ ม๊อขุ, หม่าโต่เร๊อ เห่ขุ, เก่หม่าโต่เรอ เด๊อ เต อาโร เต๊อเจ่อเจ่อ อา เป๊เส่เง ฮู๊เนอ แต่เหม่ นี๋. แซ่ฮู๊ ซี เก่ แลเปล๊ เร๊อ เตเมจากาคยา อาเงเนอ, อา เก่ หม่า เร๊อ “อาหม่า,” เฮ๊ ฮู๊เนอ, อา เก่ หม่าโต่ เฮ๊เรอ “อาหม่าโต่,” เฮ๊ ฮู๊เนอ แพ๊ นี๋.

โครินธ์ อาเหร่อเล๊อ ต๊าบ่า 13:4

เป เก่ โมเร๊อ อู เฮ๊เนอ, เป แด่ทูซิปล่อเบ๊, เป ซิยอ เร๊อ อู, เป ซิเคว๊ เกออู เต โต่, เป เฮ๊เบ่แถ่โล เปโหง่ โต่, เป แด่ดุ แด่แถ่โล เปเหน่ โต่.